Delhi : ਦਿੱਲੀ 'ਚ ਕੱਲ੍ਹ PM ਮੋਦੀ ਦਾ ਰੋਡ ਸ਼ੋਅ, ਕਈ ਸੜਕਾਂ ਰਹਿਣਗੀਆਂ ਬੰਦ, ਬਾਹਰ ਨਿਕਲਣ ਤੋਂ ਪਹਿਲਾਂ ਦੇਖੋ ਟ੍ਰੈਫਿਕ ਐਡਵਾਈਜ਼ਰੀ
Delhi PM Roadshow Traffic Advisory : ਦਿੱਲੀ ਪੁਲਿਸ ਨੇ ਸੋਮਵਾਰ (16 ਜਨਵਰੀ) ਨੂੰ ਰਾਸ਼ਟਰੀ ਰਾਜਧਾਨੀ ਵਿੱਚ ਹੋਣ ਵਾਲੇ PM ਮੋਦੀ ਦੇ ਰੋਡ ਸ਼ੋਅ ਦੇ ਮੱਦੇਨਜ਼ਰ ਇੱਕ ਟ੍ਰੈਫਿਕ ਐਡਵਾਈਜ਼ਰੀ ਜਾਰੀ ਕੀਤੀ ਹੈ। ਭਾਰਤੀ ਜਨਤਾ ਪਾਰਟੀ (ਭਾਜਪਾ) 16 ਜਨਵਰੀ ਨੂੰ ਬਾਅਦ ਦੁਪਹਿਰ 3 ਵਜੇ ਤੋਂ
Delhi PM Roadshow Traffic Advisory : ਦਿੱਲੀ ਪੁਲਿਸ ਨੇ ਸੋਮਵਾਰ (16 ਜਨਵਰੀ) ਨੂੰ ਰਾਸ਼ਟਰੀ ਰਾਜਧਾਨੀ ਵਿੱਚ ਹੋਣ ਵਾਲੇ PM ਮੋਦੀ ਦੇ ਰੋਡ ਸ਼ੋਅ ਦੇ ਮੱਦੇਨਜ਼ਰ ਇੱਕ ਟ੍ਰੈਫਿਕ ਐਡਵਾਈਜ਼ਰੀ ਜਾਰੀ ਕੀਤੀ ਹੈ। ਭਾਰਤੀ ਜਨਤਾ ਪਾਰਟੀ (ਭਾਜਪਾ) 16 ਜਨਵਰੀ ਨੂੰ ਬਾਅਦ ਦੁਪਹਿਰ 3 ਵਜੇ ਤੋਂ ਪਟੇਲ ਚੌਕ ਤੋਂ ਸੰਸਦ ਮਾਰਗ-ਜੈ ਸਿੰਘ ਰੋਡ ਜੰਕਸ਼ਨ ਤੱਕ ਰੋਡ ਸ਼ੋਅ ਕਰਨ ਜਾ ਰਹੀ ਹੈ। ਦਿੱਲੀ ਪੁਲਿਸ ਨੇ ਐਤਵਾਰ (15 ਜਨਵਰੀ) ਨੂੰ ਇੱਕ ਬਿਆਨ ਵਿੱਚ ਕਿਹਾ ਕਿ ਪ੍ਰਧਾਨ ਮੰਤਰੀ ਭਾਜਪਾ ਦੇ ਰੋਡ ਸ਼ੋਅ ਵਿੱਚ ਹਿੱਸਾ ਲੈਣਗੇ। ਰੋਡ ਸ਼ੋਅ ਰੂਟ ਦੇ ਆਲੇ-ਦੁਆਲੇ ਦੇ ਖੇਤਰਾਂ ਵਿੱਚ ਸੁਚਾਰੂ ਟਰੈਫਿਕ ਪ੍ਰਬੰਧਾਂ ਨੂੰ ਯਕੀਨੀ ਬਣਾਉਣ ਲਈ ਵਿਸ਼ੇਸ਼ ਟ੍ਰੈਫਿਕ ਪ੍ਰਬੰਧ ਕੀਤੇ ਜਾਣਗੇ।
ਟ੍ਰੈਫਿਕ ਐਡਵਾਈਜ਼ਰੀ ਵਿੱਚ ਕਿਹਾ ਗਿਆ ਹੈ ਕਿ ਅਸ਼ੋਕਾ ਰੋਡ (ਵਿੰਡਸਰ ਪਲੇਸ ਤੋਂ ਜੈ ਸਿੰਘ ਰੋਡ ਜੀਪੀਓ ਦੋਵੇਂ ਕੈਰੇਜਵੇਅ), ਸੰਸਦ ਮਾਰਗ , ਟਾਲਸਟਾਏ ਰੋਡ (ਜਨਪਥ ਤੋਂ ਪਾਰਲੀਮੈਂਟ ਸਟਰੀਟ), ਰਫੀ ਮਾਰਗ (ਰੇਲ ਭਵਨ ਤੋਂ ਸੰਸਦ ਮਾਰਗ ), ਜੰਤਰ ਮੰਤਰ ਰੋਡ, ਇਮਤਿਆਜ਼ ਖਾਨ ਮਾਰਗ ਅਤੇ ਬੰਗਲਾ ਸਾਹਿਬ ਲੇਨ 16 ਜਨਵਰੀ ਨੂੰ ਦੁਪਹਿਰ 2:30 ਵਜੇ ਤੋਂ ਸ਼ਾਮ 5 ਵਜੇ ਤੱਕ ਬੰਦ ਰਹੇਗੀ।
ਇਹ ਵੀ ਪੜ੍ਹੋ : ਨੇਪਾਲ ਦੇ ਪੋਖਰਾ 'ਚ ਵੱਡਾ ਜਹਾਜ਼ ਹਾਦਸਾ, ਲੈਂਡਿੰਗ ਤੋਂ ਪਹਿਲਾਂ ਹਵਾ 'ਚ ਲੱਗੀ ਅੱਗ, ਹੁਣ ਤੱਕ 30 ਲਾਸ਼ਾਂ ਬਰਾਮਦ
ਇਨ੍ਹਾਂ ਰੂਟਾਂ 'ਤੇ ਭਾਰੀ ਆਵਾਜਾਈ ਰਹੇਗੀ
ਦਿੱਲੀ ਪੁਲਿਸ ਨੇ ਅੱਗੇ ਦੱਸਿਆ ਕਿ ਬਾਬਾ ਖੜਕ ਸਿੰਘ ਰੋਡ, ਆਊਟਰ ਸਰਕਲ ਕਨਾਟ ਪਲੇਸ, ਪਾਰਕ ਸਟਰੀਟ/ਸ਼ੰਕਰ ਰੋਡ, ਮਿੰਟੋ ਰੋਡ, ਮੰਦਰ ਮਾਰਗ, ਬਾਰਾਖੰਬਾ ਰੋਡ, ਪੰਚਕੂਆਂ ਰੋਡ, ਰਾਇਸੀਨਾ ਰੋਡ, ਟਾਲਸਟਾਏ ਰੋਡ, ਜਨਪਥ, ਫਿਰੋਜ਼ਸ਼ਾਹ ਰੋਡ, ਰਫੀ ਮਾਰਗ, ਰਾਣੀ ਝਾਂਸੀ ਰੋਡ। ਰੋਡ ਸ਼ੋਅ ਦੌਰਾਨ ਡੀਬੀਜੀ ਰੋਡ, ਚੇਮਸਫੋਰਡ ਰੋਡ, ਭਾਈ ਵੀਰ ਸਿੰਘ ਮਾਰਗ, ਡੀਡੀਯੂ ਮਾਰਗ, ਰਣਜੀਤ ਸਿੰਘ ਫਲਾਈਓਵਰ, ਤਾਲਕਟੋਰਾ ਰੋਡ ਅਤੇ ਪੰਡਿਤ ਪੰਤ ਮਾਰਗ 'ਤੇ ਭਾਰੀ ਆਵਾਜਾਈ ਦੇਖਣ ਦੀ ਉਮੀਦ ਹੈ।
ਇਹ ਵੀ ਪੜ੍ਹੋ : ਸੁਖਪਾਲ ਖਹਿਰਾ ਨੇ ਸੁਖਬੀਰ ਬਾਦਲ ਨੂੰ ਸਮਝਾਇਆ, ਆਖਰ ਸਿੱਖ ਕਿਉਂ ਕਰ ਰਹੇ ਅਕਾਲੀ ਦਲ ਨੂੰ ਰਿਜੈਕਟ!
ਇੱਥੇ ਕੀਤਾ ਜਾਵੇਗਾ ਟ੍ਰੈਫਿਕ ਡਾਇਵਰਟ
ਗੋਲ ਡਾਕ ਖਾਨਾ, ਗੁਰਦੁਆਰਾ ਰਕਾਬ ਗੰਜ, ਵਿੰਡਸਰ, ਰੇਲ ਭਵਨ, ਬਾਹਰੀ ਸੀਸੀ-ਸੰਸਦ ਮਾਰਗ ਜੰਕਸ਼ਨ, ਰਾਇਸੀਨਾ ਰੋਡ-ਜੰਤਰ-ਮੰਤਰ ਰੋਡ ਜੰਕਸ਼ਨ, ਜਨਪਥ-ਟਾਲਸਟਾਏ ਰੋਡ ਜੰਕਸ਼ਨ ਅਤੇ ਟਾਲਸਟਾਏ ਰੋਡ ਕੇਜੀ ਮਾਰਗ ਜੰਕਸ਼ਨ 'ਤੇ ਟਰੈਫਿਕ ਨੂੰ ਡਾਇਵਰਟ ਕੀਤਾ ਜਾਵੇਗਾ। ਦਿੱਲੀ ਪੁਲਿਸ ਨੇ ਲੋਕਾਂ ਨੂੰ ਉਪਰੋਕਤ ਸੜਕਾਂ ਅਤੇ ਰੋਡ ਸ਼ੋਅ ਵਿੱਚ ਆਉਣ ਵਾਲੇ ਇਲਾਕਿਆਂ ਤੋਂ ਬਚਣ ਦੀ ਸਲਾਹ ਦਿੱਤੀ ਹੈ। ਭਾਜਪਾ ਦੀ ਦੋ ਰੋਜ਼ਾ ਕੌਮੀ ਕਾਰਜਕਾਰਨੀ ਦੀ ਮੀਟਿੰਗ 16-17 ਜਨਵਰੀ ਨੂੰ ਐਨਡੀਐਮਸੀ ਕਨਵੈਨਸ਼ਨ ਸੈਂਟਰ ਵਿੱਚ ਹੋਵੇਗੀ। ਰਾਸ਼ਟਰੀ ਕਾਰਜਕਾਰਨੀ ਦੀ ਬੈਠਕ ਦੇ ਪਹਿਲੇ ਦਿਨ ਪੀਐਮ ਮੋਦੀ ਦੇ ਸਨਮਾਨ ਵਿੱਚ ਰੋਡ ਸ਼ੋਅ ਹੋਵੇਗਾ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
