Lawrence Bishnoi: ਗੈਂਗਸਟਰ ਲਾਰੈਂਸ ਬਿਸ਼ਨੋਈ ਦਾ ਆਕਾ ਕੌਣ ? AK-47 ਤੋਂ ਲੈ ਕੇ ਰੂਸੀ ਰਾਕੇਟ ਲਾਂਚਰ ਤੱਕ ਕੌਣ ਕਰਵਾ ਰਿਹਾ ਸਪਲਾਈ?
Lawrence Bishnoi: ਪੰਜਾਬ ਦੇ ਗੈਂਗਸਟਰ ਲਾਰੈਂਸ ਬਿਸ਼ਨੋਈ ਦੀ ਦੁਨੀਆ ਭਰ ਵਿੱਚ ਚਰਚਾ ਹੈ। ਉਹ ਜੇਲ੍ਹ ਅੰਦਰ ਬੈਠ ਕੇ ਭਾਰਤ ਹੀ ਨਹੀਂ ਸਗੋਂ ਵਿਦੇਸ਼ੀ ਧਰਤੀ ਉਪਰ ਵੀ ਵੱਡੀਆਂ ਵਾਰਦਾਤਾਂ ਨੂੰ ਅੰਜ਼ਾਮ ਦਵਾ ਰਿਹਾ ਹੈ। ਉਸ ਦੇ ਤਾਰ ਪਾਕਿਸਤਾਨ
Lawrence Bishnoi: ਪੰਜਾਬ ਦੇ ਗੈਂਗਸਟਰ ਲਾਰੈਂਸ ਬਿਸ਼ਨੋਈ ਦੀ ਦੁਨੀਆ ਭਰ ਵਿੱਚ ਚਰਚਾ ਹੈ। ਉਹ ਜੇਲ੍ਹ ਅੰਦਰ ਬੈਠ ਕੇ ਭਾਰਤ ਹੀ ਨਹੀਂ ਸਗੋਂ ਵਿਦੇਸ਼ੀ ਧਰਤੀ ਉਪਰ ਵੀ ਵੱਡੀਆਂ ਵਾਰਦਾਤਾਂ ਨੂੰ ਅੰਜ਼ਾਮ ਦਵਾ ਰਿਹਾ ਹੈ। ਉਸ ਦੇ ਤਾਰ ਪਾਕਿਸਤਾਨ ਨਾਲ ਵੀ ਜੁੜੇ ਹੋਏ ਹਨ। ਇਸ ਸਭ ਦੇ ਬਾਵਜੂਦ ਭਾਰਤੀ ਏਜੰਸੀਆਂ ਉਸ ਦਾ ਵਾਲ ਵੀ ਵਿੰਗਾ ਨਹੀਂ ਕਰ ਪਾ ਰਹੀਆਂ। ਇਸ ਲਈ ਅਕਸਰ ਚਰਚਾ ਰਹਿੰਦੀ ਹੈ ਕਿ ਲਾਰੈਂਸ ਦੀ ਪੁਸ਼ਤਪਨਾਹੀ ਕੌਣ ਕਰ ਰਿਹਾ ਹੈ।
ਲਾਰੈਂਸ ਬਿਸ਼ਨੋਈ ਵਿਦੇਸ਼ਾਂ ਤੋਂ ਹਥਿਆਰ ਮੰਗਵਾਉਂਦਾ ਹੈ ਤੇ ਆਪਣੇ ਸ਼ੂਟਰਾਂ ਨੂੰ ਸਪਲਾਈ ਕਰਵਾਉਂਦਾ ਹੈ। ਲਾਰੈਂਸ ਦੇ ਸ਼ੂਟਰ ਤੇ ਬਦਮਾਸ਼ ਏਕੇ-47 ਤੇ ਰੂਸੀ ਰਾਕੇਟ ਲਾਂਚਰ ਦੀ ਵਰਤੋਂ ਕਰਕੇ ਦਹਿਸ਼ਤ ਫੈਲਾ ਚੁੱਕੇ ਹਨ। ਇੰਨਾ ਹੀ ਨਹੀਂ, ਉਸ ਦੇ ਸ਼ੂਟਰਾਂ ਕੋਲੋਂ ਆਸਟ੍ਰੀਆ ਤੋਂ ਦਰਾਮਦ ਕੀਤੇ ਪਿਸਤੌਲ ਵੀ ਜ਼ਬਤ ਕੀਤੇ ਗਏ ਹਨ। ਖੁਫੀਆ ਏਜੰਸੀਆਂ ਮੁਤਾਬਕ ਇਹ ਹਥਿਆਰ ਪਾਕਿਸਤਾਨ ਤੋਂ ਡਰੋਨ ਰਾਹੀਂ ਪੰਜਾਬ ਭੇਜੇ ਜਾ ਰਹੇ ਹਨ।
ਖੁਫੀਆ ਏਜੰਸੀਆਂ ਦੀਆਂ ਰਿਪੋਰਟਾਂ ਮੁਤਾਬਕ ਲਾਰੈਂਸ ਬਿਸ਼ਨੋਈ ਦਾ ਅਪਰਾਧ ਸਾਮਰਾਜ ਭਾਰਤ ਦੇ 11 ਰਾਜਾਂ ਸਮੇਤ 6 ਦੇਸ਼ਾਂ ਵਿੱਚ ਫੈਲ ਚੁੱਕਾ ਹੈ। ਵੱਖ-ਵੱਖ ਲੋਕ ਹਰ ਰਾਜ ਦੀਆਂ ਜ਼ਿੰਮੇਵਾਰੀਆਂ ਨੂੰ ਸੰਭਾਲਦੇ ਹਨ। ਇਸ ਗਰੋਹ ਦੇ ਗੈਂਗਸਟਰਾਂ ਨੂੰ ਵੱਖ-ਵੱਖ ਥਾਵਾਂ ਤੋਂ ਹਥਿਆਰ ਮਿਲਦੇ ਹਨ, ਜਿਸ ਤੋਂ ਬਾਅਦ ਉਹ ਕਤਲ ਕਰਦੇ ਹਨ।
ਮਰਹੂਮ ਪੰਜਾਬੀ ਗਾਇਕ ਸਿੱਧੂ ਮੂਸੇਵਾਲਾ ਦੇ ਕਤਲ ਵਿੱਚ ਪਾਕਿਸਤਾਨ ਤੋਂ ਆਈ ਏਕੇ-47 ਰਾਈਫਲ ਤੋਂ ਇਲਾਵਾ ਪੁਆਇੰਟ 30 ਬੋਰ ਤੇ 9 ਐਮਐਮ ਪਿਸਤੌਲ ਦੀ ਵਰਤੋਂ ਕੀਤੀ ਗਈ ਸੀ। ਇਹ ਹਥਿਆਰ ਆਸਾਨੀ ਨਾਲ ਉਪਲਬਧ ਨਹੀਂ ਹੋ ਸਕਦੇ। AK-47 ਦੀਆਂ ਸੱਤ ਗੋਲੀਆਂ ਮੂਸੇਵਾਲਾ ਨੂੰ ਸਿੱਧੀਆਂ ਲੱਗੀਆਂ। ਉਸ ਦੀ ਥਾਰ ਗੱਡੀ 'ਤੇ 25 ਗੋਲੀਆਂ ਚਲਾਈਆਂ ਗਈਆਂ। ਮੁਹਾਲੀ ਇੰਟੈਲੀਜੈਂਸ ਦਫਤਰ 'ਤੇ ਹਮਲਾ ਕਰਨ ਵਾਲਾ ਮੁੱਖ ਹਮਲਾਵਰ ਗੈਂਗਸਟਰ ਲਾਰੈਂਸ ਦਾ ਸਰਗਨਾ ਦੀਪਕ ਹਰਿਆਣਾ ਦੇ ਝੱਜਰ ਦੇ ਪਿੰਡ ਸੂਰਜਪੁਰ ਦਾ ਰਹਿਣ ਵਾਲਾ ਸੀ। ਹਮਲਾ ਆਰਪੀਜੀ ਨਾਲ ਕੀਤਾ ਗਿਆ ਸੀ। ਇਹ ਰੂਸ ਦਾ ਬਣਿਆ ਰਾਕੇਟ ਲਾਂਚਰ ਸੀ।
ਦੱਸ ਦਈਏ ਕਿ 21 ਜੁਲਾਈ ਨੂੰ ਲਾਰੈਂਸ ਬਿਸ਼ਨੋਈ ਗੈਂਗ ਦੇ ਦੋ ਗੁੰਡੇ ਹਥਿਆਰ ਸਪਲਾਈ ਕਰਨ ਲਈ ਮੁਜ਼ੱਫਰਪੁਰ ਜਾਂਦੇ ਹੋਏ ਫੜੇ ਗਏ ਸਨ। ਇਨ੍ਹਾਂ ਕੋਲੋਂ ਚਾਰ ਆਸਟ੍ਰੀਆ ਦੇ ਬਣੇ ਗਲੋਕ ਪਿਸਤੌਲ ਤੇ ਅੱਠ ਮੈਗਜ਼ੀਨ ਬਰਾਮਦ ਹੋਏ ਸਨ। ਬਿਸ਼ਨੋਈ ਗੈਂਗ ਨੂੰ ਮੱਧ ਪ੍ਰਦੇਸ਼ ਦੇ ਧਾਰ, ਸੇਂਧਵਾ, ਬਰਵਾਨੀ, ਰਤਲਾਮ, ਖੰਡਵਾ, ਬੁਰਹਾਨਪੁਰ, ਖਰਗੋਨ, ਯੂਪੀ ਦੇ ਮੇਰਠ, ਮੁਜ਼ੱਫਰਨਗਰ ਤੇ ਅਲੀਗੜ੍ਹ, ਬਿਹਾਰ ਦੇ ਮੁੰਗੇਰ ਤੇ ਖਗੜੀਆ ਤੋਂ ਹਥਿਆਰ ਮਿਲਦੇ ਹਨ। ਇਸ ਤੋਂ ਇਲਾਵਾ ਲਾਰੈਂਸ ਗੈਂਗ ਕੋਲ ਪਾਕਿਸਤਾਨ, ਅਮਰੀਕਾ, ਰੂਸ, ਕੈਨੇਡਾ ਤੇ ਨੇਪਾਲ ਤੋਂ ਵੀ ਹਥਿਆਰ ਪਹੁੰਚ ਰਹੇ ਹਨ।
ਦੱਸ ਦਈਏ ਕਿ ਜਦੋਂ ਸਲਮਾਨ ਦੀ ਹੱਤਿਆ ਦੀ ਸਾਜ਼ਿਸ਼ ਦਾ ਪਰਦਾਫਾਸ਼ ਹੋਇਆ ਤਾਂ ਇਹ ਗੱਲ ਸਾਹਮਣੇ ਆਈ ਕਿ ਲਾਰੈਂਸ ਦੇ ਸ਼ੂਟਰ ਪਾਕਿਸਤਾਨ ਤੋਂ ਆਧੁਨਿਕ ਹਥਿਆਰ ਏਕੇ-47, ਏਕੇ-92 ਤੇ ਐਮ.16 ਤੇ ਤੁਰਕੀ ਦੇ ਬਣੇ ਜ਼ਿਗਾਨਾ ਹਥਿਆਰ ਖਰੀਦਣ ਦੀ ਤਿਆਰੀ ਕਰ ਰਹੇ ਸਨ। ਜਦੋਂ ਲਾਰੈਂਸ ਦੇ ਨਜ਼ਦੀਕੀ ਸਾਥੀ ਸੁੱਖਾ ਨੂੰ ਗ੍ਰਿਫਤਾਰ ਕੀਤਾ ਗਿਆ, ਤਾਂ ਉਸ ਨੇ ਖੁਲਾਸਾ ਕੀਤਾ ਸੀ ਕਿ ਉਸ ਨੇ ਵੀਡੀਓ ਕਾਲ ਰਾਹੀਂ ਪਾਕਿਸਤਾਨ ਸਥਿਤ ਹਥਿਆਰਾਂ ਦੇ ਡੀਲਰ ਡੋਗਰ ਨਾਲ ਸੰਪਰਕ ਕੀਤਾ ਸੀ। ਉਸ ਨੇ ਹਥਿਆਰਾਂ ਦੇ ਸੌਦੇ ਦੀਆਂ ਸ਼ਰਤਾਂ 'ਤੇ ਚਰਚਾ ਕਰਦੇ ਹੋਏ ਸ਼ਾਲ ਵਿੱਚ ਲਪੇਟੇ ਏਕੇ-47 ਤੇ ਹੋਰ ਆਧੁਨਿਕ ਹਥਿਆਰ ਦਿਖਾਏ ਸਨ। ਡੋਗਰ ਹਥਿਆਰਾਂ ਦੀ ਸਪਲਾਈ ਕਰਨ ਲਈ ਰਾਜ਼ੀ ਹੋ ਗਿਆ, ਜਦੋਂਕਿ ਸੁੱਖਾ ਨੇ 50 ਫੀਸਦੀ ਐਡਵਾਂਸ ਪੇਮੈਂਟ ਤੇ ਬਾਕੀ ਰਕਮ ਭਾਰਤ ਵਿੱਚ ਡਿਲੀਵਰੀ ਸਮੇਂ ਦੇਣ ਲਈ ਸਹਿਮਤੀ ਦਿੱਤੀ ਸੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
