ਕਦੋਂ ਤੱਕ ਪੂਰੇ ਦੇਸ਼ ਨੂੰ ਕਵਰ ਕਰੇਗੀ ਮੌਨਸੂਨ ? ਜਾਣੋ ਕਿਸਾਨਾਂ ਨੂੰ ਹੋਵੇਗਾ ਫ਼ਾਇਦਾ ਜਾਂ ਨੁਕਸਾਨ

ਮਹਾਰਾਸ਼ਟਰ ਵਿੱਚ ਮੁੰਬਈ ਸਮੇਤ ਹੁਣ ਮੌਨਸੂਨ ਨੇ ਹੌਲੀ-ਹੌਲੀ ਮੱਧ ਭਾਰਤ ਤੇ ਉੱਤਰ ਭਾਰਤ ਵਿੱਚ ਵੀ ਦਸਤਕ ਦੇਣੀ ਸ਼ੁਰੂ ਕਰ ਦਿੱਤੀ ਹੈ।‘ਸਕਾਈਮੈਟ’ ਦੀ ਰਿਪੋਰਟ ਅਨੁਸਾਰ, ਸਾਲ 2020 ਵਿੱਚ, ਮੌਨਸੂਨ ਨੇ 26 ਜੂਨ ਤੱਕ ਸਾਰੇ ਦੇਸ਼ ਨੂੰ ਕਵਰ ਕੀਤਾ ਹੋਇਆ ਸੀ।

ਦੱਖਣ-ਪੱਛਮੀ ਮੌਨਸੂਨ ਦੋ ਦਿਨਾਂ ਦੀ ਦੇਰੀ ਨਾਲ ਕੇਰਲ ਪੁੱਜੀ ਹੈ ਪਰ ਫਿਰ ਵੀ ਇਹ ਤੇਜ਼ੀ ਨਾਲ ਇਕੱਤਰ ਹੋ ਗਈ ਹੈ।

ਨਵੀਂ ਦਿੱਲੀ: ਮੌਨਸੂਨ ਦੇਸ਼ 'ਚ ਦਸਤਕ ਦੇ ਚੁੱਕੀ ਹੈ। ਮਹਾਰਾਸ਼ਟਰ ਵਿੱਚ ਮੁੰਬਈ ਸਮੇਤ ਹੁਣ ਮੌਨਸੂਨ ਨੇ ਹੌਲੀ-ਹੌਲੀ ਮੱਧ ਭਾਰਤ ਤੇ ਉੱਤਰ ਭਾਰਤ ਵਿੱਚ ਵੀ ਦਸਤਕ ਦੇਣੀ ਸ਼ੁਰੂ ਕਰ ਦਿੱਤੀ ਹੈ। ਭਾਵੇਂ ਦੱਖਣ-ਪੱਛਮੀ ਮੌਨਸੂਨ ਦੋ ਦਿਨਾਂ ਦੀ ਦੇਰੀ ਨਾਲ ਕੇਰਲ ਪੁੱਜੀ ਹੈ ਪਰ ਫਿਰ ਵੀ ਇਹ ਤੇਜ਼ੀ ਨਾਲ ਇਕੱਤਰ ਹੋ ਗਈ ਹੈ ਤੇ ਤੈਅਸ਼ੁਦਾ ਸਮੇਂ ਤੋਂ ਛੇ ਦਿਨ ਪਹਿਲਾਂ ਦੇਸ਼ ਦੇ ਲਗਪਗ ਅੱਧੇ ਹਿੱਸੇ 'ਤੇ ਪੁੱਜ ਗਈ ਹੈ। ‘ਸਕਾਈਮੈਟ’ ਦੀ ਰਿਪੋਰਟ ਅਨੁਸਾਰ, ਸਾਲ 2020 ਵਿੱਚ, ਮੌਨਸੂਨ ਨੇ 26 ਜੂਨ ਤੱਕ ਸਾਰੇ ਦੇਸ਼ ਨੂੰ ਕਵਰ ਕੀਤਾ ਹੋਇਆ ਸੀ। ਜਦੋਂਕਿ ਸਾਲ 2019 ਵਿੱਚ ਇਹ ਤਾਰੀਖ 19 ਜੁਲਾਈ ਸੀ ਤੇ ਸਾਲ 2018 ਵਿੱਚ ਇਹ 29 ਜੂਨ ਸੀ।

ਦੇਸ਼ ਭਰ ਵਿੱਚ ਮੌਨਸੂਨ ਆਮ ਵਰਗੀ ਰਹੇਗੀ
ਮੌਸਮ ਵਿਗਿਆਨ ਵਿਭਾਗ ਨੇ ਕਿਹਾ ਹੈ ਕਿ ਇਸ ਸਾਲ ਜੂਨ ਤੋਂ ਸਤੰਬਰ ਤੱਕ ਦੱਖਣੀ-ਪੱਛਮੀ ਮੌਨਸੂਨ ਦੀ ਮੌਸਮੀ ਬਾਰਸ਼ ਦੇਸ਼ ਭਰ ਵਿੱਚ ਆਮ ਵਰਗੀ ਰਹਿਣ ਦੀ ਸੰਭਾਵਨਾ ਹੈ। ਕੁੱਲ ਮਿਲਾ ਕੇ, ਪੱਛਮੀ ਮੌਨਸੂਨ ਮੌਸਮੀ ਬਾਰਸ਼ਾਂ ਦੇ ਪੂਰੇ ਚਾਰ ਮਹੀਨਿਆਂ ਦੌਰਾਨ ਦੇਸ਼ ਭਰ ਵਿੱਚ ਲੰਬੇ ਸਮੇਂ ਦੀ ਔਸਤ (ਐਲਪੀਏ) ਦੇ 96% ਤੋਂ 104 ਪ੍ਰਤੀਸ਼ਤ ਤੱਕ ਆਮ ਰਹਿਣ ਦੀ ਸੰਭਾਵਨਾ ਹੈ।

ਹੁਣ ਤੱਕ ਕਿੰਨਾ ਮੀਂਹ ਪਿਆ?
ਅਧਿਕਾਰਤ ਅੰਕੜਿਆਂ ਅਨੁਸਾਰ ਇਸ ਸਾਲ 1 ਜੂਨ ਤੋਂ 9 ਜੂਨ ਦਰਮਿਆਨ ਭਾਰਤ ਵਿੱਚ 21% ਹੋਰ ਬਾਰਸ਼ ਦਰਜ ਕੀਤੀ ਗਈ ਹੈ। ਜਦੋਂਕਿ ਮਈ ਵਿੱਚ ਸਾਲ 1901 (107.9 ਮਿਲੀਮੀਟਰ) ਦੇ ਬਾਅਦ ਦੂਜੀ ਸਭ ਤੋਂ ਜ਼ਿਆਦਾ ਬਾਰਸ਼ ਹੋਈ। ਮਈ ਵਿੱਚ ਸਭ ਤੋਂ ਵੱਧ ਬਾਰਸ਼ ਦਾ ਰਿਕਾਰਡ ਸਾਲ 1990 ਵਿੱਚ ਬਣਾਇਆ ਗਿਆ ਸੀ। ਫਿਰ 110.7 ਮਿਲੀਮੀਟਰ ਬਾਰਸ਼ ਦਰਜ ਕੀਤੀ ਗਈ।

ਕਦ ਤੱਕ ਮੌਨਸੂਨ ਪੂਰੇ ਦੇਸ਼ ਨੂੰ ਕਵਰ ਕਰੇਗਾ?
ਦੱਸ ਦੇਈਏ ਕਿ 3 ਜੂਨ ਨੂੰ ਮੌਨਸੂਨ ਨੇ ਕੇਰਲ ਵਿੱਚ ਦੋ ਦਿਨਾਂ ਦੀ ਦੇਰੀ ਨਾਲ ਦਸਤਕ ਦਿੱਤੀ ਸੀ। ਇਸ ਦੇ ਨਾਲ ਹੀ ਮੌਨਸੂਨ ਦੋ ਦਿਨ ਪਹਿਲਾਂ 8 ਜੂਨ ਨੂੰ ਮੁੰਬਈ ਪਹੁੰਚਿਆ ਸੀ। ਵੀਰਵਾਰ ਤੱਕ ਮੌਨਸੂਨ ਨੇ ਪੂਰੇ ਮਹਾਰਾਸ਼ਟਰ, ਦੱਖਣੀ ਮੱਧ ਪ੍ਰਦੇਸ਼ ਤੇ ਉੜੀਸਾ ਦੇ ਅੱਧੇ ਹਿੱਸੇ ਨੂੰ ਕਵਰ ਕੀਤਾ ਹੋਇਆ ਹੈ। ਜਦੋਂਕਿ ਮੌਨਸੂਨ ਆਮ ਤੌਰ 'ਤੇ 15 ਜੂਨ ਤੱਕ ਇਨ੍ਹਾਂ ਖੇਤਰਾਂ ਨੂੰ ਕਵਰ ਕਰਦਾ ਹੈ। ਇਸ ਲਈ ਮੌਨਸੂਨ 8 ਜੁਲਾਈ ਤੱਕ ਪੂਰੇ ਦੇਸ਼ ਨੂੰ ਕਵਰ ਕਰ ਸਕਦਾ ਹੈ।

ਮੌਨਸੂਨ ਅਗਲੇ 48 ਘੰਟਿਆਂ ਵਿੱਚ ਯੂਪੀ-ਬਿਹਾਰ ਦੇ ਹਿੱਸਿਆਂ ’ਚ ਪੁੱਜੇਗੀ
ਮੌਸਮ ਵਿਭਾਗ ਨੇ ਦੱਸਿਆ ਹੈ ਕਿ ਅਗਲੇ 48 ਘੰਟਿਆਂ ਵਿੱਚ ਮੌਨਸੂਨ ਪੂਰਬੀ ਉੱਤਰ ਪ੍ਰਦੇਸ਼ ਤੇ ਬਿਹਾਰ ਦੇ ਕੁਝ ਹਿੱਸਿਆਂ ਵਿੱਚ ਪਹੁੰਚ ਜਾਵੇਗਾ। ਮੌਨਸੂਨ ਅਗਲੇ ਦੋ ਦਿਨਾਂ ਵਿੱਚ ਉੱਤਰਾਖੰਡ ਦੇ ਕੁਝ ਹਿੱਸਿਆਂ ਨੂੰ ਵੀ ਕਵਰ ਕਰ ਸਕਦੀ ਹੈ। ਇਸ ਲਈ ਉਮੀਦ ਹੈ ਕਿ ਇਹ ਉਮੀਦ ਤੋਂ ਪਹਿਲਾਂ ਦਿੱਲੀ ਪਹੁੰਚ ਜਾਵੇਗੀ। ਜਦੋਂਕਿ ਦਿੱਲੀ ਵਿੱਚ ਮੌਨਸੂਨ ਜੂਨ ਦੇ ਅੰਤ ਵਿੱਚ ਦਸਤਕ ਦੇਵੇਗੀ।

ਮੌਨਸੂਨ ਦੇ ਸ਼ੁਰੂ ਹੋਣ ਨਾਲ ਕਿਸਾਨਾਂ ਨੂੰ ਲਾਭ ਜਾਂ ਨੁਕਸਾਨ?
ਮੌਨਸੂਨ ਦੀ ਜਲਦੀ ਆਮਦ ਕਿਸਾਨਾਂ ਲਈ ਚੰਗੀ ਖ਼ਬਰ ਹੈ। ਭਾਰਤ ਦੇ ਲਗਪਗ 60 ਪ੍ਰਤੀਸ਼ਤ ਰਕਬੇ ਵਿੱਚ ਬਾਰਸ਼ ਹੁੰਦੀ ਹੈ ਅਤੇ ਮੌਨਸੂਨ ਦੀ ਫਸਲ, ਸਾਉਣੀ ਪੂਰੀ ਤਰ੍ਹਾਂ ਮੌਨਸੂਨ ਦੀ ਸ਼ੁਰੂਆਤ ਅਤੇ ਤੀਬਰਤਾ ਉੱਤੇ ਨਿਰਭਰ ਕਰਦੀ ਹੈ। ਇਸ ਲਈ, ਆਮ ਤੌਰ 'ਤੇ, ਮੌਨਸੂਨ ਦੀ ਸ਼ੁਰੂਆਤ ਦਿਹਾਤੀ ਆਰਥਿਕਤਾ ਲਈ ਇਕ ਚੰਗਾ ਸੰਕੇਤ ਹੈ।

 

ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ABP NEWS ਦਾ ਐਪ ਡਾਊਨਲੋਡ ਕਰੋ :

Android ਫੋਨ ਲਈ ਕਲਿਕ ਕਰੋ
Iphone ਲਈ ਕਲਿਕ ਕਰੋ