ਪੰਜਾਬ ਕਾਂਗਰਸ ‘ਚ ਬਗਾਵਤ; ਸਮਾਣਾ ਮੀਟਿੰਗ ਦੌਰਾਨ ਨੇਤਾ ਆਪਸ ‘ਚ ਭਿੜੇ; ਇਸ ਗੱਲ ਨੂੰ ਲੈ ਕੇ ਮੱਚਿਆ ਬਵਾਲ
ਪੰਜਾਬ ਕਾਂਗਰਸ ਵਿੱਚ ਕੁਝ ਠੀਕ ਨਹੀਂ ਚੱਲ ਰਿਹਾ, ਇਹ ਗੱਲਾਂ ਪਿਛਲੇ ਕੁੱਝ ਸਮੇਂ ਤੋਂ ਉੱਡ ਰਹੀਆਂ ਹਨ। ਇੱਕ ਪਾਸੇ, ਪਟਿਆਲਾ ਜ਼ਿਲ੍ਹੇ ਦੇ ਸਮਾਣਾ ਵਿੱਚ ਵੀਰਵਾਰ ਨੂੰ ਕਾਂਗਰਸ ਦੀ ਸੀਨੀਅਰ ਲੀਡਰਸ਼ਿਪ ਦੇ ਸਾਹਮਣੇ ਸਥਾਨਕ ਨੇਤਾ ਆਪਸ ਵਿੱਚ ਉਲਝ ਗਏ
ਪੰਜਾਬ ਕਾਂਗਰਸ ਵਿੱਚ ਕੁਝ ਠੀਕ ਨਹੀਂ ਚੱਲ ਰਿਹਾ, ਇਹ ਗੱਲਾਂ ਪਿਛਲੇ ਕੁੱਝ ਸਮੇਂ ਤੋਂ ਉੱਡ ਰਹੀਆਂ ਹਨ। ਇੱਕ ਪਾਸੇ, ਪਟਿਆਲਾ ਜ਼ਿਲ੍ਹੇ ਦੇ ਸਮਾਣਾ ਵਿੱਚ ਵੀਰਵਾਰ ਨੂੰ ਕਾਂਗਰਸ ਦੀ ਸੀਨੀਅਰ ਲੀਡਰਸ਼ਿਪ ਦੇ ਸਾਹਮਣੇ ਸਥਾਨਕ ਨੇਤਾ ਆਪਸ ਵਿੱਚ ਉਲਝ ਗਏ। ਇਸ ਸਮੇਂ ਪਾਰਟੀ ਦੇ ਸਹ-ਪ੍ਰਭਾਰੀ ਉੱਤਮ ਰਾਵ ਡਾਲਵੀ ਮੰਚ ‘ਤੇ ਸਨ, ਜਦਕਿ ਫਿਰੋਜ਼ਪੁਰ ਕਾਂਗਰਸ ਦੇ ਪ੍ਰਧਾਨ ਅਤੇ ਜੀਰਾ ਦੇ ਸਾਬਕਾ ਵਿਧਾਇਕ ਕੁਲਬੀਰ ਸਿੰਘ ਜ਼ੀਰਾ ਨੇ ਕਪੂਰਥਲਾ ਦੇ ਵਿਧਾਇਕ ਰਾਣਾ ਗੁਰਜੀਤ ਸਿੰਘ ’ਤੇ ਤਿੱਖਾ ਹਮਲਾ ਕਰਦੇ ਹੋਏ ਉਨ੍ਹਾਂ ਦੀ ਤੁਲਨਾ ਰਾਵਣ ਨਾਲ ਕਰ ਦਿੱਤੀ।
ਰਾਣਾ ਅਤੇ ਰਾਵਣ ਵਿੱਚ ਜ਼ਿਆਦਾ ਫ਼ਰਕ ਨਹੀਂ ਦਿਸਦਾ-ਜ਼ੀਰਾ
ਜ਼ੀਰਾ ਦਾ ਕਹਿਣਾ ਹੈ ਕਿ ਉਹਨਾਂ ਨੂੰ ਰਾਣਾ ਅਤੇ ਰਾਵਣ ਵਿੱਚ ਜ਼ਿਆਦਾ ਫ਼ਰਕ ਨਹੀਂ ਦਿਸਦਾ। ਹਾਲਾਂਕਿ, ਇਸ ਮਾਮਲੇ ’ਤੇ ਅਜੇ ਤੱਕ ਰਾਣਾ ਵੱਲੋਂ ਕੋਈ ਪ੍ਰਤੀਕ੍ਰਿਆ ਸਾਹਮਣੇ ਨਹੀਂ ਆਈ। ਇਸਦੇ ਨਾਲ ਹੀ ਚਰਚਾ ਹੈ ਕਿ ਅਗਲੇ ਹਫ਼ਤੇ ਦਿੱਲੀ ਵਿੱਚ ਪੰਜਾਬ ਨੂੰ ਲੈ ਕੇ ਇੱਕ ਮੀਟਿੰਗ ਹੋਵੇਗੀ, ਜਿਸ ਵਿੱਚ ਆਬਜ਼ਰਵਰ ਸ਼ਾਮਲ ਹੋਣਗੇ।
ਅੱਠ ਸੈਕਿੰਡ ਦੀ ਕਲਿੱਪ ਤੋਂ ਸ਼ੁਰੂ ਹੋਇਆ ਵਿਵਾਦ
ਦਰਅਸਲ, ਇਸ ਵਿਵਾਦ ਦੀ ਅਸਲੀ ਵਜ੍ਹਾ ਇੱਕ ਯੂਟਿਊਬ ਚੈਨਲ ਨੂੰ ਦਿੱਤਾ ਗਿਆ ਇੰਟਰਵਿਊ ਹੈ। ਇੰਟਰਵਿਊ ਦੌਰਾਨ ਅੱਠ ਸੈਕਿੰਡ ਦੀ ਇੱਕ ਕਲਿੱਪ ਵਿੱਚ ਰਾਣਾ ਨੇ ਕਿਹਾ, “ਮੈਂ ਤਾਂ ਇੱਕ ਗੱਲ ਜਾਣਦਾ ਹਾਂ, ਜਿਨ੍ਹਾਂ ਨੇ ਮੇਰੇ ਨਾਲ ਪੰਗਾ ਲਿਆ, ਉਹ ਹੈ ਨਹੀਂ।” ਇਸ ‘ਤੇ ਐਂਕਰ ਨੇ ਸਵਾਲ ਕੀਤਾ ਕਿ “ਚਾਹੇ ਉਹ ਰਾਜਨੀਤੀ ਵਿੱਚ ਹੋ ਜਾਂ ਫਿਰ ਹੋਰ ਕਿਸੇ ਖੇਤਰ ਵਿੱਚ?”
ਇਹੀ ਕਲਿੱਪ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਗਈ। ਇਸ ਤੋਂ ਬਾਅਦ ਜ਼ੀਰਾ ਵੱਲੋਂ ਪ੍ਰਤੀਕਿਰਿਆ ਦਿੱਤੀ ਗਈ ਤੇ ਕਿਹਾ, “ਰਾਵਣ ਨੂੰ ਵੀ ਚਾਰੋਂ ਵੇਦਾਂ ਦਾ ਗਿਆਨ ਸੀ, ਉਸ ਤੋਂ ਵੱਡਾ ਬੁੱਧੀਜੀਵੀ ਕੋਈ ਨਹੀਂ ਸੀ। ਪਰ ਉਸਦਾ ਹੰਕਾਰ ਹੀ ਉਸਨੂੰ ਲੈ ਕੇ ਬੈਠਿਆ। ਮੈਨੂੰ ਰਾਣਾ ਜੀ ਅਤੇ ਰਾਵਣ ਵਿੱਚ ਜ਼ਿਆਦਾ ਫ਼ਰਕ ਨਹੀਂ ਲੱਗਦਾ।”
ਰਾਣਾ ਨੇ ਹੀ ਸੰਭਾਲੀ ਸੀ ਜੀਰਾ ਦੀ ਚੋਣੀ ਕਮਾਨ
ਰਾਣਾ ਅਤੇ ਕੁਲਬੀਰ ਸਿੰਘ ਜ਼ੀਰਾ ਪਹਿਲਾਂ ਕਾਫ਼ੀ ਨੇੜੇ ਮੰਨੇ ਜਾਂਦੇ ਸਨ। ਜਦੋਂ 2024 ਵਿੱਚ ਜੀਰਾ ਨੇ ਖਡੂਰ ਸਾਹਿਬ ਤੋਂ ਅੰਮ੍ਰਿਤਪਾਲ ਸਿੰਘ ਦੇ ਖ਼ਿਲਾਫ਼ ਲੋਕਸਭਾ ਚੋਣ ਲੜੀ, ਤਾਂ ਰਾਣਾ ਨੇ ਦਾਅਵਾ ਕੀਤਾ ਸੀ ਕਿ ਟਿਕਟ ਮਿਲਣ ਵਿੱਚ ਉਨ੍ਹਾਂ ਦੀ ਵੱਡੀ ਭੂਮਿਕਾ ਰਹੀ। ਇੰਨਾ ਹੀ ਨਹੀਂ, ਰਾਣਾ ਨੇ ਖੁਦ ਜ਼ੀਰਾ ਦੇ ਪ੍ਰਚਾਰ ਦੀ ਕਮਾਨ ਵੀ ਸੰਭਾਲੀ ਸੀ। ਹਾਲਾਂਕਿ, ਜ਼ੀਰਾ ਇਹ ਚੋਣ ਨਹੀਂ ਜਿੱਤ ਸਕੇ। ਪਰ ਮੌਜੂਦਾ ਵਿਵਾਦ ਦੀ ਅਸਲੀ ਵਜ੍ਹਾ ਅਜੇ ਤੱਕ ਸਪਸ਼ਟ ਨਹੀਂ ਹੋ ਸਕੀ।
AAP ਦੀ ਲਹਿਰ ਦੇ ਬਾਵਜੂਦ ਜਿੱਤੇ ਸਨ ਪਿਤਾ-ਪੁੱਤਰ
ਰਾਣਾ ਗੁਰਜੀਤ ਸਿੰਘ ਕਾਂਗਰਸ ਵਿੱਚ ਮਜ਼ਬੂਤ ਸਥਿਤੀ ਰੱਖਦੇ ਹਨ। 2022 ਦੀ ਵਿਧਾਨ ਸਭਾ ਚੋਣ ਵਿੱਚ, ਜਦੋਂ ਆਮ ਆਦਮੀ ਪਾਰਟੀ ਨੇ 92 ਸੀਟਾਂ ਜਿੱਤੀਆਂ, ਉਸ ਵੇਲੇ ਵੀ ਰਾਣਾ ਕਪੂਰਥਲਾ ਤੋਂ 8,000 ਵੋਟਾਂ ਨਾਲ ਜਿੱਤਣ ਵਿੱਚ ਕਾਮਯਾਬ ਰਹੇ। ਉਨ੍ਹਾਂ ਨੂੰ 44,096 ਵੋਟ ਮਿਲੇ, ਜਦਕਿ AAP ਉਮੀਦਵਾਰ ਮੰਜੂ ਰਾਣਾ ਨੂੰ 36,792 ਵੋਟ ਮਿਲੇ।
ਉਨ੍ਹਾਂ ਦੇ ਪੁੱਤਰ ਰਾਣਾ ਇੰਦਰਪ੍ਰਤਾਪ ਸਿੰਘ ਨੂੰ ਕਾਂਗਰਸ ਨੇ ਸੁਲਤਾਨਪੁਰ ਲੋਧੀ ਤੋਂ ਟਿਕਟ ਨਹੀਂ ਦਿੱਤਾ। ਇਸ ਤੋਂ ਬਾਅਦ ਉਹ ਆਜ਼ਾਦ ਉਮੀਦਵਾਰ ਵਜੋਂ ਚੋਣ ਲੜੇ ਅਤੇ ਜਿੱਤ ਗਏ। ਕਾਂਗਰਸ ਦੇ ਨੇਤਾ ਨਵਤੇਜ ਸਿੰਘ ਚੀਮਾ ਇਸ ਸੀਟ ‘ਤੇ ਚੌਥੇ ਸਥਾਨ ‘ਤੇ ਰਹੇ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
