ਭਾਰਤੀ ਫੌਜ ਵਿੱਚ ਲੇਫਟਿਨੇਂਟ ਬਣ ਘਰ ਆਏ ਲਵਨੀਤ ਸਿੰਘ ਦਾ ਹੋਇਆ ਜ਼ੋਰਦਾਰ ਸਵਾਗਤ
ਕਿਸਾਨ ਦੇ ਬੇਟੇ ਲਵਨੀਤ ਸਿੰਘ ਨੇ ਭਾਰਤੀ ਫੌਜ ਅਕਾਡਮੀ ਵਿੱਚ ਤੀਜਾ ਸਥਾਨ ਹਾਸਲ ਕਰਕਕੇ ਮੋਗਾ ਦਾ ਨਾਂ ਰੋਸ਼ਨ ਕਰ ਦਿੱਤਾ। ਲੇਫਟਿਨੇਂਟ ਬਨਣ ਤੋਂ ਬਾਅਦ ਪਹਿਲੀ ਵਾਰ ਜਦੋਂ ਉਹ ਆਪਣੇ ਪਿੰਡ ਪੁੱਜਿਆ ਤਾਂ ਪਿੰਡ ਵਾਸੀਆਂ ਨੇ ਢੋਲ ਵਜਾ ਕੇ ਲਵਨੀਤ ਸਿੰਘ ਦਾ ਜ਼ੋਰਦਾਰ ਸਵਾਗਤ ਕੀਤਾ।
ਮੋਗਾ: ਕਹਿੰਦੇ ਹਨ ਕਿ ਜੇਕਰ ਕੁੱਝ ਕਰ ਵਿਖਾਉਣ ਦੀ ਮਨ ਵਿੱਚ ਤਮੰਨਾ ਹੋਵੇ ਤਾਂ ਉਸ ਮੁਕਾਮ ‘ਤੇ ਪਹੁੰਚਣਾ ਮੁਸ਼ਕਲ ਨਹੀਂ ਹੁੰਦਾ। ਠੀਕ ਅਜਿਹਾ ਹੀ ਕਰ ਵਖਾਇਆ ਹੈ 21 ਸਾਲ ਦੀ ਉਮਰ ਵਿੱਚ ਭਾਰਤੀ ਫੌਜ ਵਿੱਚ ਲੇਫਟਿਨੇਂਟ ਬਣੇ ਮੋਗਾ ਦੇ ਪਿੰਡ ਜਲਾਲਾਬਾਦ ਦੇ ਰਹਿਣ ਵਾਲੇ ਲਵਨੀਤ ਸਿੰਘ ਨੇ। ਜੀ ਹਾਂ ਲੇਫਟਿਨੇਂਟ ਲਵਨੀਤ ਸਿੰਘ ਮੋਗਾ ਤੋਂ ਤਾਲੁਖ਼ ਰੱਖਦੇ ਹਨ। ਨਾਲ ਹੀ ਉਹ ਇੱਕ ਸਾਧਾਰਨ ਕਿਸਾਨ ਦੇ ਬੇਟੇ ਹਨ, ਜਿਸ ਨੂੰ ਸਿੱਖ ਲਾਇਟ ਇੰਫੈਂਟਰੀ ਵਿੱਚ ਸ਼ਾਮਿਲ ਕੀਤਾ ਗਿਆ ਹੈ।
ਮੀਡੀਆ ਨਾਲ ਗੱਲਬਾਤ ਕਰਦੇ ਹੋਏ ਨਵਨਿਯੁਕਤ ਲੇਫਟਿਨੇਂਟ ਲਵਨੀਤ ਸਿੰਘ ਨੇ ਦੱਸਿਆ ਕਿ ਉਨ੍ਹਾਂ ਨੇ ਪੰਜਾਬ ਪਬਲਿਕ ਸਕੂਲ ਨਾਭਾ ਤੋਂ ਆਪਣੀ ਮੈਟ੍ਰਿਕ ਦੀ ਪੜਾਈ ਕੀਤੀ ਅਤੇ ਫਿਰ ਮਹਾਰਾਜਾ ਰਣਜੀਤ ਸਿੰਘ ਸ਼ਸਤਰਬੰਦ ਜੋਰ ਤਿਆਰੀ ਸੰਸਥਾਨ (AFPI) ਮੋਹਾਲੀ ਵਿੱਚ ਸ਼ਾਮਿਲ ਹੋਏ, ਜਿੱਥੋਂ ਉਹ ਰਾਸ਼ਟਰੀ ਰੱਖਿਆ ਅਕਾਡਮੀ ਖੜਕਵਾਸਲਾ ਲਈ ਅੱਗੇ ਵਧੇ।
ਲੇਫਟਿਨੇਂਟ ਲਵਨੀਤ ਨੇ ਦੱਸਿਆ ਕਿ ਉਨ੍ਹਾਂ ਦੇ ਪਰਿਵਾਰਿਕ ਮੈਂਬਰਾਂ ਨੇ ਉਨ੍ਹਾਂ ਦਾ ਪੂਰਾ ਸਾਥ ਦਿੱਤਾ। ਉਨ੍ਹਾਂ ਦੇ ਘਰ ਦੇ ਹਾਲਾਤ ਕੁੱਝ ਅਜਿਹੇ ਸੀ ਅਤੇ ਹਾਲਾਤਾਂ ਦੇ ਮੱਦੇਨਜਰ ਉਨ੍ਹਾਂ ਨੇ ਇਹ ਰਸਤਾ ਚੁਣਿਆ। ਉਨ੍ਹਾਂ ਨੇ ਕਿਹਾ ਕਿ ਅੱਜ ਦੇ ਨੌਜਵਾਨ ਪੀੜ੍ਹੀ ਨੂੰ ਉਹ ਇਹ ਸੁਨੇਹਾ ਦੇਣਾ ਚਾਹੁੰਦੇ ਹੈ ਕਿ ਉਹ ਆਪਣੇ ਮਾਂ-ਬਾਪ ਦਾ ਨਾਂ ਰੋਸ਼ਨ ਕਰਨ ਅਤੇ ਨਸ਼ੇ ਦੀ ਦਲਦਲ ਵਿੱਚ ਵੜਨ ਤੋਂ ਬੱਚਣ।
ਉੱਥੇ ਹੀ ਖੁਸ਼ੀ ਨਾਲ ਫੂਲੇ ਨਹੀਂ ਸਮਾ ਰਹੇ ਲਵਨੀਤ ਦੇ ਪਿਤਾ ਰੁਪਿੰਦਰ ਸਿੰਘ ਨੇ ਕਿਹਾ ਕਿ ਜਿਵੇਂ ਸਾਡੇ ਬੱਚੇ ਨੇ ਮੌਗਾ ਦੇ ਨਾਲ-ਨਾਲ ਪੂਰੇ ਪੰਜਾਬ ਦਾ ਨਾਂ ਰੋਸ਼ਨ ਕੀਤਾ ਹੈ। ਠੀਕ ਉਸੀ ਤਰ੍ਹਾਂ ਹਰ ਬੱਚੇ ਨੂੰ ਚਾਹੀਦਾ ਹੈ ਕਿ ਉਹ ਆਪਣੇ ਦੇਸ਼ ਲਈ ਕੁੱਝ ਨਾ ਕੁੱਝ ਜ਼ਰੂਰ ਕਰੇ। ਉਨ੍ਹਾਂ ਨੇ ਕਿਹਾ ਕਿ ਅੱਜ ਸਾਨੂੰ ਮਾਨ ਹੈ ਕਿ ਸਾਡਾ ਪੁੱਤਰ ਭਾਰਤੀ ਫੌਜ ਦਾ ਹਿੱਸਾ ਹੈ।
ਦੂਜੇ ਪਾਸੇ ਲਵਨੀਤ ਦੇ ਦੋਸਤਾਂ ਅਤੇ ਪਿੰਡ ਵਾਸੀਆਂ ਨੇ ਕਿਹਾ ਕਿ ਅੱਜ ਦੀ ਨੌਜਵਾਨ ਪੀੜ੍ਹੀ ਨਸ਼ੇ ਦੇ ਦਲਦਲ ਵਿੱਚ ਧਸਦੀ ਜਾ ਰਹੀ ਹੈ ਅਤੇ ਨਾਲ ਹੀ ਨਾਲ ਪੜਾਈ ਵੀ ਛੱਡਦੇ ਜਾ ਰਹੇ ਹਨ। ਇੰਜ ਹੀ ਨੌਜਵਾਨਾਂ ਲਈ ਸਾਡੇ ਪਿੰਡ ਦੇ ਲੇਫਟਿਨੇਂਟ ਬਣੇ ਲਵਨੀਤ ਸਿੰਘ ਨੇ ਇੱਕ ਮਿਸਾਲ ਪੇਸ਼ ਕੀਤੀ ਹੈ। ਉਨ੍ਹਾਂ ਨੇ ਕਿਹਾ ਕਿ ਅੱਜ ਸਾਨੂੰ ਮਾਨ ਹੈ ਕਿ ਸਾਡੇ ਪਿੰਡ ਦੇ ਲਵਨੀਤ ਸਿੰਘ ਨੇ ਸਾਡੇ ਪਿੰਡ ਦੇ ਦੇ ਨਾਲ-ਨਾਲ ਪੂਰੇ ਪੰਜਾਬ ਦਾ ਨਾਂ ਰੋਸ਼ਨ ਕੀਤਾ ਹੈ।
ਇਹ ਵੀ ਪੜ੍ਹੋ: ਧੀ ਨਾਲ ਛੇੜਛਾੜ ਕਰਨ ਵਾਲਿਆਂ ਖਿਲਾਫ ਸ਼ਿਕਾਇਤ ਕਰਨ ‘ਤੇ ਪਿਓ ਉੱਤੇ ਤੇਜ਼ਧਾਰ ਹਥਿਆਰਾਂ ਨਾਲ ਹਮਲਾ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
