ਟੇਕਆਫ਼ ਤੋਂ ਕੁਝ ਮਿੰਟਾਂ ਬਾਅਦ ਵਾਪਸ ਮੁੜਿਆ ਏਅਰ ਇੰਡੀਆ ਦਾ ਜਹਾਜ਼, ਸੈਂਕੜੇ ਯਾਤਰੀਆਂ ਦੇ ਅਟਕੇ ਸਾਹ, ਜਾਣੋ ਪੂਰਾ ਮਾਮਲਾ
ਦਿੱਲੀ ਤੋਂ ਮੁੰਬਈ ਜਾ ਰਹੀ ਏਅਰ ਇੰਡੀਆ ਦੀ ਇੱਕ ਫਲਾਈਟ ਨੂੰ ਸੋਮਵਾਰ ਨੂੰ ਟੇਕਆਫ਼ ਤੋਂ ਤੁਰੰਤ ਬਾਅਦ ਐਮਰਜੈਂਸੀ ਹਾਲਾਤਾਂ ਵਿੱਚ ਵਾਪਸ ਦਿੱਲੀ ਮੁੜਨਾ ਪਿਆ। ਉਡਾਣ ਦੌਰਾਨ ਜਹਾਜ਼ ਦੇ ਇੱਕ ਇੰਜਣ ਵਿੱਚ ਤਕਨੀਕੀ ਖ਼ਰਾਬੀ ਸਾਹਮਣੇ ਆਉਣ ਤੋਂ...
ਦਿੱਲੀ ਤੋਂ ਮੁੰਬਈ ਜਾ ਰਹੀ ਏਅਰ ਇੰਡੀਆ ਦੀ ਇੱਕ ਫਲਾਈਟ ਨੂੰ ਸੋਮਵਾਰ ਨੂੰ ਟੇਕਆਫ਼ ਤੋਂ ਤੁਰੰਤ ਬਾਅਦ ਐਮਰਜੈਂਸੀ ਹਾਲਾਤਾਂ ਵਿੱਚ ਵਾਪਸ ਦਿੱਲੀ ਮੁੜਨਾ ਪਿਆ। ਉਡਾਣ ਦੌਰਾਨ ਜਹਾਜ਼ ਦੇ ਇੱਕ ਇੰਜਣ ਵਿੱਚ ਤਕਨੀਕੀ ਖ਼ਰਾਬੀ ਸਾਹਮਣੇ ਆਉਣ ਤੋਂ ਬਾਅਦ ਪਾਇਲਟਾਂ ਨੇ ਸੁਰੱਖਿਆ ਨੂੰ ਪਹਿਲ ਦਿੰਦਿਆਂ ਏਅਰ ਟਰਨਬੈਕ ਕਰਨ ਦਾ ਫ਼ੈਸਲਾ ਲਿਆ। ਜਹਾਜ਼ ਦੀ ਸੁਰੱਖਿਅਤ ਲੈਂਡਿੰਗ ਹੋਣ ਮਗਰੋਂ ਸਾਰੇ ਯਾਤਰੀਆਂ ਅਤੇ ਕ੍ਰੂ ਮੈਂਬਰਾਂ ਨੂੰ ਸੁਰੱਖਿਅਤ ਤਰੀਕੇ ਨਾਲ ਬਾਹਰ ਕੱਢ ਲਿਆ ਗਿਆ। ਇਹ ਘਟਨਾ ਏਅਰ ਇੰਡੀਆ ਦੀ ਫਲਾਈਟ AI-887 ਨਾਲ ਸਬੰਧਿਤ ਹੈ, ਜੋ ਦਿੱਲੀ ਤੋਂ ਮੁੰਬਈ ਲਈ ਰਵਾਨਾ ਹੋਈ ਸੀ। ਇਹ ਉਡਾਣ Boeing 777-300ER (VT-ALS) ਜਹਾਜ਼ ਰਾਹੀਂ ਚਲਾਈ ਜਾ ਰਹੀ ਸੀ।
ਟੇਕਆਫ਼ ਤੋਂ ਬਾਅਦ ਕਿਵੇਂ ਸਾਹਮਣੇ ਆਈ ਖ਼ਰਾਬੀ
ਸੂਤਰਾਂ ਮੁਤਾਬਕ, ਟੇਕਆਫ਼ ਤੋਂ ਕੁਝ ਹੀ ਦੇਰ ਬਾਅਦ ਜਦੋਂ ਜਹਾਜ਼ ਦੇ ਫਲੈਪਸ ਵਾਪਸ ਖਿੱਚੇ ਜਾ ਰਹੇ ਸਨ, ਉਸ ਸਮੇਂ ਫਲਾਈਟ ਕ੍ਰੂ ਨੂੰ ਸੱਜੇ ਇੰਜਣ ਵਿੱਚ ਆਇਲ ਪ੍ਰੈਸ਼ਰ ਘੱਟ ਹੋਣ ਦੀ ਚੇਤਾਵਨੀ ਮਿਲੀ। ਕੁਝ ਪਲਾਂ ਬਾਅਦ ਹੀ ਇੰਜਣ ਦਾ ਆਇਲ ਪ੍ਰੈਸ਼ਰ ਪੂਰੀ ਤਰ੍ਹਾਂ ਜ਼ੀਰੋ ਹੋ ਗਿਆ, ਜਿਸ ਨਾਲ ਤਕਨੀਕੀ ਖ਼ਤਰੇ ਵਾਲੀ ਸਥਿਤੀ ਬਣ ਗਈ। ਇਸ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਪਾਇਲਟਾਂ ਨੇ ਤੁਰੰਤ ਜਹਾਜ਼ ਨੂੰ ਵਾਪਸ ਦਿੱਲੀ ਲਿਆਉਣ ਦਾ ਫ਼ੈਸਲਾ ਕੀਤਾ।
ਪਾਇਲਟਾਂ ਨੇ ਲਿਆ ਏਅਰ ਟਰਨਬੈਕ ਦਾ ਫ਼ੈਸਲਾ
ਸੁਰੱਖਿਆ ਮਿਆਰਾਂ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਪਾਇਲਟਾਂ ਨੇ ਤੁਰੰਤ ਏਅਰ ਟਰਨਬੈਕ ਕਰਨ ਦਾ ਫ਼ੈਸਲਾ ਲਿਆ। ਜਹਾਜ਼ ਨੂੰ ਸਾਵਧਾਨੀ ਨਾਲ ਮੁੜ ਦਿੱਲੀ ਏਅਰਪੋਰਟ ਵੱਲ ਘੁੰਮਾਇਆ ਗਿਆ ਅਤੇ ਸਾਰੇ ਮਿਆਰੀ ਨਿਯਮਾਂ ਦੀ ਪਾਲਣਾ ਕਰਦੇ ਹੋਏ ਸੁਰੱਖਿਅਤ ਲੈਂਡਿੰਗ ਕਰਵਾਈ ਗਈ।
ਏਅਰ ਇੰਡੀਆ ਦਾ ਅਧਿਕਾਰਿਕ ਬਿਆਨ
ਏਅਰ ਇੰਡੀਆ ਨੇ ਆਪਣੇ ਬਿਆਨ ਵਿੱਚ ਕਿਹਾ ਕਿ ਫ਼ਲਾਈਟ ਨੂੰ ਸਟੈਂਡਰਡ ਓਪਰੇਟਿੰਗ ਪ੍ਰੋਸੀਜਰ ਅਨੁਸਾਰ ਵਾਪਸ ਲਿਆਂਦਾ ਗਿਆ। ਏਅਰਲਾਈਨ ਨੇ ਸਪੱਸ਼ਟ ਕੀਤਾ ਕਿ ਲੈਂਡਿੰਗ ਪੂਰੀ ਤਰ੍ਹਾਂ ਸੁਰੱਖਿਅਤ ਰਹੀ ਅਤੇ ਕਿਸੇ ਵੀ ਯਾਤਰੀ ਜਾਂ ਕ੍ਰੂ ਮੈਂਬਰ ਨੂੰ ਕੋਈ ਨੁਕਸਾਨ ਨਹੀਂ ਪਹੁੰਚਿਆ।
ਤਕਨੀਕੀ ਜਾਂਚ ਜਾਰੀ, ਜਹਾਜ਼ ਫ਼ਿਲਹਾਲ ਗ੍ਰਾਊਂਡਡ
ਏਅਰ ਇੰਡੀਆ ਮੁਤਾਬਕ ਜਹਾਜ਼ ਦੀ ਵਿਸਥਾਰ ਨਾਲ ਤਕਨੀਕੀ ਜਾਂਚ ਕੀਤੀ ਜਾ ਰਹੀ ਹੈ। ਸ਼ੁਰੂਆਤੀ ਜਾਂਚ ਵਿੱਚ ਇਹ ਸਾਹਮਣੇ ਆਇਆ ਹੈ ਕਿ ਪਿਛਲੇ ਰਿਕਾਰਡ ਵਿੱਚ ਇੰਜਣ ਆਇਲ ਦੀ ਖਪਤ ਸਬੰਧੀ ਕੋਈ ਗੜਬੜ ਦਰਜ ਨਹੀਂ ਸੀ। ਫ਼ਿਲਹਾਲ ਜਹਾਜ਼ ਨੂੰ ਗ੍ਰਾਊਂਡਡ ਰੱਖਿਆ ਗਿਆ ਹੈ ਅਤੇ ਸਾਰੀਆਂ ਲੋੜੀਂਦੀਆਂ ਜਾਂਚਾਂ ਪੂਰੀਆਂ ਹੋਣ ਤੋਂ ਬਾਅਦ ਹੀ ਇਸਨੂੰ ਮੁੜ ਉਡਾਣ ਸੇਵਾ ਵਿੱਚ ਸ਼ਾਮਲ ਕੀਤਾ ਜਾਵੇਗਾ।
Before You Go
BJP ‘ਤੇ CM ਮਾਨ ਦਾ ਤਿੱਖਾ ਤੰਜ, ਸਿਆਸਤ ਹੋਈ ਗਰਮ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
