![ABP Premium](https://cdn.abplive.com/imagebank/Premium-ad-Icon.png)
ਮੰਤਰੀਆਂ ਲਈ ਅਸ਼ੁਭ ਸਾਬਤ ਹੋ ਰਿਹਾ ਸਰਕਾਰੀ ਬੰਗਲਾ ! ਜਿਹੜਾ ਮੰਤਰੀ ਵੀ ਰਹਿੰਦਾ ਆਪਣਾ ਕਾਰਜਕਾਲ ਪੂਰਾ ਨਹੀਂ ਕਰ ਪਾਉਂਦਾ
ਬਿਹਾਰ ਵਿੱਚ ਸੱਤਾਧਾਰੀ ਵਿਕਾਸਸ਼ੀਲ ਇੰਸਾਨ ਪਾਰਟੀ ਦੇ ਤਿੰਨੇ ਵਿਧਾਇਕਾਂ ਦੇ ਬੁੱਧਵਾਰ ਨੂੰ ਭਾਰਤੀ ਜਨਤਾ ਪਾਰਟੀ ਵਿੱਚ ਸ਼ਾਮਲ ਹੋਣ ਤੋਂ ਬਾਅਦ ਹੁਣ ਵੀਆਈਪੀ ਸੰਸਥਾਪਕ ਮੁਕੇਸ਼ ਸਾਹਨੀ ਦੇ ਮੰਤਰੀ ਵਜੋਂ ਬਣੇ ਰਹਿਣ ਨੂੰ ਲੈ ਕੇ ਸ਼ੰਕੇ ਬਰਕਰਾਰ ਹਨ।
![ਮੰਤਰੀਆਂ ਲਈ ਅਸ਼ੁਭ ਸਾਬਤ ਹੋ ਰਿਹਾ ਸਰਕਾਰੀ ਬੰਗਲਾ ! ਜਿਹੜਾ ਮੰਤਰੀ ਵੀ ਰਹਿੰਦਾ ਆਪਣਾ ਕਾਰਜਕਾਲ ਪੂਰਾ ਨਹੀਂ ਕਰ ਪਾਉਂਦਾ Bihar : VIP three MLAs joined the BJP on Wednesday , remain over whether VIP founder Mukesh Sahni will remain as minister. ਮੰਤਰੀਆਂ ਲਈ ਅਸ਼ੁਭ ਸਾਬਤ ਹੋ ਰਿਹਾ ਸਰਕਾਰੀ ਬੰਗਲਾ ! ਜਿਹੜਾ ਮੰਤਰੀ ਵੀ ਰਹਿੰਦਾ ਆਪਣਾ ਕਾਰਜਕਾਲ ਪੂਰਾ ਨਹੀਂ ਕਰ ਪਾਉਂਦਾ](https://feeds.abplive.com/onecms/images/uploaded-images/2022/03/25/0e810a36cfe81c2947e31f78c8c42613_original.jpg?impolicy=abp_cdn&imwidth=1200&height=675)
ਪਟਨਾ : ਰਾਜਨੀਤੀ ਵਿੱਚ ਅੰਧਵਿਸ਼ਵਾਸ ਦਾ ਵਰਤਾਰਾ ਕੋਈ ਨਵਾਂ ਨਹੀਂ। ਬਿਹਾਰ ਵਿੱਚ ਸੱਤਾਧਾਰੀ ਵਿਕਾਸਸ਼ੀਲ ਇੰਸਾਨ ਪਾਰਟੀ (ਵੀਆਈਪੀ) ਦੇ ਤਿੰਨੇ ਵਿਧਾਇਕਾਂ ਦੇ ਬੁੱਧਵਾਰ ਨੂੰ ਭਾਰਤੀ ਜਨਤਾ ਪਾਰਟੀ ਵਿੱਚ ਸ਼ਾਮਲ ਹੋਣ ਤੋਂ ਬਾਅਦ ਹੁਣ ਵੀਆਈਪੀ ਸੰਸਥਾਪਕ ਮੁਕੇਸ਼ ਸਾਹਨੀ ਦੇ ਮੰਤਰੀ ਵਜੋਂ ਬਣੇ ਰਹਿਣ ਨੂੰ ਲੈ ਕੇ ਸ਼ੰਕੇ ਬਰਕਰਾਰ ਹਨ। ਅਜਿਹੇ 'ਚ ਹੁਣ ਇਸ ਨੂੰ ਅੰਧਵਿਸ਼ਵਾਸ ਨਾਲ ਵੀ ਜੋੜ ਕੇ ਦੇਖਿਆ ਜਾ ਰਿਹਾ ਹੈ।
ਬਿਹਾਰ ਦੇ ਮੰਤਰੀ ਮੁਕੇਸ਼ ਸਾਹਨੀ ਇਸ ਸਮੇਂ ਸਟ੍ਰੈਂਡ ਰੋਡ 'ਤੇ ਛੇ ਨੰਬਰ ਸਰਕਾਰੀ ਬੰਗਲੇ 'ਚ ਰਹਿ ਰਹੇ ਹਨ, ਉੱਥੇ ਰਹਿਣ ਵਾਲੇ ਮੰਤਰੀ ਆਪਣਾ ਕਾਰਜਕਾਲ ਪੂਰਾ ਨਹੀਂ ਕਰ ਪਾ ਰਹੇ। ਘੱਟੋ-ਘੱਟ ਪਿਛਲੇ ਤਿੰਨ ਮੰਤਰੀਆਂ ਬਾਰੇ ਤਾਂ ਇਹ ਗੱਲ ਸੌ ਫੀਸਦੀ ਸਹੀ ਜਾਪਦੀ ਹੈ। ਹੁਣ ਇਸ ਨੂੰ ਲੈ ਕੇ ਸਵਾਲ ਉਠਾਏ ਜਾ ਰਹੇ ਹਨ ਕਿ ਕੀ ਸਾਹਨੀ ਨਿਤੀਸ਼ ਕੁਮਾਰ ਦੀ ਕੈਬਨਿਟ ਵਿੱਚ ਆਪਣਾ ਕਾਰਜਕਾਲ ਪੂਰਾ ਕਰ ਸਕਣਗੇ?
ਦੱਸਿਆ ਜਾਂਦਾ ਹੈ ਕਿ ਇਹ ਬੰਗਲਾ ਜੇਡੀਯੂ ਨੇਤਾ ਤੇ ਆਬਕਾਰੀ ਵਿਭਾਗ ਦੇ ਮੰਤਰੀ ਅਵਧੇਸ਼ ਕੁਸ਼ਵਾਹਾ ਨੂੰ ਸਾਲ 2010 ਵਿੱਚ ਅਲਾਟ ਕੀਤਾ ਗਿਆ ਸੀ ਪਰ ਉਹ ਆਪਣਾ ਕਾਰਜਕਾਲ ਪੂਰਾ ਕਰਨ ਤੋਂ ਪਹਿਲਾਂ ਹੀ ਰਿਸ਼ਵਤ ਦੇ ਕੇਸ ਵਿੱਚ ਫਸ ਗਏ। ਕੁਸ਼ਵਾਹਾ ਨੂੰ ਕਾਰਜਕਾਲ ਤੋਂ ਪਹਿਲਾਂ ਹੀ ਅਸਤੀਫਾ ਦੇਣਾ ਪਿਆ, ਜਿਸ ਕਾਰਨ ਉਨ੍ਹਾਂ ਦਾ ਸਰਕਾਰੀ ਬੰਗਲਾ ਵੀ ਖੋਹ ਲਿਆ ਗਿਆ। ਸਾਲ 2015 ਵਿੱਚ ਜਦੋਂ ਬਿਹਾਰ ਵਿੱਚ ਆਰਜੇਡੀ ਤੇ ਜੇਡੀਯੂ ਦੀ ਸਰਕਾਰ ਬਣੀ ਤਾਂ ਇਹ ਸਰਕਾਰੀ ਬੰਗਲਾ ਸਹਿਕਾਰਤਾ ਮੰਤਰੀ ਬਣੇ ਆਲੋਕ ਮਹਿਤਾ ਦੇ ਹਿੱਸੇ ਆਇਆ।
ਉਨ੍ਹਾਂ ਨੂੰ ਇਸ ਬੰਗਲੇ ਵਿਚ ਰਹਿਣ ਨੂੰ ਡੇਢ ਸਾਲ ਹੀ ਹੋਇਆ ਸੀ ਕਿ ਮੁੱਖ ਮੰਤਰੀ ਨਿਤੀਸ਼ ਕੁਮਾਰ ਨੇ ਅਸਤੀਫਾ ਦੇ ਦਿੱਤਾ ਤੇ ਫਿਰ ਭਾਜਪਾ ਨਾਲ ਮਿਲ ਕੇ ਸਰਕਾਰ ਬਣਾਈ। ਨਿਤੀਸ਼ ਕੁਮਾਰ ਦੇ ਇਸ ਫੈਸਲੇ ਕਾਰਨ ਆਲੋਕ ਮਹਿਤਾ ਨੂੰ ਮੰਤਰੀ ਦਾ ਅਹੁਦਾ ਗੁਆਉਣਾ ਪਿਆ, ਜਿਸ ਕਾਰਨ ਉਹ ਬੰਗਲੇ 'ਚ ਰਹਿੰਦੇ ਹੋਏ ਆਪਣਾ ਕਾਰਜਕਾਲ ਪੂਰਾ ਨਹੀਂ ਕਰ ਸਕੇ।
ਕਾਰਜਕਾਲ ਪੂਰਾ ਨਹੀਂ ਕਰ ਸਕੇ
ਇਸ ਤੋਂ ਬਾਅਦ ਮੰਤਰੀ ਬਣੀ ਮੰਜੂ ਵਰਮਾ ਨੂੰ ਇਹ ਰਿਹਾਇਸ਼ ਅਲਾਟ ਹੋ ਗਈ ਪਰ ਉਹ ਵੀ ਆਪਣਾ ਕਾਰਜਕਾਲ ਪੂਰਾ ਨਹੀਂ ਕਰ ਸਕੀ। ਮੁਜ਼ੱਫਰਪੁਰ ਗਰਲਜ਼ ਸ਼ੈਲਟਰ ਹੋਮ 'ਚ ਨਾਂ ਸ਼ਾਮਲ ਹੋਣ ਤੋਂ ਬਾਅਦ ਉਸ ਨੂੰ ਮੰਤਰੀ ਦੇ ਅਹੁਦੇ ਤੋਂ ਵੀ ਅਸਤੀਫਾ ਦੇਣਾ ਪਿਆ ਸੀ। ਇਸ ਤੋਂ ਬਾਅਦ ਵਿਧਾਨ ਸਭਾ ਚੋਣਾਂ 2020 ਤੋਂ ਬਾਅਦ ਮੰਤਰੀ ਬਣੇ ਮੁਕੇਸ਼ ਸਾਹਨੀ ਨੂੰ ਇਹ ਬੰਗਲਾ ਅਲਾਟ ਕੀਤਾ ਗਿਆ ਹੈ। ਫਿਲਹਾਲ ਸਾਹਨੀ ਇਸ ਰਿਹਾਇਸ਼ 'ਚ ਰਹਿ ਰਹੇ ਹਨ ਪਰ ਉਨ੍ਹਾਂ ਦੇ ਤਿੰਨੋਂ ਵਿਧਾਇਕ ਪਾਰਟੀ ਛੱਡ ਕੇ ਭਾਜਪਾ 'ਚ ਸ਼ਾਮਲ ਹੋ ਗਏ ਹਨ।
ਵੀਰਵਾਰ ਨੂੰ ਜਦੋਂ ਸਾਹਨੀ ਤੋਂ ਮੰਤਰੀ ਅਹੁਦੇ ਤੋਂ ਅਸਤੀਫਾ ਦੇਣ ਬਾਰੇ ਪੁੱਛਿਆ ਗਿਆ ਤਾਂ ਉਨ੍ਹਾਂ ਕਿਹਾ ਕਿ ਇਹ ਮੁੱਖ ਮੰਤਰੀ ਨਿਤੀਸ਼ ਕੁਮਾਰ ਦਾ ਅਧਿਕਾਰ ਹੈ। ਅਸੀਂ ਉਹੀ ਕਰਾਂਗੇ ਜਿਵੇਂ ਉਹ ਕਹਿਣਗੇ। ਹੁਣ ਦੇਖਣਾ ਹੋਵੇਗਾ ਕਿ ਕੀ ਸਾਹਨੀ ਇਸ ਸਰਕਾਰੀ ਬੰਗਲੇ 'ਚ ਰਹਿ ਕੇ ਆਪਣਾ ਕਾਰਜਕਾਲ ਪੂਰਾ ਕਰਦੇ ਹਨ ਜਾਂ ਬਾਕੀ ਤਿੰਨ ਮੰਤਰੀਆਂ ਵਾਂਗ ਇਹ ਬੰਗਲਾ ਵੀ ਉਨ੍ਹਾਂ ਲਈ ਅਸ਼ੁਭ ਸਾਬਤ ਹੁੰਦਾ ਹੈ।
ਇਹ ਵੀ ਪੜ੍ਹੋ : ਮੁੱਖ ਮੰਤਰੀ ਭਗਵੰਤ ਮਾਨ ਦਾ ਇੱਕ ਹੋਰ ਵੱਡਾ ਫੈਸਲਾ, ਲੀਡਰਾਂ ਨੂੰ ਝਟਕਾ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ :
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)