ਕੁਝ ਮਿੰਟਾਂ ਦੀ ਦੇਰੀ ਨੇ ਖੋਹ ਲਿਆ IIT 'ਚ ਦਾਖਲੇ ਦਾ ਸੁਪਨਾ! ਹੁਣ ਸੁਪਰੀਮ ਕੋਰਟ ਨੇ ਦਿੱਤਾ ਮਦਦ ਦਾ ਭਰੋਸਾ
ਇੱਕ ਗਰੀਬ ਵਿਦਿਆਰਥੀ ਨੇ ਆਪਣੀ ਦੂਜੀ ਅਤੇ ਆਖਰੀ ਕੋਸ਼ਿਸ਼ ਵਿੱਚ ਜੇਈਈ ਪ੍ਰੀਖਿਆ ਵਿੱਚ ਸੀਟ ਹਾਸਲ ਕੀਤੀ ਪਰ ਨਿਰਧਾਰਤ ਚਾਰ ਦਿਨਾਂ ਵਿੱਚ ਸੀਟ ਐਕਸੈਪਟ ਫੀਸ ਇਕੱਠੀ ਨਹੀਂ ਕਰ ਸਕਿਆ। ਇਸ ਕਾਰਨ ਉਨ੍ਹਾਂ ਦੀ ਸੀਟ ਅਲਾਟਮੈਂਟ ਕੈਂਸਿਲ ਕਰ ਦਿੱਤੀ ਗਈ।
ਇੱਕ ਗਰੀਬ ਵਿਦਿਆਰਥੀ ਦਾ IIT ਵਿੱਚ ਪੜ੍ਹਨ ਦਾ ਸੁਪਨਾ ਦਾਖਲਾ ਪ੍ਰਕਿਰਿਆ ਦੀ ਮੁਸ਼ਕਲ ਅਤੇ ਕੜੀ ਡੈਡਲਾਈਨ ਕਾਰਨ ਚਕਨਾਚੂਰ ਹੋ ਗਿਆ। ਹੁਣ ਇਸ ਵਿਦਿਆਰਥੀ ਨੇ ਇਨਸਾਫ਼ ਦੀ ਆਸ ਵਿੱਚ ਸੁਪਰੀਮ ਕੋਰਟ ਦਾ ਦਰਵਾਜ਼ਾ ਖੜਕਾਇਆ ਹੈ, ਜਿੱਥੋਂ ਮਿਲੇ ਜਵਾਬ ਨੇ ਉਸ ਦੀ ਆਈਆਈਟੀ ਵਿੱਚ ਪੜ੍ਹਾਈ ਕਰਨ ਦੀ ਉਮੀਦ ਮੁੜ ਜਗਾਈ ਹੈ।
ਕੀ ਹੈ ਮਾਮਲਾ
ਯੂਪੀ ਦੇ ਮੁਜ਼ੱਫਰਨਗਰ ਦੇ ਟਿਟੋਰਾ ਪਿੰਡ ਦੇ ਰਹਿਣ ਵਾਲੇ ਦਲਿਤ ਵਿਦਿਆਰਥੀ ਅਤੁਲ ਨੇ ਆਈਆਈਟੀ ਮਦਰਾਸ ਵੱਲੋਂ ਕਰਵਾਈ ਗਈ ਜੇਈਈ ਐਡਵਾਂਸ ਦੀ ਪ੍ਰੀਖਿਆ ਦਿੱਤੀ ਸੀ। ਇਹ ਇਮਤਿਹਾਨ ਪਾਸ ਕਰਨ ਤੋਂ ਬਾਅਦ, ਮਜ਼ਦੂਰ ਪਿਤਾ ਰਾਜੇਂਦਰ ਦੇ ਪੁੱਤਰ ਅਤੁਲ ਨੂੰ ਆਈਆਈਟੀ ਧਨਬਾਦ ਵਿੱਚ ਇਲੈਕਟ੍ਰੀਕਲ ਇੰਜੀਨੀਅਰਿੰਗ ਵਿੱਚ ਸੀਟ ਅਲਾਟ ਕੀਤੀ ਗਈ। ਇਸ ਅਲਾਟਮੈਂਟ ਨੂੰ ਸਵੀਕਾਰ ਕਰਨ ਲਈ ਉਸ ਨੂੰ 24 ਜੂਨ ਤੱਕ 17500 ਰੁਪਏ ਜਮ੍ਹਾਂ ਕਰਵਾਉਣੇ ਸਨ।
ਹਾਲਾਂਕਿ ਗਰੀਬੀ ਰੇਖਾ ਤੋਂ ਹੇਠਾਂ ਆਉਣ ਵਾਲੇ ਇਸ ਪਰਿਵਾਰ ਨੂੰ ਇੰਨੀ ਵੱਡੀ ਰਕਮ ਇਕੱਠੀ ਕਰਨ ਅਤੇ ਰਿਜ਼ਲਟ ਦੇ ਚਾਰ ਦਿਨਾਂ ਦੇ ਅੰਦਰ ਜਮ੍ਹਾ ਕਰਵਾਉਣ ਵਿੱਚ ਸਮਾਂ ਲੱਗ ਗਿਆ। ਰਕਮ ਜਮ੍ਹਾ ਕਰਵਾਉਣ ਦੇ ਆਖਰੀ ਦਿਨ, ਉਸਨੇ ਕਿਸੇ ਤਰ੍ਹਾਂ ਉਧਾਰ ਲੈ ਕੇ ਰਕਮ ਤਾਂ ਇਕੱਠੀ ਕਰ ਲਈ ਪਰ ਜਦੋਂ ਤੱਕ ਉਹ ਆਪਣੇ ਭਰਾ ਦੇ ਖਾਤੇ ਤੋਂ ਉਕਤ ਪੋਰਟਲ ਦੇ ਖਾਤੇ ਵਿੱਚ ਰਕਮ ਜਮ੍ਹਾ ਕਰਵਾਉਂਦਾ, ਡੈਡਲਾਈਨ ਪੂਰੀ ਹੋ ਚੁੱਕੀ ਸੀ।
ਇਹ ਵੀ ਪੜ੍ਹੋ: ਮੌਸਮ ਨੇ ਲਈ ਕਰਵਟ! 90KM ਦੀ ਰਫਤਾਰ ਨਾਲ ਤੂਫਾਨ ਦੀ ਚੇਤਾਵਨੀ! ਮੁੜ ਹੋਏਗਾ ਜਲਥਲ
ਇੱਥੋਂ ਤੱਕ ਕਿ ਐਸਸੀ ਕਮਿਸ਼ਨ ਅਤੇ ਹਾਈ ਕੋਰਟ ਵੀ ਮਦਦ ਨਹੀਂ ਕਰ ਸਕੇ
ਆਪਣੇ ਪੁੱਤਰ ਦਾ ਸੁਪਨਾ ਟੁੱਟਦਾ ਦੇਖ ਕੇ ਪਿਤਾ ਰਾਜਿੰਦਰ ਨੇ ਰਾਸ਼ਟਰੀ ਅਨੁਸੂਚਿਤ ਜਾਤੀ ਕਮਿਸ਼ਨ ਦਾ ਦਰਵਾਜ਼ਾ ਖੜਕਾਇਆ ਪਰ ਉਨ੍ਹਾਂ ਨੇ ਹੱਥ ਖੜੇ ਕਰ ਦਿੱਤੇ। ਕਿਉਂਕਿ ਅਤੁਲ ਨੇ ਝਾਰਖੰਡ ਦੇ ਇੱਕ ਕੇਂਦਰ ਤੋਂ ਪ੍ਰੀਖਿਆ ਦਿੱਤੀ ਸੀ, ਉਸਨੇ ਝਾਰਖੰਡ ਦੀ ਰਾਜ ਕਾਨੂੰਨੀ ਸੇਵਾਵਾਂ ਅਥਾਰਟੀ ਨਾਲ ਸੰਪਰਕ ਕੀਤਾ ਪਰ ਉਸਨੂੰ ਸਲਾਹ ਦਿੱਤੀ ਗਈ ਕਿ ਪ੍ਰੀਖਿਆ IIT ਮਦਰਾਸ ਦੁਆਰਾ ਕਰਵਾਈ ਗਈ ਸੀ ਅਤੇ ਇਸ ਲਈ ਉਸਨੂੰ ਮਦਰਾਸ ਹਾਈ ਕੋਰਟ ਵਿੱਚ ਪਟੀਸ਼ਨ ਦਾਇਰ ਕਰਨੀ ਚਾਹੀਦੀ ਹੈ। ਹਾਲਾਂਕਿ ਹਾਈਕੋਰਟ ਵੀ ਇਸ 'ਚ ਕੁਝ ਨਹੀਂ ਕਰ ਸਕੀ ਅਤੇ ਮਾਮਲਾ ਸੁਪਰੀਮ ਕੋਰਟ 'ਚ ਪੇਸ਼ ਕੀਤਾ ਗਿਆ।
ਸੁਪਰੀਮ ਕੋਰਟ ਨੇ ਕੀ ਕਿਹਾ
ਜਦੋਂ ਇਹ ਮਾਮਲਾ ਸੁਪਰੀਮ ਕੋਰਟ ਦੇ ਚੀਫ਼ ਜਸਟਿਸ ਡੀਵਾਈ ਚੰਦਰਚੂੜ, ਜਸਟਿਸ ਜੇਬੀ ਪਾਰਦੀਵਾਲਾ ਅਤੇ ਮਨੋਜ ਮਿਸ਼ਰਾ ਦੀ ਤੀਹਰੀ ਬੈਂਚ ਦੇ ਸਾਹਮਣੇ ਆਇਆ ਤਾਂ ਬੈਂਚ ਨੇ ਆਈਆਈਟੀ ਦਾਖ਼ਲੇ ਸਬੰਧੀ ਆਈਆਈਟੀ ਮਦਰਾਸ ਦੀ ਜੁਆਇੰਟ ਸੀਟ ਅਲੋਕੇਸ਼ਨ ਅਥਾਰਟੀ ਤੋਂ ਤੁਰੰਤ ਜਵਾਬ ਮੰਗਿਆ। ਅਤੁਲ ਅਤੇ ਉਸ ਦੇ ਪਰਿਵਾਰ ਦੇ ਸੰਘਰਸ਼ ਨੂੰ ਧਿਆਨ ਵਿਚ ਰੱਖਦੇ ਹੋਏ ਚੀਫ਼ ਜਸਟਿਸ ਨੇ ਰਾਹਤ ਜ਼ਾਹਰ ਕਰਦਿਆਂ ਕਿਹਾ ਕਿ ਉਹ ਜਿੰਨਾ ਸੰਭਵ ਹੋ ਸਕੇ ਉਨ੍ਹਾਂ ਦੀ ਮਦਦ ਕਰਨ ਦੀ ਕੋਸ਼ਿਸ਼ ਕਰਨਗੇ।
ਦੋਸਤਾਂ ਅਤੇ ਰਿਸ਼ਤੇਦਾਰਾਂ ਤੋਂ ਮਦਦ ਲੈ ਕੇ ਪੁੱਤਰ ਨੂੰ ਪੜ੍ਹਾਇਆ
ਪਟੀਸ਼ਨ 'ਤੇ ਸੁਣਵਾਈ ਦੌਰਾਨ ਅਤੁਲ ਦੇ ਵਕੀਲ ਨੇ ਦੱਸਿਆ ਕਿ ਉਸ ਦੇ ਪਿਤਾ ਰਾਜਿੰਦਰ ਦਿਹਾੜੀ ਮਜ਼ਦੂਰੀ ਕਰਕੇ ਪਰਿਵਾਰ ਦਾ ਗੁਜ਼ਾਰਾ ਚਲਾਉਂਦੇ ਹਨ। ਬੱਚਿਆਂ ਦੀ ਸਕੂਲੀ ਪੜ੍ਹਾਈ ਪੂਰੀ ਕਰਨ ਲਈ ਉਸ ਨੇ ਕੁਝ ਰਿਸ਼ਤੇਦਾਰਾਂ ਤੇ ਦੋਸਤਾਂ ਤੋਂ ਆਰਥਿਕ ਮਦਦ ਲਈ। ਅਜਿਹੀ ਸਥਿਤੀ ਵਿੱਚ ਸੰਘਰਸ਼ਾਂ ਦੇ ਵਿਚਕਾਰ, ਸਿਰਫ ਕੁਝ ਮਿੰਟਾਂ ਦੀ ਦੇਰੀ ਕਾਰਨ ਆਪਣੀ ਆਈਆਈਟੀ ਸੀਟ ਤੋਂ ਹੱਥ ਧੋਣਾ ਪੁੱਤਰ ਨਾਲ ਬੇਇਨਸਾਫੀ ਹੋਵੇਗੀ। ਉਸ ਨੇ ਪਟੀਸ਼ਨ ਵਿੱਚ ਕਿਹਾ ਹੈ ਕਿ ਉਸ ਨੇ ਮਨਜ਼ੂਰੀ ਫੀਸ ਵਜੋਂ ਜਮ੍ਹਾ ਕਰਵਾਉਣ ਲਈ ਰਕਮ ਉਧਾਰ ਲਈ ਸੀ ਅਤੇ ਸ਼ਾਮ 4:45 ਵਜੇ ਤੱਕ ਅਤੁਲ ਦੇ ਭਰਾ ਦੇ ਬੈਂਕ ਖਾਤੇ ਵਿੱਚ ਜਮ੍ਹਾਂ ਕਰਵਾ ਦਿੱਤੀ ਸੀ ਪਰ ਸ਼ਾਮ 5 ਵਜੇ ਤੱਕ ਜਮ੍ਹਾਂ ਨਹੀਂ ਕਰਵਾ ਸਕਿਆ।
Education Loan Information:
Calculate Education Loan EMI
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
