(Source: ECI/ABP News/ABP Majha)
IAS Success Story: ਫੇਲ ਹੋਣ ਦੇ ਬਾਵਜੂਦ ਵੀ ਕਾਰਤਿਕ ਨੇ ਹਿੰਮਤ ਨਹੀਂ ਹਾਰੀ, ਤਿੰਨ ਵਾਰ UPSC ਦੀ ਪ੍ਰੀਖਿਆ ਪਾਸ ਕੀਤੀ
Success Story: ਆਈਏਐਸ ਕਾਰਤਿਕ ਜਿਵਾਨੀ ਆਪਣੀ ਪਹਿਲੀ ਕੋਸ਼ਿਸ਼ ਵਿੱਚ ਯੂਪੀਐਸਸੀ ਦੀ ਪ੍ਰੀਖਿਆ ਵਿੱਚ ਫੇਲ ਹੋ ਗਿਆ ਸੀ। ਇਸ ਤੋਂ ਬਾਅਦ ਵੀ ਉਸ ਨੇ ਹਾਰ ਨਹੀਂ ਮੰਨੀ ਅਤੇ ਸਖ਼ਤ ਮਿਹਨਤ ਕੀਤੀ ਅਤੇ ਆਪਣਾ ਟੀਚਾ ਹਾਸਲ ਕੀਤਾ।
IAS Success Story: 'ਬੇਹਿੰਮਤੇ ਨੇ ਜਿਹੜੇ, ਬਹਿ ਕੇ ਸ਼ਿਕਵਾ ਕਰਨ ਮੁਕੱਦਰਾਂ ਦਾ, ਉੱਗਣ ਵਾਲੇ ਉੱਗ ਪੈਂਦੇ ਨੇ, ਸੀਨਾ ਪਾੜ ਕੇ ਪੱਥਰਾਂ ਦਾ' ਇਹ ਵਾਕ ਉਨ੍ਹਾਂ ਲੋਕਾਂ ਉੱਤੇ ਪੂਰਾ ਫਿੱਟ ਬੈਠਦਾ ਹੈ, ਜਦੋਂ ਉਹ ਨਾਮੁਨਕਿਨ ਕੰਮ ਨੂੰ ਮੁਨਕਿਨ ਕਰ ਦਿਖਾਉਂਦੇ ਨੇ। ਆਪਣੀ ਅਸਫਲਤਾ ਤੋਂ ਨਿਰਾਸ਼ ਹੋ ਨਹੀਂ ਬੈਠਦੇ ਸਗੋਂ ਦੁੱਗਨੀ ਹਿੰਮਤ ਦੇ ਨਾਲ ਉਸ ਕੰਮ ਨੂੰ ਮੁੜ ਕਰਦੇ ਹਨ, ਤੇ ਸਫਲਤਾ ਦੇ ਝੰਡੇ ਗੱਡ ਦਿੰਦੇ ਹਨ। ਹਜ਼ਾਰਾਂ ਨੌਜਵਾਨਾਂ ਦਾ IAS ਬਣਨ ਦਾ ਸੁਫ਼ਨਾ ਹੁੰਦਾ ਹੈ, ਇਸ ਲਈ ਲੱਖਾਂ ਨੌਜਵਾਨ ਪ੍ਰੀਖਿਆ ਵਿੱਚ ਬੈਠ ਕੇ ਕਿਸਮਤ ਅਜ਼ਮਾਉਂਦੇ ਹਨ ਪਰ ਕਿਸਮਤ ਕੁਝ ਕੁ ਨੌਜਵਾਨਾਂ ਦੀ ਹੀ ਚਮਕਦੀ ਹੈ। ਆਈਏਐਸ ਦੀ ਯਾਤਰਾ ਚੁਣੌਤੀਆਂ ਨਾਲ ਭਰੀ ਹੋਈ ਹੈ। ਇਨ੍ਹਾਂ ਚੁਣੌਤੀਆਂ 'ਤੇ ਕਾਬੂ ਪਾਉਣ ਵਾਲੇ ਦਾ ਆਈਏਐਸ ਬਣਨਾ ਯਕੀਨੀ ਹੈ। ਕਾਰਤਿਕ ਜਿਵਾਨੀ ਇੱਕ ਅਜਿਹਾ ਨੌਜਵਾਨ ਹੈ ਜਿਸ ਨੇ ਚੁਣੌਤੀਆਂ ਨੂੰ ਪਾਰ ਕੀਤਾ, ਉਸਨੇ ਅਸਫਲਤਾ ਤੋਂ ਬਾਅਦ ਵੀ ਹਾਰ ਨਹੀਂ ਮੰਨੀ ਅਤੇ ਆਈ.ਏ.ਐਸ. ਬਣਨ ਦਾ ਸੁਫਨਾ ਪੂਰਾ ਕੀਤਾ।
ਗੁਜਰਾਤ ਦੇ ਸੂਰਤ ਦੇ ਰਹਿਣ ਵਾਲੇ ਕਾਰਤਿਕ ਜਿਵਾਨੀ ਨੇ ਇੰਜਨੀਅਰਿੰਗ ਦੀ ਪੜ੍ਹਾਈ ਕਰਦੇ ਹੋਏ ਸਿਵਲ ਸਰਵਿਸਿਜ਼ ਦੀ ਪ੍ਰੀਖਿਆ ਦੇਣ ਦਾ ਫੈਸਲਾ ਕੀਤਾ ਅਤੇ ਆਪਣੀ ਪਹਿਲੀ ਕੋਸ਼ਿਸ਼ ਦਿੱਤੀ ਪਰ ਬਦਕਿਸਮਤੀ ਨਾਲ ਉਹ ਅਸਫਲ ਰਿਹਾ। ਉਸ ਨੇ ਇਸ 'ਤੇ ਹਾਰ ਨਹੀਂ ਮੰਨੀ ਪਰ ਜਦੋਂ ਉਸ ਨੇ ਆਪਣਾ ਵਿਸ਼ਲੇਸ਼ਣ ਕੀਤਾ ਤਾਂ ਉਸ ਨੇ ਦੇਖਿਆ ਕਿ ਪੂਰੀ ਤਿਆਰੀ ਨਾਲ ਹੀ ਪ੍ਰੀਖਿਆ ਦੇਣਾ ਬਿਹਤਰ ਹੋਵੇਗਾ। ਉਸ ਦੇ ਵਿਸ਼ਲੇਸ਼ਣ ਨੇ ਕੰਮ ਕੀਤਾ ਅਤੇ ਉਸਨੇ ਇਹ ਪ੍ਰੀਖਿਆ ਇੱਕ ਵਾਰ ਨਹੀਂ ਬਲਕਿ ਤਿੰਨ ਵਾਰ ਪਾਸ ਕੀਤੀ, ਇਸ ਤਰ੍ਹਾਂ ਆਈਏਐਸ ਬਣਨ ਦਾ ਆਪਣਾ ਸੁਫਨਾ ਪੂਰਾ ਕੀਤਾ। ਉਸਨੇ ਆਪਣੀ 12ਵੀਂ ਸਾਇੰਸ ਸਟ੍ਰੀਮ ਤੋਂ ਕੀਤੀ, ਜਿਸ ਤੋਂ ਬਾਅਦ ਉਸਨੇ ਜੇਈਈ ਮੇਨਜ਼ ਦੀ ਪ੍ਰੀਖਿਆ ਦਿੱਤੀ ਅਤੇ ਆਈਆਈਟੀ ਬੰਬੇ ਵਿੱਚ ਦਾਖਲਾ ਲਿਆ।
ਪਹਿਲੀ ਪ੍ਰੀਖਿਆ ਸਾਲ 2017 ਵਿੱਚ ਪਾਸ ਕੀਤੀ
ਕਾਰਤਿਕ ਨੇ ਸਾਲ 2017 ਵਿੱਚ ਪਹਿਲੀ ਵਾਰ ਸਿਵਲ ਸੇਵਾਵਾਂ ਦੀ ਪ੍ਰੀਖਿਆ 94 ਰੈਂਕ ਨਾਲ ਪਾਸ ਕੀਤੀ ਸੀ। ਆਈਪੀਐਸ ਹੋਣ ਦੇ ਬਾਵਜੂਦ ਉਸਨੇ ਇਸ ਪ੍ਰੀਖਿਆ ਦੀ ਤਿਆਰੀ ਜਾਰੀ ਰੱਖੀ। ਸਾਲ 2019 ਵਿੱਚ ਉਸਨੇ ਇੱਕ ਵਾਰ ਫਿਰ 84 ਰੈਂਕ ਨਾਲ ਪ੍ਰੀਖਿਆ ਪਾਸ ਕੀਤੀ। ਇਕ ਪਾਸੇ ਤਾਂ ਕਾਰਤਿਕ ਆਈਪੀਐਸ ਦੀ ਸਿਖਲਾਈ ਲੈ ਰਿਹਾ ਸੀ ਪਰ ਉਸ ਨੂੰ ਆਈਏਐਸ ਬਣਨ ਦਾ ਜਨੂੰਨ ਵੀ ਸੀ।
ਉਸਨੇ ਸਿਖਲਾਈ ਦੌਰਾਨ 15 ਦਿਨਾਂ ਦੀ ਛੁੱਟੀ ਲਈ ਅਤੇ 10-10 ਘੰਟੇ ਅਧਿਐਨ ਕਰਨ 'ਤੇ ਧਿਆਨ ਦਿੱਤਾ। ਇਸੇ ਮਿਹਨਤ ਦਾ ਨਤੀਜਾ ਸੀ ਕਿ ਸਾਲ 2020 ਵਿੱਚ ਕਾਰਤਿਕ ਨੇ ਦੁਬਾਰਾ ਇਮਤਿਹਾਨ ਦਿੱਤਾ ਅਤੇ IAS ਦੀ ਪ੍ਰੀਖਿਆ 8ਵੇਂ ਰੈਂਕ ਨਾਲ ਪਾਸ ਕਰਕੇ ਆਪਣਾ ਸੁਫਨਾ ਪੂਰਾ ਕੀਤਾ। ਇਸ ਨਾਲ ਉਸ ਨੇ ਗੁਜਰਾਤ ਦੇ ਸਭ ਤੋਂ ਉੱਚੇ ਦਰਜੇ ਦੇ ਨੌਜਵਾਨ ਦਾ ਖਿਤਾਬ ਵੀ ਜਿੱਤ ਲਿਆ।
ਇਸ ਤਰ੍ਹਾਂ ਕਰੋ IAS ਦੀ ਤਿਆਰੀ
ਜੇਕਰ ਤੁਸੀਂ ਵੀ ਕਾਰਤਿਕ ਦੀ ਤਰ੍ਹਾਂ ਆਈਏਐਸ ਬਣਨਾ ਚਾਹੁੰਦੇ ਹੋ, ਤਾਂ ਆਪਣੀ ਤਿਆਰੀ ਵਿੱਚ ਦੋ ਚੀਜ਼ਾਂ ਸ਼ਾਮਲ ਕਰੋ, ਇੱਕ ਸਖ਼ਤ ਮਿਹਨਤ ਅਤੇ ਦੂਜੀ ਸਮਾਰਟ ਵਰਕ। ਸਿਵਲ ਸੇਵਾਵਾਂ ਪ੍ਰੀਖਿਆ ਲਈ ਇਹ ਦੋਵੇਂ ਗੱਲਾਂ ਬਹੁਤ ਜ਼ਰੂਰੀ ਹਨ। ਆਪਣੀ ਪੜ੍ਹਾਈ ਪ੍ਰਤੀ ਸਮਰਪਿਤ ਅਤੇ ਦ੍ਰਿੜ ਰਹੋ। ਅਨੁਸ਼ਾਸਨ ਨੂੰ ਆਪਣੀ ਰੋਜ਼ਾਨਾ ਜ਼ਿੰਦਗੀ ਦਾ ਹਿੱਸਾ ਬਣਾਓ। ਆਪਣੇ ਮਨਪਸੰਦ ਵਿਸ਼ੇ 'ਤੇ ਧਿਆਨ ਕੇਂਦਰਿਤ ਕਰੋ ਅਤੇ ਪਹਿਲਾਂ ਇਸ ਦੀ ਤਿਆਰੀ ਕਰੋ। ਹੋਰ ਵਿਸ਼ਿਆਂ ਬਾਰੇ ਗਿਆਨ ਪ੍ਰਾਪਤ ਕਰਕੇ ਦਿਲਚਸਪੀ ਵਧਾਓ।
Education Loan Information:
Calculate Education Loan EMI
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
