ਖੇਡਣ ਦੀ ਉਮਰੇ ਖੰਨਾ ਦੀ ਰਸ਼ਮਿਨ ਨੇ ਲਿਖ ਦਿੱਤੀ ਭਾਰਤੀ ਸੈਕੂਲਰਿਜ਼ਮ ’ਤੇ ਕਿਤਾਬ, ਅਮਰੀਕਾ ’ਚ ਛਪੀ
16 ਸਾਲ ਦੀ ਉਮਰ ਵਿੱਚ, ਉਸ ਨੇ ਧਰਮ ਨਿਰਪੱਖਤਾ (ਸੈਕੂਲਰਿਜ਼ਮ) ਬਾਰੇ ਇੱਕ ਕਿਤਾਬ ਲਿਖੀ। ਇਹ ਕਿਤਾਬ ਅਮਰੀਕਾ ਦੇ ਇੱਕ ਭਾਰਤੀ ਮੂਲ ਦੇ ਪ੍ਰਕਾਸ਼ਕ ਨੇ ਨਾ ਸਿਰਫ ਛਾਪੀ, ਸਗੋਂ ਇਸ ਦੇ ਕਾਪੀਰਾਈਟ ਅਧਿਕਾਰ ਵੀ ਅਮਰੀਕਾ ਵਿੱਚ ਹੀ ਪ੍ਰਾਪਤ ਕੀਤੇ।
ਖੰਨਾ: ਉਹ ਖਿਡੌਣਿਆਂ ਨਾਲ ਖੇਡਣ ਦੀ ਉਮਰ ਵਿੱਚ ਕਿਤਾਬਾਂ ਪੜ੍ਹਦੀ ਸੀ ਤੇ ਖੇਡ ਦੇ ਮੈਦਾਨ ਨਾਲੋਂ ਲਾਇਬ੍ਰੇਰੀ ਨੂੰ ਤਰਜੀਹ ਦਿੰਦੀ ਸੀ। ਲਿਖਣਾ ਸ਼ੁਰੂ ਕੀਤਾ, 16 ਸਾਲ ਦੀ ਉਮਰ ਵਿੱਚ, ਉਸ ਨੇ
ਧਰਮ ਨਿਰਪੱਖਤਾ (ਸੈਕੂਲਰਿਜ਼ਮ) ਬਾਰੇ ਇੱਕ ਕਿਤਾਬ ਲਿਖੀ। ਇਹ ਕਿਤਾਬ ਅਮਰੀਕਾ ਦੇ ਇੱਕ ਭਾਰਤੀ ਮੂਲ ਦੇ ਪ੍ਰਕਾਸ਼ਕ ਨੇ ਨਾ ਸਿਰਫ ਛਾਪੀ, ਸਗੋਂ ਇਸ ਦੇ ਕਾਪੀਰਾਈਟ ਅਧਿਕਾਰ ਵੀ ਅਮਰੀਕਾ ਵਿੱਚ ਹੀ ਪ੍ਰਾਪਤ ਕੀਤੇ। ਇਹ ਕਹਾਣੀ ਲਾਲਾ ਸਰਕਾਰੂ ਮੱਲ ਸਰਵਹਿਤਕਾਰੀ ਵਿਦਿਆ ਮੰਦਰ, ਖੰਨਾ ਵਿਖੇ ਬਾਰ੍ਹਵੀਂ ਜਮਾਤ ਦੀ ਵਿਦਿਆਰਥਣ ਰਸ਼ਮਿਨ ਭਾਰਦਵਾਜ ਦੀ ਹੈ। ਰਸ਼ਮਿਨ ਜਨਮ ਤੋਂ ਹੀ ਸੱਜੇ ਹੱਥ ਤੋਂ ਅਪਾਹਜ ਹੈ, ਪਰ ਉਸ ਨੇ ਕਦੇ ਵੀ ਇਸ ਕਮੀ ਨੂੰ ਆਪਣੇ ਰਾਹ ਵਿੱਚ ਨਹੀਂ ਆਉਣ ਦਿੱਤਾ।
ਇੱਕ ਮੱਧਵਰਗੀ ਪਰਿਵਾਰ ਦੀ ਰਹਿਣ ਵਾਲੀ ਰਸ਼ਮਿਨ ਨੇ ਭਾਰਤੀ ਧਰਮ-ਨਿਰਪੱਖਤਾ 'ਤੇ ਇੱਕ ਕਿਤਾਬ ਲਿਖੀ ਹੈ 'ਦ ਕੈਲੇਜੀਨੀਅਸ ਲਾਈਟ' (ਮੱਧਮ ਰੌਸ਼ਨੀ) 90 ਪੰਨਿਆਂ ਦੀ ਇਹ ਕਿਤਾਬ ਅੰਗਰੇਜ਼ੀ ਵਿੱਚ ਲਿਖੀ ਗਈ ਹੈ। ਹਾਲਾਂਕਿ, ਹੁਣ ਉਹ ਖੁਦ ਇਸ ਦਾ ਹਿੰਦੀ ਅਤੇ ਪੰਜਾਬੀ ਵਿੱਚ ਅਨੁਵਾਦ ਕਰਨਾ ਚਾਹੁੰਦੀ ਹੈ। ਰਸ਼ਮਿਨ ਦੀ ਕਿਤਾਬ ਮਿਸ਼ੀਗਨ, ਅਮਰੀਕਾ ਦੇ ਪ੍ਰੋਫੈਸਰ ਤੂਫਾਨੀ ਪਬਲਿਸ਼ਰਜ਼ ਵੱਲੋਂ ਪ੍ਰਕਾਸ਼ਿਤ ਕੀਤੀ ਗਈ ਹੈ।
ਰਸ਼ਮਿਨ ਨੇ ਆਪਣੇ ਇੱਕ ਅਧਿਆਪਕ ਰਾਹੀਂ ਇਨ੍ਹਾਂ ਪ੍ਰਕਾਸ਼ਕਾਂ ਨਾਲ ਸੰਪਰਕ ਕੀਤਾ। ਖਾਸ ਗੱਲ ਇਹ ਹੈ ਕਿ ਪ੍ਰਕਾਸ਼ਕਾਂ ਨੇ ਇਸ ਦੇ ਲਈ ਰਸ਼ਮਿਨ ਤੋਂ ਕੋਈ ਕੀਮਤ ਨਹੀਂ ਲਈ ਅਤੇ ਉਸ ਨੂੰ ਇਸਦੀ ਰਾਇਲਟੀ ਵੀ ਮਿਲੇਗੀ। ਇਹ ਕਿਤਾਬ ਕਈ ਈ-ਕਾਮਰਸ ਸਾਈਟਾਂ 'ਤੇ ਵਿਕ ਰਹੀ ਹੈ। ਹਾਲਾਂਕਿ, ਇਸ ਦੀ ਹਾਰਡ ਕਾਪੀ ਰਸ਼ਮਿਨ ਤੱਕ ਪਹੁੰਚਣੀ ਬਾਕੀ ਹੈ। ਰਸ਼ਮਿਨ ਅਨੁਸਾਰ ਇਹ ਕਿਤਾਬ ਪੰਜ ਦੋਸਤਾਂ ਦੀ ਕਹਾਣੀ ਹੈ। ਇਨ੍ਹਾਂ ਵਿੱਚ ਤਿੰਨ ਲੜਕੀਆਂ ਹਨ। ਦੋ ਦੋਸਤ ਹਿੰਦੂ, ਦੋ ਮੁਸਲਮਾਨ ਅਤੇ ਇੱਕ ਈਸਾਈ ਧਰਮ ਤੋਂ ਹਨ। ਧਰਮ ਦੇ ਨਾਂ ਤੇ ਰਾਜਨੀਤੀ ਦੇ ਅਭਿਆਸ ਤੋਂ ਥੱਕੇ ਹੋਏ ਇਹ ਦੋਸਤ ਧਰਮ-ਨਿਰਪੱਖਤਾ ਦੀ ਲੜਾਈ ਸ਼ੁਰੂ ਕਰਦੇ ਹਨ।
ਰਸ਼ਮਿਨ ਦੱਸਦੀ ਹੈ ਕਿ ਇੱਕ ਦਿਨ ਉਸ ਦੀ ਧਰਮ ਨਿਰਪੱਖਤਾ ਦੇ ਵਿਸ਼ੇ ’ਤੇ ਕਿਸੇ ਨਾਲ ਬਹਿਸ ਹੋਈ ਸੀ। ਉਸ ਤੋਂ ਬਾਅਦ ਉਸ ਨੇ ਸੋਚਿਆ ਕਿ ਇਹ ਵਿਸ਼ਾ ਬਹੁਤ ਸਰਲ ਹੈ। ਸਾਨੂੰ ਸਿਰਫ ਸਾਰੇ ਧਰਮਾਂ ਦਾ ਸਤਿਕਾਰ ਕਰਨਾ ਹੈ। ਪਰ, ਲੋਕ ਸਮਝਦੇ ਹਨ ਕਿ ਕਿਸੇ ਖਾਸ ਧਰਮ ਦੇ ਵਿਰੁੱਧ ਚੱਲਣਾ ਧਰਮ ਨਿਰਪੱਖਤਾ ਹੈ। ਇਸੇ ਕਰਕੇ ਉਸ ਨੇ ਕਿਤਾਬ ਲੋਕਾਂ ਨੂੰ ਸਮਝਾਉਣ ਲਈ ਲਿਖੀ ਹੈ। ਉਸ ਨੇ ਜਨਵਰੀ 2021 ਵਿੱਚ ਕਿਤਾਬ ਲਿਖਣੀ ਅਰੰਭ ਕੀਤੀ ਅਤੇ ਜੂਨ 2021 ਵਿੱਚ ਇਸਦੀ ਸਮਾਪਤੀ ਕੀਤੀ।
ਰਸ਼ਮਿਨ ਦੇ ਪਿਤਾ ਸੁਨੀਲ ਭਾਰਦਵਾਜ ਤੇ ਮਾਂ ਅੰਜੂ ਭਾਰਦਵਾਜ ਅਨੁਸਾਰ, ਰਸ਼ਮਿਨ ਨੂੰ ਬਚਪਨ ਤੋਂ ਹੀ ਖਿਡੌਣਿਆਂ ਨਾਲੋਂ ਕਿਤਾਬਾਂ ਜ਼ਿਆਦਾ ਪਸੰਦ ਸਨ। ਉਹ ਆਪਣੇ ਜਨਮ ਦਿਨ ਤੇ ਵੀ ਕਿਤਾਬ ਮੰਗਦੀ ਸੀ। ਉਹ 11 ਸਾਲ ਦੀ ਉਮਰ ਤੋਂ ਕਵਿਤਾ ਲਿਖ ਰਹੀ ਹੈ ਅਤੇ ਉਹ ਅੰਗਰੇਜ਼ੀ, ਹਿੰਦੀ ਅਤੇ ਪੰਜਾਬੀ ਤਿੰਨੋਂ ਭਾਸ਼ਾਵਾਂ ਵਿੱਚ ਲਿਖਦੀ ਹੈ। ਰਸ਼ਮਿਨ ਨੇ ਆਪਣੀ ਸਫਲਤਾ ਦਾ ਸਿਹਰਾ ਆਪਣੇ ਸਕੂਲ ਦੇ ਪ੍ਰਿੰਸੀਪਲ ਡਾ: ਮਨੋਜ ਕੁਮਾਰ ਅਤੇ ਅਧਿਆਪਕਾਂ ਨੂੰ ਦਿੱਤਾ ਹੈ।
ਇਹ ਵੀ ਪੜ੍ਹੋ: ਬਠਿੰਡਾ ਦੇ ਪਰਿਵਾਰ 'ਤੇ ਕਰੋਨਾ ਦਾ ਕਹਿਰ, ਪੁੱਤ ਦੀ ਮੌਤ ਮਗਰੋਂ ਬਜੁਰਗਾਂ 'ਤੇ ਦੁਖਾਂ ਦਾ ਪਹਾੜ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
https://apps.apple.com/in/app/abp-live-news/id811114904
Education Loan Information:
Calculate Education Loan EMI
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
