Prajwal Revanna ਨੂੰ JDS ਨੇ ਕੀਤਾ ਮੁਅੱਤਲ, ਜਿਨਸੀ ਸ਼ੋਸ਼ਣ ਮਾਮਲੇ 'ਚ ਪਾਰਟੀ ਦੀ ਕਾਰਵਾਈ, SIT ਕਰ ਰਹੀ ਜਾਂਚ
Prajwal Revanna Obscene Video Case: ਸਾਬਕਾ ਪ੍ਰਧਾਨ ਮੰਤਰੀ ਐਚਡੀ ਦੇਵਗੌੜਾ ਦੇ ਪੋਤੇ ਪ੍ਰਜਵਲ ਰੇਵੰਨਾ ਵੱਲੋਂ ਔਰਤਾਂ ਦੀਆਂ ਇਤਰਾਜ਼ਯੋਗ ਵੀਡੀਓ ਬਣਾਉਣ ਅਤੇ ਉਨ੍ਹਾਂ ਨਾਲ ਜ਼ਬਰਦਸਤੀ ਕਰਨ ਦੇ ਮਾਮਲੇ ਨੂੰ ਲੈ ਕੇ ਵਿਵਾਦ ਜਾਰੀ ਹੈ।
Prajwal Revanna Obscene Video Case: ਪਾਰਟੀ ਨੇ ਸਾਬਕਾ ਪ੍ਰਧਾਨ ਮੰਤਰੀ ਐਚਡੀ ਦੇਵਗੌੜਾ ਦੇ ਪੋਤਰੇ ਪ੍ਰਜਵਲ ਰੇਵੰਨਾ ਦੇ ਖਿਲਾਫ ਔਰਤਾਂ ਦੇ ਇਤਰਾਜ਼ਯੋਗ ਵੀਡੀਓ ਬਣਾਉਣ ਅਤੇ ਉਨ੍ਹਾਂ 'ਤੇ ਜ਼ਬਰਦਸਤੀ ਕਰਨ ਦੇ ਦੋਸ਼ ਵਿੱਚ ਕਾਰਵਾਈ ਕੀਤੀ ਹੈ। ਐਚਡੀ ਦੇਵਗੌੜਾ ਦੀ ਜੇਡੀਐਸ ਨੇ ਪ੍ਰਜਵਲ ਰੇਵੰਨਾ ਨੂੰ ਮੁਅੱਤਲ ਕਰਨ ਲਈ ਨੋਟਿਸ ਜਾਰੀ ਕੀਤਾ ਹੈ। ਇਹ ਫੈਸਲਾ ਪਾਰਟੀ ਦੀ ਕੋਰ ਕਮੇਟੀ ਦੀ ਮੀਟਿੰਗ ਤੋਂ ਬਾਅਦ ਲਿਆ ਗਿਆ ਹੈ।
ਕਰਨਾਟਕ ਦੇ ਸਾਬਕਾ ਮੁੱਖ ਮੰਤਰੀ ਅਤੇ ਜੇਡੀਐਸ ਨੇਤਾ ਐਚਡੀ ਕੁਮਾਰਸਵਾਮੀ ਨੇ ਮੰਗਲਵਾਰ (30 ਅਪ੍ਰੈਲ, 2024) ਨੂੰ ਕਿਹਾ ਕਿ ਅਸੀਂ ਪ੍ਰਜਵਲ ਰੇਵੰਨਾ ਦੇ ਖ਼ਿਲਾਫ਼ ਕਾਰਵਾਈ ਕਰਾਂਗੇ। ਅਸੀਂ ਇਸ ਬਾਰੇ ਰੇਵੰਨਾ ਦੀ ਸੁਰੱਖਿਆ ਨਹੀਂ ਕਰਾਂਗੇ। ਇਹ ਸ਼ਰਮਨਾਕ ਮਾਮਲਾ ਹੈ।
ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨੇ ਵੀ ਅੱਜ ਕਿਹਾ ਕਿ ਅਜਿਹੇ ਮਾਮਲੇ ਨੂੰ ਬਰਦਾਸ਼ਤ ਨਹੀਂ ਕੀਤਾ ਜਾ ਸਕਦਾ। ਉਨ੍ਹਾਂ ਕਿਹਾ, ''ਭਾਜਪਾ ਦਾ ਸਟੈਂਡ ਹੈ ਕਿ ਅਸੀਂ ਮਾਂ ਸ਼ਕਤੀ ਦੇ ਨਾਲ ਖੜ੍ਹੇ ਹਾਂ। ਮਾਂ ਦੀ ਸ਼ਕਤੀ ਦਾ ਅਪਮਾਨ ਕਿਤੇ ਵੀ ਬਰਦਾਸ਼ਤ ਨਹੀਂ ਕੀਤਾ ਜਾਵੇਗਾ। ਕਾਂਗਰਸ ਨਿਸ਼ਾਨਾ ਸਾਧ ਰਹੀ ਹੈ , ਪਰ ਮੇਰਾ ਸਵਾਲ ਹੈ ਕਿ ਹੁਣ ਤੱਕ ਇਸ ਨੇ ਕਾਰਵਾਈ ਕਿਉਂ ਨਹੀਂ ਕੀਤੀ। ਸੂਬੇ ਵਿੱਚ ਕਾਂਗਰਸ ਦੀ ਸਰਕਾਰ ਹੈ। ਕਾਨੂੰਨ ਰਾਜ ਸਰਕਾਰ ਦਾ ਵਿਸ਼ਾ ਹੈ। ਪ੍ਰਿਅੰਕਾ ਗਾਂਧੀ ਸਾਨੂੰ ਸਵਾਲ ਕਰ ਰਹੀ ਹੈ, ਪਰ ਆਪਣੇ ਮੁੱਖ ਮੰਤਰੀ ਤੋਂ ਸਵਾਲ ਕਰੋ।
ਪ੍ਰਿਅੰਕਾ ਗਾਂਧੀ ਨੇ ਕੀ ਕਿਹਾ ?
ਕਾਂਗਰਸ ਜਨਰਲ ਸਕੱਤਰ ਪ੍ਰਿਯੰਕਾ ਗਾਂਧੀ ਨੇ ਪੁੱਛਿਆ ਸੀ ਕਿ ਪੀਐਮ ਮੋਦੀ ਇਸ ਮਾਮਲੇ 'ਤੇ ਚੁੱਪ ਕਿਉਂ ਹਨ? ਉਨ੍ਹਾਂ ਨੇ ਸੋਸ਼ਲ ਮੀਡੀਆ 'ਤੇ ਲਿਖਿਆ ਸੀ ਪ੍ਰਿਅੰਕਾ ਗਾਂਧੀ ਨੇ ਕਿਹਾ, 'ਅੱਜ ਕਰਨਾਟਕ ਦਾ ਉਹ ਨੇਤਾ ਦੇਸ਼ ਤੋਂ ਫਰਾਰ ਹੈ। ਉਸਦੇ ਘਿਨਾਉਣੇ ਅਪਰਾਧਾਂ ਬਾਰੇ ਸੁਣ ਕੇ ਹੀ ਦਿਲ ਕੰਬ ਜਾਂਦਾ ਹੈ ਜਿਸ ਨੇ ਸੈਂਕੜੇ ਔਰਤਾਂ ਦੀ ਜ਼ਿੰਦਗੀ ਬਰਬਾਦ ਕਰ ਦਿੱਤੀ। ਉਨ੍ਹਾਂ ਨੇ ਪੁੱਛਿਆ, 'ਮੋਦੀ ਜੀ, ਕੀ ਤੁਸੀਂ ਅਜੇ ਵੀ ਚੁੱਪ ਰਹੋਗੇ?'
ਦਰਅਸਲ, ਕਰਨਾਟਕ ਸਰਕਾਰ ਨੇ ਇਸ ਮਾਮਲੇ ਵਿੱਚ ਐਸਆਈਟੀ ਦਾ ਗਠਨ ਕੀਤਾ ਹੈ। ਪ੍ਰਜਵਲ ਰੇਵੰਨਾ ਨੇ ਨੈਸ਼ਨਲ ਡੈਮੋਕਰੇਟਿਕ ਅਲਾਇੰਸ (ਐਨਡੀਏ) ਦੇ ਉਮੀਦਵਾਰ ਵਜੋਂ ਹਸਨ ਲੋਕ ਸਭਾ ਸੀਟ ਤੋਂ ਚੋਣ ਲੜੀ ਹੈ।
ਇਹ ਵੀ ਪੜ੍ਹੋ-ਪੁਲਿਸ ਦੀ ਨੌਕਰੀ ਮਿਲਦਿਆਂ ਹੀ ਵਿਆਹ ਤੋਂ ਮੁੱਕਰੀ ਸਹੇਲੀ, ਨਵੇਂ ਪ੍ਰੇਮੀ ਤੋਂ ਕਢਵਾਈਆਂ ਗਾਲ੍ਹਾਂ, ਜਾਣੋ ਪੂਰਾ ਮਾਮਲਾ
Before You Go
BJP ‘ਤੇ CM ਮਾਨ ਦਾ ਤਿੱਖਾ ਤੰਜ, ਸਿਆਸਤ ਹੋਈ ਗਰਮ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
