Lok Sabha Election 2024 Phase 6 Voting: 6ਵੇਂ ਪੜਾਅ 'ਚ ਅੱਜ 8 ਸੂਬਿਆਂ ਦੀਆਂ 58 ਸੀਟਾਂ 'ਤੇ ਸਿਆਸੀ ਦੰਗਲ, ਸ਼ੁਰੂ ਹੋਈ ਵੋਟਿੰਗ
Lok Sabha Election 2024: ਅੱਜ ਯਾਨੀਕਿ 25 ਮਈ ਨੂੰ ਛੇਵੇਂ ਪੜਾਅ ਦੇ ਲਈ ਵੋਟਿੰਗ ਪ੍ਰਕਿਰਿਆ ਸ਼ੁਰੂ ਹੋ ਚੁੱਕੀ ਹੈ। ਅੱਜ 8 ਸੂਬਿਆਂ ਦੀਆਂ 58 ਸੀਟਾਂ 'ਤੇ ਸਿਆਸੀ ਦੰਗਲ ਦੇਖਣ ਨੂੰ ਮਿਲੇਗਾ।
Lok Sabha Election 2024 Phase 6 Voting: ਲੋਕ ਸਭਾ ਚੋਣਾਂ ਦੇ ਛੇਵੇਂ ਪੜਾਅ ਵਿੱਚ ਸ਼ਨੀਵਾਰ ਨੂੰ ਛੇ ਰਾਜਾਂ ਅਤੇ ਦੋ ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਦੀਆਂ 58 ਸੀਟਾਂ ਲਈ ਵੋਟਿੰਗ ਸ਼ੁਰੂ ਹੋ ਚੁੱਕੀ। ਰਾਸ਼ਟਰੀ ਰਾਜਧਾਨੀ ਦਿੱਲੀ ਦੀਆਂ ਸਾਰੀਆਂ ਸੱਤ ਸੀਟਾਂ ਤੋਂ ਇਲਾਵਾ ਉੱਤਰ ਪ੍ਰਦੇਸ਼ ਦੀਆਂ ਸਾਰੀਆਂ 14 ਸੀਟਾਂ, ਹਰਿਆਣਾ ਦੀਆਂ ਸਾਰੀਆਂ 10 ਸੀਟਾਂ, ਝਾਰਖੰਡ ਦੀਆਂ ਚਾਰ ਸੀਟਾਂ, ਉੜੀਸਾ ਦੀਆਂ ਛੇ ਸੀਟਾਂ, ਬਿਹਾਰ ਅਤੇ ਪੱਛਮੀ ਬੰਗਾਲ ਦੀਆਂ ਅੱਠ-8 ਸੀਟਾਂ ਅਤੇ ਜੰਮੂ ਅਤੇ ਕਸ਼ਮੀਰ ਇੱਕ ਸੀਟ 'ਤੇ ਵੋਟਿੰਗ ਹੋਵੇਗੀ। ਇਸ ਦੇ ਨਾਲ ਹੀ ਓਡੀਸ਼ਾ ਦੀਆਂ 42 ਵਿਧਾਨ ਸਭਾ ਸੀਟਾਂ ਲਈ ਵੀ ਵੋਟਿੰਗ ਹੋਵੇਗੀ। ਸ਼ਨੀਵਾਰ ਯਾਨੀਕਿ ਅੱਜ ਸਵੇਰੇ 7 ਵਜੇ ਤੋਂ ਲੈ ਕੇ ਸ਼ਾਮ 6 ਵਜੇ ਤੱਕ ਵੋਟਿੰਗ ਹੋਵੇਗੀ। ਵੋਟਿੰਗ ਦੇ ਮੱਦੇਨਜ਼ਰ ਚੋਣ ਕਮਿਸ਼ਨ ਨੇ ਸੁਰੱਖਿਆ ਦੇ ਸਖ਼ਤ ਪ੍ਰਬੰਧ ਕੀਤੇ ਹਨ।
ਇੰਨੇ ਲੋਕ ਕਰਨਗੇ ਅੱਜ ਆਪਣੀ ਵੋਟ ਸ਼ਕਤੀ ਦਾ ਇਸਤੇਮਾਲ
ਛੇਵੇਂ ਪੜਾਅ ਵਿੱਚ 11.13 ਕਰੋੜ ਤੋਂ ਵੱਧ ਵੋਟਰ ਆਪਣੀ ਵੋਟ ਦਾ ਇਸਤੇਮਾਲ ਕਰਨ ਦੇ ਯੋਗ ਹਨ। ਇਨ੍ਹਾਂ ਵਿੱਚੋਂ 5.84 ਕਰੋੜ ਪੁਰਸ਼, 5.29 ਕਰੋੜ ਔਰਤਾਂ ਅਤੇ 5120 ਤੀਜੇ ਲਿੰਗ ਦੇ ਵੋਟਰ ਹਨ। ਚੋਣ ਕਮਿਸ਼ਨ ਨੇ ਵੋਟਿੰਗ ਪ੍ਰਕਿਰਿਆ ਨੂੰ ਸੁਚਾਰੂ ਢੰਗ ਨਾਲ ਚਲਾਉਣ ਲਈ 1.14 ਲੱਖ ਪੋਲਿੰਗ ਸਟੇਸ਼ਨਾਂ 'ਤੇ ਕਰੀਬ 11.4 ਲੱਖ ਪੋਲਿੰਗ ਅਫ਼ਸਰ ਤਾਇਨਾਤ ਕੀਤੇ ਹਨ।
ਗਰਮੀ ਦੇ ਦੌਰ 'ਚ ਵੋਟਿੰਗ ਹੋ ਰਹੀ ਹੈ
ਦੇਸ਼ ਦੇ ਵੱਡੇ ਹਿੱਸਿਆਂ 'ਚ ਗਰਮੀ ਦੇ ਦੌਰ 'ਚ ਵੋਟਿੰਗ ਹੋ ਰਹੀ ਹੈ। ਚੋਣ ਕਮਿਸ਼ਨ ਨੇ ਚੋਣ ਅਧਿਕਾਰੀਆਂ ਅਤੇ ਰਾਜ ਮਸ਼ੀਨਰੀ ਨੂੰ ਗਰਮੀ ਦੀ ਲਹਿਰ ਨੂੰ ਰੋਕਣ ਲਈ ਲੋੜੀਂਦੇ ਉਪਾਅ ਕਰਨ ਦੇ ਨਿਰਦੇਸ਼ ਦਿੱਤੇ ਹਨ।
ਇਨ੍ਹਾਂ ਲੋਕ ਸਭਾ ਸੀਟਾਂ 'ਤੇ ਛੇਵੇਂ ਪੜਾਅ 'ਚ ਵੋਟਿੰਗ ਹੋ ਰਹੀ ਹੈ
ਬਿਹਾਰ (8 ਸੀਟਾਂ): ਸ਼ਿਓਹਰ, ਵੈਸ਼ਾਲੀ, ਗੋਪਾਲਗੰਜ (SC), ਵਾਲਮੀਕੀ ਨਗਰ, ਪੱਛਮੀ ਚੰਪਾਰਣ, ਪੂਰਬੀ ਚੰਪਾਰਣ, ਸੀਵਾਨ ਅਤੇ ਮਹਾਰਾਜਗੰਜ।
ਹਰਿਆਣਾ (10 ਸੀਟਾਂ): ਹਿਸਾਰ, ਕਰਨਾਲ, ਸੋਨੀਪਤ, ਰੋਹਤਕ, ਭਿਵਾਨੀ-ਮਹੇਂਦਰਗੜ੍ਹ, ਅੰਬਾਲਾ (SC), ਕੁਰੂਕਸ਼ੇਤਰ, ਸਿਰਸਾ (SC), ਗੁੜਗਾਓਂ ਅਤੇ ਫਰੀਦਾਬਾਦ।
ਜੰਮੂ ਅਤੇ ਕਸ਼ਮੀਰ (ਇਕ ਸੀਟ): ਅਨੰਤਨਾਗ-ਰਾਜੌਰੀ ਲੋਕ ਸਭਾ ਸੀਟ
ਝਾਰਖੰਡ (4 ਸੀਟਾਂ): ਰਾਂਚੀ, ਜਮਸ਼ੇਦਪੁਰ, ਗਿਰੀਡੀਹ ਅਤੇ ਧਨਬਾਦ
ਦਿੱਲੀ (ਸਾਰੇ 7 ਸੀਟਾਂ): ਨਵੀਂ ਦਿੱਲੀ, ਉੱਤਰ ਪੱਛਮੀ ਦਿੱਲੀ (SC), ਪੱਛਮੀ ਦਿੱਲੀ, ਚਾਂਦਨੀ ਚੌਕ, ਉੱਤਰ ਪੂਰਬੀ ਦਿੱਲੀ, ਪੂਰਬੀ ਦਿੱਲੀ ਅਤੇ ਦੱਖਣੀ ਦਿੱਲੀ।
ਓਡੀਸ਼ਾ (6 ਸੀਟਾਂ): ਢੇਕਨਾਲ, ਪੁਰੀ, ਭੁਵਨੇਸ਼ਵਰ, ਸੰਬਲਪੁਰ, ਕੇਓਂਝਾਰ ਅਤੇ ਕਟਕ।
ਉੱਤਰ ਪ੍ਰਦੇਸ਼ (14 ਸੀਟਾਂ): ਡੁਮਰੀਆਗੰਜ, ਸੰਤ ਕਬੀਰ ਨਗਰ, ਲਾਲਗੰਜ (SC), ਆਜ਼ਮਗੜ੍ਹ, ਜੌਨਪੁਰ, ਮਾਛਲੀਸ਼ਾਹਰ (SC), ਭਦੋਹੀ, ਸੁਲਤਾਨਪੁਰ, ਪ੍ਰਤਾਪਗੜ੍ਹ, ਫੂਲਪੁਰ, ਇਲਾਹਾਬਾਦ, ਅੰਬੇਡਕਰ ਨਗਰ, ਸ਼ਰਾਵਸਤੀ ਅਤੇ ਬਸਤੀ।
ਪੱਛਮੀ ਬੰਗਾਲ (8 ਸੀਟਾਂ): ਝਾਰਗ੍ਰਾਮ (ST), ਮੇਦਿਨੀਪੁਰ, ਪੁਰੂਲੀਆ, ਬਾਂਕੁਰਾ ਤਮਲੂਕ, ਕਾਂਥੀ, ਘਾਟਲ, ਅਤੇ ਬਿਸ਼ਨੂਪੁਰ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
