International Space Center 'ਚ ਜਾਵੇਗਾ ਇਹ ਭਾਰਤੀ ਐਸਟਰੋਨਾਟ, ਮਿਲੀ ਮਨਜ਼ੂਰੀ, ਬੈਕਅੱਪ ਵੀ ਤਿਆਰ
Indian Astronaut Shubhanshu Shukla:ਭਾਰਤੀ ਪੁਲਾੜ ਖੋਜ ਸੰਗਠਨ (ISRO) ਨੇ ਘੋਸ਼ਣਾ ਕੀਤੀ ਹੈ ਕਿ ਗਰੁੱਪ ਕੈਪਟਨ ਸ਼ੁਭਾਂਸ਼ੂ ਸ਼ੁਕਲਾ ਨੂੰ ਅੰਤਰਰਾਸ਼ਟਰੀ ਪੁਲਾੜ ਸਟੇਸ਼ਨ (ISS) ਲਈ ਆਉਣ ਵਾਲੇ ਭਾਰਤ-ਅਮਰੀਕਾ ਮਿਸ਼ਨ 'ਤੇ ਉਡਾਣ ਭਰਨ ਲਈ ਚੁਣਿਆ
Subhanshu Shukla Selected For NSS Mission: ਭਾਰਤੀ ਪੁਲਾੜ ਖੋਜ ਸੰਗਠਨ (ISRO) ਨੇ ਘੋਸ਼ਣਾ ਕੀਤੀ ਹੈ ਕਿ ਗਰੁੱਪ ਕੈਪਟਨ ਸ਼ੁਭਾਂਸ਼ੂ ਸ਼ੁਕਲਾ ਨੂੰ ਅੰਤਰਰਾਸ਼ਟਰੀ ਪੁਲਾੜ ਸਟੇਸ਼ਨ (ISS) ਲਈ ਆਉਣ ਵਾਲੇ ਭਾਰਤ-ਅਮਰੀਕਾ ਮਿਸ਼ਨ 'ਤੇ ਉਡਾਣ ਭਰਨ ਲਈ ਚੁਣਿਆ ਗਿਆ ਹੈ। ਇਸ ਦੇ ਨਾਲ ਹੀ ਕੈਪਟਨ ਪ੍ਰਸ਼ਾਂਤ ਨਾਇਰ ਨੂੰ ਵੀ ਇਸ ਮਿਸ਼ਨ ਲਈ ਚੁਣਿਆ ਗਿਆ ਹੈ। ਉਹ ਬੈਕਅੱਪ ਦੇ ਤੌਰ 'ਤੇ ਇਸ ਮਿਸ਼ਨ 'ਤੇ ਜਾਣਗੇ।
ਇਸਰੋ ਨੇ ਕਿਹਾ ਕਿ ਉਸਦੇ ਮਨੁੱਖੀ ਸਪੇਸਫਲਾਈਟ ਸੈਂਟਰ ਨੇ ਸਪੇਸ ਸਟੇਸ਼ਨ ਲਈ ਆਪਣੇ Axiom-4 ਮਿਸ਼ਨ ਲਈ Axiom Space Inc., US ਦੇ ਨਾਲ ਇੱਕ ਸਪੇਸ ਫਲਾਈਟ ਸਮਝੌਤਾ ਕੀਤਾ ਹੈ। ਨੈਸ਼ਨਲ ਮਿਸ਼ਨ ਅਸਾਈਨਮੈਂਟ ਬੋਰਡ ਨੇ ਇਸ ਮਿਸ਼ਨ ਲਈ ਦੋ ਗਗਨਯਾਤਰੀ ਪਾਇਲਟਾਂ ਨੂੰ ਪ੍ਰਾਈਮ ਅਤੇ ਬੈਕਅੱਪ ਮਿਸ਼ਨ ਪਾਇਲਟਾਂ ਵਜੋਂ ਸਿਫ਼ਾਰਸ਼ ਕੀਤੀ ਹੈ। ਗਰੁੱਪ ਕੈਪਟਨ ਸ਼ੁਭਾਂਸ਼ੂ ਸ਼ੁਕਲਾ ਨੂੰ ਮੁੱਖ ਪਾਇਲਟ ਚੁਣਿਆ ਗਿਆ ਹੈ, ਜਦਕਿ ਗਰੁੱਪ ਕੈਪਟਨ ਪ੍ਰਸ਼ਾਂਤ ਬਾਲਕ੍ਰਿਸ਼ਨਨ ਨਾਇਰ ਨੂੰ ਬੈਕਅੱਪ ਵਜੋਂ ਚੁਣਿਆ ਗਿਆ ਹੈ।
ISRO ਨੇ ਕੀ ਕਿਹਾ?
ਇਸਰੋ ਨੇ ਇੱਕ ਬਿਆਨ ਵਿੱਚ ਕਿਹਾ, "ਨਿਯੁਕਤ ਅਮਲੇ ਦੇ ਮੈਂਬਰਾਂ ਨੂੰ ਅੰਤਰਰਾਸ਼ਟਰੀ ਪੁਲਾੜ ਸਟੇਸ਼ਨ ਲਈ ਉਡਾਣ ਭਰਨ ਲਈ ਮਲਟੀਲੇਟਰਲ ਕਰੂ ਆਪ੍ਰੇਸ਼ਨ ਪੈਨਲ (ਐਮਸੀਓਪੀ) ਦੁਆਰਾ ਅੰਤਮ ਪ੍ਰਵਾਨਗੀ ਦੇ ਰੂਪ ਵਿੱਚ ਮੰਜ਼ੂਰੀ ਦਿੱਤੀ ਜਾਵੇਗੀ। ਗਗਨਯਾਤਰੀ ਮਿਸ਼ਨ ਅਗਸਤ 2024 ਦੇ ਪਹਿਲੇ ਹਫ਼ਤੇ ਤੋਂ ਮਿਸ਼ਨ ਦੇ ਲਈ ਸਿਖਲਾਈ ਸ਼ੁਰੂ ਹੋਵੇਗੀ।"
ਇਸਰੋ ਨੇ ਕਿਹਾ ਕਿ ਆਪਣੇ ਮਿਸ਼ਨ ਵਿੱਚ ਗਗਨਯਾਤਰੀ ਆਈਐਸਐਸ 'ਤੇ ਚੋਣਵੇਂ ਵਿਗਿਆਨਕ ਖੋਜ ਅਤੇ ਤਕਨਾਲੋਜੀ ਪ੍ਰਦਰਸ਼ਨੀ ਪ੍ਰਯੋਗਾਂ ਦੇ ਨਾਲ-ਨਾਲ ਪੁਲਾੜ ਆਊਟਰੀਚ ਗਤੀਵਿਧੀਆਂ ਵਿੱਚ ਸ਼ਾਮਲ ਹੋਵੇਗੀ।
ਭਾਰਤ ਨੂੰ ਪੁਲਾੜ ਪ੍ਰੋਗਰਾਮ ਵਿੱਚ ਵੀ ਮਦਦ ਮਿਲੇਗੀ
ਭਾਰਤੀ ਪੁਲਾੜ ਏਜੰਸੀ ਨੇ ਕਿਹਾ, "ਇਸ ਮਿਸ਼ਨ ਦੌਰਾਨ ਹਾਸਲ ਕੀਤਾ ਤਜਰਬਾ ਭਾਰਤੀ ਮਨੁੱਖੀ ਪੁਲਾੜ ਪ੍ਰੋਗਰਾਮ ਲਈ ਲਾਭਦਾਇਕ ਹੋਵੇਗਾ ਅਤੇ ਇਸਰੋ ਅਤੇ ਨਾਸਾ ਵਿਚਕਾਰ ਮਨੁੱਖੀ ਪੁਲਾੜ ਉਡਾਣ ਦੇ ਸਹਿਯੋਗ ਨੂੰ ਵੀ ਮਜ਼ਬੂਤ ਕਰੇਗਾ।" ਜੂਨ 2023 ਵਿੱਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਅਮਰੀਕਾ ਦੀ ਸਰਕਾਰੀ ਯਾਤਰਾ ਦੌਰਾਨ ਇਸਰੋ ਅਤੇ ਅਮਰੀਕੀ ਪੁਲਾੜ ਏਜੰਸੀ ਨਾਸਾ ਦੁਆਰਾ ਜਾਰੀ ਇੱਕ ਸਾਂਝੇ ਬਿਆਨ ਵਿੱਚ ਪੁਲਾੜ ਸਟੇਸ਼ਨ ਲਈ ਇੱਕ ਸੰਯੁਕਤ ISRO-NASA ਮਿਸ਼ਨ ਦੀ ਕਲਪਨਾ ਕੀਤੀ ਗਈ ਸੀ।
Axiom-4 ਮਿਸ਼ਨ (X-4) ਅੰਤਰਰਾਸ਼ਟਰੀ ਪੁਲਾੜ ਸਟੇਸ਼ਨ (ISS) ਲਈ ਚੌਥਾ ਨਿੱਜੀ ਪੁਲਾੜ ਯਾਤਰੀ ਮਿਸ਼ਨ ਹੈ, ਜੋ NASA ਅਤੇ SpaceX ਦੀ ਭਾਈਵਾਲੀ ਵਿੱਚ Axiom ਸਪੇਸ ਦੁਆਰਾ ਚਲਾਇਆ ਜਾਂਦਾ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
