ਬੀਬੀ ਜਗੀਰ ਕੌਰ ਨੇ 3 ਦਹਾਕੇ ਦੇ ਦੱਬੇ ਸੱਚ ਕੀਤੇ ਉਜਾਗਰ, ਕਿਹਾ, SGPC 'ਤੇ ਅਕਾਲੀ ਦਲ ਨਹੀਂ ਬਲਕਿ ਸਮੁੱਚੀ ਸਿੱਖ ਕੌਮ ਦਾ ਹੱਕ...

"1920 ਤੋਂ ਮੇਰਾ ਪਛੋਕੜ ਅਕਾਲੀ ਦਲ ਨਾਲ ਹੈ 1996 ‘ਚ ਮੈਨੂੰ ਪਹਿਲੀ ਵਾਰ ਚੋਣ ਲੜਾ ਕੇ ਪ੍ਰਧਾਨ ਬਣਾਇਆ ਕਿਉਂਕਿ ਉਸ ਵੇਲੇ ਗੁਰਚਰਨ ਸਿੰਘ ਟੋਹੜਾ ਨੂੰ ਲਾਹੁਣਾ ਸੀ। ਕੀ ਉਸ ਵੇਲੇ ਮੈਂ ਕਾਬਿਲ ਸੀ?"- ਬੀਬੀ ਜਗੀਰ ਕੌਰ

Bibi Jagir Kaur

ਪਰਮਜੀਤ ਸਿੰਘ 

 

ਚੰਡੀਗੜ੍ਹ: ਬੀਬੀ ਜਗੀਰ ਕੌਰ ਵੱਲੋਂ ਸ਼੍ਰੋਮਣੀ ਕਮੇਟੀ ਦੀ ਚੋਣ ਲੜ੍ਹਨ ਦੇ ਐਲਾਨ ਮਗਰੋਂ ਸ਼੍ਰੋਮਣੀ ਅਕਾਲੀ ਦਲ ਵਿੱਚ ਕਾਫ਼ੀ ਜ਼ਿਆਦਾ ਹਲਚੱਲ ਹੈ।ਅਕਾਲੀ ਦਲ ਵੱਲੋਂ ਬੀਬੀ ਜਗੀਰ ਨੂੰ ਪਾਰਟੀ ਵਿੱਚੋਂ ਸਸਪੈਂਡ ਕਰ ਦਿੱਤਾ ਗਿਆ। ਅਕਾਲੀ ਦਲ ਵੱਲੋਂ ਬੀਬੀ ਜਗੀਰ ਕੌਰ ਨੂੰ 48 ਘੰਟਿਆਂ ਦਾ ਸਮਾਂ ਵੀ ਦਿੱਤਾ ਗਿਆ ਹੈ। ਪਾਰਟੀ ਨੇ ਕਿਹਾ ਕਿ ਜੇਕਰ ਬੀਬੀ ਜਗੀਰ ਕੌਰ ਫ਼ਿਰ ਵੀ ਪਾਰਟੀ ਵਿਰੋਧੀ ਗਤੀਵਿਧੀਆਂ ਕਰਨਗੇ ਤਾਂ ਉਨ੍ਹਾਂ ਨੂੰ ਪਾਰਟੀ ’ਚੋਂ ਕੱਢ ਦਿੱਤਾ ਜਾਵੇਗਾ। ਇਸ ਮਸਲੇ 'ਤੇ ਬੀਬੀ ਜਗੀਰ ਕੌਰ ਨੇ ਏਬੀਪੀ ਸਾਂਝਾ ਨਾਲ ਖਾਸ ਗੱਲਬਾਤ ਕੀਤੀ ਅਤੇ ਕਈ ਵੱਡੀਆਂ ਗੱਲਾਂ ਨੂੰ ਬਿਆਨ ਕੀਤਾ।

ਬੀਬੀ ਜਗੀਰ ਕੌਰ ਨੇ ਕਿਹਾ, "ਸ਼੍ਰੋਮਣੀ ਕਮੇਟੀ ਉਪਰ ਸਮੁੱਚੀ ਸਿੱਖ ਕੌਮ ਦਾ ਹੱਕ ਹੈ ਤੇ ਸਿੱਖ ਕੇਵਲ ਅਕਾਲੀ ਦਲ ‘ਚ ਹੀ ਨਹੀਂ ਬਲਕਿ ਪੂਰੀ ਦੁਨੀਆਂ ‘ਚ ਵੱਸਦੇ ਹਨ। ਜਦੋਂ ਪ੍ਰਧਾਨ ਦੀ ਚੋਣ ਹੋਣੀ ਹੁੰਦੀ ਹੈ ਤਾਂ ਦੁਨੀਆਂ ਭਰ ਦੇ ਸਿੱਖਾਂ ‘ਚ ਲਫਾਫਾ ਕਲਚਰ ਦੀਆਂ ਗੱਲਾਂ ਹੁੰਦੀਆਂ ਹਨ। ਸੰਗਤ ਮਹਿਸੂਸ ਕਰਦੀ ਹੈ ਕਿ ਇਸ ਪ੍ਰਥਾ ਨੂੰ ਬਹਾਲ ਕੀਤਾ ਜਾਵੇ।ਮੈਂ ਕਦੇ ਵੀ ਚੋਣ ਲੜਨ ਦੀ ਇਛੁਕ ਨਹੀਂ ਸੀ।ਲੋਕ ਇਸ ਵੇਲੇ ਅਕਾਲੀ ਦਲ ਦੇ ਖਿਲਾਫ਼ ਸਨ ਤੇ ਇਹ ਵੇਲਾ ਸੀ ਇਸ ਨੂੰ ਕਵਰ ਕੀਤਾ ਜਾਵੇ ਜਿਸਦੀ ਮੈਨੂੰ ਸਜ਼ਾ ਮਿਲੀ।"

ਅਕਾਲੀ ਦਲ 'ਤੇ ਬੋਲਦੇ ਹੋਏ ਬੀਬੀ ਜਗੀਰ ਕੌਰ ਨੇ ਕਿਹਾ, "ਮੈਂ ਸੋਚਿਆ ਸੀ ਕਿ ਮੈਂ ਅਕਾਲੀ ਦਲ ਦੀ ਬਹੁਤ ਭਰੋਸੇਯੋਗ ਹਾਂ ਮੇਰੀ ਗੱਲ ਜ਼ਰੂਰ ਮੰਨਣਗੇ।ਮੈਂ ਪਰਦੇ ਨਾਲ ਸੁਖਬੀਰ ਬਾਦਲ ਨੂੰ ਕਿਹਾ ਕਿ ਹੁਣ ਵਕਤ ਹੈ ਕਿ ਇਸ ਪ੍ਰਥਾ ‘ਚ ਤਬਦੀਲੀ ਲਿਆਂਦੀ ਜਾਵੇ ਪਰ ਇਸ ਦੇ ਉਲਟ ਪਾਰਟੀ ਨੇ ਮੇਰੇ 'ਤੇ ਜੋ ਕਾਰਵਾਈ ਕੀਤੀ ਹੈ ਇਸ ਤੋਂ ਸਪੱਸ਼ਟ ਹੈ ਕਿ ਇਹਨਾਂ ਦੇ ਦਫ਼ਤਰ ‘ਚ ਜਾਣਕਾਰੀ ਸੀ ਤੇ ਅੱਜ ਸਿਰਫ਼ ਮੇਰੇ 'ਤੇ ਪ੍ਰੈਸ਼ਰ ਪਾਉਣ ਲਈ ਇਹ ਕਾਰਵਾਈ ਹੋਈ ਹੈ।"

" 1920 ਤੋਂ ਮੇਰਾ ਪਛੋਕੜ ਅਕਾਲੀ ਦਲ ਨਾਲ ਹੈ 1996 ‘ਚ ਮੈਨੂੰ ਪਹਿਲੀ ਵਾਰ ਚੋਣ ਲੜਾ ਕੇ ਪ੍ਰਧਾਨ ਬਣਾਇਆ ਕਿਉਂਕਿ ਉਸ ਵੇਲੇ ਗੁਰਚਰਨ ਸਿੰਘ ਟੋਹੜਾ ਨੂੰ ਲਾਹੁਣਾ ਸੀ। ਕੀ ਉਸ ਵੇਲੇ ਮੈਂ ਕਾਬਿਲ ਸੀ? "

-ਬੀਬੀ ਜਗੀਰ ਕੌਰ

ਅਕਾਲੀ ਦਲ ਨੂੰ ਆੜੇ ਹੱਥੀਂ ਲੈਂਦੇ ਹੋਏ ਬੀਬੀ ਜਗੀਰ ਕੌਰ ਨੇ ਕਿਹਾ, "ਅੱਜ ਮੇਰੀ ਬੀਜੇਪੀ ਦੇ ਨਾਲ ਨੇੜਤਾ ਦੀਆਂ ਗੱਲਾਂ ਕਰ ਰਹੇ ਹਨ ਪਰ ਖੁਦ ਇਹ ਬੀਜੇਪੀ ਦਾ ਨਾਲ ਗੱਠਜੋੜ ਕਰਨ ਨੂੰ ਫਿਰ ਰਹੇ ਹਨ।ਰਾਸ਼ਟਰਪਤੀ ਦੀ ਚੋਣ ‘ਚ ਵੋਟ ਇਹ ਪਾਉਂਦੇ ਹਨ ਤੇ ਇਲਜ਼ਾਮ ਮੇਰੇ 'ਤੇ ਲਗਾ ਰਹੇ ਹਨ। ਮੇਰੀ ਕਾਲ ਡੀਟੇਲ 'ਤੇ ਇਕ ਵੀ ਗੱਲ ਅਜਿਹੀ ਸਾਬਤ ਕਰ ਦੇਣ।ਮੈਂ ਕੇਵਲ ਸੇਵਾ ਕਰਨ ਦੀ ਭਾਵਨਾ ਨਾਲ ਇਹ ਮੁੱਦਾ ਚੁਕਿਆ ਹੈ।"

ਬੀਬੀ ਜਗੀਰ ਕੌਰ ਨੇ ਕਿਹਾ, " ਸੰਗਤ ਗਵਾਹ ਹੈ ਕਿ ਮੈਂ ਅਕਾਲ ਤਖ਼ਤ ਸਾਹਿਬ ਦੀ ਰਹਿਤ ਮਰਿਯਾਦਾ ‘ਚ ਦਰ੍ਰਿੜ ਰਹੀ ਹਾਂ। ਹਰਸਿਮਰਤ ਕੌਰ ਬਾਦਲ 550 ਸਾਲਾ ਸ਼ਤਾਬਦੀ 'ਤੇ ਸੋਨੇ ਦਾ ਪੱਤਰਾ ਲੈ ਕੇ ਸੁਲਤਾਨਪੁਰਲੋਧੀ ਪਹੁੰਚੀ ਸੀ ਪਰ ਮੈਂ ਮਰਿਯਾਦਾ ਦਾ ਹਵਾਲਾ ਦੇ ਕੇ ਇਸ ਦਾ ਡੱਟ ਕੇ ਵਿਰੋਧ ਕੀਤਾ।ਮੇਰੇ ਕਾਰਜਕਾਲ ਦੌਰਾਨ ਜਦੋਂ ਮੈਂ ਨਾਨਕਸ਼ਾਹੀ ਕੈਲੰਡਰ ਲਾਗੂ ਕੀਤਾ ਤਾਂ ਗਿਆਨੀ ਪੂਰਨ ਸਿੰਘ ਨੇ ਛੇਕ ਦਿੱਤਾ। ਮੈਂ 28 ਦਿਨ ਇਕਾਂਤਵਾਸ ਰਹੀ ਪਰ ਸੰਗਤ ਨੇ ਮੇਰੇ ਹੱਕ ‘ਚ ਫੈਸਲਾ ਕੀਤਾ ਤੇ ਅਸੀਂ ਅਗਜ਼ੈਕਟਿਵ ‘ਚ ਸਿੰਘ ਸਾਹਿਬ ਨੂੰ ਪਦਵੀ ਤੋਂ ਲਾਹਿਆ ਤੇ ਅੱਜ ਵੀ ਮੈਂ ਸੱਚ ਦੀ ਹੀ ਗੱਲ ਕੀਤੀ ਹੈ।"

ਅਕਾਲ ਦਲ 'ਤੇ ਤਿੱਖਾ ਵਾਰ ਕਰਦੇ ਹੋਏ ਬੀਬੀ ਜਗੀਰ ਕੌਰ ਨੇ ਕਿਹਾ, "ਅਕਾਲੀ ਦਲ ਦੇ ਆਈ ਟੀ ਵਿੰਗ ਨੇ ਮੇਰੇ ਖਿਲ਼ਾਫ ਰੱਜ ਕੇ ਕੂੜ ਪ੍ਰਚਾਰ ਕੀਤਾ। ਉਹ ਗੱਲਾਂ ਕੀਤੀਆਂ ਜਿਹਨਾਂ ਨੂੰ ਕੋਈ ਔਰਤ ਸੁਣ ਨਹੀਂ ਸਕਦੀ ਪਰ ਅੱਜ ਮੇਰੀ ਅਣਖ ਕਹਿੰਦੀ ਹੈ ਕਿ ਉਹਨਾਂ ਬੇਗੈਰਤ ਲੋਕਾਂ ‘ਚ ਨਾ ਜਾ ਕੇ ਬੈਠਾਂ।"

 

 

 

 

ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।

 

ਇਹ ਵੀ ਪੜ੍ਹੋ:

 

ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ABP NEWS ਦਾ ਐਪ ਡਾਊਨਲੋਡ ਕਰੋ :

 

Android ਫੋਨ ਲਈ ਕਲਿਕ ਕਰੋ
Iphone ਲਈ ਕਲਿਕ ਕਰੋ