Bihar Election: ਲੰਡਨ ਤੋਂ ਪੜ੍ਹ ਕੇ ਬਿਹਾਰ 'ਚ ਲੜੀ ਚੋਣ, ਜਮਾਨਤ ਜ਼ਬਤ ਹੋਣ ਮਗਰੋਂ ਚੜ੍ਹਿਆ ਗੁੱਸਾ, ਸੁਣਾਈਆਂ ਖਰੀਆਂ-ਖਰੀਆਂ

ਬਿਹਾਰ ਵਿਧਾਨ ਸਭਾ ਚੋਣਾਂ 2020 'ਚ ਆਪਣੇ ਆਪ ਨੂੰ ਮੁੱਖ ਮੰਤਰੀ ਅਹੁਦੇ ਦੀ ਉਮੀਦਵਾਰ ਐਲਾਨ ਕਰਨ ਵਾਲੀ ਪੁਸ਼ਪਮ ਪ੍ਰਿਆ ਚੌਧਰੀ ਨੇ ਦੋਵਾਂ ਸੀਟਾਂ ਬਾਂਕੀਪੁਰ ਤੇ ਬਿਸਫੀ 'ਚ ਚੋਣ ਹਾਰਨ ਤੋਂ ਬਾਅਦ ਅੱਜ ਬੁੱਧਵਾਰ ਸੋਸ਼ਲ ਮੀਡੀਆ 'ਤੇ ਇਮੋਸ਼ਨਲ ਪੋਸਟ ਸ਼ੇਅਰ ਕੀਤੀ।

ਪਟਨਾ: ਬਿਹਾਰ ਵਿਧਾਨ ਸਭਾ ਚੋਣਾਂ 2020 'ਚ ਆਪਣੇ ਆਪ ਨੂੰ ਮੁੱਖ ਮੰਤਰੀ ਅਹੁਦੇ ਦੀ ਉਮੀਦਵਾਰ ਐਲਾਨ ਕਰਨ ਵਾਲੀ ਪੁਸ਼ਪਮ ਪ੍ਰਿਆ ਚੌਧਰੀ ਨੇ ਦੋਵਾਂ ਸੀਟਾਂ ਬਾਂਕੀਪੁਰ ਤੇ ਬਿਸਫੀ 'ਚ ਚੋਣ ਹਾਰਨ ਤੋਂ ਬਾਅਦ ਅੱਜ ਬੁੱਧਵਾਰ ਸੋਸ਼ਲ ਮੀਡੀਆ 'ਤੇ ਇਮੋਸ਼ਨਲ ਪੋਸਟ ਸ਼ੇਅਰ ਕੀਤੀ। ਉਸ ਨੇ ਲਿਖਿਆ ਕਿ ਅੱਜ ਸਵੇਰੇ ਹੋ ਗਈ ਪਰ ਬਿਹਾਰ ਵਿੱਚ ਅਜੇ ਵੀ ਚੋਣ ਨਹੀਂ ਹੋਈ। ਮੈਂ ਇਸ ਉਮੀਦ ਨਾਲ ਬਿਹਾਰ ਵਾਪਸ ਆਈ ਸੀ ਕਿ ਮੈਂ ਆਪਣੇ ਬਿਹਾਰ ਤੇ ਆਪਣੇ ਬਿਹਾਰੀਆਂ ਦੀ ਜ਼ਿੰਦਗੀ ਨੂੰ ਆਪਣੇ ਗਿਆਨ, ਹੌਂਸਲੇ, ਇਮਾਨਦਾਰੀ ਤੇ ਸਮਰਪਣ ਨਾਲ ਬਦਲ ਦਿਆਂਗੀ।

ਉਸ ਨੇ ਲਿਖਿਆ ਕਿ ਬਹੁਤ ਛੋਟੀ ਉਮਰੇ ਹੀ ਮੈਂ ਆਪਣਾ ਸਭ ਕੁਝ ਛੱਡ ਦਿੱਤਾ ਤੇ ਇਸ ਮੁਸ਼ਕਲ ਰਾਹ ਨੂੰ ਚੁਣਿਆ ਕਿਉਂਕਿ ਮੇਰਾ ਸੁਪਨਾ ਸੀ - ਬਿਹਾਰ ਨੂੰ ਪੱਛੜੇਪਣ ਤੇ ਗਰੀਬੀ ਤੋਂ ਬਾਹਰ ਕੱਢਣਾ। ਬਿਹਾਰ ਦੇ ਲੋਕਾਂ ਨੂੰ ਮਾਣਮੱਤਾ ਜੀਵਨ ਪ੍ਰਦਾਨ ਕਰਨ ਲਈ ਜਿਸ ਦੇ ਉਹ ਹੱਕਦਾਰ ਹਨ, ਪਰ ਇਹ ਘਾਟ ਉਨ੍ਹਾਂ ਦੀ ਆਦਤ ਬਣ ਗਈ ਹੈ। ਬਿਹਾਰ ਨੂੰ ਦੇਸ਼ 'ਚ ਉਹ ਵੱਕਾਰ ਦਿਵਾਉਣਾ ਜੋ ਸਦੀਆਂ ਤੋਂ ਉਨ੍ਹਾਂ ਨੂੰ ਨਹੀਂ ਮਿਲਿਆ। ਮੇਰਾ ਸੁਪਨਾ ਬਿਹਾਰ ਦੇ ਗਰੀਬ ਬੱਚਿਆਂ ਨੂੰ ਸਕੂਲ ਅਤੇ ਯੂਨੀਵਰਸਿਟੀਆਂ ਦੇਣ ਦਾ ਸੀ, ਜਿਵੇਂ ਮੈਂ ਪੜ੍ਹਿਆ ਹੈ, ਗਾਂਧੀ, ਬੋਸ, ਅੰਬੇਦਕਰ, ਨਹਿਰੂ, ਪਟੇਲ, ਮਜ਼ਹਰੂਲ ਹੱਕ ਅਤੇ ਜੇਪੀ-ਲੋਹੀਆ ਵਰਗੇ ਅਸਲ ਨੇਤਾਵਾਂ ਨੂੰ ਪੜ੍ਹਿਆ ਸੀ। ਇਸ ਨੂੰ ਇਸੇ ਸਾਲ 2020 'ਚ ਦੇਣਾ ਕਿਉਂਕਿ ਸਮਾਂ ਬਹੁਤ ਤੇਜ਼ੀ ਨਾਲ ਲੰਘ ਰਿਹਾ ਹੈ ਤੇ ਵਿਸ਼ਵ ਬਹੁਤ ਤੇਜ਼ੀ ਨਾਲ ਅੱਗੇ ਵੱਧ ਰਿਹਾ ਹੈ। ਅੱਜ ਉਹ ਸੁਪਨਾ ਟੁੱਟ ਗਿਆ ਹੈ, 2020 ਦੀ ਤਬਦੀਲੀ ਦੀ ਕ੍ਰਾਂਤੀ ਅਸਫਲ ਹੋ ਗਈ ਹੈ।

ਉਸ ਨੇ ਲਿਖਿਆ ਕਿ ਮੈਂ ਹਰ ਜ਼ਿਲ੍ਹੇ ਦੇ ਹਰ ਕੋਨੇ ਵਿੱਚ ਗਈ, ਲੱਖਾਂ ਲੋਕਾਂ ਨੂੰ ਮਿਲੀ। ਤੁਹਾਡੇ 'ਚ ਵੀ ਬਿਹਾਰ ਨੂੰ ਲੈ ਕੇ ਉਹੀ ਬੇਚੈਨੀ ਵੇਖੀ ਸੀ ਜਿਵੇਂ ਇਹ ਮੇਰੇ ਵਿੱਚ ਸੀ - ਮੈਨੂੰ ਤੇ ਮੇਰੇ ਸਾਥੀਆਂ ਨੇ ਜੋ ਵੀ ਬਦਲਾਅ ਦੀ ਬੇਚੈਨੀ ਅਤੇ ਉਸ ਬੇਚੈਨੀ ਨੂੰ ਸੇਧ ਦੇਣ ਲਈ ਜੋ ਵੀ ਸਮਾਂ ਮਿਲਿਆ ਉਸ ਵਿੱਚ ਅਸੀਂ ਕੋਈ ਕਸਰ ਬਾਕੀ ਨਹੀਂ ਛੱਡੀ। ਉਨ੍ਹਾਂ ਦੀ ਭ੍ਰਿਸ਼ਟ ਤਾਕਤ ਵਧੇਰੇ ਬਣ ਗਈ ਅਤੇ ਤੁਹਾਡੀ ਬੇਚੈਨੀ ਘੱਟ ਹੋ ਗਈ ਅਤੇ ਮੈਂ, ਬਿਹਾਰ ਅਤੇ ਬਿਹਾਰ ਦੇ ਮੇਰੇ ਬੱਚੇ, ਜਿਨ੍ਹਾਂ ਦਾ ਭਵਿੱਖ ਪੂਰੀ ਤਰ੍ਹਾਂ ਬਦਲ ਸਕਦਾ ਸੀ, ਉਹ ਹਾਰ ਗਿਆ।"

ਪੁਸ਼ਪਮ ਨੇ ਲਿਖਿਆ ਕਿ ਮੀਡੀਆ ਮੇਰੇ ਕਪੜਿਆਂ ਅਤੇ ਅੰਗਰੇਜ਼ੀ ਤੋਂ ਵੱਧ ਨਹੀਂ ਸੋਚ ਸਕੀ, ਬਾਕੀ ਪਾਰਟੀਆਂ ਲਈ ਚਿਅਰ ਲੀਡਰ ਬਣਿਆ ਰਿਹਾ ਅਤੇ ਤੁਸੀਂ ਨਿਤੀਸ਼, ਲਾਲੂ ਅਤੇ ਮੋਦੀ ਤੋਂ ਅੱਗੇ ਨਹੀਂ ਵਧ ਸਕਦੇ। ਮੈਂ ਤੁਹਾਡੀ ਅਵਾਜ਼ ਬਣ ਗਈ, ਪਰ ਤੁਸੀਂ ਮੇਰੀ ਅਵਾਜ਼ ਵੀ ਨਹੀਂ ਬਣ ਸਕੇ ਅਤੇ ਹੋ ਸਕਦਾ ਤੁਹਾਨੂੰ ਮੇਰੀ ਅਵਾਜ਼ ਦੀ ਜ਼ਰੂਰਤ ਵੀ ਨਾ ਪਵੇ। ਉਨ੍ਹਾਂ ਦੀ ਤਾਕਤ ਨੂੰ ਸਿਰਫ ਤੁਹਾਡੀ ਤਾਕਤ ਦੁਆਰਾ ਹੀ ਹਰਾਇਆ ਜਾ ਸਕਦਾ ਸੀ, ਪਰ ਤੁਹਾਨੂੰ ਆਪਸ ਵਿੱਚ ਲੜ੍ਹਨ ਤੋਂ ਫਰਸਟ ਨਹੀਂ ਮਿਲੀ।"

ਉਸਨੇ ਲਿਖਿਆ ਕਿ ਅੱਜ ਹਨੇਰਾ ਬਰਕਰਾਰ ਹੈ ਹੋਰ 5 ਸਾਲ, ਅਤੇ ਕੀ ਪਤਾ ਹੈ, ਹੋ ਸਕਦਾ ਹੈ ਕਿ ਇਹ 30 ਸਾਲਾਂ ਲਈ ਜਾਂ ਤੁਹਾਡੀ ਸਾਰੀ ਜ਼ਿੰਦਗੀ ਲਈ ਹਨੇਰਾ ਰਹੇਗਾ। ਤੁਸੀਂ ਇਹ ਮੇਰੇ ਨਾਲੋਂ ਬਿਹਤਰ ਜਾਣਦੇ ਹੋ। ਅੱਜ ਜਦੋਂ ਉਨ੍ਹਾਂ ਨੇ ਆਪਣੀ ਕਲਾਤਮਕਤਾ ਨਾਲ ਸਾਨੂੰ ਹਰਾਇਆ ਹੈ, ਮੇਰੇ ਕੋਲ ਦੋ ਰਸਤੇ ਹਨ। ਉਨ੍ਹਾਂ ਨੇ ਇੱਕ ਵੱਡੀ ਖੇਡ ਬਣਾਈ ਹੈ ਜਿਸ 'ਤੇ ਵਿਸ਼ਵਾਸ ਕਰਨਾ ਮੁਸ਼ਕਲ ਹੈ ਜਾਂ ਤਾਂ ਮੈਂ ਉਸ ਨਾਲ ਲੜਦੀ ਹਾਂ ਪਰ ਹੁਣ ਲੜਨ ਲਈ ਕੁਝ ਨਹੀਂ ਬਚਿਆ, ਨਾ ਹੀ ਪੈਸੇ ਅਤੇ ਨਾ ਹੀ ਤੁਹਾਡੇ ਵਿੱਚ ਵਿਸ਼ਵਾਸ, ਜਾਂ ਫਿਰ ਬਿਹਾਰ ਨੂੰ ਚਿੱਕੜ ਵਿੱਚ ਛੱਡ ਦੇਵਾਂ। ਫੈਸਲਾ ਲੈਣਾ ਥੋੜਾ ਮੁਸ਼ਕਲ ਹੈ।

ਉਸਨੇ ਲਿਖਿਆ ਕਿ ਮੇਰਾ ਦੁੱਖ ਮੇਰੇ ਲੱਖਾਂ ਕਾਰਕੁਨਾਂ ਅਤੇ ਸਮਰਥਕਾਂ ਨਾਲ ਹੈ। ਫਿਲਹਾਲ,ਅੰਧੇਰ ਨਗਰ ਵਿੱਚ ਹਨੇਰੇ ਦਾ ਜਸ਼ਨ ਮਨਾਓ ਅਤੇ ਚੌਪਟ ਰਾਜਿਆਂ ਲਈ ਤਾੜੀਆਂ ਮਾਰੋ। ਜਦੋਂ ਤਾੜੀਆਂ ਮਾਰ ਕੇ ਥੱਕ ਜਾਵੋ ਤੇ ਹਨੇਰਾ ਬਣਿਆ ਰਹੇ, ਤਾਂ ਸੋਚੋ ਕਿ ਕੀ ਬਦਲਿਆ ਹੈ, ਵੇਖੋ ਕੀ ਸਵੇਰ ਆਈ? ਮੈਂ ਹਮੇਸ਼ਾਂ ਤੁਹਾਡੀ ਖੁਸ਼ੀ ਅਤੇ ਤੰਦਰੁਸਤੀ ਚਾਹੁੰਦੀ ਹਾਂ, ਸਾਰੇ ਖੁਸ਼ ਰਹੋ ਅਤੇ ਇੱਕ ਦੂਜੇ ਨੂੰ ਪਿਆਰ ਕਰੋ।

ਪੰਜਾਬੀ 'ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ