Rajasthan Floor Test LIVE Updates: ਸੀਟ ਤਬਦੀਲੀ 'ਤੇ ਸਚਿਨ ਪਾਇਲਟ ਦਾ ਬਿਆਨ, ਕਿਹਾ ਸਭ ਤੋਂ ਮਜ਼ਬੂਤ ਸਿਪਾਹੀ ਸਰਹੱਦ ‘ਤੇ ਤਾਇਨਾਤ ਕੀਤਾ ਜਾਂਦਾ

Rajasthan Government Floor Test Live Updates: ਰਾਜਸਥਾਨ ਅਸੈਂਬਲੀ ਦਾ ਸੈਸ਼ਨ ਸ਼ੁਰੂ ਹੋਣ ਤੋਂ ਪਹਿਲਾਂ ਸੀਐਮ ਅਸ਼ੇਕ ਗਹਿਲੋਤ ਨੇ ਟਵੀਟ ਕਰਕੇ ਲਿਖਿਆ ਸੀ ਕਿ 'ਸੱਤਯਮੇਵ ਜਯਤੇ' ਮਤਲਬ ਸੱਚਾਈ ਜਿੱਤੇਗੀ।

Background

ਪਿਛੋਕੜ: ਰਾਜਸਥਾਨ ਦੀ ਸਿਆਸੀ ਲੜਾਈ ਅੱਜ ਬੰਦ ਹੋਣ ਜਾ ਰਿਹਾ ਹੈ ਅਤੇ ਅੱਜ ਇਹ ਫੈਸਲਾ ਲਿਆ ਜਾਵੇਗਾ ਕਿ ਰਾਜਸਥਾਨ ਵਿੱਚ ਅਸ਼ੋਕ ਗਹਿਲੋਤ ਸਰਕਾਰ ਸੁਰੱਖਿਅਤ ਹੈ ਜਾਂ ਗਹਿਲੋਤ ਸਰਕਾਰ ਦੇ ਖ਼ਿਲਾਫ਼ ਕਿਸੇ ਕਿਸਮ ਦਾ ਖ਼ਤਰਾ ਹੈ।

ਸਚਿਨ ਪਾਇਲਟ ਇੱਕ ਮਹੀਨੇ ਦੀ ਲੜਾਈ ਤੋਂ ਬਾਅਦ ਕਾਂਗਰਸ ਵਿਚ ਪਰਤੇ ਹਨ। ਇਹ ਸਾਫ ਹੈ ਕਿ ਇਸ ਦੇ ਨਾਲ ਹੁਣ ਕਾਂਗਰਸ ਦਾ ਖ਼ਤਰਾ ਟੱਲ ਗਿਆ ਹੈ। ਹਾਲਾਂਕਿ, ਭਾਜਪਾ ਨੇ ਕਿਹਾ ਕਿ ਉਹ ਵਿਧਾਨ ਸਭਾ ਸੈਸ਼ਨ ਦੌਰਾਨ ਕਾਂਗਰਸ ਦੇ ਖ਼ਿਲਾਫ਼ ਅਵਿਸ਼ਵਾਸ ਪ੍ਰਸਤਾਵ ਲਿਆਉਣ ਦੀ ਤਿਆਰੀ ਕਰ ਰਹੀ ਹੈ। ਗਹਿਲੋਤ ਸਰਕਾਰ ਕੋਲ ਬਹੁਮਤ ਨਹੀਂ ਹੈ।

15:49 PM (IST)  •  14 Aug 2020

ਸਚਿਨ ਪਾਇਲਟ ਨੇ ਕਿਹਾ, “ਅੱਜ ਇਸ ਵਿਸ਼ਵਾਸ ਮਤ ਵਿੱਚ ਜੋ ਵਿਚਾਰਿਆ ਜਾ ਰਿਹਾ ਹੈ… ਇਸ ਵਿੱਚ ਬਹੁਤ ਸਾਰੀਆਂ ਗੱਲਾਂ ਬੋਲੀਆਂ ਗਈਆਂ, ਬਹੁਤ ਸਾਰੀਆਂ ਗੱਲਾਂ ਬੋਲੀਆਂ ਜਾਣਗੀਆਂ। ਸਮੇਂ ਦੇ ਨਾਲ-ਨਾਲ ਸਭ ਗੱਲਾਂ ਦਾ ਖੁਲਾਸਾ ਹੋ ਜਾਵੇਗਾ।" ਉਨ੍ਹਾਂ ਨੇ ਕਿਹਾ,"ਪਰ ਮੈਂ ਇਹ ਕਹਿਣਾ ਚਾਹੁੰਦਾ ਹਾਂ ਕਿ ਜੋ ਵੀ ਕਹਿਣਾ ਸੀ ਸੁਣਨਾ ਸੀ, ਭਾਵੇਂ ਮੈਂ ਹਾਂ ਜਾਂ ਮੇਰਾ ਸਹਿਭਾਗੀ ਹੈ... ਅਸੀਂ ਡਾਕਟਰ ਨੂੰ ਆਪਣਾ ਮਰਜ਼ ਦੱਸਣਾ ਸੀ, ਉਹ ਦੱਸ ਦਿੱਤਾ। ਇਲਾਜ ਤੋਂ ਬਾਅਦ ਅਸੀਂ ਇੱਕਠੇ ਹਾਂ, ਸਵਾ ਸੌ ਲੋਕ ਸਦਨ 'ਚ ਖੜ੍ਹੇ ਹਾਂ। ਜਦੋਂ ਅਸੀਂ ਸਾਰੇ ਸਦਨ ਆਏ ਹਾਂ ਤਾਂ ਕਹਿਣ ਸੁਣਨ ਤੋਂ ਹੱਟਕੇ ਸਾਨੂੰ ਅੱਜ ਹਕੀਕਤ 'ਤੇ ਧਿਆਨ ਕੇਂਦਰਤ ਕਰਨਾ ਪਏਗਾ।

15:24 PM (IST)  •  14 Aug 2020

ਸਦਨ 'ਚ ਸਚਿਨ ਪਾਇਲਟ ਨੇ ਕਿਹਾ ਕਿ ਸਾਨੂੰ ਡਾਕਟਰ ਨੂੰ ਮਰਜ ਬਾਰੇ ਦੱਸਣਾ ਸੀ, ਇਲਾਜ ਕਰਵਾਉਣ ਤੋਂ ਬਾਅਦ ਅੱਜ ਅਸੀਂ ਸਾਰੇ ਇਕੱਠੇ ਹਾਂ। ਪਾਇਲਟ ਨੇ ਕਿਹਾ ਕਿ ਸਾਨੂੰ ਕਹਿਆਂ-ਸੁਣੀਆਂ ਗੱਲਾਂ ਨੂੰ ਦਰਕਿਨਾਰ ਕਰ ਹੁਣ ਸਤਹ 'ਤੇ ਧਿਆਨ ਕੇਂਦਰਿਤ ਕਰਨ ਦੀ ਲੋੜ ਹੈ।