ਵੈਲੇਨਟਾਈਨ ਡੇਅ ਤੋਂ 1 ਦਿਨ ਪਹਿਲਾਂ ਆਸਮਾਨ 'ਚ ਦਿਖੇਗਾ ਅਦਭੁੱਤ ਨਜ਼ਾਰਾ, ਘਰ ਦੀ ਛੱਤ ਤੋਂ ਦੇਖ ਸਕੋਗੇ
ਮੰਗਲ ਤੇ ਸ਼ੁੱਕਰ ਗ੍ਰਹਿ ਆਕਾਸ਼ 'ਚ ਇਕੱਠੇ ਨਜ਼ਰ ਆਉਣਗੇ। ਖਗੋਲ ਵਿਗਿਆਨੀ ਇਸ ਸੰਘ ਨੂੰ ਕਾਫ਼ੀ ਵਿਲੱਖਣ ਤੇ ਦੁਰਲੱਭ ਦੱਸ ਰਹੇ ਹਨ। ਇਸ ਵਰਤਾਰੇ ਦੀ ਸਭ ਤੋਂ ਅਨੋਖੀ ਗੱਲ ਇਹ ਹੈ ਕਿ ਇਸ ਨੂੰ ਦੇਖਣ ਲਈ ਤੁਹਾਨੂੰ ਕਿਸੇ ਦੂਰਬੀਨ ਦੀ ਲੋੜ ਨਹੀਂ ਪਵੇਗੀ।
ਨਵੀਂ ਦਿੱਲੀ: ਪੁਲਾੜ ਦੀ ਦੁਨੀਆ ਬਹੁਤ ਖੂਬਸੂਰਤ ਤੇ ਰੋਮਾਂਚਕ ਹੈ। ਸਮੇਂ-ਸਮੇਂ 'ਤੇ ਪੁਲਾੜ 'ਚ ਅਜਿਹੀਆਂ ਚੀਜ਼ਾਂ ਦੇਖਣ ਨੂੰ ਮਿਲਦੀਆਂ ਹਨ ਜੋ ਕਾਫੀ ਹੈਰਾਨੀਜਨਕ ਹੁੰਦੀਆਂ ਹਨ। ਸਾਡੀ ਧਰਤੀ ਵਾਂਗ ਪੁਲਾੜ 'ਚ ਵੀ ਅਣਗਿਣਤ ਗ੍ਰਹਿ, ਉਪਗ੍ਰਹਿ, ਤਾਰੇ ਹਨ। ਅਜਿਹੇ 'ਚ ਪੁਲਾੜ ਵਿਗਿਆਨੀਆਂ ਨੇ ਇਕ ਦਾਅਵਾ ਕੀਤਾ ਹੈ ਜਿਸ 'ਚ ਕਿਹਾ ਗਿਆ ਹੈ ਕਿ 13 ਫਰਵਰੀ ਨੂੰ ਅਸਮਾਨ 'ਚ ਇਕ ਅਦਭੁੱਤ ਚੀਜ਼ ਦੇਖੀ ਜਾ ਸਕਦੀ ਹੈ।
ਇਸ ਦਿਨ ਮੰਗਲ ਤੇ ਸ਼ੁੱਕਰ ਗ੍ਰਹਿ ਆਕਾਸ਼ 'ਚ ਇਕੱਠੇ ਨਜ਼ਰ ਆਉਣਗੇ। ਖਗੋਲ ਵਿਗਿਆਨੀ ਇਸ ਸੰਘ ਨੂੰ ਕਾਫ਼ੀ ਵਿਲੱਖਣ ਤੇ ਦੁਰਲੱਭ ਦੱਸ ਰਹੇ ਹਨ। ਇਸ ਵਰਤਾਰੇ ਦੀ ਸਭ ਤੋਂ ਅਨੋਖੀ ਗੱਲ ਇਹ ਹੈ ਕਿ ਇਸ ਨੂੰ ਦੇਖਣ ਲਈ ਤੁਹਾਨੂੰ ਕਿਸੇ ਦੂਰਬੀਨ ਦੀ ਲੋੜ ਨਹੀਂ ਪਵੇਗੀ। ਤੁਸੀਂ ਇਸਨੂੰ ਆਮ ਅੱਖਾਂ ਨਾਲ ਵੀ ਦੇਖ ਸਕਦੇ ਹੋ। ਖਗੋਲ ਵਿਗਿਆਨੀਆਂ ਦੀ ਭਾਸ਼ਾ ਵਿਚ ਇਸ ਵਰਤਾਰੇ ਨੂੰ ਸੰਜੋਗ ਕਿਹਾ ਜਾਂਦਾ ਹੈ। ਇਹ ਦੁਰਲੱਭ ਘਟਨਾ ਰਾਤ ਨੂੰ 9.38 ਵਜੇ ਅਸਮਾਨ 'ਚ ਦਿਖਾਈ ਦੇਵੇਗੀ।
ਇਕ ਅਮਰੀਕੀ ਵੈੱਬਸਾਈਟ ਨੇ ਇਸ ਘਟਨਾ ਦਾ ਦਾਅਵਾ ਕੀਤਾ ਹੈ। ਇਹ ਵੈੱਬਸਾਈਟ ਨਾਸਾ ਦੀ Nasa’s Jet Propulsion Laboratory 'ਚ ਮੌਜੂਦ ਜਨਤਕ ਡੇਟਾ ਨੂੰ ਇਕੱਠਾ ਕਰਦੀ ਹੈ ਅਤੇ ਅਧਿਐਨ ਕਰਦੀ ਹੈ। ਜਦੋਂ ਇਹ ਘਟਨਾ 13 ਫਰਵਰੀ ਨੂੰ ਹੋਵੇਗੀ ਤਾਂ ਮੰਗਲ ਬਹੁਤ ਚਮਕਦਾਰ ਹੋ ਜਾਵੇਗਾ ਅਤੇ ਇਸ ਦੇ ਨਾਲ ਦੋਵੇਂ ਗ੍ਰਹਿ ਵੀ ਦੱਖਣ ਵੱਲ ਇਕੱਠੇ ਚਿਪਕਦੇ ਹੋਏ ਦਿਖਾਈ ਦੇਣਗੇ।
ਇਹ ਘਟਨਾ ਅਸਮਾਨ ਤੋਂ ਇੰਨੀ ਸਪੱਸ਼ਟ ਦਿਖਾਈ ਦੇਵੇਗੀ ਕਿ ਇਸਨੂੰ ਆਮ ਅੱਖਾਂ ਨਾਲ ਵੀ ਦੇਖਿਆ ਜਾ ਸਕੇਗਾ। ਇਸ ਦੇ ਲਈ ਟੈਲੀਸਕੋਪ ਦੀ ਵੀ ਲੋੜ ਨਹੀਂ ਪਵੇਗੀ। ਜੇਕਰ ਤੁਸੀਂ ਵੀ ਇਨ੍ਹਾਂ ਗ੍ਰਹਿਆਂ ਦੀ ਪਛਾਣ ਨਹੀਂ ਕਰ ਪਾ ਰਹੇ ਹੋ, ਤਾਂ ਸਹੂਲਤ ਲਈ ਐਂਡਰਾਇਡ ਅਤੇ ਆਈਓਐਸ ਐਪਸ ਵੀ ਮੌਜੂਦ ਹਨ, ਜਿਨ੍ਹਾਂ ਦੀ ਮਦਦ ਨਾਲ ਤੁਸੀਂ ਇਸ ਦੁਰਲੱਭ ਵਰਤਾਰੇ ਨੂੰ ਆਸਾਨੀ ਨਾਲ ਪਛਾਣ ਸਕਦੇ ਹੋ।
ਜੀ ਹਾਂ ਇਸ ਦੁਰਲੱਭ ਘਟਨਾ ਨੂੰ ਦੇਖਣ ਲਈ ਤੁਸੀਂ ਇਨ੍ਹਾਂ ਐਪਸ ਦੀ ਮਦਦ ਲੈ ਸਕਦੇ ਹੋ। ਇਨ੍ਹਾਂ ਐਪਸ ਦੇ ਨਾਂ ਹਨ SkyView Lite, Star Tracker and Star Walk 2। ਤੁਸੀਂ ਇਨ੍ਹਾਂ ਗ੍ਰਹਿਆਂ ਨੂੰ ਆਪਣੇ ਮੋਬਾਈਲ ਦੇ ਪਲੇ ਸਟੋਰ ਤੋਂ ਡਾਊਨਲੋਡ ਕਰਕੇ ਦੇਖ ਸਕਦੇ ਹੋ। ਇਨ੍ਹਾਂ ਐਪਸ ਦੀ ਮਦਦ ਨਾਲ ਤੁਸੀਂ ਮੰਗਲ ਅਤੇ ਵੀਨਸ ਨੂੰ ਆਸਾਨੀ ਨਾਲ ਪਛਾਣ ਸਕਦੇ ਹੋ।
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ :
https://play.google.com/store/apps/details?id=com.winit.starnews.hin
https://apps.apple.com/in/app/abp-live-news/id81111490
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
