Punjab News: ਹਸਪਤਾਲਾਂ 'ਚ ਵੱਧਦੀ ਜਾ ਰਹੀ ਮਰੀਜ਼ਾਂ ਦੀ ਭੀੜ, ਸਿਹਤ ਵਿਭਾਗ ਨੇ ਜਾਰੀ ਕੀਤੀ ਚੇਤਾਵਨੀ, ਇੰਝ ਰਹੋ ਸਾਵਧਾਨ
ਇਸ ਸਮੇਂ ਸੂਬੇ ਦੇ ਵਿੱਚ ਲੋਕ ਵੱਡੀ ਗਿਣਤੀ ਦੇ ਵਿੱਚ ਡੇਂਗੂ ਵਰਗੀ ਬਿਮਾਰੀਆਂ ਦਾ ਸ਼ਿਕਾਰ ਹੋ ਰਹੇ ਹਨ। ਜੇਕਰ ਗੱਲ ਕਰੀਏ ਜਲਾਲਾਬਾਦ ਸ਼ਹਿਰ ਦੀ ਤਾਂ ਇੱਥੇ ਮੱਛਰਾਂ ਦਾ ਤੂਫ਼ਾਨ ਤੇਜ਼ੀ ਨਾਲ ਵੱਧ ਰਿਹਾ ਹੈ, ਜਿਸ ਕਾਰਨ ਡੇਂਗੂ ਮਰੀਜ਼ਾਂ ਦੀ ਗਿਣਤੀ..
ਇਸ ਸਮੇਂ ਸੂਬੇ ਦੇ ਵਿੱਚ ਲੋਕ ਵੱਡੀ ਗਿਣਤੀ ਦੇ ਵਿੱਚ ਡੇਂਗੂ ਵਰਗੀ ਬਿਮਾਰੀਆਂ ਦਾ ਸ਼ਿਕਾਰ ਹੋ ਰਹੇ ਹਨ। ਜੇਕਰ ਗੱਲ ਕਰੀਏ ਜਲਾਲਾਬਾਦ ਸ਼ਹਿਰ ਦੀ ਤਾਂ ਇੱਥੇ ਮੱਛਰਾਂ ਦਾ ਤੂਫ਼ਾਨ ਤੇਜ਼ੀ ਨਾਲ ਵੱਧ ਰਿਹਾ ਹੈ, ਜਿਸ ਕਾਰਨ ਡੇਂਗੂ ਮਰੀਜ਼ਾਂ ਦੀ ਗਿਣਤੀ ਵਿੱਚ ਅਚਾਨਕ ਵਾਧਾ ਦੇਖਣ ਨੂੰ ਮਿਲ ਰਿਹਾ ਹੈ। ਪਿਛਲੇ ਦੋ ਹਫ਼ਤਿਆਂ ਵਿੱਚ ਸ਼ਹਿਰ ਦੇ ਵੱਖ-ਵੱਖ ਇਲਾਕਿਆਂ ਵਿੱਚ ਡੇਂਗੂ ਦੇ ਕੇਸ ਲਗਾਤਾਰ ਵਧ ਰਹੇ ਹਨ। ਹਰ ਗਲੀ-ਮੋਹੱਲੇ ਵਿੱਚ ਲੋਕ ਬੁਖਾਰ, ਸਰੀਰ ਦਰਦ ਅਤੇ ਪਲੇਟਲੇਟਸ ਦੀ ਘਾਟ ਵਰਗੀਆਂ ਸ਼ਿਕਾਇਤਾਂ ਨਾਲ ਪਰੇਸ਼ਾਨ ਹਨ।
ਦਿਲਚਸਪ ਗੱਲ ਇਹ ਹੈ ਕਿ ਸਰਕਾਰੀ ਹਸਪਤਾਲ ਵਿੱਚ ਹੁਣ ਤੱਕ ਡੇਂਗੂ ਦਾ ਕੋਈ ਵੀ ਮਰੀਜ਼ ਰਿਪੋਰਟ ਨਹੀਂ ਹੋਇਆ। ਇਸਦੀ ਪੁਸ਼ਟੀ ਕਾਰਜਕਾਰੀ ਐੱਸ.ਐੱਮ.ਓ. ਡਾ. ਸੁਮਨਦੀਪ ਨੇ ਕੀਤੀ। ਉਨ੍ਹਾਂ ਦੱਸਿਆ ਕਿ ਜੇ ਕੋਈ ਵੀ ਮਰੀਜ਼ ਡੇਂਗੂ ਪਾਜ਼ਿਟਿਵ ਆਉਂਦਾ ਹੈ ਤਾਂ ਉਸਨੂੰ ਚੰਗਾ ਇਲਾਜ ਮੁਹੱਈਆ ਕਰਵਾਇਆ ਜਾਵੇਗਾ।
ਨਿੱਜੀ ਹਸਪਤਾਲਾਂ ਵਿੱਚ ਭੀੜ ਵਧੀ, ਪਲੇਟਲੇਟਸ ਦੀ ਮੰਗ ਵਿੱਚ ਤੇਜ਼ੀ
ਸ਼ਹਿਰ ਵਿੱਚ ਲੋਕ ਸਰਕਾਰੀ ਹਸਪਤਾਲ ਦੀ ਸੀਮਿਤ ਸੁਵਿਧਾਵਾਂ ਦੇ ਕਾਰਨ ਨਿੱਜੀ ਹਸਪਤਾਲਾਂ ਦੀ ਵੱਲ ਰੁਖ ਕਰ ਰਹੇ ਹਨ। ਕਈ ਨਿੱਜੀ ਹਸਪਤਾਲਾਂ ਵਿੱਚ ਮਰੀਜ਼ਾਂ ਦੀ ਗਿਣਤੀ ਇੰਨੀ ਵਧ ਗਈ ਹੈ ਕਿ ਬਲੱਡ ਬੈਂਕਾਂ ਵਿੱਚ ਪਲੇਟਲੇਟਸ ਦੀ ਭਾਰੀ ਮੰਗ ਹੋ ਗਈ ਹੈ।
ਨਗਰ ਪਰਿਸਦ ਦੀ ਫੌਗਿੰਗ ਮੁਹਿੰਮ ਰਹੀ ਨਾਕਾਫ਼ੀ
ਨਗਰ ਪਰਿਸਦ ਵੱਲੋਂ ਫੌਗਿੰਗ ਕੀਤੀ ਜਾ ਰਹੀ ਹੈ, ਪਰ ਇਹ ਸਿਰਫ ਕੁਝ ਇਲਾਕਿਆਂ ਤੱਕ ਸੀਮਤ ਹੈ। ਵੱਧਤਰ ਜਗ੍ਹਾ ਫੌਗਿੰਗ ਸ਼ਾਮ ਨੂੰ ਕੀਤੀ ਜਾਂਦੀ ਹੈ, ਜਿਸ ਕਾਰਨ ਮੱਛਰਾਂ 'ਤੇ ਇਸਦਾ ਪ੍ਰਭਾਵ ਘੱਟ ਹੁੰਦਾ ਹੈ। ਲੋਕਾਂ ਦਾ ਕਹਿਣਾ ਹੈ ਕਿ ਫੌਗਿੰਗ ਰਾਤ ਵਿੱਚ ਹੋਣੀ ਚਾਹੀਦੀ ਹੈ, ਜਦੋਂ ਮੱਛਰ ਸਭ ਤੋਂ ਜ਼ਿਆਦਾ ਸਰਗਰਮ ਹੁੰਦੇ ਹਨ।
ਸ਼ਹਿਰਵਾਸੀਆਂ ਨੇ ਦੋਸ਼ ਲਾਇਆ ਕਿ ਨਗਰ ਪਰਿਸਦ ਸਿਰਫ ਦਿਖਾਵੇ ਲਈ ਛਿੜਕਾਅ ਕਰ ਰਹੀ ਹੈ। ਦੋ ਮਿੰਟ ਫੌਗਿੰਗ ਕਰਕੇ ਅੱਗੇ ਚਲੀ ਜਾਂਦੀ ਹੈ। ਨਾਲਿਆਂ ਦੀ ਸਫਾਈ ਨਹੀਂ ਹੋ ਰਹੀ ਅਤੇ ਨਾ ਹੀ ਦਵਾਈ ਦਾ ਛਿੜਕਾਅ ਢੰਗ ਨਾਲ ਕੀਤਾ ਜਾ ਰਿਹਾ ਹੈ।
ਸਿਹਤ ਵਿਭਾਗ ਦੀ ਚੇਤਾਵਨੀ
ਸਿਹਤ ਵਿਭਾਗ ਦੇ ਅਧਿਕਾਰੀਆਂ ਦੇ ਅਨੁਸਾਰ ਡੇਂਗੂ ਐਡੀਜ਼ ਏਜਿਪਟੀ ਪ੍ਰਜਾਤੀ ਦੇ ਮਾਦਾ ਮੱਛਰ ਦੇ ਕੱਟਣ ਨਾਲ ਫੈਲਦਾ ਹੈ, ਜੋ ਸਿਰਫ ਸਾਫ਼ ਪਾਣੀ ਵਿੱਚ ਪ੍ਰਜਨਨ ਕਰਦਾ ਹੈ। ਘਰਾਂ ਦੀਆਂ ਛੱਤਾਂ, ਗਮਲੇ, ਪਾਣੀ ਦੀਆਂ ਟੈਂਕੀਆਂ, ਕੁਲਰ ਅਤੇ ਖੁੱਲੇ ਬਰਤਨਾਂ ਵਿੱਚ ਇਕੱਠਾ ਪਾਣੀ ਇਸ ਲਈ ਸਭ ਤੋਂ ਉੱਚਿਤ ਥਾਂ ਬਣ ਜਾਂਦਾ ਹੈ।
ਜ਼ਿਲ੍ਹਾ ਸਿਹਤ ਅਧਿਕਾਰੀ ਨੇ ਕਿਹਾ ਕਿ ਲੋਕਾਂ ਨੂੰ ਹਫਤੇ ਵਿੱਚ ਇੱਕ ਵਾਰੀ ਆਪਣੇ ਘਰਾਂ ਅਤੇ ਆਸ-ਪਾਸ ਦੀਆਂ ਜਗ੍ਹਾ ਦੀ ਜਾਂਚ ਕਰਨੀ ਚਾਹੀਦੀ ਹੈ। ਜਿੱਥੇ ਵੀ ਪਾਣੀ ਇਕੱਠਾ ਮਿਲੇ, ਉਸਨੂੰ ਤੁਰੰਤ ਸਾਫ਼ ਕਰੋ। ਉਨ੍ਹਾਂ ਨੇ ਇਹ ਵੀ ਦੱਸਿਆ ਕਿ ਮਰੀਜ਼ਾਂ ਨੂੰ ਖੁਦ ਦਵਾਈ ਲੈਣ ਦੀ ਬਜਾਏ ਡਾਕਟਰ ਦੀ ਸਲਾਹ 'ਤੇ ਹੀ ਇਲਾਜ ਕਰਨਾ ਚਾਹੀਦਾ ਹੈ, ਕਿਉਂਕਿ ਗਲਤ ਦਵਾਈ ਸਥਿਤੀ ਨੂੰ ਹੋਰ ਗੰਭੀਰ ਬਣਾ ਸਕਦੀ ਹੈ।
ਸ਼ਹਿਰਵਾਸੀਆਂ ਦੀ ਮੰਗ – ਪ੍ਰਸ਼ਾਸਨ ਕਰੇ ਸਖਤ ਕਾਰਵਾਈ
ਸਮਾਜ ਸੇਵੀਆਂ ਅਤੇ ਵਪਾਰੀ ਨੇ ਚੇਤਾਵਨੀ ਦਿੱਤੀ ਹੈ ਕਿ ਜੇ ਆਉਣ ਵਾਲੇ ਦਿਨਾਂ ਵਿੱਚ ਮੱਛਰਾਂ ਦੇ ਖ਼ਤਮ ਕਰਨ ਲਈ ਠੋਸ ਕਦਮ ਨਹੀਂ ਚੁੱਕੇ ਗਏ, ਤਾਂ ਉਹ ਵੱਡਾ ਰੋਸ ਪ੍ਰਦਰਸ਼ਨ ਕਰਨਗੇ। ਉਨ੍ਹਾਂ ਕਿਹਾ ਕਿ ਫੌਗਿੰਗ ਦੇ ਨਾਲ-ਨਾਲ ਨਗਰ ਪਰਿਸਦ ਨੂੰ ਹਰ ਵਾਰਡ ਵਿੱਚ ਸਫਾਈ ਅਤੇ ਕੀਟਾਣੁਨਾਸ਼ਨ ਟੀਮਾਂ ਤੈਨਾਤ ਕਰਨੀ ਚਾਹੀਦੀ ਹੈ, ਜੋ ਨਾਲੀਆਂ ਦੀ ਸਫਾਈ ਕਰੇ ਅਤੇ ਜਿੱਥੇ ਵੀ ਪਾਣੀ ਇਕੱਠਾ ਹੋਵੇ, ਉਥੇ ਮੱਛਰ ਰੋਧੀ ਦਵਾਈ ਛਿੜਕਣ।
ਜਾਗਰੂਕਤਾ ਲਈ ਸੁਨੇਹਾ – ਡੇਂਗੂ ਤੋਂ ਬਚਾਅ = ਸੁਰੱਖਿਆ
ਘਰ ਦੇ ਅੰਦਰ ਅਤੇ ਬਾਹਰ ਪਾਣੀ ਇਕੱਠਾ ਨਾ ਹੋਣ ਦੇਵੋ।
ਕੁਲਰ, ਬਾਲਟੀ ਅਤੇ ਗਮਲਿਆਂ ਦਾ ਪਾਣੀ ਹਰ ਤਿੰਨ ਦਿਨ ਵਿੱਚ ਬਦਲੋ।
ਪੂਰੀ ਬਾਂਹ ਵਾਲੇ ਕਪੜੇ ਪਹਿਨੋ।
ਮੱਛਰਦਾਨੀ ਅਤੇ ਰਿਪੇਲੈਂਟ ਕ੍ਰੀਮ ਦਾ ਉਪਯੋਗ ਕਰੋ।
ਬੁਖਾਰ ਹੋਣ ‘ਤੇ ਤੁਰੰਤ ਬਲੱਡ ਟੈਸਟ ਕਰਵਾਓ ਅਤੇ ਡਾਕਟਰ ਦੀ ਸਲਾਹ ਲਓ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
