![ABP Premium](https://cdn.abplive.com/imagebank/Premium-ad-Icon.png)
Coronavirus: ਦੱਖਣੀ ਅਫਰੀਕਾ ਤੋਂ ਪਰਤੀ ਔਰਤ ਨੇ ਚੰਡੀਗੜ੍ਹ 'ਚ ਤੋੜਿਆ ਕੁਆਰੰਟੀਨ ਨਿਯਮ, ਹੋਵੇਗੀ ਸਖ਼ਤ ਕਾਰਵਾਈ
ਦੱਖਣੀ ਅਫਰੀਕਾ ਤੋਂ ਪਰਤਣ ਤੋਂ ਬਾਅਦ ਔਰਤ ਦਸੰਬਰ ਨੂੰ ਸੈਕਟਰ 48-ਬੀ ਸਥਿਤ ਇੱਕ ਹਾਊਸਿੰਗ ਸੁਸਾਇਟੀ ਵਿਚ ਪਹੁੰਚੀ। ਇਸ 'ਚ ਕਿਹਾ ਗਿਆ ਹੈ ਕਿ 2 ਦਸੰਬਰ ਨੂੰ ਉਹ ਕੁਆਰੰਟੀਨ ਹੋਣ ਦੇ ਨਿਯਮ ਨੂੰ ਤੋੜ ਕੇ ਸ਼ਾਮ ਨੂੰ ਇੱਕ ਫਾਈਵ ਸਟਾਰ ਹੋਟਲ 'ਚ ਗਈ।
![Coronavirus: ਦੱਖਣੀ ਅਫਰੀਕਾ ਤੋਂ ਪਰਤੀ ਔਰਤ ਨੇ ਚੰਡੀਗੜ੍ਹ 'ਚ ਤੋੜਿਆ ਕੁਆਰੰਟੀਨ ਨਿਯਮ, ਹੋਵੇਗੀ ਸਖ਼ਤ ਕਾਰਵਾਈ Woman breaks quarantine after return from South Africa booked in chandigarh Coronavirus: ਦੱਖਣੀ ਅਫਰੀਕਾ ਤੋਂ ਪਰਤੀ ਔਰਤ ਨੇ ਚੰਡੀਗੜ੍ਹ 'ਚ ਤੋੜਿਆ ਕੁਆਰੰਟੀਨ ਨਿਯਮ, ਹੋਵੇਗੀ ਸਖ਼ਤ ਕਾਰਵਾਈ](https://feeds.abplive.com/onecms/images/uploaded-images/2021/12/04/18478e3111dfc71eb7357e9b3cbd5206_original.jpeg?impolicy=abp_cdn&imwidth=1200&height=675)
ਚੰਡੀਗੜ੍ਹ: ਦੋ ਦਿਨ ਪਹਿਲਾਂ ਦੱਖਣੀ ਅਫ਼ਰੀਕਾ ਤੋਂ ਚੰਡੀਗੜ੍ਹ ਪਰਤੀ ਇੱਕ ਔਰਤ ਕਥਿਤ ਤੌਰ 'ਤੇ ਘਰੇਲੂ ਕੁਆਰੰਟੀਨ ਦੇ ਨਿਯਮਾਂ ਨੂੰ ਤੋੜ ਕੇ ਇੱਕ ਫਾਈਵ ਸਟਾਰ ਹੋਟਲ ਵਿੱਚ ਚਲੀ ਗਈ। ਇਸ ਤੋਂ ਬਾਅਦ, ਪ੍ਰਸ਼ਾਸਨ ਨੇ ਸ਼ੁੱਕਰਵਾਰ ਨੂੰ ਕੋਵਿਡ ਪ੍ਰੋਟੋਕੋਲ ਨੂੰ ਤੋੜਨ ਲਈ ਯਾਤਰੀਆਂ, ਖਾਸ ਤੌਰ 'ਤੇ 'ਜੋਖਮ' ਵਾਲੇ ਦੇਸ਼ਾਂ ਤੋਂ ਆਉਣ ਵਾਲੇ ਯਾਤਰੀਆਂ ਵਿਰੁੱਧ ਸਖ਼ਤ ਕਾਰਵਾਈ ਦੇ ਹੁਕਮ ਦਿੱਤੇ ਹਨ। ਔਰਤ ਖਿਲਾਫ ਮਾਮਲਾ ਦਰਜ ਕਰ ਲਿਆ ਗਿਆ ਹੈ।
ਕੇਂਦਰ ਸਰਕਾਰ ਨੇ ਉਨ੍ਹਾਂ ਦੇਸ਼ਾਂ ਨੂੰ 'ਜੋਖਮ' ਸੂਚੀ ਵਿੱਚ ਰੱਖਿਆ ਹੈ ਜਿੱਥੇ ਕੋਵਿਡ 'ਓਮਾਈਕਰੋਨ' ਦਾ ਨਵਾਂ ਰੂਪ ਸਾਹਮਣੇ ਆਇਆ ਹੈ ਅਤੇ ਉਨ੍ਹਾਂ ਲਈ ਸਖ਼ਤ ਦਿਸ਼ਾ-ਨਿਰਦੇਸ਼ ਜਾਰੀ ਕੀਤੇ ਹਨ।
ਅਧਿਕਾਰਤ ਹੁਕਮਾਂ ਮੁਤਾਬਕ ਦੱਖਣੀ ਅਫਰੀਕਾ ਤੋਂ ਪਰਤਣ ਤੋਂ ਬਾਅਦ ਇਹ ਔਰਤ 1 ਦਸੰਬਰ ਨੂੰ ਸੈਕਟਰ 48-ਬੀ ਸਥਿਤ ਇੱਕ ਹਾਊਸਿੰਗ ਸੁਸਾਇਟੀ ਪਹੁੰਚੀ। ਇਸ 'ਚ ਕਿਹਾ ਗਿਆ ਹੈ ਕਿ 2 ਦਸੰਬਰ ਨੂੰ ਉਹ ਕੁਆਰੰਟੀਨ ਹੋਣ ਦੇ ਨਿਯਮ ਨੂੰ ਤੋੜ ਕੇ ਸ਼ਾਮ ਨੂੰ ਇੱਥੇ ਇੱਕ ਫਾਈਵ ਸਟਾਰ ਹੋਟਲ 'ਚ ਗਈ ਅਤੇ ਦੇਰ ਰਾਤ ਘਰ ਵਾਪਸ ਜਾਣ ਲਈ ਹੋਟਲ ਤੋਂ ਨਿਕਲ ਗਈ।
ਹੋਟਲ ਸਟਾਫ ਦੀ ਤੁਰੰਤ RT-PCR ਟੈਸਟਿੰਗ
ਇੱਥੇ ਸਿਹਤ ਵਿਭਾਗ ਦੇ ਅਧਿਕਾਰੀਆਂ ਨੇ ਆਦੇਸ਼ ਦਿੱਤੇ ਕਿ ਵੱਖ-ਵੱਖ ਨਿਯਮਾਂ ਦੀ ਉਲੰਘਣਾ ਕਰਨ 'ਤੇ ਉਸ ਵਿਰੁੱਧ ਸਖ਼ਤ ਕਾਰਵਾਈ ਕੀਤੀ ਜਾਵੇ। ਸਿਹਤ ਸੇਵਾਵਾਂ ਦੇ ਡਾਇਰੈਕਟਰ ਨੂੰ ਹੋਟਲ ਦੇ ਸਾਰੇ ਕਰਮਚਾਰੀਆਂ ਦੇ ਤੁਰੰਤ ਆਰਟੀ-ਪੀਸੀਆਰ ਟੈਸਟ ਲਈ ਪ੍ਰਬੰਧ ਕਰਨ ਲਈ ਕਿਹਾ ਗਿਆ ਹੈ।
ਹਾਲਾਂਕਿ, ਹੁਕਮਾਂ ਵਿੱਚ ਕਿਹਾ ਗਿਆ ਹੈ ਕਿ 1 ਦਸੰਬਰ ਨੂੰ ਮਨਮੀਤ ਕੌਰ ਨਾਂਅ ਦੀ ਇਸ ਔਰਤ ਦੀ ਆਰਟੀ-ਪੀਸੀਆਰ ਰਿਪੋਰਟ ਨੈਗੇਟਿਵ ਆਈ ਸੀ ਅਤੇ ਪ੍ਰੋਟੋਕੋਲ ਮੁਤਾਬਕ ਉਸ ਦੀ 8 ਦਸੰਬਰ ਨੂੰ ਮੁੜ ਕੋਰੋਨਾ ਜਾਂਚ ਕੀਤੀ ਜਾਣੀ ਹੈ।
ਇਹ ਵੀ ਪੜ੍ਹੋ: Forex Reserve: ਦੇਸ਼ ਦੇ ਖਜ਼ਾਨੇ 'ਚ ਗਿਰਾਵਟ, ਵਿਦੇਸ਼ੀ ਨਿਵੇਸ਼ਕ ਕਢਵਾ ਰਹੇ ਹਨ ਪੈਸਾ
ਪੰਜਾਬੀ ‘ਚ ਤਾਜ਼ਾ ਖ਼ਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)