Supreme Court Recruitment 2022: ਜੇਕਰ ਆਉਂਦੀਆਂ ਹਨ ਵੱਖ-ਵੱਖ ਭਾਸ਼ਾਵਾਂ ਤਾਂ ਸੁਪਰੀਮ ਕੋਰਟ 'ਚ ਨੌਕਰੀ ਲਈ ਕਰੋ ਅਪਲਾਈ, ਇੰਨੀ ਮਿਲੇਗੀ ਤਨਖ਼ਾਹ
Supreme Court Recruitment 2022: ਜੇਕਰ ਤੁਹਾਨੂੰ ਵੱਖ-ਵੱਖ ਭਾਸ਼ਾਵਾਂ ਦਾ ਗਿਆਨ ਹੈ, ਤਾਂ ਤੁਸੀਂ ਸੁਪਰੀਮ ਕੋਰਟ ਵਿੱਚ ਇਨ੍ਹਾਂ ਅਸਾਮੀਆਂ ਲਈ ਅਰਜ਼ੀ ਦੇ ਸਕਦੇ ਹੋ।
Supreme Court Recruitment 2022: ਸੁਪਰੀਮ ਕੋਰਟ ਵਿੱਚ ਨੌਕਰੀਆਂ ਦੀ ਤਲਾਸ਼ ਕਰ ਰਹੇ ਨੌਜਵਾਨਾਂ ਲਈ ਖੁਸ਼ਖਬਰੀ ਹੈ। ਜੇਕਰ ਤੁਹਾਨੂੰ ਵੱਖ-ਵੱਖ ਭਾਸ਼ਾਵਾਂ ਦਾ ਗਿਆਨ ਹੈ ਤਾਂ ਤੁਸੀਂ ਸੁਪਰੀਮ ਕੋਰਟ ਵਿੱਚ ਨੌਕਰੀ ਲਈ ਅਰਜ਼ੀ ਦੇ ਸਕਦੇ ਹੋ। ਸੁਪਰੀਮ ਕੋਰਟ ਨੇ 'ਕੋਰਟ ਅਸਿਸਟੈਂਟ (ਜੂਨੀਅਰ ਟ੍ਰਾਂਸਲੇਟਰ)' ਦੇ ਅਹੁਦੇ ਲਈ ਅਰਜ਼ੀਆਂ ਮੰਗੀਆਂ ਹਨ। ਅਰਜ਼ੀ ਦੀ ਪ੍ਰਕਿਰਿਆ 18 ਅਪ੍ਰੈਲ 2022 ਤੋਂ ਸ਼ੁਰੂ ਹੋਈ ਹੈ ਅਤੇ ਅਪਲਾਈ ਕਰਨ ਦੀ ਆਖਰੀ ਮਿਤੀ 14 ਮਈ 2022 ਹੈ। ਯੋਗ ਅਤੇ ਦਿਲਚਸਪੀ ਰੱਖਣ ਵਾਲੇ ਉਮੀਦਵਾਰ ਸੁਪਰੀਮ ਕੋਰਟ ਦੀ ਅਧਿਕਾਰਤ ਵੈੱਬਸਾਈਟ sci.gov.in 'ਤੇ ਇਨ੍ਹਾਂ ਅਸਾਮੀਆਂ ਲਈ ਅਰਜ਼ੀ ਦੇ ਸਕਦੇ ਹਨ।
ਮਹੱਤਵਪੂਰਨ ਤਾਰੀਖਾਂ
ਆਨਲਾਈਨ ਅਰਜ਼ੀ ਦੀ ਸ਼ੁਰੂਆਤ - 18 ਅਪ੍ਰੈਲ
ਆਨਲਾਈਨ ਅਪਲਾਈ ਕਰਨ ਦੀ ਆਖਰੀ ਮਿਤੀ - 14 ਮਈ
ਵਿਦਿਅਕ ਯੋਗਤਾਵਾਂ
ਅਨੁਵਾਦਕ ਦੀਆਂ ਅਸਾਮੀਆਂ ਲਈ ਅਪਲਾਈ ਕਰਨ ਵਾਲੇ ਉਮੀਦਵਾਰਾਂ ਕੋਲ ਅੰਗਰੇਜ਼ੀ ਅਤੇ ਸਬੰਧਤ ਸਥਾਨਕ ਭਾਸ਼ਾ ਵਿੱਚ ਬੈਚਲਰ ਡਿਗਰੀ ਹੋਣੀ ਚਾਹੀਦੀ ਹੈ। ਇਸ ਤੋਂ ਇਲਾਵਾ ਸਥਾਨਕ ਭਾਸ਼ਾ ਵਿੱਚ ਅੰਗਰੇਜ਼ੀ ਨਾਲ ਸਬੰਧਤ ਅਨੁਵਾਦ ਦੇ ਕੰਮ ਵਿੱਚ ਦੋ ਸਾਲ ਦਾ ਤਜ਼ਰਬਾ ਮੰਗਿਆ ਗਿਆ ਹੈ। ਉਮੀਦਵਾਰਾਂ ਨੂੰ ਸਥਾਨਕ ਭਾਸ਼ਾ ਤੋਂ ਅੰਗਰੇਜ਼ੀ ਵਿੱਚ ਅਨੁਵਾਦ ਵੀ ਕਰਨਾ ਹੋਵੇਗਾ। ਚੋਣ ਪ੍ਰਕਿਰਿਆ ਨਾਲ ਸਬੰਧਤ ਜਾਣਕਾਰੀ ਲਈ ਉਮੀਦਵਾਰ sci.gov.in 'ਤੇ ਜਾ ਸਕਦੇ ਹਨ। ਵਧੇਰੇ ਵੇਰਵਿਆਂ ਲਈ ਉਮੀਦਵਾਰ ਪੂਰੇ ਵੇਰਵੇ ਦੇਖਣ ਲਈ ਅਧਿਕਾਰਤ ਵੈੱਬਸਾਈਟ 'ਤੇ ਜਾ ਸਕਦੇ ਹਨ।
ਖਾਲੀ ਥਾਂ ਦੇ ਵੇਰਵੇ
ਇਸ ਭਰਤੀ ਮੁਹਿੰਮ ਰਾਹੀਂ ਟ੍ਰਾਂਸਲੇਟਰ ਦੀਆਂ 25 ਅਸਾਮੀਆਂ ਭਰੀਆਂ ਜਾਣਗੀਆਂ। ਅੰਗਰੇਜ਼ੀ ਤੋਂ ਬੰਗਾਲੀ ਟ੍ਰਾਂਸਲੇਟਰ ਵਿੱਚ 2 ਅਸਾਮੀਆਂ, ਅੰਗਰੇਜ਼ੀ ਤੋਂ ਤੇਲਗੂ ਵਿੱਚ 2 ਅਸਾਮੀਆਂ, ਅੰਗਰੇਜ਼ੀ ਤੋਂ ਗੁਜਰਾਤੀ ਵਿੱਚ 2 ਅਸਾਮੀਆਂ, ਅੰਗਰੇਜ਼ੀ ਤੋਂ ਉਰਦੂ ਵਿੱਚ 2 ਅਸਾਮੀਆਂ, ਅੰਗਰੇਜ਼ੀ ਤੋਂ ਮਰਾਠੀ ਵਿੱਚ 2 ਅਸਾਮੀਆਂ, ਅੰਗਰੇਜ਼ੀ ਤੋਂ ਤਾਮਿਲ ਵਿੱਚ 2 ਅਸਾਮੀਆਂ, ਅੰਗਰੇਜ਼ੀ ਤੋਂ ਤਾਮਿਲ ਵਿੱਚ 2, ਅੰਗਰੇਜ਼ੀ ਤੋਂ ਕੰਨੜ ਅਸਾਮੀਆਂ, ਅੰਗਰੇਜ਼ੀ ਤੋਂ ਮਲਿਆਲਮ 2 ਅਸਾਮੀਆਂ, ਅੰਗਰੇਜ਼ੀ ਤੋਂ ਮਨੀਪੁਰੀ 2 ਅਸਾਮੀਆਂ, ਅੰਗਰੇਜ਼ੀ ਤੋਂ ਉੜੀਆ 2 ਅਸਾਮੀਆਂ, ਅੰਗਰੇਜ਼ੀ ਤੋਂ ਪੰਜਾਬੀ 2 ਅਸਾਮੀਆਂ ਅਤੇ ਅੰਗਰੇਜ਼ੀ ਤੋਂ ਨੇਪਾਲੀ ਵਿੱਚ 1ਅਸਾਮੀ 'ਤੇ ਭਰਤੀ ਕੀਤੀ ਜਾਵੇਗੀ।
ਤਨਖਾਹ ਦੇ ਵੇਰਵੇ
ਇਨ੍ਹਾਂ ਅਸਾਮੀਆਂ ਲਈ ਚੁਣੇ ਗਏ ਉਮੀਦਵਾਰਾਂ ਨੂੰ ਹਰ ਮਹੀਨੇ 44,900 ਰੁਪਏ ਤਨਖਾਹ ਦਿੱਤੀ ਜਾਵੇਗੀ। ਉਮੀਦਵਾਰਾਂ ਦੀ ਉਮਰ 1 ਜਨਵਰੀ 2021 ਨੂੰ 32 ਸਾਲ ਤੋਂ ਘੱਟ ਹੋਣੀ ਚਾਹੀਦੀ ਹੈ। ਸਰਕਾਰੀ ਨਿਯਮਾਂ ਮੁਤਾਬਕ ਰਾਖਵੀਂ ਸ਼੍ਰੇਣੀ ਦੇ ਉਮੀਦਵਾਰਾਂ ਲਈ ਉਮਰ ਵਿੱਚ ਛੋਟ ਹੋਵੇਗੀ।
ਇਹ ਵੀ ਪੜ੍ਹੋ: Afghanistan Blast: ਇੱਕ ਵਾਰ ਫਿਰ ਧਮਾਕਿਆਂ ਨਾਲ ਅਫਗਾਨਿਸਤਾਨ 'ਚ ਦਹਿਸ਼ਤ ਦਾ ਮਾਹੌਲ, 9 ਲੋਕਾਂ ਦੀ ਮੌਤ ਅਤੇ 13 ਜ਼ਖਮੀ
Education Loan Information:
Calculate Education Loan EMI
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
