Spicejet ਨੂੰ ਝਟਕਾ! DGCA ਨੇ 29 ਅਕਤੂਬਰ ਤੱਕ ਵਧਾਈ ਰੋਕ, ਸਿਰਫ 50 ਫੀਸਦੀ ਉਡਾਣਾਂ ਹੀ ਚੱਲਣਗੀਆਂ
ਨਾਗਰਿਕ ਹਵਾਬਾਜ਼ੀ ਡਾਇਰੈਕਟੋਰੇਟ ਜਨਰਲ (ਡੀਜੀਸੀਏ) ਨੇ ਸਪਾਈਸਜੈੱਟ 'ਤੇ ਲਗਾਈ ਪਾਬੰਦੀ ਨੂੰ 29 ਅਕਤੂਬਰ ਤੱਕ ਵਧਾ ਦਿੱਤਾ ਹੈ। ਏਅਰਲਾਈਨਜ਼ ਹੁਣ 29 ਅਕਤੂਬਰ, 2022 ਤੱਕ 50 ਫੀਸਦੀ ਉਡਾਣਾਂ ਨਾਲ ਸੰਚਾਲਨ ਕਰੇਗੀ।
DGCA Ban on Spicejet: ਨਾਗਰਿਕ ਹਵਾਬਾਜ਼ੀ ਡਾਇਰੈਕਟੋਰੇਟ ਜਨਰਲ (ਡੀਜੀਸੀਏ) ਨੇ ਸਪਾਈਸਜੈੱਟ 'ਤੇ ਲਗਾਈ ਪਾਬੰਦੀ ਨੂੰ 29 ਅਕਤੂਬਰ ਤੱਕ ਵਧਾ ਦਿੱਤਾ ਹੈ। ਏਅਰਲਾਈਨਜ਼ ਹੁਣ 29 ਅਕਤੂਬਰ, 2022 ਤੱਕ 50 ਫੀਸਦੀ ਉਡਾਣਾਂ ਨਾਲ ਸੰਚਾਲਨ ਕਰੇਗੀ। ਇਸ ਦੇ ਨਾਲ ਹੀ, ਡੀਜੀਸੀਏ ਨੇ ਨੋਟ ਕੀਤਾ ਕਿ ਸੁਰੱਖਿਆ ਘਟਨਾਵਾਂ ਦੀ ਗਿਣਤੀ ਵਿੱਚ ਮਹੱਤਵਪੂਰਨ ਕਮੀ ਆਈ ਹੈ।
27 ਜੁਲਾਈ ਨੂੰ, ਡੀਜੀਸੀਏ ਨੇ ਸਪਾਈਸਜੈੱਟ ਦੇ ਜਹਾਜ਼ਾਂ ਦੀਆਂ ਲਗਾਤਾਰ ਤਕਨੀਕੀ ਖਰਾਬੀਆਂ ਕਾਰਨ ਕਾਰਵਾਈ ਕਰਦੇ ਹੋਏ 8 ਹਫਤਿਆਂ ਲਈ 50 ਫੀਸਦੀ ਉਡਾਣਾਂ 'ਤੇ ਪਾਬੰਦੀ ਲਗਾ ਦਿੱਤੀ ਸੀ। ਡੀਜੀਸੀਏ ਨੇ ਕਿਹਾ ਸੀ ਕਿ ਏਅਰਲਾਈਨਜ਼ ਨੂੰ ਇਨ੍ਹਾਂ 8 ਹਫ਼ਤਿਆਂ ਲਈ ਵਾਧੂ ਨਿਗਰਾਨੀ ਹੇਠ ਰੱਖਿਆ ਜਾਵੇਗਾ।
ਕੰਪਨੀ ਸਿਰਫ 50 ਜਹਾਜ਼ਾਂ ਨਾਲ ਕੰਮ ਕਰ ਰਹੀ ਹੈ
ਹੁਕਮ ਜਾਰੀ ਕਰਦੇ ਹੋਏ ਡੀਜੀਸੀਏ ਨੇ ਕਿਹਾ ਸੀ ਕਿ ਜੇਕਰ ਸਪਾਈਸਜੈੱਟ ਏਅਰਲਾਈਨ ਭਵਿੱਖ ਵਿੱਚ 50 ਫੀਸਦੀ ਤੋਂ ਵੱਧ ਉਡਾਣਾਂ ਚਾਹੁੰਦੀ ਹੈ ਤਾਂ ਉਸ ਨੂੰ ਇਹ ਸਾਬਤ ਕਰਨਾ ਹੋਵੇਗਾ ਕਿ ਉਸ ਕੋਲ ਇਸ ਵਾਧੂ ਭਾਰ ਨੂੰ ਚੁੱਕਣ ਦੀ ਸਮਰੱਥਾ ਹੈ। ਸਪਾਈਸਜੈੱਟ ਕੰਪਨੀ ਕੋਲ ਕੁੱਲ 90 ਜਹਾਜ਼ ਹਨ। ਹਾਲਾਂਕਿ, ਡੀਜੀਸੀਏ ਦੇ ਆਦੇਸ਼ ਤੋਂ ਬਾਅਦ, ਕੰਪਨੀ ਸਿਰਫ 50 ਜਹਾਜ਼ਾਂ ਦਾ ਸੰਚਾਲਨ ਕਰਨ ਦੇ ਯੋਗ ਹੈ।
80 ਫਾਇਲਟਾਂ ਨੂੰ ਛੁੱਟੀ 'ਤੇ ਭੇਜਿਆ ਗਿਆ
ਇਸ ਫੈਸਲੇ ਨਾਲ ਏਅਰਲਾਈਨ ਕੰਪਨੀ ਸਪਾਈਸ ਜੈੱਟ ਦੀ ਵਿੱਤੀ ਹਾਲਤ ਵੀ ਪ੍ਰਭਾਵਿਤ ਹੋਈ ਹੈ। ਮੀਡੀਆ ਰਿਪੋਰਟਾਂ ਮੁਤਾਬਕ ਕੰਪਨੀ ਨੇ ਆਪਣੇ 80 ਪਾਇਲਟਾਂ ਨੂੰ ਬਿਨਾਂ ਤਨਖਾਹ ਤੋਂ ਛੁੱਟੀ 'ਤੇ ਭੇਜ ਦਿੱਤਾ ਹੈ। ਹਾਲ ਹੀ 'ਚ ਸਪਾਈਗੇਟ 'ਤੇ ਡੀਜੀਸੀਏ ਦੀ ਸਖਤੀ ਤੋਂ ਬਾਅਦ ਇਸ ਦੀ ਵਿੱਤੀ ਸਥਿਤੀ ਖਰਾਬ ਹੋ ਗਈ ਹੈ। ਸਪਾਈਸਜੈੱਟ ਨੇ 80 ਪਾਇਲਟਾਂ ਨੂੰ ਤਿੰਨ ਮਹੀਨਿਆਂ ਦੀ ਤਨਖਾਹ ਤੋਂ ਬਿਨਾਂ ਛੁੱਟੀ 'ਤੇ ਭੇਜਣ ਦਾ ਫੈਸਲਾ ਕੀਤਾ ਹੈ। ਸੂਤਰਾਂ ਦਾ ਹਵਾਲਾ ਦਿੰਦੇ ਹੋਏ, ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਬਿਨਾਂ ਤਨਖਾਹ ਦੇ ਛੁੱਟੀ 'ਤੇ ਗਏ ਪਾਇਲਟਾਂ ਵਿਚੋਂ 40 ਪਾਇਲਟ ਜਹਾਜ਼ ਨੰਬਰ B737 ਦੇ ਅਤੇ 40 ਪਾਇਲਟ Q400 ਦੇ ਹਨ।
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ABP NEWS ਦਾ ਐਪ ਡਾਊਨਲੋਡ ਕਰੋ :
Before You Go
Congress Protest 'ਇਹ ਗੰਦਾ ਪਾਣੀ ਪੀ ਕੇ ਦਿਖਾਉਣ' ਹਰਦਿਆਲ ਕੰਬੋਜ ਦਾ ਤਿੱਖਾ ਵਾਰ!
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
