(Source: ECI/ABP News)
Ban on 156 Medicine: ਮੋਦੀ ਸਰਕਾਰ ਦਾ ਵੱਡਾ ਐਕਸ਼ਨ! ਬੈਨ ਕਰ ਦਿੱਤੀਆਂ 156 ਦਵਾਈਆਂ, ਪਾਬੰਦੀ ਦੀ ਅਸਲੀਅਤ ਆਈ ਸਾਹਮਣੇ
ਭਾਰਤ ਸਰਕਾਰ ਨੇ 156 ਦਵਾਈਆਂ 'ਤੇ ਪਾਬੰਦੀ ਲਾਉਣ ਦਾ ਫੈਸਲਾ ਕੀਤਾ ਹੈ। ਇਨ੍ਹਾਂ ਵਿੱਚ ਬੁਖਾਰ ਦੀ ਪ੍ਰਸਿੱਧ ਦਵਾਈ ਚੈਸਟਨ ਕੋਲਡ ਤੇ ਦਰਦ ਨੂੰ ਠੀਕ ਕਰਨ ਦਾ ਦਾਅਵਾ ਕਰਨ ਵਾਲੀ ਫੋਰਾਸੇਟ ਵੀ ਸ਼ਾਮਲ ਹੈ।
Ban on 156 Medicine: ਭਾਰਤ ਸਰਕਾਰ ਨੇ 156 ਦਵਾਈਆਂ 'ਤੇ ਪਾਬੰਦੀ ਲਾਉਣ ਦਾ ਫੈਸਲਾ ਕੀਤਾ ਹੈ। ਇਨ੍ਹਾਂ ਵਿੱਚ ਬੁਖਾਰ ਦੀ ਪ੍ਰਸਿੱਧ ਦਵਾਈ ਚੈਸਟਨ ਕੋਲਡ ਤੇ ਦਰਦ ਨੂੰ ਠੀਕ ਕਰਨ ਦਾ ਦਾਅਵਾ ਕਰਨ ਵਾਲੀ ਫੋਰਾਸੇਟ ਵੀ ਸ਼ਾਮਲ ਹੈ। ਸਿਹਤ ਮੰਤਰਾਲੇ ਨੇ ਇਨ੍ਹਾਂ ਦਵਾਈਆਂ ਦੇ ਮਿਸ਼ਰਨ ਨੂੰ ਤਰਕਹੀਣ ਕਰਾਰ ਦਿੱਤਾ ਤੇ ਨੋਟੀਫਿਕੇਸ਼ਨ ਜਾਰੀ ਕਰਦਿਆਂ ਕਿਹਾ ਕਿ ਇਨ੍ਹਾਂ ਦਾ ਕੋਈ ਲਾਭ ਨਹੀਂ ਹੈ। ਇਨ੍ਹਾਂ ਫਿਕਸਡ ਡੋਜ਼ ਕੰਬੀਨੇਸ਼ਨ ਦਵਾਈਆਂ 'ਤੇ ਤੁਰੰਤ ਪ੍ਰਭਾਵ ਨਾਲ ਪਾਬੰਦੀ ਲਗਾ ਦਿੱਤੀ ਹੈ।
ਫਿਕਸਡ ਡੋਜ਼ ਮਿਸ਼ਰਨ ਦਵਾਈਆਂ ਕੀ ਹਨ?
ਫਿਕਸਡ ਡੋਜ਼ ਕੰਬੀਨੇਸ਼ਨ ਉਹ ਦਵਾਈਆਂ ਹਨ ਜਿਨ੍ਹਾਂ ਵਿੱਚ ਇੱਕ ਗੋਲੀ, ਕੈਪਸੂਲ ਜਾਂ ਸ਼ਾਟ ਵਿੱਚ ਦੋ ਜਾਂ ਵੱਧ ਕਿਰਿਆਸ਼ੀਲ ਤੱਤ ਹੁੰਦੇ ਹਨ। ਇਹ ਦਵਾਈਆਂ ਟੀਬੀ ਤੇ ਸ਼ੂਗਰ ਵਰਗੀਆਂ ਬਿਮਾਰੀਆਂ ਤੋਂ ਪੀੜਤ ਲੋਕਾਂ ਨੂੰ ਘੱਟ ਡੋਜ ਲੈਣ ਵਿੱਚ ਮਦਦ ਕਰਦੀਆਂ ਹਨ, ਪਰ ਇਹ ਉਨ੍ਹਾਂ ਨੂੰ ਅਜਿਹੇ ਤੱਤਾਂ ਦਾ ਸੇਵਨ ਕਰਨ ਲਈ ਵੀ ਮਜਬੂਰ ਕਰਦੀਆਂ ਹਨ ਜਿਨ੍ਹਾਂ ਦੀ ਲੋੜ ਹੀ ਨਹੀਂ ਹੁੰਦੀ ਹੈ।
ਸਰਕਾਰ ਨੇ ਪਾਬੰਦੀ ਕਿਉਂ ਲਾਈ
ਇਨ੍ਹਾਂ ਦਵਾਈਆਂ ਵਿੱਚ ਅਜਿਹੇ ਤੱਤ ਹੁੰਦੇ ਹਨ ਜੋ ਇਕੱਠੇ ਕੰਮ ਨਹੀਂ ਕਰਦੇ। ਇਸ ਤੋਂ ਇਲਾਵਾ ਇਸ 'ਚ ਕੁਝ ਅਜਿਹੇ ਤੱਤ ਵੀ ਹੁੰਦੇ ਹਨ, ਜਿਨ੍ਹਾਂ ਦਾ ਸੇਵਨ ਕਰਨ ਦੀ ਜ਼ਰੂਰਤ ਨਹੀਂ ਹੁੰਦੀ। ਵਰਤਮਾਨ ਵਿੱਚ, ਜ਼ਿਆਦਾਤਰ ਦਵਾਈਆਂ ਜਿਨ੍ਹਾਂ 'ਤੇ ਪਾਬੰਦੀ ਲਗਾਈ ਗਈ ਹੈ, ਨੂੰ ਵੱਖ-ਵੱਖ ਰਾਜਾਂ ਦੇ ਲਾਇਸੈਂਸਿੰਗ ਅਥਾਰਟੀਆਂ ਦੁਆਰਾ ਬਿਨਾਂ ਕਿਸੇ ਅਜ਼ਮਾਇਸ਼ ਦੇ ਮਨਜ਼ੂਰ ਕੀਤਾ ਗਿਆ ਸੀ। ਦਰਅਸਲ, ਦਵਾਈਆਂ ਵਿੱਚ ਵਰਤੇ ਜਾਣ ਵਾਲੇ ਤੱਤਾਂ ਨੂੰ ਵਿਅਕਤੀਗਤ ਤੌਰ 'ਤੇ ਮਨਜ਼ੂਰੀ ਦਿੱਤੀ ਗਈ ਸੀ।
ਸਿਹਤ ਮੰਤਰਾਲੇ ਨੇ ਕਿਹਾ ਕਿ 2019 ਦੇ ਨਵੇਂ ਡਰੱਗ ਤੇ ਕਲੀਨਿਕਲ ਟ੍ਰਾਇਲ ਨਿਯਮਾਂ ਅਨੁਸਾਰ, ਫਿਕਸਡ ਡੋਜ਼ ਮਿਸ਼ਰਨ ਨੂੰ ਨਵੀਂ ਦਵਾਈ ਮੰਨਿਆ ਜਾਣਾ ਚਾਹੀਦਾ ਹੈ ਤੇ ਇਸ ਲਈ ਉਨ੍ਹਾਂ ਨੂੰ ਕੇਂਦਰੀ ਡਰੱਗ ਰੈਗੂਲੇਟਰ ਤੋਂ ਮਨਜ਼ੂਰੀ ਲੈਣ ਦੀ ਲੋੜ ਹੈ। ਇਸ ਨਾਲ ਬਾਜ਼ਾਰ ਵਿੱਚ ਉਪਲਬਧ ਇਨ੍ਹਾਂ ਤਰਕਹੀਣ ਸੰਜੋਗਾਂ ਦੀ ਗਿਣਤੀ ਨੂੰ ਘਟਾਉਣ ਵਿੱਚ ਮਦਦ ਮਿਲੀ ਹੈ।
ਪਾਬੰਦੀਸ਼ੁਦਾ ਸੂਚੀ ਵਿੱਚ ਕਿਹੜੀਆਂ ਦਵਾਈਆਂ ਸ਼ਾਮਲ?
ਪਾਬੰਦੀਸ਼ੁਦਾ ਦਵਾਈਆਂ ਵਿੱਚ ਗੈਸਟਰੋਇੰਟੇਸਟਾਈਨਲ ਸਮੱਸਿਆਵਾਂ ਦੇ ਇਲਾਜ ਲਈ ਵਰਤੇ ਜਾਣ ਵਾਲੇ ਐਨਜ਼ਾਈਮ ਦੇ ਵੱਖ-ਵੱਖ ਸੰਜੋਗ, ਐਂਟੀ-ਐਲਰਜਿਕ ਦਵਾਈਆਂ ਦੇ ਸੰਜੋਗ ਤੇ ਚਮੜੀ ਦੀਆਂ ਸਮੱਸਿਆਵਾਂ ਦੇ ਇਲਾਜ ਲਈ ਵਰਤੇ ਜਾਂਦੇ ਸੰਜੋਗ ਸ਼ਾਮਲ ਹਨ।
ਇਸ ਦੌਰਾਨ, ਵਿਆਪਕ ਤੌਰ 'ਤੇ ਵਰਤੀਆਂ ਜਾਣ ਵਾਲੀਆਂ ਐਂਟੀ-ਐਲਰਜਿਕ ਦਵਾਈਆਂ ਜਿਵੇਂ ਲੇਵੋਸੇਟਿਰਿਜ਼ੀਨ, ਖੰਘ ਦੀ ਦਵਾਈ ਤੇ ਪੈਰਾਸੀਟਾਮੋਲ 'ਤੇ ਵੀ ਪਾਬੰਦੀ ਲਗਾਈ ਗਈ ਹੈ। ਇਸ ਤੋਂ ਇਲਾਵਾ ਐਂਟੀਬਾਇਓਟਿਕਸ ਦੇ ਨਾਲ-ਨਾਲ ਫਿਣਸੀ ਕਰੀਮ ਜਾਂ ਆਇਓਡੀਨ ਦੇ ਘੋਲ 'ਤੇ ਵੀ ਪਾਬੰਦੀ ਲਗਾਈ ਗਈ ਹੈ।
ਸਪਲੀਮੈਂਟਸ ਦੇ ਕੰਬੀਨੇਸ਼ਨ ਵਿੱਚ ਐਲੋਵੇਰਾ ਦੇ ਨਾਲ ਮੇਨਥੋਲ, ਮੈਡੀਕੇਡਿਟ ਸਾਬਣ ਦੇ ਰੂਪ ਵਿੱਚ ਵਿਟਾਮਿਨ ਈ ਦੇ ਨਾਲ ਐਲੋਵੇਰਾ, ਐਂਟੀਸੈਪਟਿਕ ਏਜੰਟ, ਐਲੋ ਐਕਸਟ੍ਰੈਕਟ ਤੇ ਵਿਟਾਮਨ ਜੇ ਨਾਲ ਜਲਨ ਦੀ ਦਵਾ ਸਿਲਵਰ ਸਲਫਾਡਿਆਜ਼ੀਨ ਤੇ ਸਕਿਨ ਐਲਰਜ਼ੀ ਦੇ ਇਲਾਜ ਲਈ ਐਲੋਵੇਰਾ ਤੇ ਕੈਲਾਮੀਨ ਦੇ ਸੁਮੇਲ ਨਾਲ ਬਣੇ ਲੋਸ਼ਨ ਸ਼ਾਮਲ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
