ਹਰਿਆਣਾ ਪੇਪਰ ਲੀਕ ਮਾਮਲੇ 'ਚ 4 DSP ਸਮੇਤ 25 ਪੁਲਿਸ ਅਫਸਰ ਅਤੇ ਕਰਮਚਾਰੀ ਸਸਪੈਂਡ, CM ਨਾਇਬ ਸਿੰਘ ਸੈਣੀ ਦੀ ਵੱਡੀ ਕਾਰਵਾਈ
ਵੱਖ-ਵੱਖ ਸੂਬਿਆਂ ਦੇ ਵਿੱਚ ਬੋਰਡ ਦੇ ਪੇਪਰ ਚੱਲ ਰਹੇ ਹਨ। ਅਜਿਹੇ ਦੇ ਵਿੱਚ ਹਰਿਆਣਾ ਬੋਰਡ ਇਮਤਿਹਾਨ 'ਚ ਪੇਪਰ ਲੀਕ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਜਿੱਸ ਦੇ ਚੱਲਦੇ ਮੁੱਖ ਮੰਤਰੀ ਨਾਇਬ ਸਿੰਘ ਸੈਣੀ ਨੇ ਸਖਤ ਰੁਖ ਅਪਣਾਇਆ ਹੈ। ਇਸ ਮਾਮਲੇ 'ਚ ਕਈ...
Haryana Board Exam Paper Leak Case: ਹਰਿਆਣਾ ਬੋਰਡ ਇਮਤਿਹਾਨ 'ਚ ਪੇਪਰ ਲੀਕ ਮਾਮਲੇ ਨੂੰ ਲੈ ਕੇ ਰਾਜ ਦੇ ਮੁੱਖ ਮੰਤਰੀ ਨਾਇਬ ਸਿੰਘ ਸੈਣੀ ਨੇ ਸਖਤ ਰੁਖ ਅਪਣਾਇਆ ਹੈ। ਇਸ ਮਾਮਲੇ 'ਚ ਕਈ ਪੁਲਿਸ ਅਧਿਕਾਰੀਆਂ ਅਤੇ ਕਰਮਚਾਰੀਆਂ 'ਤੇ ਕਾਰਵਾਈ ਹੋਈ ਹੈ। ਮਾਮਲੇ 'ਚ ਲਾਪਰਵਾਹੀ ਕਰਨ ਵਾਲੇ 25 ਪੁਲਿਸ ਅਧਿਕਾਰੀ ਅਤੇ ਕਰਮਚਾਰੀ ਸਸਪੈਂਡ ਕੀਤੇ ਗਏ ਹਨ, ਜਿਨ੍ਹਾਂ 'ਚ 4 DSP ਅਤੇ 3 SHO ਵੀ ਸ਼ਾਮਲ ਹਨ।
ਚੰਡੀਗੜ੍ਹ 'ਚ ਮੁੱਖ ਮੰਤਰੀ ਨਾਇਬ ਸਿੰਘ ਸੈਣੀ ਨੇ ਕਿਹਾ, ''ਪੇਪਰ ਲੀਕ ਨਹੀਂ, ਸਗੋਂ ਆਊਟ ਹੋਇਆ ਹੈ ਅਤੇ ਇਸ ਬਾਰੇ ਸਾਰੇ DC ਅਤੇ SP ਨੂੰ ਜ਼ਰੂਰੀ ਹਦਾਇਤਾਂ ਜਾਰੀ ਕਰ ਦਿੱਤੀਆਂ ਗਈਆਂ ਹਨ। ਚਾਰ ਬਾਹਰੀ ਵਿਅਕਤੀਆਂ ਅਤੇ 8 ਵਿਦਿਆਰਥੀਆਂ 'ਤੇ FIR ਦਰਜ ਕੀਤੀ ਗਈ ਹੈ। ਮਾਮਲੇ 'ਚ ਲਾਪਰਵਾਹੀ ਕਰਨ ਵਾਲੇ 25 ਪੁਲਿਸ ਅਧਿਕਾਰੀ ਅਤੇ ਕਰਮਚਾਰੀ ਸਸਪੈਂਡ ਕੀਤੇ ਗਏ ਹਨ, ਜਿਨ੍ਹਾਂ ਵਿੱਚ 4 DSP ਅਤੇ 3 SHO ਸ਼ਾਮਲ ਹਨ।''
ਇਹ ਪੇਪਰ ਲੀਕ ਨਹੀਂ, ਪੇਪਰ ਆਉਟ ਦਾ ਮਾਮਲਾ ਹੈ- ਸੈਣੀ
ਉਨ੍ਹਾਂ ਅੱਗੇ ਕਿਹਾ, ''ਇਹ ਪੇਪਰ ਲੀਕ ਨਹੀਂ, ਬਲਕਿ ਪੇਪਰ ਆਉਟ ਦਾ ਮਾਮਲਾ ਹੈ। ਪੇਪਰ ਵਟਸਐਪ ਰਾਹੀਂ ਬਾਹਰ ਗਿਆ। ਸਾਰੇ DC ਅਤੇ SSP ਨੂੰ ਹੁਕਮ ਜਾਰੀ ਕੀਤੇ ਗਏ ਹਨ। ਸਰਕਾਰ ਦੀ ਭਰੋਸੇਯੋਗਤਾ 'ਤੇ ਕੋਈ ਸਵਾਲ ਨਹੀਂ ਉਠਣਾ ਚਾਹੀਦਾ। ਸਰਕਾਰੀ ਸਕੂਲਾਂ ਦੇ 4 ਅਤੇ ਪ੍ਰਾਈਵੇਟ ਸਕੂਲ ਦੇ 1 ਇਨਵਿਜੀਲੇਟਰ 'ਤੇ ਕਾਰਵਾਈ ਕੀਤੀ ਗਈ ਹੈ। ਦੋ ਸੈਂਟਰ ਸੁਪਰਵਾਈਜ਼ਰ, ਸੰਜੀਵ ਕੁਮਾਰ ਅਤੇ ਸਤਿਆਨਾਰਾਇਣ ਨੂੰ ਵੀ ਮੁਅੱਤਲ ਕੀਤਾ ਗਿਆ ਹੈ।''
ਮਾਮਲੇ ਦੀ ਜਾਂਚ ਜਾਰੀ- ਨਾਇਬ ਸਿੰਘ ਸੈਣੀ
ਹਰਿਆਣਾ ਦੇ CM ਨਾਇਬ ਸਿੰਘ ਸੈਣੀ ਨੇ ਕਿਹਾ ਕਿ ਮਾਮਲੇ ਦੀ ਜਾਂਚ ਜਾਰੀ ਹੈ। ਉਨ੍ਹਾਂ ਕਿਹਾ, ''ਸਾਰੇ SSP ਇਹ ਯਕੀਨੀ ਬਣਾਉਣਗੇ ਕਿ ਇਮਤਿਹਾਨ ਸੈਂਟਰ 'ਤੇ ਵਿਅਕਤੀ 500 ਮੀਟਰ ਤੋਂ ਦੂਰ ਰਹੇ। ਪ੍ਰਾਰੰਭਿਕ ਜਾਂਚ 'ਚ ਲਾਪਰਵਾਹੀ ਕਰਨ ਵਾਲੇ 25 ਪੁਲਿਸ ਕਰਮਚਾਰੀ ਦੋਸ਼ੀ ਪਾਏ ਗਏ ਹਨ ਅਤੇ ਉਨ੍ਹਾਂ ਨੂੰ ਸਸਪੈਂਡ ਕੀਤਾ ਗਿਆ ਹੈ। ਸੂਬੇ ਦੇ ਕਿਸੇ ਵੀ ਹਿੱਸੇ 'ਚ ਜੇਕਰ ਅਜਿਹਾ ਮਾਮਲਾ ਸਾਹਮਣੇ ਆਇਆ ਤਾਂ ਦੋਸ਼ੀਆਂ ਖਿਲਾਫ਼ ਸਖਤ ਕਾਰਵਾਈ ਕੀਤੀ ਜਾਵੇਗੀ।''
ਦੱਸ ਦਈਏ ਕਿ ਹਰਿਆਣਾ ਬੋਰਡ ਇਮਤਿਹਾਨ 'ਚ ਪੇਪਰ ਲੀਕ ਦੇ ਕਈ ਮਾਮਲੇ ਸਿੱਖਿਆ ਵਿਭਾਗ ਦੇ ਨਕਲ ਮੁਕਤ ਇਮਤਿਹਾਨਾਂ ਦੇ ਦਾਵਿਆਂ ਦੀ ਪੋਲ ਖੋਲ੍ਹ ਰਹੇ ਹਨ। ਵੀਰਵਾਰ ਨੂੰ 12ਵੀਂ ਦੀ ਅੰਗਰੇਜ਼ੀ ਦਾ ਪੇਪਰ ਲੀਕ ਹੋਣ ਤੋਂ ਬਾਅਦ ਸ਼ੁੱਕਰਵਾਰ ਨੂੰ 10ਵੀਂ ਦੀ ਗਣਿਤ ਦਾ ਪੇਪਰ ਲੀਕ ਹੋਣ ਦਾ ਮਾਮਲਾ ਸਾਹਮਣੇ ਆਇਆ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
