(Source: ECI/ABP News)
Winter Hair Care : ਸਰਦੀਆਂ 'ਚ ਡੈਂਡਰਫ ਕਾਰਨ ਹੋਣਾ ਪੈ ਰਿਹੈ ਸ਼ਰਮਿੰਦਾ ਤਾਂ ਜਾਣ ਲਓ ਇਸਦਾ ਪੱਕਾ ਇਲਾਜ, ਸ਼ੈਂਪੂ ਕਰਦੇ ਸਮੇਂ ਧਿਆਨ ਰੱਖੋ ਇਹ ਗੱਲਾਂ
ਸਰਦੀਆਂ ਦੇ ਮੌਸਮ 'ਚ ਅਕਸਰ ਵਾਲਾਂ 'ਚੋਂ ਡੈਂਡਰਫ ਡਿੱਗਣਾ ਪਰੇਸ਼ਾਨੀ ਦਾ ਕਾਰਨ ਬਣ ਜਾਂਦਾ ਹੈ। ਬਲੇਜ਼ਰ, ਕੋਟ, ਕਾਲੇ ਸਵੈਟਰ ਜਾਂ ਕਾਲੇ ਸ਼ਾਲਾਂ 'ਤੇ ਇਹ ਚਿੱਟੀ ਡੈਂਡਰਫ ਕਾਰਨ ਅਸੀਂ ਅਕਸਰ ਨਮੋਸ਼ੀ ਦਾ ਸ਼ਿਕਾਰ ਹੋ ਜਾਂਦੇ ਹਾਂ। ਵੈਸੇ ਤਾਂ ਸਿਰ 'ਚ
Dandruff Prevention Tips : ਸਰਦੀਆਂ ਦੇ ਮੌਸਮ 'ਚ ਅਕਸਰ ਵਾਲਾਂ 'ਚੋਂ ਡੈਂਡਰਫ ਡਿੱਗਣਾ ਪਰੇਸ਼ਾਨੀ ਦਾ ਕਾਰਨ ਬਣ ਜਾਂਦਾ ਹੈ। ਬਲੇਜ਼ਰ, ਕੋਟ, ਕਾਲੇ ਸਵੈਟਰ ਜਾਂ ਕਾਲੇ ਸ਼ਾਲਾਂ 'ਤੇ ਇਹ ਚਿੱਟੀ ਡੈਂਡਰਫ ਕਾਰਨ ਅਸੀਂ ਅਕਸਰ ਨਮੋਸ਼ੀ ਦਾ ਸ਼ਿਕਾਰ ਹੋ ਜਾਂਦੇ ਹਾਂ। ਵੈਸੇ ਤਾਂ ਸਿਰ 'ਚ ਡੈਂਡਰਫ ਹੋਣਾ ਅਜਿਹੀ ਸਮੱਸਿਆ ਹੈ ਜੋ ਸਾਲ ਭਰ ਰਹਿੰਦੀ ਹੈ। ਪਰ ਸਰਦੀਆਂ ਦੇ ਮੌਸਮ ਵਿੱਚ ਉਹ ਲੋਕ ਵੀ ਇਸ ਸਮੱਸਿਆ ਦਾ ਸਾਹਮਣਾ ਕਰਨ ਲੱਗ ਪੈਂਦੇ ਹਨ, ਜਿਨ੍ਹਾਂ ਨੂੰ ਗਰਮੀ ਜਾਂ ਬਰਸਾਤ ਦੇ ਦਿਨਾਂ ਵਿੱਚ ਇਸ ਦਾ ਸਾਹਮਣਾ ਨਹੀਂ ਕਰਨਾ ਪੈਂਦਾ।
ਜੇਕਰ ਤੁਸੀਂ ਵੀ ਡੈਂਡਰਫ ਤੋਂ ਪਰੇਸ਼ਾਨ ਹੋ ਅਤੇ ਇਸ ਤੋਂ ਛੁਟਕਾਰਾ ਚਾਹੁੰਦੇ ਹੋ, ਤਾਂ ਇੱਥੇ ਤੁਹਾਨੂੰ ਸਰਦੀਆਂ ਦੇ ਕੁਝ ਖਾਸ ਟਿਪਸ ਦੱਸੇ ਜਾ ਰਹੇ ਹਨ, ਜਿਨ੍ਹਾਂ ਦਾ ਤੁਹਾਨੂੰ ਸ਼ੈਂਪੂ ਕਰਦੇ ਸਮੇਂ ਧਿਆਨ ਰੱਖਣਾ ਹੋਵੇਗਾ। ਇਸ ਨਾਲ ਨਾ ਸਿਰਫ ਤੁਹਾਡੇ ਸਿਰ 'ਚੋਂ ਡੈਂਡਰਫ ਦੂਰ ਹੋਵੇਗਾ, ਸਗੋਂ ਤੁਹਾਨੂੰ ਪੂਰੀ ਸਰਦੀਆਂ ਦੌਰਾਨ ਇਸ ਸਮੱਸਿਆ ਤੋਂ ਦੂਰ ਰਹਿਣ 'ਚ ਮਦਦ ਮਿਲੇਗੀ।
ਡੈਂਡਰਫ ਦੇ ਕਾਰਨ
- ਚਮੜੀ ਦੀ ਤਰ੍ਹਾਂ ਵਾਲ ਵੀ ਸਰਦੀ ਦੇ ਮੌਸਮ 'ਚ ਬਹੁਤ ਜਲਦੀ ਖੁਸ਼ਕ ਹੋ ਜਾਂਦੇ ਹਨ। ਇਸ ਕਾਰਨ ਡੈਂਡਰਫ ਵਧਣ ਲੱਗਦਾ ਹੈ।
- ਰਜਾਈ, ਟੋਪੀ ਅਤੇ ਊਨੀ ਸਕਾਰਫ਼ ਨਾਲ ਵੀ ਖੁਸ਼ਕੀ ਵਧ ਜਾਂਦੀ ਹੈ।
- ਗਰਮ ਪਾਣੀ ਵਿਚ ਸ਼ੈਂਪੂ ਕਰਨ ਨਾਲ ਵੀ ਡੈਂਡਰਫ ਹੁੰਦਾ ਹੈ।
- ਜ਼ਿਆਦਾ ਸ਼ੈਂਪੂ ਕਰਨ ਨਾਲ ਵੀ ਡੈਂਡਰਫ ਹੁੰਦਾ ਹੈ।
- ਸਹੀ ਸ਼ੈਂਪੂ ਦੀ ਚੋਣ ਨਾ ਕਰਨਾ ਵੀ ਵਾਲਾਂ ਵਿੱਚ ਖੁਸ਼ਕੀ ਦਾ ਕਾਰਨ ਬਣਦਾ ਹੈ।
ਸਰਦੀਆਂ ਵਿੱਚ ਡੈਂਡਰਫ ਤੋਂ ਕਿਵੇਂ ਬਚੀਏ
- ਤੇਜ਼ ਹਵਾ ਅਤੇ ਸਰਦੀਆਂ ਦੌਰਾਨ ਵਾਲਾਂ ਨੂੰ ਢੱਕ ਕੇ ਰੱਖੋ। ਇਸ ਕਾਰਨ ਹਵਾ ਤੁਹਾਡੇ ਵਾਲਾਂ ਦੀ ਨਮੀ ਨੂੰ ਸੋਖ ਨਹੀਂ ਪਾਉਂਦੀ।
- ਠੰਡ ਤੋਂ ਬਚਣ ਲਈ ਅਜਿਹੀ ਕੈਪ ਦੀ ਵਰਤੋਂ ਕਰੋ ਜਿਸ ਦੇ ਅੰਦਰ ਸੂਤੀ ਫੈਬਰਿਕ ਹੋਵੇ। ਕਿਉਂਕਿ ਉੱਨ ਵਾਲਾਂ ਦੀ ਨਮੀ ਨੂੰ ਸੋਖ ਲੈਂਦੀ ਹੈ।
- ਰਜਾਈਆਂ ਅਤੇ ਕੰਬਲਾਂ ਵਿੱਚ ਸੌਂਦੇ ਸਮੇਂ, ਆਪਣੇ ਵਾਲਾਂ ਨੂੰ ਪਤਲੇ ਸਕਾਰਫ਼ ਜਾਂ ਸੂਤੀ ਦੇ ਬਣੇ ਹੰਕੀ ਨਾਲ ਬੰਨ੍ਹੋ।
- ਸ਼ੈਂਪੂ ਕਰਦੇ ਸਮੇਂ ਬਹੁਤ ਗਰਮ ਪਾਣੀ ਦੀ ਵਰਤੋਂ ਨਾ ਕਰੋ। ਇਸ ਦੀ ਬਜਾਏ ਪਾਣੀ ਨੂੰ ਕੋਸਾ ਰੱਖੋ।
- ਸ਼ੈਂਪੂ ਕਰਨ ਤੋਂ ਪਹਿਲਾਂ ਆਪਣੇ ਵਾਲਾਂ ਅਤੇ ਖੋਪੜੀ ਦੀ ਤੇਲ ਨਾਲ ਚੰਗੀ ਤਰ੍ਹਾਂ ਮਾਲਿਸ਼ ਕਰੋ। ਇਸ ਦੇ ਲਈ ਸਰ੍ਹੋਂ ਦੇ ਤੇਲ ਦੀ ਵਰਤੋਂ ਕਰਨਾ ਬਿਹਤਰ ਹੈ ਕਿਉਂਕਿ ਜਦੋਂ ਤੁਸੀਂ ਇਸਨੂੰ ਲਗਾਉਣ ਤੋਂ ਬਾਅਦ ਸ਼ੈਂਪੂ ਕਰਦੇ ਹੋ ਤਾਂ ਇਹ ਵਾਲਾਂ ਵਿੱਚ ਕੁਦਰਤੀ ਵਾਲੀਅਮ ਬਣਾਉਣ ਵਿੱਚ ਮਦਦ ਕਰਦਾ ਹੈ।
- ਜੇਕਰ ਤੁਸੀਂ ਹਰ ਹਫ਼ਤੇ ਆਂਡਾ ਜਾਂ ਸ਼ਹਿਦ ਵਾਲਾ ਹੇਅਰ ਮਾਸਕ ਨਹੀਂ ਲਗਾ ਪਾ ਰਹੇ ਹੋ ਤਾਂ ਮਹੀਨੇ ਵਿੱਚ ਦੋ ਵਾਰ ਅਜਿਹਾ ਜ਼ਰੂਰ ਕਰੋ। ਤੁਹਾਡੇ ਸਿਰ ਦੀ ਚਮੜੀ ਮੁਲਾਇਮ ਅਤੇ ਨਮੀ ਵਾਲੀ ਬਣੀ ਰਹੇਗੀ, ਜਿਸ ਨਾਲ ਡੈਂਡਰਫ ਦੀ ਸਮੱਸਿਆ ਨਹੀਂ ਹੋਵੇਗੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
