Delhi Airport: ਹਵਾਈ ਯਾਤਰਾ ਕਰਨ ਵਾਲੇ ਦੇਣ ਧਿਆਨ! ਦਿੱਲੀ ਏਅਰਪੋਰਟ ਦਾ ਇਹ ਰਨਵੇ 3 ਮਹੀਨੇ ਲਈ ਰਹੇਗਾ ਬੰਦ, ਉਡਾਣਾਂ 'ਤੇ ਪਵੇਗਾ ਵੱਡਾ ਅਸਰ, ਜਾਣੋ ਵਜ੍ਹਾ
ਦਿੱਲੀ ਏਅਰਪੋਰਟ ਦਾ ਇੱਕ ਮਹੱਤਵਪੂਰਣ ਰਨਵੇ 10/28 ਅੱਜ 15 ਜੂਨ ਤੋਂ 15 ਸਤੰਬਰ 2025 ਤੱਕ ਅੱਪਗਰੇਡਿੰਗ ਲਈ ਅਸਥਾਈ ਤੌਰ 'ਤੇ ਬੰਦ ਕੀਤਾ ਜਾ ਰਿਹਾ ਹੈ। ਇਸ ਫੈਸਲੇ ਦਾ ਕੁਝ ਉਡਾਣਾਂ 'ਤੇ ਅਸਰ ਪਵੇਗਾ
Delhi Airport Alert: ਦਿੱਲੀ ਏਅਰਪੋਰਟ ਦਾ ਇੱਕ ਮਹੱਤਵਪੂਰਣ ਰਨਵੇ 10/28 ਅੱਜ 15 ਜੂਨ ਤੋਂ 15 ਸਤੰਬਰ 2025 ਤੱਕ ਅੱਪਗਰੇਡਿੰਗ ਲਈ ਅਸਥਾਈ ਤੌਰ 'ਤੇ ਬੰਦ ਕੀਤਾ ਜਾ ਰਿਹਾ ਹੈ। ਇਸ ਫੈਸਲੇ ਦਾ ਕੁਝ ਉਡਾਣਾਂ 'ਤੇ ਅਸਰ ਪਵੇਗਾ, ਪਰ ਭਵਿੱਖ ਵਿੱਚ, ਖਾਸ ਕਰਕੇ ਕੋਹਰੇ ਵਾਲੇ ਮੌਸਮ ਵਿੱਚ, ਯਾਤਰੀਆਂ ਨੂੰ ਇਸ ਨਾਲ ਵੱਡੀ ਰਾਹਤ ਮਿਲੇਗੀ। ਇਸ ਸਾਰੇ ਪ੍ਰੋਜੈਕਟ ਬਾਰੇ ਦਿੱਲੀ ਇੰਟਰਨੈਸ਼ਨਲ ਏਅਰਪੋਰਟ ਲਿਮਟਿਡ (DIAL) ਦੇ ਸੀਈਓ ਵਿਦੇਹ ਜੈਪੁਰਿਆਰ ਨੇ ABP News ਨੂੰ ਜਾਣਕਾਰੀ ਦਿੱਤੀ।
DIAL ਦੇ ਸੀਈਓ ਵਿਦੇਹ ਜੈਪੁਰਿਆਰ ਦੇ ਅਨੁਸਾਰ, ਰਨਵੇ 10/28 'ਤੇ ਦੋ ਵੱਡੇ ਤਕਨੀਕੀ ਬਦਲਾਅ ਕੀਤੇ ਜਾ ਰਹੇ ਹਨ। ਪਹਿਲਾ, ਇਸ ਰਨਵੇ 'ਤੇ ਲੱਗਿਆ ਪੁਰਾਣਾ ਇੰਸਟਰੂਮੈਂਟ ਲੈਂਡਿੰਗ ਸਿਸਟਮ (ILS) ਹੁਣ ਅੱਪਡੇਟ ਕੀਤਾ ਜਾ ਰਿਹਾ ਹੈ, ਜਿਸ ਨਾਲ ਜਹਾਜ਼ਾਂ ਦੀ ਲੈਂਡਿੰਗ ਅਤੇ ਟੇਕ-ਆਫ ਦੀ ਪ੍ਰਕਿਰਿਆ ਹੋਰ ਜ਼ਿਆਦਾ ਸਹੀ ਅਤੇ ਸੁਰੱਖਿਅਤ ਬਣੇਗੀ।
ਦੂਜਾ, ਕੈਟੇਗਰੀ 3-B (CAT 3B) ਸਿਸਟਮ, ਜੋ ਕੋਹਰੇ ਵਾਲੇ ਮੌਸਮ ਵਿੱਚ ਘੱਟ ਵਿਜ਼ੀਬਿਲਟੀ ਦੇ ਬਾਵਜੂਦ ਜਹਾਜ਼ਾਂ ਨੂੰ ਲੈਂਡ ਕਰਨ ਵਿੱਚ ਮਦਦ ਕਰਦਾ ਹੈ, ਹੁਣ ਰਨਵੇ ਦੇ "10" ਵਾਲੇ ਪਾਸੇ ਵੀ ਲਗਾਇਆ ਜਾ ਰਿਹਾ ਹੈ। ਹੁਣ ਤੱਕ ਇਸ ਪਾਸੇ ਇਹ ਸੁਵਿਧਾ ਨਹੀਂ ਸੀ, ਜਿਸ ਕਰਕੇ ਕੋਹਰੇ ਦੇ ਸਮੇਂ ਯਾਤਰੀਆਂ ਨੂੰ ਕਾਫੀ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪੈਂਦਾ ਸੀ।
ਰਨਵੇ ਬੰਦ ਹੋਣ ਨਾਲ ਯਾਤਰੀਆਂ 'ਤੇ ਕੀ ਅਸਰ ਪਵੇਗਾ?
DIAL ਦੇ ਸੀਈਓ ਵਿਦੇਹ ਜੈਪੁਰਿਆਰ ਨੇ ਦੱਸਿਆ ਕਿ ਰਨਵੇ ਬੰਦ ਹੋਣ ਕਾਰਨ ਦਿੱਲੀ ਏਅਰਪੋਰਟ ਦੀ ਕੁੱਲ ਉਡਾਣਾਂ 'ਚ ਲਗਭਗ 7% ਅਸਰ ਪਵੇਗਾ। ਕੁੱਲ 43 ਆਗਮਨ (Arrivals) ਅਤੇ 43 ਰਵਾਨਗੀ (Departures) ਵਾਲੀਆਂ ਉਡਾਣਾਂ ਦੇ ਸਮੇਂ 'ਚ ਤਬਦੀਲੀ ਕੀਤੀ ਗਈ ਹੈ, ਜਿਸਨੂੰ ਏਅਰਲਾਈਨਾਂ ਨੇ ਅਨੁਕੂਲਤਾ ਦੇ ਨਾਲ ਅਡਜਸਟ ਕਰ ਲਿਆ ਹੈ। ਇਸ ਦੇ ਇਲਾਵਾ 57 ਆਗਮਨ ਅਤੇ 57 ਰਵਾਨਗੀ ਵਾਲੀਆਂ ਉਡਾਣਾਂ ਨੂੰ ਰੱਦ ਕਰਨਾ ਪਿਆ।
ਹਾਲਾਂਕਿ ਸੀਈਓ ਦਾ ਕਹਿਣਾ ਹੈ ਕਿ ਇਹ ਅਸਰ ਬਹੁਤ ਘੱਟ ਹੈ, ਕਿਉਂਕਿ ਐਵੇਂ ਰੋਜ਼ਾਨਾ ਵੀ 3-5% ਤੱਕ ਉਡਾਣਾਂ ਰੱਦ ਹੋਦੀਆਂ ਰਹਿੰਦੀਆਂ ਹਨ। ਇਸ ਵਾਰੀ ਖਾਸ ਧਿਆਨ ਰੱਖਿਆ ਗਿਆ ਹੈ ਕਿ ਯਾਤਰੀਆਂ ਨੂੰ ਪਹਿਲਾਂ ਤੋਂ ਹੀ ਉਡਾਣਾਂ ਦੇ ਬਦਲੇ ਹੋਏ ਸਮਿਆਂ ਬਾਰੇ ਜਾਣਕਾਰੀ ਦਿੱਤੀ ਜਾਵੇ, ਤਾਂ ਜੋ ਉਹ ਆਪਣਾ ਯਾਤਰਾ ਯੋਜਨਾ ਅਨੁਸਾਰ ਤੈਅ ਕਰ ਸਕਣ।
ਆਉਣ ਵਾਲੇ ਦਿਨਾਂ ਵਿੱਚ ਯਾਤਰੀਆਂ ਨੂੰ ਮਿਲੇਗਾ ਰਾਹਤ
ਭਾਵੇਂ ਅਗਲੇ ਤਿੰਨ ਮਹੀਨਿਆਂ ਲਈ ਦਿੱਲੀ ਏਅਰਪੋਰਟ ਦਾ ਰਨਵੇ 10/28 ਬੰਦ ਰਹੇਗਾ ਅਤੇ ਯਾਤਰੀਆਂ ਨੂੰ ਕੁਝ ਅਸੁਵਿਧਾਵਾਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ, ਪਰ ਆਉਣ ਵਾਲੇ ਕੋਹਰੇ ਵਾਲੇ ਮੌਸਮ ਵਿੱਚ ਇਸ ਰਨਵੇ ਦੇ ਅੱਪਗਰੇਡ ਹੋਣ ਨਾਲ ਉਡਾਣਾਂ ਦੇ ਦੇਰ ਨਾਲ ਚਲਣ ਜਾਂ ਰੱਦ ਹੋਣ ਵਾਲੀਆਂ ਸਮੱਸਿਆਵਾਂ ਕਾਫੀ ਹੱਦ ਤੱਕ ਘੱਟ ਹੋਣ ਦੀ ਉਮੀਦ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
