ਪਾਕਿਸਤਾਨ ਤੋਂ ਉਝੜ ਕੇ ਆਏ, ਦਿੱਲੀ 'ਚ ਟਾਂਗਾ ਚਲਾਇਆ, ਫਿਰ ਮਿਹਨਤ ਨਾਲ ਖੜ੍ਹਾ ਕੀਤਾ 2000 ਕਰੋੜ ਦਾ ਸਾਮਰਾਜ, ਪੜ੍ਹੋ ਪ੍ਰੇਰਨਾ ਦੀ ਕਹਾਣੀ
ਛੋਟੀ ਦੁਕਾਨ ਹੌਲੀ-ਹੌਲੀ ਵੱਡੀ ਹੋ ਗਈ। ਕਾਰੋਬਾਰ ਵਧਿਆ ਤੇ ਉਨ੍ਹਾਂ MDH ਨਾਮ ਦਾ ਇੱਕ ਸਾਮਰਾਜ ਬਣਾਇਆ ਜਿਸ ਦੇ ਮਸਾਲੇ ਦੂਜੇ ਦੇਸ਼ਾਂ ਵਿੱਚ ਵੀ ਮਸ਼ਹੂਰ ਹਨ। ਜਲਦੀ ਹੀ ਉਨ੍ਹਾਂ ਦੀ ਕੰਪਨੀ 2000 ਕਰੋੜ ਦੀ ਹੋ ਗਈ।
ਨਵੀਂ ਦਿੱਲੀ: ਦੇਸ਼ ਦੀ ਮਸ਼ਹੂਰ ਮਸਾਲਾ ਕੰਪਨੀ ਮਹਾਸ਼ਿਆ ਦੀ ਹੱਟੀ (MDH) ਦੇ ਸੰਸਥਾਪਕ ਮਹਾਸ਼ਯ ਧਰਮਪਾਲ ਗੁਲਾਟੀ ਦੀ ਕਹਾਣੀ ਲੱਖਾਂ ਲੋਕਾਂ ਲਈ ਪ੍ਰੇਰਨਾ ਦਾ ਸ੍ਰੋਤ ਹੈ। ਬੇਸ਼ੱਕ ਉਹ ਹੁਣ ਇਸ ਦੁਨੀਆਂ ਵਿੱਚ ਨਹੀਂ ਰਹੇ ਪਰ ਉਹ ਅਜੇ ਵੀ ਕਈਆਂ ਲਈ ਰਾਹ ਦਿਸੇਰਾ ਹਨ। ਉਨ੍ਹਾਂ ਦਾ ਫਰਸ਼ ਤੋਂ ਅਰਸ਼ ਤੱਕ ਦਾ ਸਫ਼ਰ ਲੋਕਾਂ ਨੂੰ ਜੋਸ਼ ਤੇ ਉਤਸ਼ਾਹ ਨਾਲ ਭਰ ਕੇ ਕੁਝ ਵੱਡਾ ਕਰਨ ਦੀ ਪ੍ਰੇਰਨਾ ਦਿੰਦਾ ਹੈ। ਧਰਮਪਾਲ ਗੁਲਾਟੀ ਦਾ 2 ਦਸੰਬਰ 2020 ਨੂੰ ਦੇਹਾਂਤ ਹੋ ਗਿਆ ਸੀ। ਉਨ੍ਹਾਂ ਦੀ ਮੌਤ ਦੇ ਇੱਕ ਸਾਲ ਬਾਅਦ, ਆਓ ਉਸ ਦੀ ਸਫਲਤਾ ਦੀ ਕਹਾਣੀ ਵੇਖੀਏ।
ਪਾਕਿਸਤਾਨ ਵਿੱਚ ਪੈਦਾ ਹੋਏ ਸੀ
ਧਰਮਪਾਲ ਗੁਲਾਟੀ ਦਾ ਜਨਮ 27 ਮਾਰਚ 1923 ਨੂੰ ਸਿਆਲਕੋਟ (ਪਾਕਿਸਤਾਨ) ਵਿੱਚ ਹੋਇਆ ਸੀ। 1947 ਵਿੱਚ ਵੰਡ ਤੋਂ ਬਾਅਦ ਉਹ ਭਾਰਤ ਵਿੱਚ ਆ ਕੇ ਵੱਸ ਗਏ। ਜਦੋਂ ਉਹ ਭਾਰਤ ਆਏ ਤਾਂ ਉਸ ਕੋਲ ਸਿਰਫ਼ 1500 ਰੁਪਏ ਸਨ। ਉਨ੍ਹਾਂ 5ਵੀਂ ਜਮਾਤ ਤੱਕ ਪੜ੍ਹਾਈ ਕੀਤੀ ਸੀ।
ਕੁਝ ਦਿਨ ਟਾਂਗਾ ਚਲਾ ਕੇ ਕੀਤਾ ਗੁਜ਼ਾਰਾ
ਜਦੋਂ ਧਰਮਪਾਲ ਗੁਲਾਟੀ ਪਾਕਿਸਤਾਨ ਤੋਂ ਭਾਰਤ ਦਿੱਲੀ ਆਏ ਤਾਂ ਉਨ੍ਹਾਂ ਕੋਲ ਇੱਥੇ ਰੋਜ਼ੀ-ਰੋਟੀ ਕਮਾਉਣ ਦੀ ਸਭ ਤੋਂ ਵੱਡੀ ਚੁਣੌਤੀ ਸੀ। ਉਨ੍ਹਾਂ ਕੋਲ ਸਿਰਫ਼ 1500 ਰੁਪਏ ਸਨ। ਇਨ੍ਹਾਂ ਵਿੱਚੋਂ ਉਸ ਨੇ 650 ਰੁਪਏ ਵਿੱਚ ਇੱਕ ਘੋੜਾ ਅਤੇ ਤਾਂਗਾ ਖਰੀਦਿਆ ਅਤੇ ਦਿੱਲੀ ਰੇਲਵੇ ਸਟੇਸ਼ਨ ’ਤੇ ਤਾਂਗਾ ਚਲਾਉਣਾ ਸ਼ੁਰੂ ਕਰ ਦਿੱਤਾ। ਕੁਝ ਦਿਨ ਟਾਂਗਾ ਚਲਾਉਣ ਤੋਂ ਬਾਅਦ ਉਨ੍ਹਾਂ ਆਪਣਾ ਕਾਰੋਬਾਰ ਕਰਨ ਦਾ ਮਨ ਬਣਾ ਲਿਆ। ਉਨ੍ਹਾਂ ਟਾਂਗਾ ਆਪਣੇ ਭਰਾ ਨੂੰ ਦਿੱਤਾ ਅਤੇ ਖੁਦ ਕਰੋਲਬਾਗ ਦੇ ਅਜਮਲ ਖਾਨ ਰੋਡ 'ਤੇ ਇਕ ਛੋਟੀ ਜਿਹੀ ਮਸਾਲੇ ਦੀ ਦੁਕਾਨ ਖੋਲ੍ਹ ਲਈ।
ਛੋਟੀ ਦੁਕਾਨ ਤੋਂ ਖੜ੍ਹੀ ਕੀਤੀ 2000 ਕਰੋੜ ਦੀ ਕੰਪਨੀ
ਛੋਟੀ ਦੁਕਾਨ ਹੌਲੀ-ਹੌਲੀ ਵੱਡੀ ਹੋ ਗਈ। ਕਾਰੋਬਾਰ ਵਧਿਆ ਤੇ ਉਨ੍ਹਾਂ MDH ਨਾਮ ਦਾ ਇੱਕ ਸਾਮਰਾਜ ਬਣਾਇਆ ਜਿਸ ਦੇ ਮਸਾਲੇ ਦੂਜੇ ਦੇਸ਼ਾਂ ਵਿੱਚ ਵੀ ਮਸ਼ਹੂਰ ਹਨ। ਜਲਦੀ ਹੀ ਉਨ੍ਹਾਂ ਦੀ ਕੰਪਨੀ 2000 ਕਰੋੜ ਦੀ ਹੋ ਗਈ। 2019-20 ਵਿੱਚ, ਯੂਰੋਮੋਨੀਟਰ ਨੇ ਉਨ੍ਹਾਂਨੂੰ ਐਫਐਮਜੀਸੀ ਸੈਕਟਰ ਵਿੱਚ ਸਭ ਤੋਂ ਵੱਧ ਤਨਖਾਹ ਲੈਣ ਵਾਲਾ ਸੀਈਓ ਉਦੋਂ ਦੱਸਿਆ ਗਿਆ ਸੀ ਕਿ 2018 'ਚ ਉਸ ਨੂੰ 25 ਕਰੋੜ ਰੁਪਏ ਦੀ ਤਨਖਾਹ ਮਿਲਦੀ ਸੀ।
ਚੈਰਿਟੀ ਵਿੱਚ ਵੀ ਅੱਗੇ ਸੀ
ਧਰਮਪਾਲ ਵਪਾਰ ਵਿੱਚ ਹੀ ਨਹੀਂ ਸਗੋਂ ਚੈਰਿਟੀ ਵਿੱਚ ਵੀ ਅੱਗੇ ਸੀ। ਉਹ ਆਪਣੀ ਤਨਖਾਹ ਦਾ ਲਗਪਗ 90 ਪ੍ਰਤੀਸ਼ਤ ਦਾਨ ਕਰਦੇ ਸੀ। ਉਹ 20 ਸਕੂਲ ਤੇ 1 ਹਸਪਤਾਲ ਵੀ ਚਲਾਉਂਦੇ ਸਨ।
ਇਹ ਵੀ ਪੜ੍ਹੋ: ਪੰਜਾਬ ਸਰਕਾਰ ਨੇ ਕੱਢੀਆਂ ਇੰਸਪੈਕਟਰ ਦੀਆਂ ਨੌਕਰੀਆਂ, ਇੰਝ ਕਰੋ ਅਪਲਾਈ
ਪੰਜਾਬੀ ‘ਚ ਤਾਜ਼ਾ ਖ਼ਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
