![ABP Premium](https://cdn.abplive.com/imagebank/Premium-ad-Icon.png)
ਪਾਰਲੀਮੈਂਟ ‘ਚ ਸੰਨ੍ਹ ਲਾਉਣ ਲਈ ਬਣਾਏ ਸੀ ਪਲਾਨ ਏ ਅਤੇ ਬੀ, 'ਮਾਸਟਰਮਾਈਂਡ' ਲਲਿਤ ਦਾ ਵੱਡਾ ਖ਼ੁਲਾਸਾ
Parliament Security Breach: ਜਿਸ ਤਰ੍ਹਾਂ ਦੋ ਨੌਜਵਾਨਾਂ ਨੇ ਸੰਸਦ 'ਚ ਘੁਸਪੈਠ ਕੀਤੀ ਹੈ। ਉਨ੍ਹਾਂ ਨੇ ਇਸ ਦੀ ਸੁਰੱਖਿਆ 'ਤੇ ਸਵਾਲ ਖੜ੍ਹੇ ਕੀਤੇ ਹਨ। ਹਾਲਾਂਕਿ ਹੁਣ ਇਸ ਮਾਮਲੇ ਨੂੰ ਲੈ ਕੇ ਨਿੱਤ ਨਵੇਂ ਖੁਲਾਸੇ ਹੋ ਰਹੇ ਹਨ।
![ਪਾਰਲੀਮੈਂਟ ‘ਚ ਸੰਨ੍ਹ ਲਾਉਣ ਲਈ ਬਣਾਏ ਸੀ ਪਲਾਨ ਏ ਅਤੇ ਬੀ, 'ਮਾਸਟਰਮਾਈਂਡ' ਲਲਿਤ ਦਾ ਵੱਡਾ ਖ਼ੁਲਾਸਾ parliament security breach lalit jha revealed two plan for attack in parliament delhi police ਪਾਰਲੀਮੈਂਟ ‘ਚ ਸੰਨ੍ਹ ਲਾਉਣ ਲਈ ਬਣਾਏ ਸੀ ਪਲਾਨ ਏ ਅਤੇ ਬੀ, 'ਮਾਸਟਰਮਾਈਂਡ' ਲਲਿਤ ਦਾ ਵੱਡਾ ਖ਼ੁਲਾਸਾ](https://feeds.abplive.com/onecms/images/uploaded-images/2023/12/15/3a24408b27d91588507abdafcb886d771702623879894674_original.png?impolicy=abp_cdn&imwidth=1200&height=675)
Parliament Security: ਸੰਸਦ ਦੀ ਸੁਰੱਖਿਆ ਵਿੱਚ ਕੁਤਾਹੀ ਦੇ ਮਾਮਲੇ ਦੇ ਮੁੱਖ ਦੋਸ਼ੀ ਲਲਿਤ ਝਾਅ ਨੂੰ ਦਿੱਲੀ ਪੁਲਿਸ ਦੇ ਸਪੈਸ਼ਲ ਸੈੱਲ ਨੇ ਗ੍ਰਿਫਤਾਰ ਕਰ ਲਿਆ ਹੈ। ਸਪੈਸ਼ਲ ਸੈੱਲ ਦੀ ਪੁੱਛਗਿੱਛ ਦੌਰਾਨ ਲਲਿਤ ਨੇ ਦੱਸਿਆ ਕਿ ਉਹ ਕਿਸੇ ਵੀ ਤਰੀਕੇ ਨਾਲ ਆਪਣਾ ਸੰਦੇਸ਼ ਦੇਣਾ ਚਾਹੁੰਦੇ ਸੀ। ਇਸ ਲਈ ਦੋ ਯੋਜਨਾਵਾਂ ਬਣਾਈਆਂ ਗਈਆਂ ਸਨ। ਜੇਕਰ ਯੋਜਨਾ ਏ ਫੇਲ ਹੋ ਜਾਂਦੀ ਤਾਂ ਵੀ ਪਲਾਨ ਬੀ ਰਾਹੀਂ ਸੰਸਦ ਵਿੱਚ ਐਕਸ਼ਨ ਕੀਤਾ ਜਾਣਾ ਸੀ ਇਸ ਤੋਂ ਪਤਾ ਲੱਗਦਾ ਹੈ ਕਿ ਦੋਸ਼ੀਆਂ ਨੇ ਸੰਸਦ 'ਚ ਘੁਸਪੈਠ ਕਰਨ ਲਈ ਕਿਸ ਤਰ੍ਹਾਂ ਦੀ ਯੋਜਨਾ ਬਣਾਈ ਸੀ।
ਲਲਿਤ ਝਾਅ ਨੇ ਪੁੱਛਗਿੱਛ ਦੌਰਾਨ ਦੱਸਿਆ ਕਿ ਉਨ੍ਹਾਂ ਦਾ ਮਕਸਦ ਕਿਸੇ ਵੀ ਕੀਮਤ ਉੱਤੇ ਸੁਨੇਹਾ ਪਹੁੰਚਾਉਣਾ ਸੀ। ਇਸ ਦੇ ਲਈ 13 ਦਸੰਬਰ ਲਈ ਦੋ ਪਲਾਨ ਬਣਾਏ ਗਏ ਸਨ, ਜਿਨ੍ਹਾਂ ਵਿੱਚੋਂ ਇੱਕ ਪਲਾਨ ਏ ਅਤੇ ਦੂਜਾ ਪਲਾਨ ਬੀ ਸੀ। ਸੰਸਦ 'ਚ ਘੁਸਪੈਠ ਦੇ ਮਾਮਲੇ 'ਚ ਕੁੱਲ 8 ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ। ਇਸ ਵਿੱਚ ਮਨੋਰੰਜਨ ਡੀ, ਸਾਗਰ ਸ਼ਰਮਾ, ਅਮੋਲ ਸ਼ਿੰਦੇ, ਨੀਲਮ ਆਜ਼ਾਦ ਅਤੇ ਲਲਿਤ ਝਾਅ ਸ਼ਾਮਲ ਹਨ। ਗੁਰੂਗ੍ਰਾਮ ਤੋਂ ਵਿੱਕੀ ਨਾਂ ਦੇ ਵਿਅਕਤੀ ਨੂੰ ਵੀ ਗ੍ਰਿਫਤਾਰ ਕੀਤਾ ਗਿਆ ਹੈ। ਇਸ ਤੋਂ ਇਲਾਵਾ ਮਹੇਸ਼ ਅਤੇ ਕੈਲਾਸ਼ ਨੂੰ ਵੀ ਗ੍ਰਿਫਤਾਰ ਕੀਤਾ ਗਿਆ ਹੈ।
ਪਲਾਨ ਏ ਅਤੇ ਪਲੈਨ ਬੀ ਕੀ ਸੀ?
ਯੋਜਨਾ ਏ ਦੇ ਤਹਿਤ ਮਨੋਰੰਜਨ ਡੀ ਅਤੇ ਸਾਗਰ ਸ਼ਰਮਾ ਨੇ ਸੰਸਦ ਦੇ ਅੰਦਰ ਜਾਣਾ ਸੀ, ਕਿਉਂਕਿ ਉਨ੍ਹਾਂ ਦੇ ਵਿਜ਼ਟਰ ਪਾਸ ਬਣੇ ਹੋਏ ਸਨ। ਇਸ ਯੋਜਨਾ ਤਹਿਤ ਅਮੋਲ ਅਤੇ ਨੀਲਮ ਪਾਰਲੀਮੈਂਟ ਦੇ ਬਾਹਰ ਟਰਾਂਸਪੋਰਟ ਭਵਨ ਤੋਂ ਪਾਰਲੀਮੈਂਟ ਨੇੜੇ ਜਾਣਗੇ ਅਤੇ ਉੱਥੇ ਰੰਗੀਨ ਬੰਬ ਭੰਨਣਗੇ। ਮੁਲਜ਼ਮਾਂ ਨੇ ਪਲਾਨ ਏ ਮੁਤਾਬਕ ਕੰਮ ਕੀਤਾ ਅਤੇ ਸੰਸਦ ਵਿੱਚ ਦਾਖ਼ਲ ਹੋਣ ਤੋਂ ਬਾਅਦ ਮਨੋਰੰਜਨ ਅਤੇ ਸਾਗਰ ਨੇ ਧੂੰਏਂ ਵਾਲੇ ਬੰਬਾਂ ਦੀ ਵਰਤੋਂ ਕੀਤੀ।
ਯੋਜਨਾ ਬੀ ਦੇ ਤਹਿਤ ਇਹ ਤੈਅ ਕੀਤਾ ਗਿਆ ਸੀ ਕਿ ਜੇਕਰ ਕਿਸੇ ਕਾਰਨ ਨੀਲਮ ਅਤੇ ਅਮੋਲ ਸੰਸਦ ਦੇ ਨੇੜੇ ਨਹੀਂ ਪਹੁੰਚ ਸਕੇ ਤਾਂ ਉਨ੍ਹਾਂ ਦੀ ਜਗ੍ਹਾ ਮਹੇਸ਼ ਅਤੇ ਕੈਲਾਸ਼ ਦੂਜੇ ਪਾਸਿਓਂ ਸੰਸਦ ਦੇ ਨੇੜੇ ਜਾਣਗੇ ਤੇ ਮੀਡੀਆ ਦੇ ਸਾਹਮਣੇ ਨਾਹਰੇਬਾਜ਼ੀ ਕਰਨਗੇ, ਪਰ 12 ਦਸੰਬਰ ਦੀ ਰਾਤ ਨੂੰ ਜਦੋਂ ਮਹੇਸ਼ ਅਤੇ ਕੈਲਾਸ਼ ਗੁਰੂਗ੍ਰਾਮ ਸਥਿਤ ਵਿੱਕੀ ਦੇ ਘਰ ਨਹੀਂ ਪਹੁੰਚੇ ਤਾਂ ਅਮੋਲ ਅਤੇ ਨੀਲਮ ਨੂੰ ਕਿਸੇ ਵੀ ਕੀਮਤ 'ਤੇ ਇਹ ਕੰਮ ਕਰਨ ਦੀ ਜ਼ਿੰਮੇਵਾਰੀ ਸੌਂਪ ਦਿੱਤੀ ਗਈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)