Valentine's Day 2023: ਦੁਨੀਆ ਦੇ ਕਈ ਮੁਲਕਾਂ 'ਚ ਨਹੀਂ ਮਨਾ ਸਕਦੇ ਵੈਲੇਨਟਾਈਨ ਡੇ, ਜਾਣੋ ਇਨ੍ਹਾਂ ਛੇ ਮੁਲਕਾਂ ਦੇ ਕਾਨੂੰਨ
Valentine's Day Facts: ਅੱਜ ਅਸੀਂ ਤੁਹਾਨੂੰ 6 ਅਜਿਹੇ ਦੇਸ਼ਾਂ ਬਾਰੇ ਦੱਸਾਂਗੇ, ਜਿੱਥੇ ਜੇਕਰ ਤੁਸੀਂ ਗ਼ਲਤੀ ਨਾਲ ਵੀ ਵੈਲੇਨਟਾਈਨ ਡੇ ਮਨਾਉਂਦੇ ਹੋ ਤਾਂ ਤੁਹਾਨੂੰ ਸਜ਼ਾ ਹੋ ਸਕਦੀ ਹੈ।
Valentine's Day 2023: 14 ਫਰਵਰੀ ਦੁਨੀਆ ਭਰ ਦੇ ਪ੍ਰੇਮੀਆਂ ਲਈ ਬਹੁਤ ਖਾਸ ਦਿਨ ਹੈ। ਪ੍ਰੇਮੀ ਜੋੜਾ ਇਸ ਦਿਨ ਨੂੰ ਵੈਲੇਨਟਾਈਨ ਡੇ ਵਜੋਂ ਮਨਾਉਂਦੇ ਹਨ ਤੇ ਆਪਣੇ ਪਿਆਰ ਦਾ ਇਜ਼ਹਾਰ ਕਰਨ ਲਈ ਇੱਕ ਦੂਜੇ ਨੂੰ ਕਾਰਡ, ਚਾਕਲੇਟ ਤੇ ਵੱਖ-ਵੱਖ ਤਰ੍ਹਾਂ ਦੇ ਤੋਹਫ਼ੇ ਦਿੰਦੇ ਹਨ। ਇਸ ਦਿਨ ਪ੍ਰੇਮੀ ਜੋੜੇ ਵੀ ਇੱਕ ਦੂਜੇ ਨੂੰ ਆਪਣੀਆਂ ਭਾਵਨਾਵਾਂ ਦਾ ਪ੍ਰਗਟਾਵਾ ਕਰਦੇ ਹਨ।
ਇਹ ਦਿਨ ਦੁਨੀਆ ਭਰ ਦੇ ਸਾਰੇ ਦੇਸ਼ਾਂ ਵਿੱਚ ਬਹੁਤ ਹੀ ਸ਼ਾਨਦਾਰ ਤਰੀਕੇ ਨਾਲ ਮਨਾਇਆ ਜਾਂਦਾ ਹੈ। ਵੱਡੀਆਂ ਪਾਰਟੀਆਂ ਕੀਤੀਆਂ ਜਾਂਦੀਆਂ ਹਨ। ਹਾਲਾਂਕਿ ਕਈ ਦੇਸ਼ ਅਜਿਹੇ ਹਨ ਜਿੱਥੇ ਵੈਲੇਨਟਾਈਨ ਡੇ ਮਨਾਉਣ 'ਤੇ ਪਾਬੰਦੀ ਹੈ। ਅੱਜ ਅਸੀਂ ਤੁਹਾਨੂੰ 6 ਅਜਿਹੇ ਦੇਸ਼ਾਂ ਬਾਰੇ ਦੱਸਾਂਗੇ, ਜਿੱਥੇ ਜੇਕਰ ਤੁਸੀਂ ਗ਼ਲਤੀ ਨਾਲ ਵੀ ਵੈਲੇਨਟਾਈਨ ਡੇ ਮਨਾਉਂਦੇ ਹੋ ਤਾਂ ਤੁਹਾਨੂੰ ਸਜ਼ਾ ਹੋ ਸਕਦੀ ਹੈ।
ਪਾਕਿਸਤਾਨ 'ਚ ਵੈਲੇਨਟਾਈਨ ਡੇ 'ਤੇ ਪਾਬੰਦੀ
ਪਾਕਿਸਤਾਨ ਭਾਰਤ ਦਾ ਗੁਆਂਢੀ ਦੇਸ਼ ਹੋਣ ਦੇ ਨਾਲ-ਨਾਲ ਇੱਕ ਇਸਲਾਮਿਕ ਦੇਸ਼ ਵੀ ਹੈ, ਇਸ ਲਈ ਇੱਥੇ ਬਹੁਤ ਸਾਰੀਆਂ ਅਜਿਹੀਆਂ ਮਾਨਤਾਵਾਂ ਹਨ ਜੋ ਕਿਸੇ ਵੀ ਲੋਕਤੰਤਰੀ ਦੇਸ਼ ਨਾਲੋਂ ਵੱਖਰੀਆਂ ਹਨ। ਪਿਛਲੇ ਸਾਲ ਖਬਰ ਆਈ ਸੀ ਕਿ ਅਦਾਲਤ ਨੇ ਕਿਹਾ ਸੀ ਕਿ ਵੈਲੇਨਟਾਈਨ ਡੇਅ ਮਨਾਉਣਾ ਇਸਲਾਮਿਕ ਸਿੱਖਿਆਵਾਂ ਦੇ ਖਿਲਾਫ ਹੈ। ਇਸੇ ਲਈ ਸਰਕਾਰ ਨੇ ਜਨਤਕ ਥਾਵਾਂ 'ਤੇ ਵੈਲੇਨਟਾਈਨ ਡੇ ਮਨਾਉਣ 'ਤੇ ਪਾਬੰਦੀ ਲਾ ਦਿੱਤੀ ਸੀ।
ਮਲੇਸ਼ੀਆ 'ਚ ਵੈਲੇਨਟਾਈਨ ਡੇ 'ਤੇ ਪਾਬੰਦੀ
ਮਲੇਸ਼ੀਆ ਇੱਕ ਅਜਿਹਾ ਦੇਸ਼ ਹੈ ਜਿੱਥੇ ਮੁਸਲਮਾਨਾਂ ਦੀ ਆਬਾਦੀ ਸਭ ਤੋਂ ਵੱਧ ਹੈ। ਇਸ ਦੇਸ਼ ਵਿੱਚ 2005 ਤੋਂ ਵੈਲੇਨਟਾਈਨ ਡੇਅ 'ਤੇ ਪਾਬੰਦੀ ਹੈ। ਇਹ ਪਾਬੰਦੀ ਇੰਨੀ ਸਖ਼ਤ ਹੈ ਕਿ ਇਸ ਦਿਨ ਉਥੋਂ ਦੇ ਮੁਸਲਿਮ ਨਾਗਰਿਕ ਵੀ ਆਪਣੀ ਪ੍ਰੇਮਿਕਾ ਜਾਂ ਪਤਨੀ ਨਾਲ ਬਾਹਰ ਜਾਣ ਤੋਂ ਕੰਨੀ ਕਤਰਾਉਂਦੇ ਹਨ। ਸਾਲ 2012 'ਚ ਇਸ ਦੇਸ਼ ਦੇ ਕਈ ਹੋਟਲਾਂ 'ਚ ਵੈਲੇਨਟਾਈਨ ਡੇ ਮਨਾਉਣ ਦੀ ਕੋਸ਼ਿਸ਼ ਕੀਤੀ ਗਈ ਸੀ, ਜਿਸ ਤੋਂ ਬਾਅਦ ਪੁਲਸ ਨੇ ਇਨ੍ਹਾਂ ਸਾਰੇ ਹੋਟਲਾਂ 'ਚ ਭੰਨਤੋੜ ਕੀਤੀ ਸੀ ਤੇ ਕਰੀਬ 200 ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਸੀ।
ਸਾਊਦੀ ਅਰਬ ਵਿੱਚ ਵੈਲੇਨਟਾਈਨ ਡੇ 'ਤੇ ਪਾਬੰਦੀ
ਸਾਊਦੀ ਅਰਬ ਵਿੱਚ ਅਜੇ ਵੀ ਰੂੜੀਵਾਦੀ ਸੋਚ ਤੇ ਪਰੰਪਰਾਵਾਂ ਹਨ, ਜਿਸ ਕਾਰਨ ਜਦੋਂ ਵੀ ਕੋਈ ਇੱਥੇ ਕੁਝ ਨਵਾਂ ਕਰਨ ਦੀ ਕੋਸ਼ਿਸ਼ ਕਰਦਾ ਹੈ ਤਾਂ ਇੱਥੋਂ ਦੇ ਕੱਟੜਪੰਥੀ ਅਤੇ ਸਰਕਾਰ ਉਸ ਨੂੰ ਰੋਕਣ ਦੀ ਕੋਸ਼ਿਸ਼ ਕਰਦੇ ਹਨ। ਜੇਕਰ ਤੁਸੀਂ ਇੱਥੇ ਜਨਤਕ ਤੌਰ 'ਤੇ ਵੈਲੇਨਟਾਈਨ ਡੇ ਮਨਾਉਂਦੇ ਹੋ ਤਾਂ ਤੁਹਾਨੂੰ ਸਖ਼ਤ ਸਜ਼ਾ ਦਿੱਤੀ ਜਾ ਸਕਦੀ ਹੈ। ਇੱਥੋਂ ਤੱਕ ਕਿ ਤੁਹਾਨੂੰ ਗ੍ਰਿਫਤਾਰ ਕੀਤਾ ਜਾ ਸਕਦਾ ਹੈ।
ਇਰਾਨ 'ਚ ਵੈਲੇਨਟਾਈਨ ਡੇ 'ਤੇ ਪਾਬੰਦੀ
ਇਰਾਨ ਵੀ ਇੱਕ ਇਸਲਾਮੀ ਦੇਸ਼ ਹੈ ਅਤੇ ਇੱਥੇ ਵੀ ਇਸਲਾਮੀ ਮਾਨਤਾਵਾਂ ਅਨੁਸਾਰ ਕਾਨੂੰਨ ਬਣਾਏ ਗਏ ਹਨ। ਇੱਥੇ ਦੇ ਸਾਰੇ ਕਾਨੂੰਨ ਕੱਟੜਪੰਥੀ ਮੌਲਵੀਆਂ ਦੀ ਇਜਾਜ਼ਤ ਨਾਲ ਹੀ ਬਣਾਏ ਗਏ ਹਨ। ਇੱਥੋਂ ਦੀ ਸਰਕਾਰ ਨੇ ਨਾ ਸਿਰਫ ਵੈਲੇਨਟਾਈਨ ਡੇਅ 'ਤੇ ਪਾਬੰਦੀ ਲਗਾਈ ਹੈ, ਸਗੋਂ ਵੈਲੇਨਟਾਈਨ ਡੇਅ ਦੌਰਾਨ ਵਰਤੀਆਂ ਜਾਣ ਵਾਲੀਆਂ ਚੀਜ਼ਾਂ ਦੇ ਉਤਪਾਦਨ 'ਤੇ ਵੀ ਪਾਬੰਦੀ ਲਗਾ ਦਿੱਤੀ ਹੈ। ਇੱਥੋਂ ਦੀ ਸਰਕਾਰ ਵੈਲੇਨਟਾਈਨ ਡੇਅ 'ਤੇ ਦੇਸ਼ 'ਚ ਮਹਿਰਗਨ ਤਿਉਹਾਰ ਮਨਾਉਣ ਦਾ ਪ੍ਰਸਤਾਵ ਵੀ ਲੈ ਕੇ ਆਈ ਹੈ। ਇਹ ਇੱਕ ਈਰਾਨੀ ਤਿਉਹਾਰ ਹੈ, ਜੋ ਈਰਾਨ ਵਿੱਚ ਇਸਲਾਮ ਦੀ ਸ਼ੁਰੂਆਤ ਤੋਂ ਪਹਿਲਾਂ ਤੋਂ ਹੀ ਮਨਾਇਆ ਜਾਂਦਾ ਹੈ।
ਇੰਡੋਨੇਸ਼ੀਆ ਵਿੱਚ ਵੈਲੇਨਟਾਈਨ ਡੇ 'ਤੇ ਕਾਨੂੰਨ
ਇੰਡੋਨੇਸ਼ੀਆ ਇੱਕ ਮੁਸਲਿਮ ਦੇਸ਼ ਹੈ। ਦੁਨੀਆ ਦੇ ਜ਼ਿਆਦਾਤਰ ਮੁਸਲਮਾਨ ਇੱਥੇ ਰਹਿੰਦੇ ਹਨ। ਇਸ ਦੇਸ਼ 'ਚ ਵੈਲੇਨਟਾਈਨ ਡੇ 'ਤੇ ਪਾਬੰਦੀ ਲਗਾਉਣ ਲਈ ਹੁਣ ਤੱਕ ਕੋਈ ਕਾਨੂੰਨ ਨਹੀਂ ਬਣਾਇਆ ਗਿਆ ਹੈ ਪਰ 14 ਫਰਵਰੀ ਨੂੰ ਇਸ ਦੇਸ਼ 'ਚ ਕੋਈ ਵੱਡਾ ਤਿਉਹਾਰ ਨਹੀਂ ਮਨਾਇਆ ਜਾਂਦਾ। ਦੂਜੇ ਪਾਸੇ ਸੁਰਬਾ ਅਤੇ ਮਕਸਰ ਵਿੱਚ ਜਿੱਥੇ ਕੱਟੜਪੰਥੀ ਲੋਕਾਂ ਦਾ ਦਬਦਬਾ ਹੈ, ਉੱਥੇ ਇਸ ਤਿਉਹਾਰ 'ਤੇ ਕੁਝ ਪਾਬੰਦੀਆਂ ਲਗਾਈਆਂ ਗਈਆਂ ਹਨ।
ਉਜ਼ਬੇਕਿਸਤਾਨ ਵਿੱਚ ਵੈਲੇਨਟਾਈਨ ਡੇ 'ਤੇ ਕੀ ਹੁੰਦਾ
ਉਜ਼ਬੇਕਿਸਤਾਨ ਇੱਕ ਅਜਿਹਾ ਦੇਸ਼ ਹੈ ਜਿਸਦਾ ਇਤਿਹਾਸ ਤੇ ਸੱਭਿਆਚਾਰ ਬਹੁਤ ਖਾਸ ਹੈ। ਇਸ ਦੇਸ਼ ਵਿੱਚ ਸਾਲ 2012 ਵਿੱਚ ਹੀ ਫ਼ਰਮਾਨ ਜਾਰੀ ਕੀਤਾ ਗਿਆ ਸੀ ਕਿ ਹੁਣ ਤੋਂ ਦੇਸ਼ ਵਿੱਚ ਕੋਈ ਵੀ ਵਿਅਕਤੀ 14 ਫਰਵਰੀ ਨੂੰ ਵੈਲੇਨਟਾਈਨ ਡੇ ਨਹੀਂ ਮਨਾਏਗਾ ਸਗੋਂ ਬਾਬਰ ਦਾ ਜਨਮ ਦਿਨ ਇਸ ਦਿਨ ਹੀ ਮਨਾਇਆ ਜਾਵੇਗਾ। ਇੱਥੋਂ ਦੇ ਲੋਕ ਬਾਬਰ ਨੂੰ ਆਪਣਾ ਹੀਰੋ ਮੰਨਦੇ ਹਨ ਤੇ ਉਨ੍ਹਾਂ ਦਾ ਬਹੁਤ ਸਤਿਕਾਰ ਕਰਦੇ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
