ਕੀ CoWIN ਪੋਟਰਲ ਤੋਂ ਲੀਕ ਹੋਇਆ ਡਾਟਾ? ਵਿਰੋਧੀ ਧਿਰਾਂ ਦੇ ਦਾਅਵੇ 'ਤੇ ਸਰਕਾਰ ਨੇ ਦਿੱਤਾ ਸਪੱਸ਼ਟੀਕਰਨ
CoWIN Portal: ਰਿਪੋਰਟ ਦੇ ਅਨੁਸਾਰ, ਜਦੋਂ ਕੋਵਿਨ ਪੋਰਟਲ 'ਤੇ ਰਜਿਸਟਰਡ ਮੋਬਾਈਲ ਨੰਬਰ ਨੂੰ ਟੈਲੀਗ੍ਰਾਮ ਬੋਟ 'ਤੇ ਐਂਟਰ ਕੀਤਾ ਜਾ ਰਿਹੈ, ਤਾਂ ਉਸ ਵਿੱਚ ਸਾਰੇ ਵੇਰਵੇ ਦਿਖਾਈ ਦਿੰਦੇ ਹਨ। ਹੁਣ ਇਸ ਨੂੰ ਲੈ ਕੇ ਸਿਆਸਤ ਵੀ ਸ਼ੁਰੂ ਹੋ ਗਈ ਹੈ।
CoWIN : ਡਾਟਾ ਲੀਕ ਨੂੰ ਲੈ ਕੇ ਇਕ ਹੈਰਾਨ ਕਰਨ ਵਾਲੀ ਰਿਪੋਰਟ ਸਾਹਮਣੇ ਆਈ ਹੈ ਅਤੇ ਇਸ 'ਤੇ ਸਿਆਸਤ ਵੀ ਹੋ ਰਹੀ ਹੈ। ਰਿਪੋਰਟ 'ਚ ਦਾਅਵਾ ਕੀਤਾ ਗਿਆ ਹੈ ਕਿ ਭਾਰਤੀ ਨਾਗਰਿਕਾਂ ਦੀ ਨਿੱਜੀ ਜਾਣਕਾਰੀ ਡਿਟੇਲ ਮੈਸੇਜਿੰਗ ਪਲੇਟਫਾਰਮ ਟੈਲੀਗ੍ਰਾਮ 'ਤੇ ਲੀਕ ਕੀਤੀ ਗਈ ਸੀ। ਮਲਿਆਲਾ ਮਨੋਰਮਾ ਦੀ ਇੱਕ ਰਿਪੋਰਟ ਦੇ ਅਨੁਸਾਰ, ਡੇਟਾ ਲੀਕ ਕੋਵਿਡ ਟੀਕਾਕਰਨ ਪੋਰਟਲ ਕੋਵਿਨ ਤੋਂ ਹੈ। ਰਿਪੋਰਟ ਵਿੱਚ ਸਰਕਾਰੀ ਪੋਰਟਲ ਕਾਵਿਨ ਤੋਂ ਕਰੋੜਾਂ ਭਾਰਤੀ ਲੋਕਾਂ ਦੇ ਨਾਲ-ਨਾਲ ਵੱਡੇ ਨੇਤਾਵਾਂ ਅਤੇ ਪੱਤਰਕਾਰਾਂ ਦੇ ਆਧਾਰ, ਪਾਸਪੋਰਟ ਅਤੇ ਪੈਨ ਕਾਰਡ ਨੰਬਰ ਵਰਗੀਆਂ ਨਿੱਜੀ ਜਾਣਕਾਰੀਆਂ ਲੀਕ ਕੀਤੀਆਂ ਗਈਆਂ ਹਨ।
ਮਲਿਆਲਾ ਮਨੋਰਮਾ ਦੀ ਰਿਪੋਰਟ ਸਾਹਮਣੇ ਆਉਣ ਤੋਂ ਬਾਅਦ ਹੁਣ ਵਿਰੋਧੀ ਪਾਰਟੀਆਂ ਵੀ ਸਰਕਾਰ 'ਤੇ ਨਿਸ਼ਾਨਾ ਸਾਧ ਰਹੀਆਂ ਹਨ। ਤ੍ਰਿਣਮੂਲ ਕਾਂਗਰਸ (ਟੀਐੱਮਸੀ) ਦੇ ਬੁਲਾਰੇ ਸਾਕੇਤ ਗੋਖਲੇ ਨੇ ਮੋਦੀ ਸਰਕਾਰ 'ਤੇ ਕੋਵਿਡ-19 ਟੀਕਾਕਰਨ ਐਪ CoWIN ਦੀ ਮਦਦ ਨਾਲ ਗੁਪਤਤਾ ਦੀ ਉਲੰਘਣਾ ਕਰਨ ਦਾ ਗੰਭੀਰ ਦੋਸ਼ ਲਗਾਇਆ ਹੈ। ਇਸ ਦੇ ਨਾਲ ਹੀ ਹੁਣ ਸਰਕਾਰੀ ਸੂਤਰਾਂ ਨੇ ਇਨ੍ਹਾਂ ਦਾਅਵਿਆਂ ਦਾ ਖੰਡਨ ਕੀਤਾ ਹੈ ਅਤੇ ਕਿਹਾ ਹੈ ਕਿ ਕੇਂਦਰੀ ਸਿਹਤ ਮੰਤਰਾਲਾ ਵਿਸਥਾਰਤ ਰਿਪੋਰਟ 'ਤੇ ਕੰਮ ਕਰ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਅਜੇ ਇਸ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਸਰਕਾਰ ਵੱਲੋਂ ਸਪੱਸ਼ਟੀਕਰਨ
ਏਐਨਆਈ ਦੇ ਅਨੁਸਾਰ, ਇਲੈਕਟ੍ਰਾਨਿਕਸ ਅਤੇ ਸੂਚਨਾ ਤਕਨਾਲੋਜੀ ਮੰਤਰਾਲੇ ਦੇ ਸੂਤਰਾਂ ਦਾ ਕਹਿਣਾ ਹੈ, "ਇਹ ਪੁਰਾਣਾ ਡੇਟਾ ਹੈ, ਅਸੀਂ ਅਜੇ ਵੀ ਇਸ ਦੀ ਪੁਸ਼ਟੀ ਕਰ ਰਹੇ ਹਾਂ। ਅਸੀਂ ਇਸ ਬਾਰੇ ਰਿਪੋਰਟ ਮੰਗੀ ਹੈ। "ਕੋ-ਵਿਨ ਪੋਰਟਲ ਡੇਟਾ ਗੋਪਨੀਯਤਾ ਲਈ ਸੁਰੱਖਿਆ ਦੇ ਨਾਲ ਪੂਰੀ ਤਰ੍ਹਾਂ ਸੁਰੱਖਿਅਤ ਹੈ। ਡੇਟਾ ਦੀ ਉਲੰਘਣਾ ਦੀਆਂ ਸਾਰੀਆਂ ਰਿਪੋਰਟਾਂ ਬੇਬੁਨਿਆਦ ਅਤੇ ਸ਼ਰਾਰਤੀ ਕਿਸਮ ਦੀਆਂ ਹਨ। ਸਿਹਤ ਮੰਤਰਾਲੇ ਨੇ ਸੀਈਆਰਟੀ-ਇਨ ਨੂੰ ਇਸ ਮੁੱਦੇ ਨੂੰ ਘੋਖਣ ਅਤੇ ਰਿਪੋਰਟ ਸੌਂਪਣ ਲਈ ਬੇਨਤੀ ਕੀਤੀ ਹੈ।”
ਕੀ ਹਨ ਦੋਸ਼?
ਰਿਪੋਰਟ ਮੁਤਾਬਕ ਮੈਸੇਜਿੰਗ ਪਲੇਟਫਾਰਮ ਟੈਲੀਗ੍ਰਾਮ 'ਤੇ ਭਾਰਤੀ ਨਾਗਰਿਕਾਂ ਦੀ ਨਿੱਜੀ ਜਾਣਕਾਰੀ, ਆਧਾਰ ਕਾਰਡ ਅਤੇ ਪਾਸਪੋਰਟ ਦੇ ਵੇਰਵੇ ਲੀਕ ਹੋ ਗਏ ਸਨ। ਮਲਿਆਲਾ ਮਨੋਰਮਾ ਦੀ ਇੱਕ ਰਿਪੋਰਟ ਦੇ ਅਨੁਸਾਰ, ਡੇਟਾ ਲੀਕ ਕੋਵਿਡ ਟੀਕਾਕਰਨ ਪੋਰਟਲ ਕੋਵਿਨ ਤੋਂ ਹੋਇਆ ਹੈ, ਜਿਸ ਵਿੱਚ ਲੋਕਾਂ ਨੇ ਆਪਣੇ ਨਿੱਜੀ ਵੇਰਵੇ ਦਰਜ ਕੀਤੇ ਸਨ। ਇਸ ਦੇ ਨਾਲ ਹੀ ਸਰਕਾਰੀ ਸੂਤਰਾਂ ਨੇ ਕਿਹਾ ਕਿ ਪੋਰਟਲ ਸਿਰਫ ਉਸ ਮਿਤੀ ਦੀ ਜਾਣਕਾਰੀ ਰੱਖਦਾ ਹੈ ਜਦੋਂ ਵਿਅਕਤੀ ਦਾ ਟੀਕਾਕਰਨ ਕੀਤਾ ਗਿਆ ਸੀ। ਕੋਵਿਨ ਪੋਰਟਲ ਜਨਮ ਮਿਤੀ ਅਤੇ ਘਰ ਦਾ ਪਤਾ ਇਕੱਠਾ ਨਹੀਂ ਕਰਦਾ ਹੈ। ਕਾਵਿਨ ਪੋਰਟਲ ਸਿਰਫ਼ ਉਪਭੋਗਤਾਵਾਂ ਬਾਰੇ ਜਾਣਕਾਰੀ ਸਟੋਰ ਕਰਦਾ ਹੈ ਕਿ ਕੀ ਉਨ੍ਹਾਂ ਨੇ ਪਹਿਲੀ ਖੁਰਾਕ, ਦੂਜੀ ਖੁਰਾਕ ਜਾਂ ਅਹਿਤਿਆਤ ਖੁਰਾਕ ਲਈ ਹੈ ਜਾਂ ਨਹੀਂ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
