![ABP Premium](https://cdn.abplive.com/imagebank/Premium-ad-Icon.png)
'ਬ੍ਰਿਜ ਭੂਸ਼ਣ ਸਿੰਘ ਦੀ ਇਹ ਤਾਕਤ ਹੈ ਕਿ..', ਦਿੱਲੀ ਪੁੁਲਿਸ ਦੀ ਕਾਰਵਾਈ 'ਤੇ ਬੋਲੇ ਬਜਰੰਗ ਪੁਨੀਆ ਤੇ ਵਿਨੇਸ਼ ਫੋਗਾਟ
Vinesh Phogat On Brij Bhushan Sharan Singh: ਵਿਨੇਸ਼ ਫੋਗਾਟ ਨੇ ਦੱਸਿਆ ਕਿ ਮਹਿਲਾ ਪਹਿਲਵਾਨ ਪੁਲਿਸ ਜਾਂਚ ਲਈ ਕ੍ਰਾਈਮ ਸਾਈਟ 'ਤੇ ਗਈ ਸੀ ਪਰ ਮੀਡੀਆ 'ਚ ਇਹ ਚਲਾਇਆ ਗਿਆ ਕਿ ਉਹ ਸਮਝੌਤਾ ਕਰਨ ਗਈ ਸੀ।
Brij Bhushan Sharan Singh Case: ਦਿੱਲੀ ਪੁਲਿਸ ਸ਼ੁੱਕਰਵਾਰ (9 ਜੂਨ) ਨੂੰ ਪਹਿਲਵਾਨ ਸੰਗੀਤਾ ਫੋਗਾਟ ਨੂੰ ਭਾਰਤੀ ਕੁਸ਼ਤੀ ਮਹਾਸੰਘ (WFI) ਦੇ ਸਾਬਕਾ ਪ੍ਰਧਾਨ ਬ੍ਰਿਜ ਭੂਸ਼ਣ ਸ਼ਰਣ ਸਿੰਘ ਦੇ ਘਰ ਲੈ ਗਈ। ਪੁਲਿਸ ਨੇ ਦੱਸਿਆ ਕਿ ਮਹਿਲਾ ਪਹਿਲਵਾਨ ਨੂੰ ਜਾਂਚ ਲਈ ਰੈਸਲਿੰਗ ਫੈਡਰੇਸ਼ਨ ਆਫ ਇੰਡੀਆ ਦੇ ਦਫਤਰ ਲਿਜਾਇਆ ਗਿਆ। ਇਸ ਦੌਰਾਨ ਦਿੱਗਜ ਪਹਿਲਵਾਨ ਵਿਨੇਸ਼ ਫੋਗਾਟ ਅਤੇ ਬਜਰੰਗ ਪੁਨੀਆ ਨੇ ਇਕ ਵਾਰ ਫਿਰ ਬ੍ਰਿਜ ਭੂਸ਼ਣ ਸਿੰਘ ਦੀ ਗ੍ਰਿਫਤਾਰੀ ਦੀ ਮੰਗ ਕੀਤੀ ਹੈ।
ਉਨ੍ਹਾਂ ਨੇ ਟਵੀਟ ਕਰਕੇ ਕਿਹਾ, ''ਬ੍ਰਿਜ ਭੂਸ਼ਣ ਦੀ ਇਹੀ ਤਾਕਤ ਹੈ। ਉਹ ਆਪਣੇ ਬਾਹੁਬਲ, ਰਾਜਨੀਤਿਕ ਤਾਕਤ ਅਤੇ ਝੂਠੇ ਨੈਰੇਟਿਵ ਚਲਵਾ ਕੇ ਮਹਿਲਾ ਪਹਿਲਵਾਨਾਂ ਨੂੰ ਤੰਗ-ਪਰੇਸ਼ਾਨ ਕਰਨ ਵਿੱਚ ਲੱਗਿਆ ਹੋਇਆ ਹੈ। ਇਸ ਲਈ ਉਸ ਦੀ ਗ੍ਰਿਫ਼ਤਾਰੀ ਜ਼ਰੂਰੀ ਹੈ। ਜੇਕਰ ਪੁਲਿਸ ਸਾਨੂੰ ਤੋੜਨ ਦੀ ਬਜਾਏ ਗ੍ਰਿਫਤਾਰ ਕਰ ਲਵੇ ਤਾਂ ਇਨਸਾਫ ਦੀ ਉਮੀਦ ਹੈ, ਨਹੀਂ ਤਾਂ ਬਿਲਕੁਲ ਨਹੀਂ। ਮਹਿਲਾ ਪਹਿਲਵਾਨ ਪੁਲਿਸ ਜਾਂਚ ਲਈ ਕ੍ਰਾਈਮ ਸਾਈਟ 'ਤੇ ਗਈ ਸੀ, ਪਰ ਮੀਡੀਆ 'ਚ ਇਹ ਚਲਾਇਆ ਕਿ ਉਹ ਸਮਝੌਤਾ ਕਰਨ ਗਈ ਹੈ।
ਬਜਰੰਗ ਪੁਨੀਆ ਨੇ ਕੀ ਕਿਹਾ?
ਬਜਰੰਗ ਪੁਨੀਆ ਨੇ ਟਵੀਟ ਕੀਤਾ ਕਿ ਮਹਿਲਾ ਪਹਿਲਵਾਨ ਪੁਲਿਸ ਜਾਂਚ ਲਈ ਕ੍ਰਾਈਮ ਸਾਈਟ 'ਤੇ ਗਈ ਸੀ, ਪਰ ਮੀਡੀਆ 'ਚ ਇਹ ਚਲਾਇਆ ਗਿਆ ਕਿ ਉਹ ਸਮਝੌਤਾ ਕਰਨ ਗਈ ਸੀ। ਇਹ ਬ੍ਰਿਜ ਭੂਸ਼ਣ ਦੀ ਤਾਕਤ ਹੈ। ਉਹ ਬਾਹੁਬਲ, ਸਿਆਸੀ ਤਾਕਤ ਅਤੇ ਝੂਠੀ ਬਿਆਨਬਾਜ਼ੀ ਕਰਕੇ ਮਹਿਲਾ ਪਹਿਲਵਾਨਾਂ ਨੂੰ ਪਰੇਸ਼ਾਨ ਕਰ ਰਿਹਾ ਹੈ। ਉਸ ਦੀ ਗ੍ਰਿਫ਼ਤਾਰੀ ਜ਼ਰੂਰੀ ਹੈ। ਪੁਲਿਸ ਸਾਨੂੰ ਤੋੜਨ ਦੀ ਕੋਸ਼ਿਸ਼ ਕਰ ਰਹੀ ਹੈ।
महिला पहलवान पुलिस इन्वेस्टीगेशन के लिए क्राइम साईट पर गयीं लेकिन मीडिया में चलाया कि वे समझौता करने गई हैं।
— Bajrang Punia 🇮🇳 (@BajrangPunia) June 9, 2023
बृजभूषण की यही ताक़त है. वह बाहुबल,राजनीतिक ताक़त और झूठे नैरेटिव चलवाकर महिला पहलवानों को परेशान कर रहा है। उसकी गिरफ़्तारी ज़रूरी है। पुलिस की हमें तोड़ने की कोशिश।
ਦਿੱਲੀ ਪੁਲਿਸ ਦੇ ਸੂਤਰਾਂ ਨੇ ਕੀ ਕਿਹਾ?
ਮਹਿਲਾ ਪਹਿਲਵਾਨਾਂ ਨੇ ਬ੍ਰਿਜ ਭੂਸ਼ਣ 'ਤੇ ਜਿਨਸੀ ਸ਼ੋਸ਼ਣ ਦਾ ਦੋਸ਼ ਲਗਾਇਆ ਹੈ। ਸੂਤਰਾਂ ਨੇ ਦੱਸਿਆ ਕਿ ਦੁਪਹਿਰ ਕਰੀਬ 1.30 ਵਜੇ ਮਹਿਲਾ ਅਧਿਕਾਰੀ ਸੰਗੀਤਾ ਫੋਗਾਟ ਦੇ ਨਾਲ ਦਿੱਲੀ ਸਥਿਤ ਬ੍ਰਿਜ ਭੂਸ਼ਣ ਦੀ ਸਰਕਾਰੀ ਰਿਹਾਇਸ਼ 'ਤੇ ਪਹੁੰਚੀਆਂ। ਉਹ ਕਰੀਬ ਅੱਧਾ ਘੰਟਾ ਉੱਥੇ ਰੁਕੇ। ਉਨ੍ਹਾਂ ਨੇ ਫੋਗਾਟ ਨੂੰ ਘਟਨਾਵਾਂ ਦਾ ਵਰਣਨ ਕਰਨ ਅਤੇ ਉਨ੍ਹਾਂ ਥਾਵਾਂ ਨੂੰ ਯਾਦ ਕਰਵਾਉਣ ਲਈ ਕਿਹਾ ਜਿੱਥੇ ਉਨ੍ਹਾਂ ਨਾਲ ਜਿਨਸੀ ਸੋਸ਼ਣ ਕੀਤਾ ਗਿਆ ਸੀ।
ਦਿੱਲੀ ਪੁਲਿਸ ਦੀ ਵਿਸ਼ੇਸ਼ ਜਾਂਚ ਟੀਮ (SIT) ਉੱਤਰ ਪ੍ਰਦੇਸ਼ ਦੇ ਕੈਸਰਗੰਜ ਤੋਂ ਬੀਜੇਪੀ ਸੰਸਦ ਅਤੇ WFI ਦੇ ਪ੍ਰਧਾਨ ਬ੍ਰਿਜ ਭੂਸ਼ਣ ਦੇ ਖਿਲਾਫ ਜਿਨਸੀ ਸ਼ੋਸ਼ਣ ਦੇ ਮਾਮਲੇ ਦੀ ਜਾਂਚ ਕਰ ਰਹੀ ਹੈ। ਅਗਲੇ ਹਫ਼ਤੇ ਤੱਕ ਜਾਂਚ ਰਿਪੋਰਟ ਪੇਸ਼ ਕੀਤੇ ਜਾਣ ਦੀ ਉਮੀਦ ਹੈ। ਜਾਂਚ ਦੇ ਹਿੱਸੇ ਵਜੋਂ, ਐਸਆਈਟੀ ਨੇ 180 ਤੋਂ ਵੱਧ ਲੋਕਾਂ ਤੋਂ ਪੁੱਛਗਿੱਛ ਕੀਤੀ ਹੈ। ਦਿੱਲੀ ਪੁਲਿਸ ਨੇ ਇਸ ਮਾਮਲੇ ਵਿੱਚ ਦੋ ਐਫਆਈਆਰ ਦਰਜ ਕੀਤੀਆਂ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)