J&K Politics: ਮਹਿਬੂਬਾ ਮੁਫਤੀ ਦਾ ਦੋਸ਼, 'ਰਾਸ਼ਟਰਵਾਦ ਨਾਲ ਕੋਈ ਮਤਲਬ ਨਹੀਂ, ਵੋਟਾਂ ਲਈ BJP ਨੇ ਵੇਚ ਦਿੱਤਾ ਪੂਰਾ ਦੇਸ਼'
Mehbooba Mufti Targets BJP: ਸਾਬਕਾ ਸੀਐਮ ਨੇ ਕਿਹਾ ਕਿ ਜੰਮੂ ਵਿੱਚ ਹੁਣ ਡੋਗਰੇ ਨਜ਼ਰ ਨਹੀਂ ਆਉਂਦੇ। ਉਹ ਕਿੱਥੇ ਗਏ? ਭਾਜਪਾ ਉਨ੍ਹਾਂ ਨੂੰ ਕਸ਼ਮੀਰ ਵਿੱਚ ਵਸਾਉਣ ਜਾ ਰਹੀ ਸੀ। ਪਰ ਹੁਣ ਹਾਲਤ ਇਹ ਹੈ ਕਿ ਜੰਮੂ ਵਿੱਚ ਡੋਗਰੇ ਵੀ ਨਹੀਂ ਹਨ।
Mehbooba Mufti on BJP: ਜੰਮੂ-ਕਸ਼ਮੀਰ ਦੀ ਸਾਬਕਾ ਮੁੱਖ ਮੰਤਰੀ ਅਤੇ ਪੀਡੀਪੀ ਮੁਖੀ ਮਹਿਬੂਬਾ ਮੁਫਤੀ ਐਤਵਾਰ ਨੂੰ ਭਾਜਪਾ ਦੇ ਖਿਲਾਫ ਹਮਲਾਵਰ ਰਵੱਈਏ ਵਿੱਚ ਨਜ਼ਰ ਆਈ। ਉਨ੍ਹਾਂ ਭਾਜਪਾ 'ਤੇ ਤਿੱਖਾ ਹਮਲਾ ਕੀਤਾ। ਮਹਿਬੂਬਾ ਮੁਫਤੀ ਨੇ ਵੀ ਕਈ ਮੁੱਦਿਆਂ 'ਤੇ ਭਾਜਪਾ ਦੀ ਕੇਂਦਰ ਸਰਕਾਰ ਨੂੰ ਘੇਰਿਆ। ਹਾਲਾਂਕਿ ਇਸ ਦੌਰਾਨ ਉਨ੍ਹਾਂ ਆਪਣੀ ਪਾਰਟੀ ਪੀਡੀਪੀ ਦਾ ਵੀ ਬਚਾਅ ਕੀਤਾ।
ਆਜ਼ਾਦੀ ਦੀ ਲੜਾਈ ਵਿੱਚ ਭਾਜਪਾ ਦਾ ਕੋਈ ਯੋਗਦਾਨ ਨਹੀਂ
ਸਾਬਕਾ ਮੁੱਖ ਮੰਤਰੀ ਨੇ ਕਿਹਾ ਕਿ ਭਾਜਪਾ ਗੋਡਸੇ ਦੀ ਜਮਾਤ ਹੈ। ਦੇਸ਼ ਦੀ ਆਜ਼ਾਦੀ ਦੀ ਲੜਾਈ ਵਿੱਚ ਉਨ੍ਹਾਂ ਦਾ ਕੋਈ ਯੋਗਦਾਨ ਨਹੀਂ ਸੀ। ਉਨ੍ਹਾਂ ਕਿਹਾ ਕਿ ਭਾਜਪਾ ਸਿਰਫ ਧਰਮ ਦੀ ਰਾਜਨੀਤੀ ਕਰਦੀ ਹੈ। ਇਸ ਸਰਕਾਰ ਨੇ ਵੋਟਾਂ ਲਈ ਦੇਸ਼ ਨੂੰ ਕੰਗਾਲ ਕਰ ਦਿੱਤਾ ਹੈ। ਉਨ੍ਹਾਂ ਕਿਹਾ ਕਿ ਭਾਜਪਾ ਨੇ ਵੋਟਾਂ ਲਈ ਪੂਰਾ ਦੇਸ਼ ਵੇਚ ਦਿੱਤਾ। ਹੁਣ ਚਾਹੇ ਰੇਲਵੇ ਹੋਵੇ, LIC ਜਾਂ ਬੈਂਕ। ਭਾਜਪਾ ਨੇ ਏਅਰ ਇੰਡੀਆ ਨੂੰ ਵੀ ਵੇਚ ਦਿੱਤਾ। ਇਸ ਸਰਕਾਰ ਨੇ ਹੁਣ ਤੱਕ ਕਈ ਜਨਤਕ ਅਦਾਰੇ ਵੇਚ ਦਿੱਤੇ ਹਨ।
ਭਾਜਪਾ ਦਾ ਰਾਸ਼ਟਰਵਾਦ ਨਾਲ ਕੋਈ ਲੈਣਾ-ਦੇਣਾ ਨਹੀਂ ਹੈ
ਸਾਬਕਾ ਮੁੱਖ ਮੰਤਰੀ ਨੇ ਕਿਹਾ ਕਿ ਭਾਜਪਾ ਦੇਸ਼ ਨਹੀਂ ਬਣਾਉਣਾ ਚਾਹੁੰਦੀ। ਭਾਜਪਾ ਖੁਦ ਇੱਕ ਰਾਸ਼ਟਰ ਬਣਨਾ ਚਾਹੁੰਦੀ ਹੈ। ਇਹ ਖਤਰਨਾਕ ਹੈ। ਭਾਜਪਾ ਦਾ ਰਾਸ਼ਟਰਵਾਦ ਨਾਲ ਵੀ ਕੋਈ ਲੈਣਾ-ਦੇਣਾ ਨਹੀਂ ਹੈ। ਉਨ੍ਹਾਂ ਕਿਹਾ ਕਿ ਭਾਜਪਾ ਰਾਸ਼ਟਰਵਾਦ ਦਾ ਢੌਂਗ ਰਚਦੀ ਹੈ, ਜੋ ਸਭ ਲੋਕਾਂ ਦੇ ਸਾਹਮਣੇ ਆ ਗਿਆ ਹੈ। ਹਿੰਦੂ-ਹਿੰਦੂ ਦਾ ਨਾਅਰਾ ਦੇਣ ਵਾਲੀ ਭਾਜਪਾ ਦਾ ਹਿੰਦੂਆਂ ਨਾਲ ਕੋਈ ਲੈਣਾ-ਦੇਣਾ ਨਹੀਂ ਹੈ। ਇਸ ਪਾਰਟੀ ਨੇ ਹਿੰਦੂਆਂ ਨੂੰ ਵੀ ਕੰਗਾਲ ਕਰ ਦਿੱਤਾ ਹੈ।
ਇਹ ਵੀ ਪੜ੍ਹੋ: BJP ਨੂੰ ਵੱਡਾ ਝਟਕਾ! ਕੀ ਬਦਲ ਜਾਵੇਗੀ 2024 'ਚ ਦੇਸ਼ ਦੀ ਸਿਆਸੀ ਤਸਵੀਰ, ਕਾਂਗਰਸ ਦੀ ਲੋਕਪ੍ਰਿਅਤਾ 'ਚ ਹੋਇਆ ਵਾਧਾ, ਹੈਰਾਨ ਕਰਨਾ ਵਾਲਾ ਸਰਵੇ
ਸਵਾਲ ਚੁੱਕਿਆ, ਮੁਫਤ ਰਾਸ਼ਨ ਕਿਉਂ?
ਉਨ੍ਹਾਂ ਸਵਾਲ ਚੁੱਕਿਆ ਕਿ ਭਾਜਪਾ ਸਰਕਾਰ ਲੋਕਾਂ ਨੂੰ ਮੁਫ਼ਤ ਰਾਸ਼ਨ ਕਿਉਂ ਦੇ ਰਹੀ ਹੈ। ਕੀ ਲੋਕਾਂ ਕੋਲ ਰਾਸ਼ਨ ਖਰੀਦਣ ਲਈ ਪੈਸੇ ਨਹੀਂ ਹਨ? ਪੈਸੇ ਹੋਂਣ ਵੀ ਤਾ ਕਿੱਥੋਂ ਹੋਣ, ਇਸ ਸਰਕਾਰ ਨੇ ਬਹੁਗਿਣਤੀ ਹਿੰਦੂਆਂ ਨੂੰ ਵੀ ਬੇਰੁਜ਼ਗਾਰ ਕਰ ਦਿੱਤਾ ਹੈ। ਜਦੋਂ ਲੋਕਾਂ ਕੋਲ ਰੁਜ਼ਗਾਰ ਹੀ ਨਹੀਂ ਤਾਂ ਪੈਸਾ ਕਿੱਥੋਂ ਆਵੇਗਾ? ਇਸ ਕਾਰਨ ਇਹ ਸਰਕਾਰ ਮੁਫਤ ਰਾਸ਼ਨ ਦੇ ਰਹੀ ਹੈ।
ਜੰਮੂ ਵਿੱਚ ਨਜ਼ਰ ਨਹੀਂ ਆਉਂਦੇ ਡੋਗਰੇ
ਸਾਬਕਾ ਸੀਐਮ ਨੇ ਕਿਹਾ ਕਿ ਜੰਮੂ ਵਿੱਚ ਹੁਣ ਡੋਗਰੇ ਨਜ਼ਰ ਨਹੀਂ ਆਉਂਦੇ। ਉਹ ਕਿੱਥੇ ਗਏ? ਭਾਜਪਾ ਉਨ੍ਹਾਂ ਨੂੰ ਕਸ਼ਮੀਰ ਵਿੱਚ ਵਸਾਉਣ ਜਾ ਰਹੀ ਸੀ। ਪਰ ਹੁਣ ਹਾਲਤ ਇਹ ਹੈ ਕਿ ਜੰਮੂ ਵਿੱਚ ਡੋਗਰੇ ਵੀ ਨਹੀਂ ਹਨ। ਉਨ੍ਹਾਂ ਸਵਾਲ ਚੁੱਕਦਿਆਂ ਕਿਹਾ ਕਿ ਸਾਡਾ ਗਵਰਨਰ ਡੋਗਰਾ ਕਿਉਂ ਨਹੀਂ ਹੈ। ਅਜਿਹਾ ਹੀ ਹੋਣਾ ਚਾਹੀਦਾ ਸੀ। ਇੱਥੇ ਅਸੀਂ ਦੋ ਅਤੇ ਸਾਡੀ ਦੋ ਦੀ ਸਰਕਾਰ ਚੱਲ ਰਹੀ ਹੈ।
ਜੰਮੂ ਦੇ ਹਿੰਦੂਆਂ ਨੇ ਭਾਜਪਾ ਨੂੰ ਵੋਟ ਦਿੱਤੀ, ਇਸ ਲਈ ਗਠਜੋੜ
ਮਹਿਬੂਬਾ ਮੁਫਤੀ ਨੇ ਸਵਾਲ ਚੁੱਕਦਿਆਂ ਕਿਹਾ ਕਿ ਜਦੋਂ ਉਹ ਮੁਸਲਮਾਨਾਂ ਨਾਲ ਇੰਨੀ ਨਫਰਤ ਕਰਦੇ ਹਨ ਤਾਂ ਉਹ ਵਿਦੇਸ਼ਾਂ ਦੇ ਮੁਸਲਮਾਨਾਂ ਦੇ ਤਲਵੇ ਕਿਉਂ ਚੱਟਦੇ ਹਨ। ਇਸ ਦੌਰਾਨ ਉਨ੍ਹਾਂ ਨੇ ਇਹ ਵੀ ਸਪੱਸ਼ਟ ਕੀਤਾ ਕਿ ਅਸੀਂ ਭਾਜਪਾ ਨਾਲ ਇਸ ਲਈ ਗਠਜੋੜ ਕੀਤਾ ਹੈ ਕਿਉਂਕਿ ਜੰਮੂ ਦੇ ਹਿੰਦੂਆਂ ਨੇ ਭਾਜਪਾ ਨੂੰ ਵੋਟ ਦਿੱਤੀ ਸੀ। ਪੀਡੀਪੀ ਸਿਰਫ਼ ਮੁਸਲਮਾਨਾਂ ਦੀ ਪਾਰਟੀ ਨਹੀਂ ਹੈ, ਇਸ ਵਿੱਚ ਹਿੰਦੂ ਵੀ ਹਨ।
ਇਹ ਵੀ ਪੜ੍ਹੋ: Nuclear Power Plant: 24 ਘੰਟੇ ਮਿਲੇਗੀ ਬਿਜਲੀ! ਹਰਿਆਣਾ ਵਿੱਚ ਬਣਾਇਆ ਜਾਵੇਗਾ ਦੇਸ਼ ਦਾ ਪਹਿਲਾ ਪ੍ਰ੍ਮਾਣੂ ਪਲਾਂਟ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
