ਦਹੇਜ 'ਚ ਕਾਰ ਨਾ ਮਿਲਣ ਕਰਕੇ ਲਾਲਚੀ ਲਾੜੇ ਨੇ ਵਿਆਹ ਦੇ ਦੋ ਘੰਟੇ ਬਾਅਦ ਲਾੜੀ ਦੀ ਜ਼ਿੰਦਗੀ ਕੀਤੀ ਬਰਬਾਦ, ਜਾਣੋ ਪੂਰਾ ਮਾਮਲਾ
Agra Dowry News: ਲਾੜੀ ਦੇ ਭਰਾ ਨੇ ਦੱਸਿਆ ਕਿ ਉਨ੍ਹਾਂ ਨੇ ਆਪਣੀ ਹੈਸੀਅਤ ਤੋਂ ਵੱਧ ਖਰਚਾ ਕਰਕੇ ਵਿਆਹ ਕੀਤਾ ਸੀ। ਵਿਆਹ 'ਚ ਦਾਜ ਤੋਂ ਇਲਾਵਾ ਸੋਨੇ-ਚਾਂਦੀ ਦੇ ਗਹਿਣਿਆਂ ਦੇ ਨਾਲ-ਨਾਲ ਨਕਦੀ ਵੀ ਦਿੱਤੀ ਗਈ ਪਰ ਲਾੜਾ ਕਾਰ ਦੀ ਮੰਗ ਕਰਨ ਲੱਗਾ।
ਆਗਰਾ 'ਚ ਦਾਜ ਦੀ ਖਾਤਰ ਤਿੰਨ ਤਲਾਕ ਦਾ ਮਾਮਲਾ ਸਾਹਮਣੇ ਆਇਆ ਹੈ, ਜਿਸ 'ਚ ਦਾਜ ਦੇ ਲੋਭੀ ਲੋਕਾਂ ਨੇ ਵਿਆਹ ਦੇ ਦੋ ਘੰਟੇ ਦੇ ਅੰਦਰ ਹੀ ਲਾੜੀ ਨੂੰ ਤਿੰਨ ਤਲਾਕ ਦੇ ਦਿੱਤਾ। ਦੱਸਿਆ ਜਾ ਰਿਹਾ ਹੈ ਕਿ ਵਿਆਹ 'ਚ ਕਾਰ ਨਾ ਮਿਲਣ 'ਤੇ ਲਾੜਾ ਅਤੇ ਉਸ ਦਾ ਪਰਿਵਾਰ ਪਰੇਸ਼ਾਨ ਹੋ ਗਿਆ ਅਤੇ ਵਿਆਹ ਦੇ ਦੋ ਘੰਟੇ ਦੇ ਅੰਦਰ ਹੀ ਤਲਾਕ ਦੇ ਦਿੱਤਾ। ਬਰਾਤ ਬਿਨਾਂ ਲਾੜੀ ਦੇ ਪਰਤ ਗਈ। ਆਗਰਾ ਦੇ ਮੰਟੋਲਾ ਵਾਸੀ ਦੋ ਭੈਣਾਂ ਦਾ ਵਿਆਹ ਤੈਅ ਹੋ ਗਿਆ ਸੀ। ਨਾਈ ਦੀ ਮੰਡੀ ਦੇ ਆਸਿਫ ਨਾਲ ਭੈਣ ਦਾ ਰਿਸ਼ਤਾ ਤੈਅ ਹੋਇਆ ਸੀ। 12 ਜੁਲਾਈ ਨੂੰ ਥਾਣਾ ਤਾਜਗੰਜ ਇਲਾਕੇ 'ਚ ਸਥਿਤ ਪ੍ਰਿਯਾਂਸ਼ੂ ਫਾਰਮ ਹਾਊਸ 'ਚ ਮੁੰਡੇ ਵਾਲੇ ਬਰਾਤ ਲੈ ਕੇ ਆਏ ਸਨ। ਇੱਕ ਭੈਣ ਨੂੰ ਵਿਆਹ ਤੋਂ ਬਾਅਦ ਵਿਦਾਈ ਦੇ ਦਿੱਤੀ ਗਈ ਸੀ। ਲੜਕੀ ਦੇ ਪੱਖ ਦਾ ਦੋਸ਼ ਹੈ ਕਿ ਦੂਜੀ ਭੈਣ ਦੇ ਸਹੁਰੇ ਵਾਲੇ ਵਿਆਹ ਤੋਂ ਬਾਅਦ ਕਾਰ ਦੀ ਮੰਗ ਕਰਨ ਲੱਗੇ।
ਲਾੜੀ ਦੇ ਭਰਾ ਨੇ ਦੱਸਿਆ ਕਿ ਉਸ ਨੇ ਆਪਣੀ ਹੈਸੀਅਤ ਤੋਂ ਖਰਚਾ ਕਰਕੇ ਵਿਆਹ ਕੀਤਾ ਸੀ। ਵਿਆਹ 'ਚ ਦਾਜ ਤੋਂ ਇਲਾਵਾ ਨਕਦੀ ਦੇ ਨਾਲ-ਨਾਲ ਸੋਨੇ-ਚਾਂਦੀ ਦੇ ਗਹਿਣੇ ਵੀ ਦਿੱਤੇ ਗਏ ਸਨ ਪਰ ਲਾੜਾ ਆਸਿਫ ਅਤੇ ਉਸ ਦੇ ਪਰਿਵਾਰ ਵਾਲਿਆਂ ਨੇ ਕਾਰ ਦੀ ਮੰਗ ਕਰਨੀ ਸ਼ੁਰੂ ਕਰ ਦਿੱਤੀ। ਜਦੋਂ ਅਸੀਂ ਕਾਰ ਦੇਣ ਤੋਂ ਇਨਕਾਰ ਕਰ ਦਿੱਤਾ ਤਾਂ ਲਾੜੇ ਆਸਿਫ਼ ਨੇ ਲਾੜੀ ਨੂੰ ਤਿੰਨ ਵਾਰ ਤਲਾਕ ਕਿਹਾ, ਇੰਨਾ ਹੀ ਨਹੀਂ ਲੜਕਾ ਸੋਨਾ, ਚਾਂਦੀ ਦੇ ਗਹਿਣੇ ਅਤੇ ਨਕਦੀ ਲੈ ਕੇ ਫ਼ਰਾਰ ਹੋ ਗਿਆ। ਜਿਸ ਦੀ ਸ਼ਿਕਾਇਤ ਥਾਣਾ ਤਾਜਗੰਜ 'ਚ ਦਰਜ ਕਰਵਾਈ ਗਈ।
ਇਸ ਮਾਮਲੇ ਸਬੰਧੀ ਏਸੀਪੀ ਅਰਚਨਾ ਸਿੰਘ ਨੇ ਦੱਸਿਆ ਕਿ ਥਾਣਾ ਤਾਜਗੰਜ ਦੀ ਪੁਲਿਸ ਨੂੰ ਸੂਚਨਾ ਮਿਲੀ ਸੀ ਕਿ ਲਾੜੀ ਨੂੰ ਲਾੜੇ ਵੱਲੋਂ ਤਿੰਨ ਤਲਾਕ ਦਿੱਤਾ ਗਿਆ ਸੀ। ਜਿਸ ਵਿੱਚ ਕਿਹਾ ਗਿਆ ਹੈ ਕਿ ਜਦੋਂ ਵਿਆਹ ਤੋਂ ਬਾਅਦ ਜਦੋਂ ਲੜਕੀ ਦੀ ਵਿਦਾਈ ਹੋਣ ਵਾਲੀ ਸੀ ਤਾਂ ਸਹੁਰੇ ਵਾਲਿਆਂ ਨੇ ਦਾਜ ਵਿੱਚ ਕਾਰ ਨਾ ਮਿਲਣ ਕਰਕੇ ਮੁੰਡੇ ਤੋਂ ਤਿੰਨ ਤਲਾਕ ਦਵਾ ਦਿੱਤਾ। ਪਰਿਵਾਰਕ ਮੈਂਬਰਾਂ ਦੀ ਸ਼ਿਕਾਇਤ ਦੇ ਆਧਾਰ 'ਤੇ ਪੁਲਿਸ ਨੇ ਥਾਣਾ ਤਾਜਗੰਜ 'ਚ ਮਾਮਲਾ ਦਰਜ ਕਰ ਲਿਆ ਹੈ, ਮਾਮਲੇ ਦੀ ਗੰਭੀਰਤਾ ਨਾਲ ਕਾਰਵਾਈ ਕੀਤੀ ਜਾ ਰਹੀ ਹੈ ਅਤੇ ਜਾਂਚ ਕੀਤੀ ਜਾ ਰਹੀ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
