Punjab News: ਪੰਜਾਬ 'ਚ ਨਕਲੀ ਸਰਟੀਫਿਕੇਟ ਨਾਲ ਲਈ ਸਰਕਾਰੀ ਨੌਕਰੀ: PSEB ਦੀ ਜਾਂਚ 'ਚ ਵੱਡਾ ਖੁਲਾਸਾ, ਮੱਚਿਆ ਹੜਕੰਪ
PSEB ਵਾਲਿਆਂ ਦੇ ਹੋਸ਼ ਉੱਡ ਗਏ ਜਦੋਂ ਇੱਕ ਸਰਕਾਰੀ ਨੌਕਰੀ ਪ੍ਰਾਪਤ ਕਰ ਚੁੱਕੇ ਵਿਅਕਤੀ ਦੇ ਸਰਟੀਫਿਕੇਟ ਚੈਕਿੰਗ ਦੇ ਲਈ ਆਏ। ਜਾਂਚ ਦੌਰਾਨ ਪਤਾ ਲੱਗਿਆ ਕਿ ਸਰਟੀਫਿਕੇਟ ਨਕਲੀ ਹੈ।ਇਸ ਤੋਂ ਬਾਅਦ PSEB ਨੇ ਉਸ ਵਿਅਕਤੀ ਨੂੰ ਆਪਣੇ ਰਿਕਾਰਡ ...
Punjab News: ਪੰਜਾਬ ਵਿੱਚ ਨਕਲੀ ਸਰਟੀਫਿਕੇਟ ਰਾਹੀਂ ਸਰਕਾਰੀ ਨੌਕਰੀ ਲੈਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਇਸ ਮਾਮਲੇ ਦਾ ਖੁਲਾਸਾ ਉਸ ਸਮੇਂ ਹੋਇਆ ਜਦੋਂ ਪੰਜਾਬ ਸਕੂਲ ਸਿੱਖਿਆ ਬੋਰਡ (PSEB) ਕਲੋਂ ਵੈਰੀਫਿਕੇਸ਼ਨ ਲਈ ਆਏ ਇੱਕ ਸਰਟੀਫਿਕੇਟ ਦੀ ਜਾਂਚ ਕੀਤੀ ਗਈ। ਦੱਸ ਦਈਏ ਪੰਜਾਬ ਅਰਬਨ ਪਲਾਨਿੰਗ ਐਂਡ ਡਿਵੈਲਪਮੈਂਟ ਅਥਾਰਟੀ (ਪੁੱਡਾ) ਵੱਲੋਂ ਭੇਜੇ ਗਏ ਸਰਟੀਫਿਕੇਟ ਦੀ ਜਾਂਚ ਲਈ PSEB ਨੂੰ ਭੇਜਿਆ ਗਿਆ ਸੀ। ਜਾਂਚ ਦੌਰਾਨ ਪਤਾ ਲੱਗਿਆ ਕਿ ਸਰਟੀਫਿਕੇਟ ਨਕਲੀ ਹੈ।
ਇਸ ਤੋਂ ਬਾਅਦ PSEB ਨੇ ਉਸ ਵਿਅਕਤੀ ਨੂੰ ਆਪਣੇ ਰਿਕਾਰਡ 'ਚ ਬਲੈਕਲਿਸਟ ਕਰ ਦਿੱਤਾ ਹੈ। ਨਾਲ ਹੀ, ਇਸ ਮਾਮਲੇ ਵਿੱਚ ਅੱਗੇ ਦੀ ਕਾਰਵਾਈ ਲਈ ਪੁੱਡਾ ਨੂੰ ਚਿੱਠੀ ਵੀ ਭੇਜੀ ਗਈ ਹੈ। ਹੁਣ ਅੱਗੇ ਦੀ ਕਾਰਵਾਈ ਪੁੱਡਾ ਵੱਲੋਂ ਕੀਤੀ ਜਾਵੇਗੀ।
ਵੇਰਿਫਿਕੇਸ਼ਨ ਵਿੱਚ ਨਿਕਲਿਆ ਨਰੇਂਦਰ ਦਾ ਸਰਟੀਫਿਕੇਟ
ਜਾਣਕਾਰੀ ਮੁਤਾਬਕ, ਪੁੱਡਾ ਵੱਲੋਂ ਪੰਜਾਬ ਸਕੂਲ ਸਿੱਖਿਆ ਬੋਰਡ (PSEB) ਵਿੱਚ ਅੰਮ੍ਰਿਤਸਰ ਦੇ ਸਰਕਾਰੀ ਹਾਈ ਸਕੂਲ ਵੇਰਕਾ ਲਈ ਜਾਰੀ ਕੀਤਾ ਗਿਆ ਇੱਕ ਸਰਟੀਫਿਕੇਟ ਭੇਜਿਆ ਗਿਆ ਸੀ। ਇਹ ਸਰਟੀਫਿਕੇਟ ਅੱਠਵੀਂ ਜਮਾਤ ਦਾ ਸੀ, ਜੋ ਕਿ ਸਾਲ 2001 ਦਾ ਬਣਾਇਆ ਹੋਇਆ ਸੀ। ਜਦੋਂ ਇਸ ਸਰਟੀਫਿਕੇਟ ਦੀ ਜਾਂਚ ਹੋਈ, ਤਾਂ ਪਤਾ ਲੱਗਾ ਕਿ ਇਹ ਸਰਟੀਫਿਕੇਟ ਅੰਮ੍ਰਿਤਸਰ ਜ਼ਿਲ੍ਹੇ ਦੇ ਨਰੇਂਦਰ ਕੁਮਾਰ ਨੂੰ ਜਾਰੀ ਹੋਇਆ ਸੀ। ਉਸਨੇ 282 ਅੰਕ ਲੈ ਕੇ ਇਮਤਿਹਾਨ ਪਾਸ ਕੀਤਾ ਸੀ।
ਜਦਕਿ ਸਰਟੀਫਿਕੇਟ 'ਚ ਲਿਖਿਆ ਹੋਇਆ ਨਾਂ "ਗੋਬਿੰਦ" ਕਿਸੇ ਵੀ ਰਿਕਾਰਡ 'ਚ ਮੌਜੂਦ ਨਹੀਂ ਸੀ। ਇਸ ਤੋਂ ਬਾਅਦ ਬੋਰਡ ਨੇ ਇਸਨੂੰ ਆਪਣੇ ਰਿਕਾਰਡ ਵਿੱਚ ਬਲੈਕ ਲਿਸਟ ਕਰ ਦਿੱਤਾ।
1,800 ਸਰਟੀਫਿਕੇਟ ਵੈਰੀਫਿਕੇਸ਼ਨ ਲਈ ਆਉਂਦੇ ਹਨ
ਇਹ ਪਹਿਲਾ ਮਾਮਲਾ ਨਹੀਂ ਹੈ ਜਦੋਂ PSEB ਵਿੱਚ ਨਕਲੀ ਸਰਟੀਫਿਕੇਟ ਸਾਹਮਣੇ ਆਏ ਹਨ। ਇਸ ਤਰ੍ਹਾਂ ਦੇ ਮਾਮਲੇ ਪਹਿਲ਼ਾਂ ਵੀ ਆ ਚੁੱਕੇ ਹਨ। ਲੋਕ PSEB ਦੇ ਨਕਲੀ ਸਰਟੀਫਿਕੇਟ ਲੈ ਕੇ ਭਾਰਤੀ ਫੌਜ, ਰੇਲਵੇ, ਪਾਸਪੋਰਟ ਦਫਤਰ, ਪਣਬੱਸ, ਪਟਿਆਲਾ ਯੂਨੀਵਰਸਿਟੀ ਅਤੇ ਪੰਜਾਬ ਪੁਲਿਸ ਵਿੱਚ ਨੌਕਰੀਆਂ ਹਾਸਲ ਕਰ ਚੁੱਕੇ ਹਨ। ਵੈਰੀਫਿਕੇਸ਼ਨ ਦੌਰਾਨ ਜਦੋਂ ਇਹ ਧੋਖਾਧੜੀ ਸਾਹਮਣੇ ਆਈ, ਤਾਂ ਸੰਬੰਧਤ ਸੰਸਥਾਵਾਂ ਨੇ ਅਜਿਹੇ ਲੋਕਾਂ ਖ਼ਿਲਾਫ਼ ਐਫ.ਆਈ.ਆਰ. (FIR) ਦਰਜ ਕਰਵਾਈ।
ਇਸ ਧੋਖੇਬਾਜ਼ੀ ਵਿੱਚ ਸਿਰਫ਼ ਲੜਕੇ ਹੀ ਨਹੀਂ, ਲੜਕੀਆਂ ਵੀ ਅੱਗੇ ਰਹੀਆਂ ਹਨ। PSEB ਵਿੱਚ ਹਰ ਮਹੀਨੇ ਕਰੀਬ 1,800 ਸਰਟੀਫਿਕੇਟ ਵੈਰੀਫਿਕੇਸ਼ਨ ਲਈ ਵੱਖ-ਵੱਖ ਸਰਕਾਰੀ ਵਿਭਾਗਾਂ ਤੋਂ ਆਉਂਦੇ ਹਨ। ਜਦਕਿ ਹਰ ਸਾਲ ਦਸਵੀਂ ਅਤੇ ਬਾਰਵੀਂ ਕਲਾਸ ਵਿੱਚ ਲਗਭਗ ਸੱਤ ਲੱਖ ਵਿਦਿਆਰਥੀ ਇਮਤਿਹਾਨਾਂ ਵਿੱਚ ਸ਼ਾਮਲ ਹੁੰਦੇ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
