Mumbai Boat Tragedy: 'ਨੌਸੇਨਾ ਦੀ ਸਪੀਡਬੋਟ ਦਾ ਡਰਾਈਵਰ ਕਰ ਰਿਹਾ ਸੀ ਸਟੰਟ', ਬੋਟ ਹਾਦਸੇ 'ਚ ਹੋਇਆ ਵੱਡਾ ਖੁਲਾਸਾ
Mumbai Boat Tragedy: ਮੁੰਬਈ 'ਚ ਬੁੱਧਵਾਰ ਸ਼ਾਮ ਨੂੰ ਜਲ ਸੈਨਾ ਦੀ ਇਕ ਸਪੀਡਬੋਟ ਦੀ ਕਿਸ਼ਤੀ ਨਾਲ ਟੱਕਰ ਹੋ ਗਈ ਸੀ। ਇਸ ਹਾਦਸੇ 'ਚ 14 ਲੋਕਾਂ ਦੀ ਮੌਤ ਹੋ ਗਈ ਹੈ। ਕੁਝ ਲੋਕ ਅਜੇ ਵੀ ਲਾਪਤਾ ਹਨ ਜਿਨ੍ਹਾਂ ਦੀ ਭਾਲ ਕੀਤੀ ਜਾ ਰਹੀ ਹੈ।
Mumbai Boat Tragedy Latest News: ਮੁੰਬਈ ਦੇ ਕਰੰਜਾ 'ਚ ਸਮੁੰਦਰ 'ਚ ਵਾਪਰੇ ਕਿਸ਼ਤੀ ਹਾਦਸੇ 'ਚ ਵੱਡੀ ਜਾਣਕਾਰੀ ਸਾਹਮਣੇ ਆਈ ਹੈ। ਇਸ ਹਾਦਸੇ ਵਿੱਚ ਬਚੇ ਹੋਣ ਇੱਕ ਵਿਅਕਤੀ ਦਾ ਕਹਿਣਾ ਹੈ ਕਿ ਇਸ ਹਾਦਸੇ ਵਿੱਚ ਟਕਰਾਉਣ ਵਾਲੀ ਜਲ ਸੈਨਾ ਦੀ ਸਪੀਡਬੋਟ ਦਾ ਇੰਜਣ ਖਰਾਬ ਨਹੀਂ ਸੀ। ਇਸ ਪੀੜਤ ਦਾ ਦਾਅਵਾ ਹੈ ਕਿ ਸਪੀਡਬੋਟ ਨੂੰ ਚਲਾਉਣ ਵਾਲੀ ਨੇਵੀ ਟੀਮ ਸ਼ੋਅਆਫ ਕਰ ਰਹੀ ਸੀ। ਇਹ ਇੱਕ ਤਰ੍ਹਾਂ ਨਾਲ ਸਟੰਟ ਦੀ ਤਰ੍ਹਾਂ ਸੀ।
ਸਮਾਚਾਰ ਏਜੰਸੀ ਪੀਟੀਆਈ ਨੇ ਦੱਸਿਆ ਕਿ ਪਾਲਘਰ ਜ਼ਿਲ੍ਹੇ ਦੇ ਨੇੜੇ ਸਥਿਤ ਨਾਲਾਸੋਪਾਰਾ ਦਾ ਸਬਜ਼ੀ ਵਿਕਰੇਤਾ ਗੌਰਵ ਗੁਪਤਾ ਆਪਣੀ ਚਾਚੀ ਅਤੇ ਹੋਰ ਰਿਸ਼ਤੇਦਾਰਾਂ ਨਾਲ ਕਿਸ਼ਤੀ 'ਤੇ ਸਵਾਰ ਸੀ। ਉਸ ਦੀ ਚਾਚੀ ਅਤੇ ਹੋਰ ਰਿਸ਼ਤੇਦਾਰ ਉਸ ਦੇ ਵਿਆਹ ਵਿਚ ਸ਼ਾਮਲ ਹੋਣ ਲਈ ਪਿਛਲੇ ਹਫ਼ਤੇ ਮੁੰਬਈ ਆਏ ਸਨ। ਪੀਟੀਆਈ ਨਾਲ ਗੱਲ ਕਰਦਿਆਂ ਹੋਇਆਂ ਗੌਰਵ ਨੇ ਕਿਹਾ, "ਮੈਂ ਇਨ੍ਹਾਂ ਸਾਰਿਆਂ ਨੂੰ ਘੁਮਾਉਣ ਲਈ ਲੈ ਕੇ ਆਇਆ ਸੀ। ਮੈਨੂੰ ਨਹੀਂ ਪਤਾ ਸੀ ਕਿ ਇਹ ਉਨ੍ਹਾਂ ਦੀ ਜ਼ਿੰਦਗੀ ਦਾ ਆਖਰੀ ਦਿਨ ਹੋਵੇਗਾ।”
ਗੱਲਬਾਤ ਦੌਰਾਨ ਸੌਰਭ ਨੇ ਜਲ ਸੈਨਾ ਦੇ ਇਸ ਦਾਅਵੇ ਨੂੰ ਵੀ ਰੱਦ ਕਰ ਦਿੱਤਾ ਕਿ ਜਿਸ ਵਿੱਚ ਇੰਜਣ ਖਰਾਬ ਹੋਣ ਕਰਕੇ ਹਾਦਸਾ ਵਾਪਰਨ ਦੀ ਗੱਲ ਕੀਤੀ ਜਾ ਰਹੀ ਹੈ। ਉਨ੍ਹਾਂ ਨੇ ਕਿਹਾ, “ਜਹਾਜ਼ ਦਾ ਡਰਾਈਵਰ ਮਜ਼ੇ ਦੇ ਮੂਡ ਵਿੱਚ ਸੀ ਅਤੇ ਉਹ ਸਟੰਟ ਕਰ ਰਿਹਾ ਸੀ।
ਕਈ ਹੋਰ ਯਾਤਰੀਆਂ ਵਾਂਗ ਉਹ ਵੀ ਉਸ ਸਪੀਡਬੋਟ ਦੀ ਵੀਡੀਓ ਬਣਾਉਣ ਵਿੱਚ ਲੱਗਿਆ ਹੋਇਆ ਸੀ, ਜਦੋਂ ਸਪੀਡਬੋਟ ਦਾ ਡਰਾਈਵਰ ਪਾਣੀ ਵਿੱਚ ਇਧਰ-ਉਧਰ ਘੁੰਮ ਰਿਹਾ ਸੀ, ਜਿਸ ਤਰ੍ਹਾਂ ਨਾਲ ਉਹ ਕਿਸ਼ਤੀ ਚਲਾ ਰਿਹਾ ਸੀ, ਉਸ ਤੋਂ ਲੱਗ ਰਿਹਾ ਸੀ ਕਿ ਉਹ ਸ਼ੋਅਆਫ ਕਰ ਰਿਹਾ ਹੈ। ਅਚਾਨਕ ਡਰਾਈਵਰ ਨੇ ਸਪੀਡਬੋਟ ਮੋੜ ਦਿੱਤੀ ਅਤੇ ਕੁਝ ਹੀ ਸਕਿੰਟਾਂ ਵਿੱਚ ਉਸ ਦੀ ਟੱਕਰ ਸਾਡੀ ਬੋਟ ਨਾਲ ਹੋ ਗਈ। "ਟਕਰਾਉਣ ਵੇਲੇ ਬੇੜੀ 'ਤੇ ਸਵਾਰ ਬਹੁਤ ਸਾਰੇ ਯਾਤਰੀਆਂ ਨੇ ਕਥਿਤ ਤੌਰ 'ਤੇ ਲਾਈਫ ਜੈਕਟਾਂ ਨਹੀਂ ਪਾਈਆਂ ਹੋਈਆਂ ਸਨ।"
ਸੌਰਭ ਨੇ ਦੱਸਿਆ, "ਸਪੀਡਬੋਟ 'ਚ ਸਫਰ ਕਰ ਰਿਹਾ ਇਕ ਵਿਅਕਤੀ ਸਾਡੀ ਕਿਸ਼ਤੀ 'ਚ ਆ ਡਿੱਗਿਆ। ਟੱਕਰ ਤੋਂ ਤੁਰੰਤ ਬਾਅਦ ਬੇੜੀ ਆਮ ਵਾਂਗ ਚੱਲ ਰਹੀ ਸੀ। ਅਸੀਂ ਸਮਝਿਆ ਕਿ ਅਸੀਂ ਸੁਰੱਖਿਅਤ ਹਾਂ, ਪਰ ਜਲਦੀ ਹੀ ਕਿਸ਼ਤੀ ਡੁੱਬਣ ਲੱਗ ਪਈ। ਪੀੜਤ ਨੇ ਦੱਸਿਆ ਕਿ ਇਸ ਹਾਦਸੇ 'ਚ ਉਸ ਦੀ ਮਾਸੀ ਦੀ ਮੌਤ ਹੋ ਗਈ। ਉਹ ਕਿਸੇ ਤਰ੍ਹਾਂ ਬਚ ਗਿਆ।
ਬੁੱਧਵਾਰ ਸ਼ਾਮ ਕਰੰਜਾ ਦੇ ਨੇੜੇ ਵਾਪਰਿਆ ਹਾਦਸਾ
ਤੁਹਾਨੂੰ ਦੱਸ ਦਈਏ ਕਿ ਬੁੱਧਵਾਰ ਸ਼ਾਮ ਕਰੀਬ 4 ਵਜੇ ਜਲ ਸੈਨਾ ਦੀ ਇੱਕ ਸਪੀਡਬੋਟ ਦਾ ਇੰਜਣ ਟੈਸਟਿੰਗ ਚੱਲ ਰਿਹਾ ਸੀ। ਮੁੰਬਈ ਦੇ ਕਰੰਜਾ ਨੇੜੇ ਇਸ ਦਾ ਡਰਾਈਵਰ ਕੰਟਰੋਲ ਗੁਆ ਬੈਠਾ ਅਤੇ ਇਹ ਨੀਲ ਕਮਲ ਨਾਲ ਟਕਰਾ ਗਈ। ਕਿਸ਼ਤੀ ਗੇਟਵੇ ਆਫ ਇੰਡੀਆ ਤੋਂ ਐਲੀਫੈਂਟਾ ਟਾਪੂ ਤੱਕ ਯਾਤਰੀਆਂ ਨੂੰ ਲੈ ਕੇ ਜਾ ਰਹੀ ਸੀ, ਜੋ ਕਿ ਮਸ਼ਹੂਰ ਸੈਲਾਨੀ ਸਥਾਨ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
