Best Tourist Places: ਉੱਤਰਾਖੰਡ ਸੈਰ-ਸਪਾਟੇ ਲਈ ਬੈਸਟ, ਇੱਥੇ ਨੇ ਸਭ ਤੋਂ ਵਧੀਆ ਘੁੰਮਣ ਵਾਲੀਆਂ ਥਾਵਾਂ, ਦੋਸਤਾਂ ਨਾਲ ਘੱਟ ਬਜਟ 'ਚ ਬਣਾਓ ਪਲਾਨ
Travel tips: ਜੇਕਰ ਤੁਸੀਂ ਗਰਮੀ ਤੋਂ ਪ੍ਰੇਸ਼ਨ ਹੋ ਗਏ ਹੋ ਤਾਂ ਪਹਾੜਾਂ 'ਚ ਘੁੰਮ ਆਓ। ਜਿਸ ਨਾਲ ਤੁਹਾਨੂੰ ਗਰਮੀ ਤੋਂ ਰਾਹਤ ਦੇ ਨਾਲ ਮਾਨਸਿਕ ਸਕੂਨ ਵੀ ਹਾਸਿਲ ਹੋਵੇਗਾ। ਇਹ ਜਗ੍ਹਾ ਬਜਟ ਫਰੈਂਡਲੀ ਵੀ ਅਤੇ ਤੁਸੀਂ ਘੱਟ ਖਰਚੇ 'ਚ ਪਹਾੜਾਂ ਚ ਘੁੰਮ ਵੀ
Best tourist places: ਜੇਕਰ ਤੁਸੀਂ ਗਰਮੀ ਤੋਂ ਪ੍ਰੇਸ਼ਨ ਹੋ ਗਏ ਹੋ ਤਾਂ ਪਹਾੜਾਂ 'ਚ ਘੁੰਮ ਆਓ। ਜਿਸ ਨਾਲ ਤੁਹਾਨੂੰ ਗਰਮੀ ਤੋਂ ਰਾਹਤ ਦੇ ਨਾਲ ਮਾਨਸਿਕ ਸਕੂਨ ਵੀ ਹਾਸਿਲ ਹੋਵੇਗਾ। ਉੱਤਰਾਖੰਡ ਦੇਵਭੂਮੀ ਵਜੋਂ ਮਸ਼ਹੂਰ ਹੈ। ਇਸ ਰਾਜ ਵਿੱਚ ਬਹੁਤ ਸਾਰੇ ਧਾਰਮਿਕ ਮੰਦਰ ਹਨ। ਇੱਥੇ ਸਾਲ ਭਰ ਸੈਲਾਨੀ ਆਉਂਦੇ ਰਹਿੰਦੇ ਹਨ। ਉੱਤਰਾਖੰਡ ਦੀ ਹਰ ਹੋਰ ਥਾਂ ਦੇਖਣ ਯੋਗ ਹੈ। ਅੱਜ ਅਸੀਂ ਤੁਹਾਨੂੰ ਦੱਸਾਂਗੇ ਕਿ ਤੁਸੀਂ ਕਿੱਥੇ ਘੁੰਮਣ ਜਾ ਸਕਦੇ ਹੋ। ਤੁਸੀਂ ਇੱਥੇ ਕੈਂਪਿੰਗ, ਰਾਫਟਿੰਗ, ਟ੍ਰੈਕਿੰਗ, ਰੈਪਲਿੰਗ, ਰੌਕ ਕਲਾਈਬਿੰਗ ਵਰਗੀਆਂ ਕਈ ਗਤੀਵਿਧੀਆਂ ਦਾ ਆਨੰਦ ਲੈ ਸਕਦੇ ਹੋ। ਉੱਤਰਾਖੰਡ ਇੰਨਾ ਸੁੰਦਰ ਹੈ ਕਿ ਤੁਸੀਂ ਉੱਥੇ ਜਾ ਸਕਦੇ ਹੋ ਅਤੇ ਆਪਣੇ ਪਰਿਵਾਰ ਅਤੇ ਦੋਸਤਾਂ ਨਾਲ ਆਰਾਮਦੇਹ ਪਲ ਬਿਤਾ ਸਕਦੇ ਹੋ।
ਚੋਪਤਾ
ਚੋਪਤਾ ਹਿੱਲ ਸਟੇਸ਼ਨ ਨੂੰ ਉੱਤਰਾਖੰਡ ਦਾ ਮਿੰਨੀ ਸਵਿਟਜ਼ਰਲੈਂਡ ਵੀ ਕਿਹਾ ਜਾਂਦਾ ਹੈ। ਇਹ ਜਗ੍ਹਾ ਕਾਫੀ ਖੂਬਸੂਰਤ ਹੈ। ਜੇਕਰ ਤੁਸੀਂ ਵਿਦੇਸ਼ਾਂ ਵਾਂਗ ਮੌਜ-ਮਸਤੀ ਕਰਨਾ ਚਾਹੁੰਦੇ ਹੋ ਤਾਂ ਤੁਹਾਨੂੰ ਚੋਪਤਾ ਜ਼ਰੂਰ ਜਾਣਾ ਚਾਹੀਦਾ ਹੈ। ਚੋਪਤਾ ਇੱਕ ਬਹੁਤ ਹੀ ਖੂਬਸੂਰਤ ਪਹਾੜੀ ਸਥਾਨ ਹੈ, ਜੋ ਸਮੁੰਦਰ ਤਲ ਤੋਂ 8556 ਫੁੱਟ ਦੀ ਉਚਾਈ 'ਤੇ ਸਥਿਤ ਹੈ।
ਮੁਕਤੇਸ਼ਵਰ
ਨੈਨੀਤਾਲ ਦੇ ਨੇੜੇ ਮੁਕਤੇਸ਼ਵਰ ਇੱਕ ਬਹੁਤ ਹੀ ਸੁੰਦਰ ਸਥਾਨ ਹੈ। ਇੱਥੋਂ ਤੁਹਾਨੂੰ ਹਿਮਾਲਿਆ ਦਾ ਸ਼ਾਨਦਾਰ ਦ੍ਰਿਸ਼ ਦੇਖਣ ਨੂੰ ਮਿਲੇਗਾ। ਜੇਕਰ ਤੁਸੀਂ ਨੈਨੀਤਾਲ ਜਾ ਰਹੇ ਹੋ ਤਾਂ ਉੱਥੋਂ ਇੱਕ ਵਾਰ ਮੁਕਤੇਸ਼ਵਰ ਜ਼ਰੂਰ ਜਾਣਾ ਚਾਹੀਦਾ ਹੈ।
ਔਲੀ
ਉੱਤਰਾਖੰਡ ਦੇ ਚਮੋਲੀ ਜ਼ਿਲ੍ਹੇ ਵਿੱਚ ਹਿਮਾਲਿਆ ਦੀਆਂ ਪਹਾੜੀਆਂ ਉੱਤੇ ਸਥਿਤ ਔਲੀ ਬਹੁਤ ਹੀ ਸੁੰਦਰ ਹੈ। ਤੁਸੀਂ ਇੱਥੇ ਪਰਿਵਾਰ ਜਾਂ ਦੋਸਤਾਂ ਨਾਲ ਜਾ ਸਕਦੇ ਹੋ। ਇਸ ਸਥਾਨ ਦੀ ਸੁੰਦਰਤਾ ਦੀ ਤੁਸੀਂ ਕਲਪਨਾ ਵੀ ਨਹੀਂ ਕਰ ਸਕਦੇ ਹੋ। ਇੱਥੇ ਤੁਹਾਨੂੰ ਏਸ਼ੀਆ ਦਾ ਦੂਜਾ ਸਭ ਤੋਂ ਲੰਬਾ ਰੋਪਵੇਅ ਵੀ ਦੇਖਣ ਨੂੰ ਮਿਲੇਗਾ। ਇਸ ਜਗ੍ਹਾ ਨੂੰ ਭਾਰਤ ਦਾ ਮਿੰਨੀ ਸਵਿਟਜ਼ਰਲੈਂਡ ਵੀ ਕਿਹਾ ਜਾਂਦਾ ਹੈ।
ਕੇਦਾਰਕੰਠਾ
ਕੇਦਾਰਕੰਠਾ ਬੁਗਯਾਲ ਉੱਤਰਕਾਸ਼ੀ ਵਿੱਚ ਮੋਰੀ ਦੇ ਸਾਂਕਰੀ ਤੋਂ ਦਸ ਕਿਲੋਮੀਟਰ ਦੀ ਦੂਰੀ 'ਤੇ ਸਮੁੰਦਰ ਤਲ ਤੋਂ 12,500 ਫੁੱਟ ਦੀ ਉਚਾਈ 'ਤੇ ਸਥਿਤ ਹੈ। ਇੱਥੇ ਦੂਰ-ਦੁਰਾਡੇ ਦੀਆਂ ਪਹਾੜੀਆਂ ਦੇ ਵਿਚਕਾਰ ਸੂਰਜ ਚੜ੍ਹਨ ਅਤੇ ਸੂਰਜ ਡੁੱਬਣ ਦਾ ਸੁੰਦਰ ਨਜ਼ਾਰਾ ਦੇਖਿਆ ਜਾ ਸਕਦਾ ਹੈ। ਇਸ ਕਾਰਨ ਸਾਲ ਦੇ ਅੰਤ ਵਿੱਚ ਬਹੁਤ ਸਾਰੇ ਸੈਲਾਨੀ ਇੱਥੇ ਪਹੁੰਚਦੇ ਹਨ। ਕੇਦਾਰਕੰਠਾ ਤੋਂ ਸਵਰਗਰੋਹਿਨੀ, ਬਾਂਦਰਪੂੰਚ, ਸਫੈਦ ਪਹਾੜ, ਕਾਲਨਾਗ ਅਤੇ ਗਰੁੜ ਪਹਾੜ ਦੀਆਂ ਚੋਟੀਆਂ ਦਾ ਸੁੰਦਰ ਨਜ਼ਾਰਾ ਦਿਖਾਈ ਦਿੰਦਾ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
