![ABP Premium](https://cdn.abplive.com/imagebank/Premium-ad-Icon.png)
ਨੌਕਰ ਦੀ ਪਤਨੀ ਦੇ ਪਿਆਰ 'ਚ ਅੰਨ੍ਹੇ ਹੋ ਕੇ ਮਾਰਿਆ ਆਪਣਾ ਸਾਰਾ ਟੱਬਰ, ਮੁਕਤਸਰ ਦੇ ਸ਼ਖ਼ਸ ਨੂੰ ਫਾਂਸੀ ਦੀ ਸਜ਼ਾ
ਪਲਵਿੰਦਰ ਸਿੰਘ ਤੇ ਨੌਕਰ ਨਿਰਮਲ ਦੀ ਪਤਨੀ ਕਰਮਜੀਤ ਕੌਰ ਨੇ ਬਹੁਤ ਹੀ ਫਿਲਮੀ ਅੰਦਾਜ਼ 'ਚ ਘਟਨਾ ਨੂੰ ਅੰਜਾਮ ਦਿੱਤਾ। ਉਹ ਆਪਣੀ ਪਤਨੀ, ਬੱਚੇ ਤੇ ਨੌਕਰ ਨਿਰਮਲ ਸਿੰਘ ਨੂੰ ਕਾਰ 'ਚ ਬਿਠਾ ਕੇ ਜੂਨ, 2015 ਨੂੰ ਘੁਮਾਉਣ ਲੈ ਗਿਆ
![ਨੌਕਰ ਦੀ ਪਤਨੀ ਦੇ ਪਿਆਰ 'ਚ ਅੰਨ੍ਹੇ ਹੋ ਕੇ ਮਾਰਿਆ ਆਪਣਾ ਸਾਰਾ ਟੱਬਰ, ਮੁਕਤਸਰ ਦੇ ਸ਼ਖ਼ਸ ਨੂੰ ਫਾਂਸੀ ਦੀ ਸਜ਼ਾ Mukatsar man get death penalty murder his family and servant in extra marital affair ਨੌਕਰ ਦੀ ਪਤਨੀ ਦੇ ਪਿਆਰ 'ਚ ਅੰਨ੍ਹੇ ਹੋ ਕੇ ਮਾਰਿਆ ਆਪਣਾ ਸਾਰਾ ਟੱਬਰ, ਮੁਕਤਸਰ ਦੇ ਸ਼ਖ਼ਸ ਨੂੰ ਫਾਂਸੀ ਦੀ ਸਜ਼ਾ](https://static.abplive.com/wp-content/uploads/sites/5/2018/05/10164444/sentenced.jpg?impolicy=abp_cdn&imwidth=1200&height=675)
ਮੁਕਤਸਰ ਸਾਹਿਬ: ਅਦਾਲਤ ਵੱਲੋਂ ਆਪਣੀ ਪਤਨੀ, ਧੀ-ਪੁੱਤ ਤੇ ਨੌਕਰ ਦਾ ਕਤਲ ਕਰਨ ਵਾਲੇ ਵਿਅਕਤੀ ਨੂੰ ਫਾਂਸੀ ਦੀ ਸਜ਼ਾ ਸੁਣਾਈ ਗਈ ਹੈ। ਉਸ ਨੇ ਨੌਕਰ ਦੀ ਪਤਨੀ ਨਾਲ ਨਜਾਇਜ਼ ਸਬੰਧਾਂ 'ਚ ਅੜਿੱਚਣ ਕਾਰਨ ਆਪਣੇ ਪਰਿਵਾਰ ਸਮੇਤ ਨੌਕਰ ਨੂੰ ਮਾਰ ਦਿੱਤਾ ਸੀ। ਇਹ ਘਟਨਾ ਸਾਲ 2015 ਦੀ ਹੈ। ਇਸ ਦੇ ਜ਼ੁਰਮ 'ਚ ਅਟਾਰੀ ਪਿੰਡ ਦੇ ਪਲਵਿੰਦਰ ਸਿੰਘ ਨੂੰ ਅਦਾਲਤ ਨੇ ਫਾਂਸੀ ਦੀ ਸਜ਼ਾ ਸੁਣਾਈ ਹੈ।
ਇਸ ਹੱਤਿਆ ਕਾਂਡ ਦੀ ਸਾਜ਼ਿਸ਼ 'ਚ ਸ਼ਾਮਲ ਨੌਕਰ ਦੀ ਪਤਨੀ ਨੂੰ ਉਮਰ ਕੈਦ ਦੀ ਸਜ਼ਾ ਸੁਣਾਈ ਗਈ ਹੈ। ਪਲਵਿੰਦਰ ਸਿੰਘ ਮੁਕਤਸਰ ਸਾਹਿਬ ਦੇ ਖਾਲਸਾ ਸਕੂਲ 'ਚ ਨੌਕਰੀ ਕਰਦਾ ਸੀ। ਆਪਣੇ ਖੇਤੀ ਦੇ ਕੰਮਕਾਜ ਨੂੰ ਦੇਖਣ ਲਈ ਨਿਰਮਲ ਸਿੰਘ ਤੇ ਉਸ ਦੀ ਪਤਨੀ ਕਰਮਜੀਤ ਕੌਰ ਨੂੰ ਕੰਮ 'ਤੇ ਰੱਖਿਆ ਸੀ। ਨੌਕਰ ਨਿਰਮਲ ਦੀ ਪਤਨੀ ਨਾਲ ਉਸ ਦੇ ਨਜਾਇਜ਼ ਸਬੰਧ ਸਨ। ਇਸ ਕਾਰਨ ਹੀ ਦੋਵਾਂ ਨੇ ਮਿਲ ਕੇ ਚਾਰਾਂ ਨੂੰ ਮਾਰਨ ਦੀ ਸਾਜਿਸ਼ ਰਚੀ ਤਾਂ ਜੋ ਉਨ੍ਹਾਂ ਨੂੰ ਰਾਹ 'ਚੋਂ ਹਟਾਇਆ ਜਾ ਸਕੇ।
ਇਸ ਲਈ ਪਲਵਿੰਦਰ ਸਿੰਘ ਤੇ ਨੌਕਰ ਨਿਰਮਲ ਦੀ ਪਤਨੀ ਕਰਮਜੀਤ ਕੌਰ ਨੇ ਬਹੁਤ ਹੀ ਫਿਲਮੀ ਅੰਦਾਜ਼ 'ਚ ਘਟਨਾ ਨੂੰ ਅੰਜਾਮ ਦਿੱਤਾ। ਉਹ ਆਪਣੀ ਪਤਨੀ, ਬੱਚੇ ਤੇ ਨੌਕਰ ਨਿਰਮਲ ਸਿੰਘ ਨੂੰ ਕਾਰ 'ਚ ਬਿਠਾ ਕੇ ਜੂਨ, 2015 ਨੂੰ ਘੁਮਾਉਣ ਲੈ ਗਿਆ। ਗੰਗਾ ਨਹਿਰ ਕੋਲ ਜਾਕੇ ਜਾਣਬੁੱਧ ਕੇ ਕਾਰ ਨਹਿਰ 'ਚ ਸੁੱਟ ਦਿੱਤੀ ਤੇ ਖੁਦ ਖਿੜਕੀ ਖੋਲ੍ਹ ਕੇ ਬਾਹਰ ਨਿਕਲ ਗਿਆ। ਇਸ ਘਟਨਾ 'ਚ ਪਲਵਿੰਦਰ ਦੀ ਪਤਨੀ, ਬੱਚਿਆਂ ਤੇ ਨੌਕਰ ਦੀ ਮੌਤ ਹੋ ਗਈ।
ਹਿਮਾਲਿਆ 'ਚ ਭਿਆਨਕ ਭੂਚਾਲ ਦਾ ਖਦਸ਼ਾ! ਖੋਜ 'ਚ ਹੋਇਆ ਵੱਡਾ ਖੁਲਾਸਾ
ਇਸ ਕਤਲ ਕਾਂਡ ਤੋਂ ਬਾਅਦ ਜਨਵਰੀ, 2016 ਨੂੰ ਪਲਵਿੰਦਰ ਸਿੰਘ ਤੇ ਕਰਮਜੀਤ ਕੌਰ ਨੇ ਵਿਆਹ ਕਰਵਾ ਲਿਆ। ਪਲਵਿੰਦਰ ਦੀ ਮ੍ਰਿਤਕ ਪਤਨੀ ਦੇ ਭਰਾ ਨੂੰ ਸ਼ੱਕ ਹੋਇਆ ਤਾਂ ਉਸ ਨੇ ਪੁਲਿਸ ਕੋਲ ਸ਼ਿਕਾਇਤ ਦਰਜ ਕਰਵਾਈ ਕਿ ਉਸ ਦੀ ਭੈਣ, ਦੋਵੇਂ ਬੱਚਿਆਂ ਤੇ ਨੌਕਰ ਦਾ ਕਤਲ ਕੀਤਾ ਗਿਆ ਹੈ। ਪੁਲਿਸ ਨੇ ਜਾਂਚ ਸ਼ੁਰੂ ਕਰ ਦਿੱਤੀ ਤੇ ਪਲਵਿੰਦਰ ਤੇ ਕਰਮਜੀਤ ਕੌਰ ਨੂੰ ਗ੍ਰਿਫਤਾਰ ਕਰ ਲਿਆ।
ਪੰਜਾਬ ਦੇ ਅੰਗ-ਸੰਗ (13): ਡਿਜੀਟਲ ਦੌਰ 'ਚ ਵਿਸਰਿਆ ਤੰਦਰੁਸਤੀ ਦਾ ਰਾਜ਼ਪੰਜਾਬੀ 'ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਏਬੀਪੀ ਸਾਂਝਾ ਦੀ ਐਪ ਹੁਣੇ ਕਰੋ ਡਾਊਨਲੋਡ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)