![ABP Premium](https://cdn.abplive.com/imagebank/Premium-ad-Icon.png)
ਰੋਜ਼ਾਨਾ ਆਉਣਗੇ 4 ਤੋਂ 8 ਲੱਖ ਕੋਰੋਨਾ ਦੇ ਕੇਸ! ਕਾਨਪੁਰ IIT ਦੇ ਪ੍ਰੋਫੈਸਰ ਨੇ ਦੱਸਿਆ ਤੀਜੀ ਲਹਿਰ ਦੀ ਸਿਖਰ ਕਦੋਂ ਆਵੇਗੀ?
Third Wave of Corona: ਪ੍ਰੋਫੈਸਰ ਅਗਰਵਾਲ ਨੇ ਕਿਹਾ ਕਿ ਦਿੱਲੀ ਵਿੱਚ ਸਥਿਤੀ ਬਹੁਤੀ ਚੰਗੀ ਨਹੀਂ ਪਰ ਇਸ ਵਿੱਚ ਸੁਧਾਰ ਹੋ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ 15 ਜਨਵਰੀ ਦੇ ਆਸਪਾਸ ਦਿੱਲੀ ਵਿੱਚ ਤੀਜੀ ਲਹਿਰ ਦਾ ਸਿਖਰ ਆ ਸਕਦਾ ਹੈ।
![ਰੋਜ਼ਾਨਾ ਆਉਣਗੇ 4 ਤੋਂ 8 ਲੱਖ ਕੋਰੋਨਾ ਦੇ ਕੇਸ! ਕਾਨਪੁਰ IIT ਦੇ ਪ੍ਰੋਫੈਸਰ ਨੇ ਦੱਸਿਆ ਤੀਜੀ ਲਹਿਰ ਦੀ ਸਿਖਰ ਕਦੋਂ ਆਵੇਗੀ? 4 to 8 lakh corona cases will come daily! When will the third wave come to an end, says Kanpur IIT professor? ਰੋਜ਼ਾਨਾ ਆਉਣਗੇ 4 ਤੋਂ 8 ਲੱਖ ਕੋਰੋਨਾ ਦੇ ਕੇਸ! ਕਾਨਪੁਰ IIT ਦੇ ਪ੍ਰੋਫੈਸਰ ਨੇ ਦੱਸਿਆ ਤੀਜੀ ਲਹਿਰ ਦੀ ਸਿਖਰ ਕਦੋਂ ਆਵੇਗੀ?](https://feeds.abplive.com/onecms/images/uploaded-images/2022/01/07/6dd76100848bfb2e621714a207706f7b_original.jpeg?impolicy=abp_cdn&imwidth=1200&height=675)
ਨਵੀਂ ਦਿੱਲੀ: IIT ਕਾਨਪੁਰ ਦੇ ਪ੍ਰੋਫੈਸਰ ਡਾਕਟਰ ਮਨਿੰਦਰ ਅਗਰਵਾਲ ਨੇ ਕੋਰੋਨਾ ਨਾਲ ਜੁੜੇ ਕਈ ਸਵਾਲਾਂ ਦੇ ਜਵਾਬ ਦਿੱਤੇ ਹਨ। ਉਨ੍ਹਾਂ ਕਿਹਾ ਕਿ ਆਉਣ ਵਾਲੇ ਦਿਨਾਂ 'ਚ ਰੋਜ਼ਾਨਾ 4 ਤੋਂ 8 ਲੱਖ ਕੋਰੋਨਾ ਦੇ ਮਰੀਜ਼ ਸਾਹਮਣੇ ਆਉਣਗੇ। ਉਨ੍ਹਾਂ ਦਾਅਵਾ ਕੀਤਾ ਕਿ ਹਸਪਤਾਲਾਂ ਵਿੱਚ ਇਲਾਜ ਦੌਰਾਨ ਬੈੱਡਾਂ ਦੀ ਵੀ ਘਾਟ ਹੋਵੇਗੀ, ਇਸ ਲਈ ਢੁੱਕਵੇਂ ਪ੍ਰਬੰਧ ਤੇ ਯੋਜਨਾਬੰਦੀ ਦੀ ਲੋੜ ਹੈ। ਉਨ੍ਹਾਂ ਕਿਹਾ ਕਿ ਪੀਕ ਦੌਰਾਨ ਡੇਢ ਲੱਖ ਬੈੱਡਾਂ ਦੀ ਲੋੜ ਪੈ ਸਕਦੀ ਹੈ।
ਪ੍ਰੋਫੈਸਰ ਅਗਰਵਾਲ ਨੇ ਕਿਹਾ ਕਿ ਸਾਡੇ ਪਹਿਲੇ ਅੰਦਾਜ਼ੇ ਤੇ ਦੱਖਣੀ ਅਫਰੀਕਾ ਦੇ ਅੰਕੜਿਆਂ 'ਤੇ ਆਧਾਰਤ ਇਸ ਅੰਦਾਜ਼ੇ 'ਚ ਫਰਕ ਹੈ। ਉਨ੍ਹਾਂ ਕਿਹਾ ਕਿ ਦੱਖਣੀ ਅਫਰੀਕਾ ਦਾ ਅੰਕੜਾ ਭਾਰਤ ਨਾਲੋਂ ਬਹੁਤ ਵੱਖਰਾ ਹੈ। ਸਮੇਂ ਦੇ ਨਾਲ ਅਸੀਂ ਅਨੁਮਾਨਾਂ ਨੂੰ ਹੋਰ ਸਹੀ ਬਣਾਵਾਂਗੇ। ਉਨ੍ਹਾਂ ਕਿਹਾ ਕਿ ਭਾਰਤ ਲਈ ਭਵਿੱਖਬਾਣੀ ਕਰਨਾ ਜ਼ਿਆਦਾ ਮੁਸ਼ਕਲ ਹੈ। ਅਸੀਂ ਅੰਦਾਜ਼ਾ ਲਾਇਆ ਹੈ ਕਿ ਤੀਜੀ ਲਹਿਰ ਦਾ ਸਿਖਰ ਜਨਵਰੀ ਦੇ ਆਖਰੀ ਹਫ਼ਤੇ ਜਾਂ ਫਰਵਰੀ ਦੇ ਸ਼ੁਰੂ ਵਿੱਚ ਹੋ ਸਕਦਾ ਹੈ। ਇਸ ਦੌਰਾਨ ਰੋਜ਼ਾਨਾ 4 ਤੋਂ 8 ਲੱਖ ਕੇਸ ਆਉਣਗੇ।
ਪ੍ਰੋਫੈਸਰ ਅਗਰਵਾਲ ਨੇ ਕਿਹਾ ਕਿ ਦਿੱਲੀ ਵਿੱਚ ਸਥਿਤੀ ਬਹੁਤੀ ਚੰਗੀ ਨਹੀਂ ਪਰ ਇਸ ਵਿੱਚ ਸੁਧਾਰ ਹੋ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ 15 ਜਨਵਰੀ ਦੇ ਆਸਪਾਸ ਦਿੱਲੀ ਵਿੱਚ ਤੀਜੀ ਲਹਿਰ ਦਾ ਸਿਖਰ ਆ ਸਕਦਾ ਹੈ। ਇਸ ਦੌਰਾਨ ਰੋਜ਼ਾਨਾ 35 ਤੋਂ 70 ਹਜ਼ਾਰ ਕੇਸ ਸਾਹਮਣੇ ਆਉਣਗੇ। ਇਸ ਦੇ ਨਾਲ ਹੀ, ਸਿਖਰ ਦੇ ਦੌਰਾਨ, ਹਸਪਤਾਲਾਂ ਵਿੱਚ 12 ਹਜ਼ਾਰ ਤੋਂ ਘੱਟ ਬੈੱਡਾਂ ਦੀ ਜ਼ਰੂਰਤ ਹੋਏਗੀ।
ਉਨ੍ਹਾਂ ਕਿਹਾ ਕਿ ਸਿਖਰ ਦੇ ਦੌਰਾਨ, ਮੁੰਬਈ ਵਿੱਚ ਰੋਜ਼ਾਨਾ 30 ਤੋਂ 60 ਹਜ਼ਾਰ ਨਵੇਂ ਕੇਸ ਸਾਹਮਣੇ ਆਉਣਗੇ। ਉਨ੍ਹਾਂ ਕਿਹਾ ਕਿ ਮੁੰਬਈ ਦੇ ਹਸਪਤਾਲਾਂ ਵਿੱਚ ਦਾਖਲ ਮਰੀਜ਼ਾਂ ਦੀ ਗਿਣਤੀ ਬਹੁਤ ਘੱਟ ਹੈ, ਇਸ ਲਈ ਅਨੁਮਾਨ ਹੈ ਕਿ ਸਿਖਰ ਦੇ ਸਮੇਂ ਵਿੱਚ ਹਸਪਤਾਲਾਂ ਵਿੱਚ 10 ਹਜ਼ਾਰ ਬੈੱਡਾਂ ਦੀ ਲੋੜ ਹੋਵੇਗੀ।
ਪ੍ਰੋਫੈਸਰ ਅਗਰਵਾਲ ਨੇ ਕਿਹਾ ਕਿ ਅਗਲੇ 10 ਦਿਨਾਂ ਵਿੱਚ ਦਿੱਲੀ ਤੇ ਮੁੰਬਈ ਵਿੱਚ ਕੋਰੋਨਾ ਦੀ ਤੀਜੀ ਲਹਿਰ ਦਾ ਸਿਖਰ ਹੋਵੇਗਾ। ਉਨ੍ਹਾਂ ਦੱਸਿਆ ਕਿ ਦੋਵਾਂ ਸ਼ਹਿਰਾਂ ਵਿੱਚ 30,000 ਤੋਂ 50,000 ਦੇ ਕਰੀਬ ਕੋਰੋਨਾ ਦੇ ਕੇਸ ਹਨ। ਡਾਕਟਰ ਅਗਰਵਾਲ ਦੇ ਅਨੁਸਾਰ, ਇਸ ਮਹੀਨੇ ਦੇ ਅੰਤ ਤੱਕ, ਭਾਰਤ ਵਿੱਚ ਕੋਰੋਨਾ ਦੀ ਤੀਜੀ ਲਹਿਰ ਸਿਖਰ 'ਤੇ ਆ ਜਾਵੇਗੀ। ਇੱਕ ਦਿਨ ਵਿੱਚ 4 ਤੋਂ 8 ਲੱਖ ਨਵੇਂ ਕੇਸ ਆਉਣਗੇ।
ਉਨ੍ਹਾਂ ਕਿਹਾ ਕਿ ਜੇਕਰ ਲੌਕਡਾਊਨ ਨਾ ਲਾਇਆ ਗਿਆ ਤਾਂ ਮਾਰਚ ਤੱਕ ਕੋਰੋਨਾ ਦੀ ਤੀਜੀ ਲਹਿਰ ਸਿਖਰ 'ਤੇ ਆਉਣ ਦੀ ਸੰਭਾਵਨਾ ਹੈ। ਮਾਰਚ ਦੇ ਅੰਤ ਤੱਕ ਭਾਰਤ ਵਿੱਚ ਰੋਜ਼ਾਨਾ 10 ਹਜ਼ਾਰ ਤੋਂ 20 ਹਜ਼ਾਰ ਨਵੇਂ ਕੇਸ ਆਉਣ ਦੀ ਸੰਭਾਵਨਾ ਹੈ। ਡਾਕਟਰ ਅਗਰਵਾਲ ਨੇ ਕਿਹਾ ਕਿ ਹਸਪਤਾਲਾਂ ਵਿੱਚ ਘੱਟ ਕੋਰੋਨਾ ਮਰੀਜ਼ਾਂ ਦੇ ਦਾਖਲ ਹੋਣ ਦੀ ਉਮੀਦ ਹੈ।
ਇਹ ਵੀ ਪੜ੍ਹੋ: 7th Pay Commission: ਕੇਂਦਰੀ ਮੁਲਾਜ਼ਮਾਂ ਲਈ ਖੁਸ਼ਖਬਰੀ, 26 ਜਨਵਰੀ ਨੂੰ ਵਧੇਗੀ ਤਨਖਾਹ
ਪੰਜਾਬੀ ‘ਚ ਤਾਜ਼ਾ ਖ਼ਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)