ਬਾਰਸ਼ ਨਾਲ ਤਬਾਹੀ, ਹੁਣ ਤਕ 15 ਮੌਤਾਂ

ਤਮਿਲਨਾਡੂ ‘ਚ ਭਾਰੀ ਬਾਰਸ਼ ਕਰਕੇ ਅੱਜ ਸਵੇਰੇ ਕੰਧ ਢਹਿਣ ਨਾਲ 15 ਲੋਕਾਂ ਦੀ ਮੌਤ ਹੋਣ ਗਈ। ਭਾਰੀ ਬਾਰਸ਼ ਕਰਕੇ ਕੰਧ ਕਮਜ਼ੋਰ ਪੈ ਗਈ। ਪੁਲਿਸ ਨੇ ਦੱਸਿਆ ਕਿ ਬਚਾਅ ਕਰਮੀਆਂ ਨੇ ਅਜੇ ਤੱਕ ਨੌਂ ਮ੍ਰਿਤਕ ਦੇਹਾਂ ਬਰਾਮਦ ਕੀਤੀਆਂ ਹਨ।

ਨਵੀਂ ਦਿੱਲੀ: ਤਮਿਲਨਾਡੂ ‘ਚ ਭਾਰੀ ਬਾਰਸ਼ ਕਰਕੇ ਅੱਜ ਸਵੇਰੇ ਕੰਧ ਢਹਿਣ ਨਾਲ 15 ਲੋਕਾਂ ਦੀ ਮੌਤ ਹੋਣ ਗਈ। ਭਾਰੀ ਬਾਰਸ਼ ਕਰਕੇ ਕੰਧ ਕਮਜ਼ੋਰ ਪੈ ਗਈ। ਪੁਲਿਸ ਨੇ ਦੱਸਿਆ ਕਿ ਬਚਾਅ ਕਰਮੀਆਂ ਨੇ ਅਜੇ ਤੱਕ ਨੌਂ ਮ੍ਰਿਤਕ ਦੇਹਾਂ ਬਰਾਮਦ ਕੀਤੀਆਂ ਹਨ। ਬਚਾਅ ਕਾਰਜ ਜਾਰੀ ਹਨ। ਮਰਨ ਵਾਲਿਆਂ ‘ਚ ਚਾਰ ਔਰਤਾਂ ਵੀ ਸ਼ਾਮਲ ਹਨ। ਉਧਰ, ਸੂਬਾ ਸਰਕਾਰ ਨੇ ਇਸ ਹਾਦਸੇ ‘ਚ ਮਰਨ ਵਾਲਿਆਂ ਦੇ ਪਰਿਵਾਰ ਨੂੰ ਚਾਰ-ਚਾਰ ਲੱਖ ਰੁਪਏ ਮੁਆਵਜ਼ਾ ਦੇਣ ਦੀ ਗੱਲ ਕੀਤੀ ਹੈ। ਤਮਿਲਨਾਡੂ ਤੇ ਪੁਡੂਚੇਰੀ ‘ਚ ਭਾਰੀ ਮੀਂਹ ਕਰਕੇ ਸੋਮਵਾਰ ਨੂੰ ਸਿੱਖਿਅਕ ਅਦਾਰੇ ਬੰਦ ਕੀਤੇ ਗਏ ਹਨ। ਮਦਰਾਸ ਯੂਨੀਵਰਸਿਟੀ ਤੇ ਅੰਨਾ ਯੂਨੀਵਰਸਿਟੀ ਦੀ ਪ੍ਰੀਖਿਆਵਾਂ ਵੀ ਅੱਗੇ ਕਰ ਦਿੱਤੀਆਂ ਗਈਆਂ ਹਨ। ਪਿਛਲੇ 24 ਘੰਟਿਆਂ ਤੋਂ ਉੱਤਰ-ਪੂਰਬ ਮਾਨਸੂਨ ਕੲਕੇ ਬਾਰਸ਼ ਨੇ ਤਮਿਲਨਾਡੂ ਤੇ ਗੁਆਂਢੀ ਪੁਡੂਚੇਰੀ ਦੇ ਕਈ ਹਿੱਸਿਆਂ ਨੂੰ ਪ੍ਰਭਾਵਿਤ ਕੀਤਾ ਹੈ। ਮੌਸਮ ਵਿਭਾਗ ਦੇ ਅਗਲੇ ਦੋ ਦਿਨਾਂ ‘ਚ ਹੋਰ ਜ਼ਿਆਦਾ ਬਾਰਸ਼ ਦੀ ਭਵਿੱਖਵਾਣੀ ਕੀਤੀ ਹੈ।