ਤਾਲਿਬਾਨ ਨੂੰ ਸੰਗੀਤ ਨਾਲ ਮਾਤ ਦੇਵੇਗੀ ਅਫ਼ਗਾਨੀ ਸਟਾਰ ਜ਼ੋਹਰਾ ਇਲਹਾਮ 

ਕਾਬੁਲ: ਅੱਜ ਦੁਨੀਆ ਦੇ ਸਾਹਮਣੇ ਅਫਗਾਨਿਸਤਾਨ ਇੱਕ ਅਜਿਹਾ ਮੁਲਕ ਹੈ ਜਿੱਥੇ ਕੱਟੜਵਾਦ ਵੱਡੇ ਪੱਧਰ ‘ਤੇ ਮੌਜੂਦ ਹੈ। ਕਿਹਾ ਜਾਂਦਾ ਹੈ ਕਿ ਇੱਥੇ ਔਰਤਾਂ ਦੇ ਅਧਿਕਾਰ ਕਾਫੀ ਘੱਟ ਹਨ। ਇਸ ਦਾ ਇੱਕ ਸਭ ਤੋਂ ਵੱਡਾ ਕਾਰਨ ਅਫ਼ਗਾਨ ਤਾਲਿਬਾਨ ਨੂੰ ਮੰਨਿਆ ਜਾਂਦਾ ਹੈ। ਪਰ ਹੁਣ ਪਿਛਲੇ ਹਫਤੇ ਅਫਗਾਨਿਸਤਾਨ ਦੀ ਜ਼ੋਹਰਾ ਇਲਹਾਮ ਨੇ ਅਮਰੀਕਨ ਆਇਡਲ ਦਾ 14ਵਾਂ ਸੀਜ਼ਨ ਜਿੱਤ ਕੇ ਇਸ ਸੋਚ ਨੂੰ ਤੋੜਣ ਦੀ ਕੋਸ਼ਿਸ਼ ਕੀਤੀ ਹੈ। ਜ਼ੋਹਰਾ ਨੇ ਸੱਭਿਆਚਾਰਕ ਪਹਿਨਾਵਾ ਪਾ ਜਦੋਂ ਫਾਰਸੀ ਗੀਤ ਗਾਇਆ ਤਾਂ ਦਰਸ਼ਕਾਂ ਉਸ ਦੀ ਆਵਾਜ਼ ਸੁਣ ਹੈਰਾਨ ਹੋ ਗਈ। ਇਸ ਖਿਤਾਬ ਨੂੰ ਜਿੱਤਣ ਤੋਂ ਬਾਅਦ ਜਸਟੀਨ ਬੀਬਰ ਦੀ ਫੈਨ ਜ਼ੋਹਰਾ ਨੇ ਕਿਹਾ ਕਿ ਉਸ ਨੂੰ ਆਪਣੀ ਜਿੱਤ ‘ਤੇ ਮਾਣ ਹੈ ਅਤੇ ਉਹ ਹੈਰਾਨ ਹੈ ਕਿ ਇਸ ਖਿਤਾਬ ਨੂੰ ਜਿੱਤਣ ਵਾਲੀ ਉਹ ਪਹਿਲੀ ਔਰਤ ਹੈ। ਜ਼ੋਹਰਾ ਨੇ ਅੱਗੇ ਕਿਹਾ ਕਿ ਰਾਜਨੀਤੀ ‘ਚ ਆਉਣ ਦਾ ਉਸ ਦਾ ਕੋਈ ਇਰਾਦਾ ਤਾਂ ਨਹੀਂ ਹੈ। ਪਰ ਜੇਕਰ ਤਾਲੀਬਾਨ ਫੇਰ ਤੋਂ ਅਫਗਾਨਿਸਤਾਨ ਦੀ ਰਾਜਨੀਤੀ ‘ਚ ਆਉਂਦਾ ਹੈ ਤਾਂ ਉਹ ਆਪਣੇ ਸੰਗੀਤ ਨਾਲ ਉਸ ਖਿਲਾਫ ਜੰਗ ਕਰੇਗੀ। ਜ਼ੋਹਰਾ ਮਿਊਜ਼ਿਕ ‘ਚ ਹੀ ਆਪਣਾ ਭਵਿੱਖ ਵੇਖਦੀ ਹੈ ਅਤੇ ਅੱਗੇ ਮਿਊਜ਼ਿਕ ‘ਚ ਹੀ ਆਪਣਾ ਕਰੀਅਰ ਬਣਾਉਨਾ ਚਾਹੁੰਦੀ ਹੈ।