India Global Forum UAE 2022 : ਭਾਰਤ ਵਿਸ਼ਵ ਪੱਧਰ 'ਤੇ ਯੂਏਈ ਦਾ ਤੀਜਾ ਸਭ ਤੋਂ ਵੱਡਾ ਵਪਾਰਕ ਭਾਈਵਾਲ , ਪ੍ਰਭਾਵਸ਼ਾਲੀ ਨਤੀਜੇ ਸਾਹਮਣੇ ਆਏ : ਡਾ. ਜੈਸ਼ੰਕਰ
India Global Forum UAE 2022 : ਵਿਦੇਸ਼ ਮੰਤਰੀ ਡਾ. ਜੈਸ਼ੰਕਰ ਨੇ ਸੋਮਵਾਰ ਨੂੰ ਦੁਬਈ ਵਿੱਚ 'ਇੰਡੀਆ ਗਲੋਬਲ ਫੋਰਮ ਯੂਏਈ 2022' ਦਾ ਉਦਘਾਟਨ ਕੀਤਾ। ਇਹ ਪ੍ਰੋਗਰਾਮ ਭਾਰਤ ਅਤੇ ਯੂਏਈ ਦੇ ਸਬੰਧਾਂ ਨੂੰ ਮਜ਼ਬੂਤ ਕਰੇਗਾ।
India Global Forum UAE 2022 : ਵਿਦੇਸ਼ ਮੰਤਰੀ ਡਾ. ਜੈਸ਼ੰਕਰ ਨੇ ਸੋਮਵਾਰ ਨੂੰ ਦੁਬਈ ਵਿੱਚ 'ਇੰਡੀਆ ਗਲੋਬਲ ਫੋਰਮ ਯੂਏਈ 2022' ਦਾ ਉਦਘਾਟਨ ਕੀਤਾ। ਇਹ ਪ੍ਰੋਗਰਾਮ ਭਾਰਤ ਅਤੇ ਯੂਏਈ ਦੇ ਸਬੰਧਾਂ ਨੂੰ ਮਜ਼ਬੂਤ ਕਰੇਗਾ। ਇੰਡੀਆ ਗਲੋਬਲ ਫੋਰਮ ਯੂਏਈ 2022 ਈਵੈਂਟ ਦਾ ਥੀਮ "ਗਲੋਬਲ ਪ੍ਰਭਾਵ ਲਈ ਪਾਰਟਨਰ" ਹੈ। ਵਿਦੇਸ਼ ਮੰਤਰੀ ਡਾ. ਐਸ. ਜੈਸ਼ੰਕਰ ਨੇ ਕਿਹਾ ਹੈ ਕਿ ਮੈਂ ਯਕੀਨੀ ਤੌਰ 'ਤੇ ਇਸ ਵਿੱਚ ਭਾਰਤ-ਯੂਏਈ ਸਬੰਧਾਂ ਨੂੰ ਉੱਚ ਸਥਾਨ 'ਤੇ ਰੱਖਦਾ ਹਾਂ, ਇਹ ਬਹੁਤ ਖਾਸ ਹੈ।
ਐਸ ਜੈਸ਼ੰਕਰ ਨੇ ਕਿਹਾ ਕਿ ਭਾਰਤ ਅਤੇ ਯੂਏਈ ਦੋ ਅਜਿਹੇ ਦੇਸ਼ ਹਨ,ਜੋ ਬਹੁਤ ਆਰਾਮਦਾਇਕ ਹਨ, ਜੋ ਇੱਕ ਦੂਜੇ ਨੂੰ ਲੰਬੇ ਸਮੇਂ ਤੋਂ ਜਾਣਦੇ ਹਨ। ਦੋਹਾਂ ਦੇਸ਼ਾਂ ਦੇ ਰਿਸ਼ਤੇ ਬਹੁਤ ਖਾਸ ਹਨ। ਅੱਜ ਅਸੀਂ ਇਸ ਰਿਸ਼ਤੇ ਨੂੰ ਬਦਲਦੀ ਦੁਨੀਆਂ ਵਿੱਚ ਵਰਤਣਾ ਚਾਹੁੰਦੇ ਹਾਂ, ਨਾ ਸਿਰਫ਼ ਬਦਲਦੀ ਦੁਨੀਆਂ ਵਿੱਚ ਜਿਉਂਦੇ ਰਹਿਣ ਲਈ, ਸਗੋਂ ਬਦਲਦੀ ਦੁਨੀਆਂ ਨੂੰ ਆਕਾਰ ਦੇਣ ਲਈ ਵੀ।
ਵਿਦੇਸ਼ ਮੰਤਰੀ ਡਾ: ਐਸ ਜੈਸ਼ੰਕਰ ਨੇ ਕਿਹਾ ਕਿ ਜੇਕਰ ਅਸੀਂ ਦੁਨੀਆ ਦੇ ਇਸ ਹਿੱਸੇ ਵਿੱਚ ਇਤਿਹਾਸ ਦੀ ਵਾਪਸੀ ਦੀ ਗੱਲ ਕਰੀਏ ਤਾਂ ਇਸਦੀ ਇੱਕ ਬਹੁਤ ਹੀ ਕੁਦਰਤੀ ਉਦਾਹਰਣ ਭਾਰਤ-ਯੂਏਈ ਸਬੰਧ ਹਨ। ਭਾਰਤ ਅਮਰੀਕਾ ਅਤੇ ਚੀਨ ਤੋਂ ਬਾਅਦ ਵਿਸ਼ਵ ਪੱਧਰ 'ਤੇ ਯੂਏਈ ਦਾ ਤੀਜਾ ਸਭ ਤੋਂ ਵੱਡਾ ਵਪਾਰਕ ਭਾਈਵਾਲ ਹੈ। ਦੋਵਾਂ ਦੇਸ਼ਾਂ ਵਿਚਕਾਰ 2020-21 ਤੱਕ ਦੁਵੱਲਾ ਵਪਾਰ 43.3 ਬਿਲੀਅਨ ਡਾਲਰ ਰਿਹਾ। ਅਗਲੇ 5 ਸਾਲਾਂ ਵਿੱਚ ਯੂਏਈ ਨਾਲ ਵਪਾਰ 100 ਬਿਲੀਅਨ ਡਾਲਰ ਤੱਕ ਪਹੁੰਚ ਸਕਦਾ ਹੈ।
ਵਿਦੇਸ਼ ਮੰਤਰੀ ਨੇ ਕਿਹਾ, 'ਸੰਯੁਕਤ ਅਰਬ ਅਮੀਰਾਤ ਅੱਜ ਭਾਰਤ ਦਾ ਤੀਜਾ ਸਭ ਤੋਂ ਵੱਡਾ ਵਪਾਰਕ ਭਾਈਵਾਲ ਹੈ। ਇਹ ਭਾਰਤ ਦਾ ਦੂਜਾ ਸਭ ਤੋਂ ਵੱਡਾ ਨਿਰਯਾਤ ਬਾਜ਼ਾਰ ਹੈ। ਜੈਸ਼ੰਕਰ ਨੇ ਕਿਹਾ ਕਿ ਦੁਵੱਲੇ ਵਪਾਰ ਸਮਝੌਤੇ 'ਤੇ ਦਸਤਖਤ ਇਸ ਬਦਲਾਅ ਨੂੰ ਦਰਸਾਉਂਦੇ ਹਨ, ਜਿਸ ਨਾਲ ਅਜਿਹੇ ਪ੍ਰਭਾਵਸ਼ਾਲੀ ਨਤੀਜੇ ਸਾਹਮਣੇ ਆਏ ਹਨ ਅਤੇ ਦੁਵੱਲੇ ਸਬੰਧਾਂ ਦੀ ਮਜ਼ਬੂਤੀ ਨੂੰ ਦਰਸਾਉਂਦਾ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
