ਇਨ੍ਹਾਂ ਕੰਪਨੀਆਂ ਦਾ ਫੋਨ ਰੱਖਣ ਵਾਲੇ ਹੋ ਜਾਓ ਸਾਵਧਾਨ, ਸਿੱਧਾ ਕੈਂਸਰ ਨੂੰ ਦੇ ਰਹੇ ਸੱਦਾ

Mobile phone: ਅਮਰੀਕਨ ਕੈਂਸਰ ਸੋਸਾਇਟੀ ਇਸ ਗੱਲ 'ਤੇ ਖੋਜ ਕਰ ਰਹੀ ਹੈ ਕਿ ਕੀ ਫੋਨ ਤੋਂ ਨਿਕਲਣ ਵਾਲੇ ਰੇਡੀਏਸ਼ਨ ਨਾਲ ਕੈਂਸਰ ਦੇ ਨਾਲ-ਨਾਲ ਹੋਰ ਗੰਭੀਰ ਬਿਮਾਰੀਆਂ ਦਾ ਵੀ ਖਤਰਾ ਹੈ।

mobile phone

Mobile phone: ਮੋਬਾਈਲ ਫੋਨ ਇਸ ਵੇਲੇ ਦੁਨੀਆ ਦੀ ਸਭ ਤੋਂ ਗੰਭੀਰ ਬਿਮਾਰੀ ਬਣ ਗਈ ਹੈ। ਲੋਕ ਆਪਣੀ ਜ਼ਿੰਦਗੀ ਦਾ ਵੱਧ ਤੋਂ ਵੱਧ ਸਮਾਂ ਮੋਬਾਈਲ ਫੋਨ ਨੂੰ ਦੇ ਰਹੇ ਹਨ। ਇੱਥੇ ਤੱਕ ਘਰ ਵਿੱਚ ਰਹਿਣ ਵਾਲੇ ਲੋਕ ਆਪਣਾ ਜ਼ਿਆਦਾਤਰ ਸਮਾਂ ਆਪਸ ਵਿੱਚ ਬਿਤਾਉਣ ਦੀ ਥਾਂ ਮੋਬਾਈਲ ‘ਤੇ ਬਿਤਾਉਂਦੇ ਹਨ। ਸਾਨੂੰ ਇਹ ਮਾਨਸਿਕ ਰੂਪ ਨਾਲ ਬਿਮਾਰ ਕਰ ਰਿਹਾ ਹੈ। ਬੱਚਿਆਂ ਨੂੰ ਤਾਂ ਇਸ ਦੀ ਬੂਰੀ ਆਦਤ ਪੈ ਗਈ ਹੈ। ਪਰ ਕੀ ਤੁਹਾਨੂੰ ਪਤਾ ਹੈ ਕਿ ਮੋਬਾਈਲ ਤੋਂ ਨਿਕਲਣ ਵਾਲੇ ਰੇਡੀਏਸ਼ਨ ਨਾਲ ਸਿਰਫ ਬੱਚੇ ਹੀ ਨਹੀਂ ਸਗੋਂ ਵੱਡੇ ਵੀ ਗੰਭੀਰ ਬਿਮਾਰੀਆਂ ਦੇ ਸ਼ਿਕਾਰ ਹੋ ਰਹੇ ਹਨ। ਇੱਥੇ ਤੱਕ ਕਿ ਰੇਡੀਏਸ਼ਨ ਨਾਲ ਕੈਂਸਰ ਦਾ ਖਤਰਾ ਵੱਧ ਜਾਂਦਾ ਹੈ। ਚਲੋ ਅੱਜ ਅਸੀਂ ਤੁਹਾਨੂੰ ਇਸ ਆਰਟੀਕਲ ਵਿੱਚ ਦੱਸਾਂਗੇ ਕਿ ਕਿਹੜੇ ਫੋਨ ‘ਚੋਂ ਸਭ ਤੋਂ ਵੱਧ ਰੇਡੀਏਸ਼ਨ ਨਿਕਲਦਾ ਹੈ ਅਤੇ ਕਿਹੜੇ ਫੋਨ ‘ਚੋਂ ਘੱਟ ਨਿਕਲਦਾ ਹੈ।

ਫੋਨ ਦੇ ਰੇਡੀਏਸ਼ਨ ਤੋਂ ਕੈਂਸਰ

ਅਮਰੀਕਨ ਕੈਂਸਰ ਸੋਸਾਇਟੀ ਇਸ ਗੱਲ 'ਤੇ ਖੋਜ ਕਰ ਰਹੀ ਹੈ ਕਿ ਕੀ ਫੋਨ ਤੋਂ ਨਿਕਲਣ ਵਾਲੇ ਰੇਡੀਏਸ਼ਨ ਨਾਲ ਕੈਂਸਰ ਦੇ ਨਾਲ-ਨਾਲ ਹੋਰ ਗੰਭੀਰ ਬਿਮਾਰੀਆਂ ਦਾ ਵੀ ਖਤਰਾ ਹੈ। ਇਸ ਦੇ ਨਾਲ ਹੀ ਵਿਸ਼ਵ ਸਿਹਤ ਸੰਗਠਨ (WHO) ਦਾ ਕਹਿਣਾ ਹੈ ਕਿ ਫੋਨ ਤੋਂ ਨਿਕਲਣ ਵਾਲੀ ਇੱਕ ਖਾਸ ਕਿਸਮ ਦੀ ਰੇਡੀਏਸ਼ਨ, ਜਿਸ ਨੂੰ RF ਰੇਡੀਏਸ਼ਨ ਕਿਹਾ ਜਾਂਦਾ ਹੈ, ਦਿਮਾਗ ਦੇ ਕੈਂਸਰ ਦਾ ਖ਼ਤਰਾ ਵਧਾਉਂਦੀ ਹੈ। ਇਸ ਲਈ ਫੋਨ ਦੀ ਘੱਟ ਤੋਂ ਘੱਟ ਵਰਤੋਂ ਕਰਨੀ ਚਾਹੀਦੀ ਹੈ।

ਇਹ ਵੀ ਪੜ੍ਹੋ: Pat Cummins: ਪੈਟ ਕਮਿੰਸ ਇਸ ਹਾਦਸੇ ਦਾ ਹੋਏ ਸ਼ਿਕਾਰ! ਭਾਰਤ ਖਿਲਾਫ ਵਨਡੇ ਸੀਰੀਜ਼ 'ਚ ਨਹੀਂ ਸਕਣਗੇ ਖੇਡ

ਕਿਹੜੇ ਫ਼ੋਨ ਵਿੱਚ ਸਭ ਤੋਂ ਵੱਧ ਰੇਡੀਏਸ਼ਨ ਹੈ?

ਦਰਅਸਲ, ਇਹ ਜਾਣਨ ਲਈ ਕਿ ਕਿਸ ਫੋਨ ਤੋਂ ਕਿੰਨੀ ਰੇਡੀਏਸ਼ਨ ਨਿਕਲਦੀ ਹੈ, ਸਪੈਸੀਫਿਕੇਸ਼ਨ ਐਬਸੌਰਪਸ਼ਨ ਰੇਟ ਯਾਨੀ SRA ਬਣਾਇਆ ਗਿਆ ਹੈ। ਇਸ ਪੈਮਾਨੇ ਤੋਂ ਸਾਨੂੰ ਪਤਾ ਲੱਗ ਜਾਂਦਾ ਹੈ ਕਿ ਕਿਸ ਫ਼ੋਨ ਤੋਂ ਕਿੰਨੀ ਰੇਡੀਏਸ਼ਨ ਨਿਕਲ ਰਹੀ ਹੈ ਅਤੇ ਕਿਸ ਤਰ੍ਹਾਂ ਦੀ ਰੇਡੀਏਸ਼ਨ ਦਾ ਸਾਡੇ ਸਰੀਰ 'ਤੇ ਜ਼ਿਆਦਾ ਅਸਰ ਪੈਂਦਾ ਹੈ। ਹਰ ਮੋਬਾਈਲ ਨਿਰਮਾਤਾ ਕੰਪਨੀ ਇਸ ਦੀ ਜਾਣਕਾਰੀ ਦੇਸ਼ ਦੀ ਰੈਗੂਲੇਟਰੀ ਸੰਸਥਾ ਨੂੰ ਦਿੰਦੀ ਹੈ। ਪਰ ਹੈਰਾਨੀ ਵਾਲੀ ਗੱਲ ਇਹ ਹੈ ਕਿ ਸਾਡੇ ਵਿੱਚੋਂ ਜ਼ਿਆਦਾਤਰ ਲੋਕ ਫ਼ੋਨ ਖ਼ਰੀਦਦੇ ਸਮੇਂ ਇਸ ਵੱਲ ਧਿਆਨ ਨਹੀਂ ਦਿੰਦੇ।

ਤੁਹਾਨੂੰ ਦੱਸ ਦਈਏ ਕਿ ਬੀਬੀਸੀ ਵਿੱਚ ਪ੍ਰਕਾਸ਼ਿਤ ਇੱਕ ਰਿਪੋਰਟ ਦੇ ਅਨੁਸਾਰ, ਜਰਮਨ ਫੈਡਰਲ ਆਫਿਸ ਫਾਰ ਡਾਟਾ ਪ੍ਰੋਟੈਕਸ਼ਨ ਨੇ ਸਾਲ 2018 ਦੇ ਆਸਪਾਸ ਇੱਕ ਸੂਚੀ ਬਣਾਈ ਸੀ, ਜਿਸ ਵਿੱਚ ਕਈ ਨਵੇਂ ਅਤੇ ਪੁਰਾਣੇ ਸਮਾਰਟਫੋਨਾਂ ਤੋਂ ਨਿਕਲਣ ਵਾਲੇ ਰੇਡੀਏਸ਼ਨ ਬਾਰੇ ਜਾਣਕਾਰੀ ਦਿੱਤੀ ਗਈ ਸੀ। ਤੁਹਾਨੂੰ ਇਹ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਸਭ ਤੋਂ ਵੱਧ ਰੇਡੀਏਸ਼ਨ ਵਾਲੇ ਫੋਨਾਂ ਦੀ ਲਿਸਟ ਵਿੱਚ ਟਾਪ ਦੇ ਤਿੰਨ ਫੋਨ ਵਨ ਪਲੱਸ, ਹੁਆਵੀ ਅਤੇ ਨੋਕੀਆ ਲੂਮੀਆ ਸਨ। ਜਦਕਿ ਆਈਫੋਨ-7 ਇਸ 'ਚ ਦਸਵੇਂ ਨੰਬਰ 'ਤੇ ਸੀ।

ਸਭ ਤੋਂ ਘੱਟ ਰੇਡੀਏਸ਼ਨ ਵਾਲੇ ਫ਼ੋਨ ਕਿਹੜੇ ਸਨ?

Sony Asperia M5 (0.14), Samsung Galaxy Note 8 (0.17), S6 Edge Plus (0.22), Google Plus Excel (0.25), Samsung Galaxy S8 (0.26) ਅਤੇ S7 Edge 0.26) ਸਭ ਤੋਂ ਘੱਟ ਰੇਡੀਏਸ਼ਨ ਵਾਲੇ ਫ਼ੋਨਾਂ ਦੀ ਸੂਚੀ ਵਿੱਚ ਹਨ। ਇਸ ਦੇ ਨਾਲ ਹੀ ਮੋਟੋਰੋਲਾ ਦੇ ਕੁਝ ਫੋਨਾਂ ਤੋਂ ਵੀ ਰੇਡੀਏਸ਼ਨ OnePlus ਅਤੇ Huawei ਤੋਂ ਘੱਟ ਨਿਕਲਦੀ ਹੈ।