ਘਰੇਲੂ ਹਿੰਸਾ ਅਤੇ ਗਾਲੀ ਗਲੌਚ ਤੋਂ ਬਾਜ਼ ਨਾ ਆਉਣ 'ਤੇ ਪਤੀ ਨੂੰ ਵੀ ਘਰੋਂ ਕੱਢਿਆ ਜਾ ਸਕਦਾ ਬਾਹਰ- ਮਦਰਾਸ ਹਾਈ ਕੋਰਟ ਦਾ ਵੱਡਾ ਫੈਸਲਾ
Madras High Court: ਘਰੇਲੂ ਹਿੰਸਾ ਮਾਮਲੇ 'ਚ ਮਦਰਾਸ ਹਾਈਕੋਰਟ ਨੇ ਪਤੀ ਨੂੰ ਲੈ ਕੇ ਸਖਤ ਟਿੱਪਣੀ ਕੀਤੀ ਹੈ। ਘਰੇਲੂ ਹਿੰਸਾ ਦਾ ਸ਼ਿਕਾਰ ਹੋਈ ਇਕ ਔਰਤ ਦੀ ਪਟੀਸ਼ਨ 'ਤੇ ਸੁਣਵਾਈ ਕਰਦੇ ਹੋਏ ਮਦਰਾਸ ਹਾਈਕੋਰਟ ਨੇ ਪਤੀ ਨੂੰ ਘਰ ਛੱਡਣ ਲਈ ਕਿਹਾ ਹੈ
Madras High Court: ਘਰੇਲੂ ਹਿੰਸਾ ਮਾਮਲੇ 'ਚ ਮਦਰਾਸ ਹਾਈਕੋਰਟ ਨੇ ਪਤੀ ਨੂੰ ਲੈ ਕੇ ਸਖਤ ਟਿੱਪਣੀ ਕੀਤੀ ਹੈ। ਦਰਅਸਲ, ਘਰੇਲੂ ਹਿੰਸਾ ਦਾ ਸ਼ਿਕਾਰ ਹੋਈ ਇਕ ਔਰਤ ਦੀ ਪਟੀਸ਼ਨ 'ਤੇ ਸੁਣਵਾਈ ਕਰਦੇ ਹੋਏ ਮਦਰਾਸ ਹਾਈਕੋਰਟ ਨੇ ਪਤੀ ਨੂੰ ਘਰ ਛੱਡਣ ਲਈ ਕਿਹਾ ਹੈ। ਅਦਾਲਤ ਨੇ ਕਿਹਾ, ਜੇਕਰ ਪਤੀ ਦੇ ਘਰ ਛੱਡਣ 'ਤੇ ਘਰੇਲੂ ਸ਼ਾਂਤੀ ਬਣਾਈ ਰੱਖੀ ਜਾ ਸਕਦੀ ਹੈ, ਤਾਂ ਅਦਾਲਤਾਂ ਨੂੰ ਅਜਿਹੇ ਆਦੇਸ਼ ਦੇਣੇ ਚਾਹੀਦੇ ਹਨ। ਅਦਾਲਤ ਨੇ ਕਿਹਾ, ਭਾਵੇਂ ਪਤੀ ਇਹ ਕਹੇ ਕਿ ਉਸ ਕੋਲ ਰਹਿਣ ਲਈ ਕੋਈ ਹੋਰ ਘਰ ਜਾਂ ਵਿਕਲਪ ਨਹੀਂ ਹੈ। ਅਦਾਲਤ ਦੀ ਨਜ਼ਰਸਾਨੀ ਮੁਤਾਬਕ ਜੇਕਰ ਪਤੀ ਘਰ ਵਿੱਚ ਪਤਨੀ ਨਾਲ ਹਿੰਸਾ ਕਰਦਾ ਹੈ ਅਤੇ ਅਜਿਹੀ ਉਸ ਦੀ ਆਦਤ ਹੈ ਤਾਂ ਉਸ ਨੂੰ ਘਰੋਂ ਕੱਢਿਆ ਜਾ ਸਕਦਾ ਹੈ।
ਅਜਿਹੇ 'ਚ ਪਤੀ ਨੂੰ ਘਰੋਂ ਬਾਹਰ ਕੱਢਿਆ ਜਾ ਸਕਦਾ ਹੈ
ਮਦਰਾਸ ਹਾਈ ਕੋਰਟ ਵਿੱਚ ਘਰੇਲੂ ਝਗੜੇ ਨਾਲ ਸਬੰਧਤ ਇੱਕ ਮਾਮਲੇ ਦੀ ਸੁਣਵਾਈ ਕਰਦੇ ਹੋਏ ਜਸਟਿਸ ਆਰ ਐਨ ਮੰਜੁਲਾ ਨੇ ਇਸ ਮਾਮਲੇ ਵਿੱਚ 11 ਅਗਸਤ ਨੂੰ ਆਦੇਸ਼ ਦਿੰਦੇ ਹੋਏ ਕਿਹਾ, ''ਜੇਕਰ ਦੋਸ਼ੀ ਪਤੀ ਘਰੇਲੂ ਹਿੰਸਾ ਅਤੇ ਗਾਲੀ-ਗਲੋਚ ਤੋਂ ਬਾਜ਼ ਨਹੀਂ ਆ ਰਿਹਾ ਤਾਂ ਘਰੇਲੂ ਸ਼ਾਂਤੀ ਬਹਾਲ ਕਰਨ ਲਈ ਉਸਨੂੰ ਘਰੋਂ ਬਾਹਰ ਕੱਢਿਆ ਜਾ ਸਕਦਾ ਹੈ। ਇਸ ਦੇ ਨਾਲ ਹੀ ਜਸਟਿਸ ਆਰਐਨ ਮੰਜੁਲਾ ਨੇ ਕਿਹਾ, "ਅਦਾਲਤਾਂ ਨੂੰ ਉਨ੍ਹਾਂ ਔਰਤਾਂ ਪ੍ਰਤੀ ਉਦਾਸੀਨ ਨਹੀਂ ਹੋਣਾ ਚਾਹੀਦਾ ਜੋ ਘਰ ਵਿੱਚ ਪਤੀ ਦੀ ਮੌਜੂਦਗੀ ਤੋਂ ਡਰਦੀਆਂ ਹਨ।" ਅਦਾਲਤ ਨੇ ਕਿਹਾ, ਘਰੇਲੂ ਹਿੰਸਾ ਦੇ ਮਾਮਲਿਆਂ ਵਿੱਚ ਔਰਤਾਂ ਦੀ ਸੁਰੱਖਿਆ ਲਈ ਦਿੱਤੇ ਗਏ ਹੁਕਮ ਅਮਲੀ ਹੋਣੇ ਚਾਹੀਦੇ ਹਨ।
ਇਸ ਲਈ ਉਨ੍ਹਾਂ ਨੂੰ ਘਰੋਂ ਬਾਹਰ ਕੱਢਣ ਲਈ ਪੁਲਿਸ ਭੇਜੀ ਜਾਵੇਗੀ
ਇਸ ਅਹਿਮ ਮਾਮਲੇ ਵਿੱਚ ਦੋਵਾਂ ਪੱਖਾਂ ਦੀਆਂ ਦਲੀਲਾਂ ਸੁਣਨ ਤੋਂ ਬਾਅਦ ਜਸਟਿਸ ਆਰ ਐਨ ਮੰਜੁਲਾ ਨੇ ਹੁਕਮ ਦਿੱਤਾ ਕਿ ਪੀੜਤ ਪਤਨੀ ਦੇ ਪਤੀ ਨੂੰ ਦੋ ਹਫ਼ਤਿਆਂ ਵਿੱਚ ਘਰੋਂ ਬਾਹਰ ਜਾਣਾ ਪਵੇਗਾ। ਜੇਕਰ ਪਤੀ ਅਜਿਹਾ ਨਹੀਂ ਕਰਦਾ ਤਾਂ ਉਸ ਨੂੰ ਘਰੋਂ ਕੱਢਣ ਲਈ ਪੁਲਿਸ ਭੇਜ ਦਿੱਤੀ ਜਾਵੇਗੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
