Mark Carney: ਜਾਣੋ ਕੌਣ ਹੈ ਟਰੰਪ ਵਿਰੋਧੀ ਮਾਰਕ ਕਾਰਨੀ! ਜੋ ਬਣੇ ਰਹਿਣਗੇ ਕੈਨੇਡਾ ਦੇ PM
ਅਮਰੀਕਾ ਦੇ ਰਾਸ਼ਟਰਪਤੀ ਬਣਨ ਤੋਂ ਪਹਿਲਾਂ ਹੀ ਟਰੰਪ ਨੇ ਕੈਨੇਡਾ ਨੂੰ 51ਵਾਂ ਰਾਜ ਬਣਾਉਣ ਦੀ ਪੇਸ਼ਕਸ਼ ਕੀਤੀ ਸੀ। ਅਜਿਹੀ ਸਥਿਤੀ ਵਿੱਚ, ਨਾ ਸਿਰਫ਼ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਬਲਕਿ ਪੂਰੀ ਲਿਬਰਲ ਪਾਰਟੀ ਨੇ ਟਰੰਪ ਦੇ ਇਸ ਬਿਆਨ ਦਾ ਸਖ਼ਤ ਵਿਰੋਧ..
Canada Election 2025: ਕੈਨੇਡਾ 'ਚ ਹੋਈਆਂ ਆਮ ਚੋਣਾਂ ਵਿੱਚ ਮਾਰਕ ਕਾਰਨੀ ਨੂੰ ਨਵਾਂ ਪ੍ਰਧਾਨ ਮੰਤਰੀ ਨੂੰ ਚੁਣਿਆ ਗਿਆ ਹੈ। ਇਹ ਜਾਣਕਾਰੀ ਕੈਨੇਡਾ ਦੇ ਸਰਕਾਰੀ ਚੈਨਲ CBC ਅਤੇ CTV ਨਿਊਜ਼ ਵੱਲੋਂ ਦਿੱਤੀ ਗਈ ਹੈ। ਇਸ ਚੋਣ ਵਿੱਚ ਲਿਬਰਲ ਪਾਰਟੀ ਨੇ ਲਗਾਤਾਰ ਚੌਥੀ ਵਾਰੀ ਸਰਕਾਰ ਬਣਾਈ ਹੈ, ਜੋ ਕਿ ਕੈਨੇਡਾ ਦੇ ਰਾਜਨੀਤਿਕ ਇਤਿਹਾਸ ਵਿੱਚ ਇੱਕ ਵੱਡੀ ਕਾਮਯਾਬੀ ਮੰਨੀ ਜਾ ਰਹੀ ਹੈ। ਇਸ ਵਾਰੀ ਲਿਬਰਲ ਪਾਰਟੀ ਦੀ ਕਮਾਨ ਸਾਬਕਾ ਬੈਂਕਰ ਮਾਰਕ ਕਾਰਨੀ ਦੇ ਹੱਥ ਵਿੱਚ ਸੀ, ਜਿਨ੍ਹਾਂ ਨੇ ਸ਼ਾਨਦਾਰ ਜਿੱਤ ਹਾਸਿਲ ਕੀਤੀ।
ਉਹਨਾਂ ਨੇ ਚੋਣ ਵਿੱਚ Pierre Poilievre ਦੀ ਕੰਜਰਵੇਟਿਵ ਪਾਰਟੀ ਨੂੰ ਹਰਾਇਆ। ਆਪਣੇ ਪ੍ਰਚਾਰ ਦੌਰਾਨ ਮਾਰਕ ਕਾਰਨੀ ਨੇ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਖਿਲਾਫ ਸਖਤ ਰੁਖ ਅਪਣਾਇਆ। ਟਰੰਪ ਅਕਸਰ ਕਹਿੰਦੇ ਰਹੇ ਹਨ ਕਿ ਕੈਨੇਡਾ ਨੂੰ ਅਮਰੀਕਾ ਵਿੱਚ ਮਿਲਾ ਦੇਣਾ ਚਾਹੀਦਾ ਹੈ, ਜਿਸ ਦੇ ਵਿਰੋਧ ਵਿੱਚ ਮਾਰਕ ਕਾਰਨੀ ਨੇ ਖੁੱਲ ਕੇ ਆਵਾਜ਼ ਉਠਾਈ।
ਜਾਣੋ ਕੌਣ ਹਨ ਮਾਰਕ ਕਾਰਨੀ (Know Who Mark Carney Is)
ਮਾਰਕ ਕਾਰਨੀ ਦਾ ਜਨਮ 16 ਮਾਰਚ 1965 ਨੂੰ ਕੈਨੇਡਾ ਦੇ ਫੋਰਟ ਸਮਿਥ ਨਾਂਅ ਦੀ ਥਾਂ 'ਤੇ ਹੋਇਆ ਸੀ। ਉਨ੍ਹਾਂ ਦਾ ਬਚਪਨ ਐਡਮੰਟਨ ਨਾਂ ਦੇ ਸ਼ਹਿਰ ਵਿੱਚ ਬੀਤਿਆ। ਮਾਰਕ ਕਾਰਨੀ ਨੇ ਅਮਰੀਕਾ ਦੀ ਮਸ਼ਹੂਰ ਹਾਰਵਰਡ ਯੂਨੀਵਰਸਿਟੀ ਅਤੇ ਇੰਗਲੈਂਡ ਦੀ ਆਕਸਫੋਰਡ ਯੂਨੀਵਰਸਿਟੀ ਤੋਂ ਪੜ੍ਹਾਈ ਕੀਤੀ ਹੈ। ਏਐਫਪੀ ਦੀ ਰਿਪੋਰਟ ਮੁਤਾਬਕ ਉਹ ਆਪਣੇ ਨੌਜਵਾਨੀ ਦੇ ਦਿਨਾਂ ਵਿੱਚ ਹਾਕੀ ਵੀ ਖੇਡਿਆ ਕਰਦੇ ਸਨ।
ਮਾਰਕ ਕਾਰਨੀ ਇੱਕ ਮਸ਼ਹੂਰ ਅਰਥਸ਼ਾਸਤਰੀ ਅਤੇ ਸਾਬਕਾ ਬੈਂਕਰ ਹਨ। ਉਹ ਪਹਿਲਾਂ ਕੈਨੇਡਾ ਸੈਂਟਰਲ ਬੈਂਕ ਦੇ ਗਵਰਨਰ ਰਹਿ ਚੁੱਕੇ ਹਨ, ਅਤੇ ਉਸ ਤੋਂ ਬਾਅਦ ਯੂਕੇ ਦੇ ਬੈਂਕ ਆਫ ਇੰਗਲੈਂਡ ਦੇ ਵੀ ਗਵਰਨਰ ਰਹੇ। ਉਨ੍ਹਾਂ ਦੀ ਗਿਣਤੀ ਵਿਸ਼ਵ ਪੱਧਰੀ ਵਿੱਤੀ ਮਾਹਿਰਾਂ ਵਿੱਚ ਹੁੰਦੀ ਹੈ। ਲਿਬਰਲ ਪਾਰਟੀ ਦੀ ਆਗੂਅਤਾ ਸੰਭਾਲਣ ਤੋਂ ਬਾਅਦ ਉਨ੍ਹਾਂ ਨੇ ਪ੍ਰਗਟਾਵਾ ਕੀਤਾ ਸੀ ਕਿ ਉਹ ਸਮਾਵੇਸ਼ੀ ਅਤੇ ਸਥਿਰ ਅਰਥਵਿਵਸਥਾ ਵੱਲ ਧਿਆਨ ਦੇਣਗੇ।
ਆਪਣੇ ਕਰੀਅਰ ਦੀ ਸ਼ੁਰੂਆਤ ਵਿੱਚ ਮਾਰਕ ਕਾਰਨੀ ਨੇ goldman sachs ਨਾਂ ਦੀ ਕੰਪਨੀ ਵਿੱਚ ਇਨਵੈਸਟਮੈਂਟ ਬੈਂਕਰ ਵਜੋਂ ਕੰਮ ਕੀਤਾ। ਉਨ੍ਹਾਂ ਨੇ ਨਿਊਯਾਰਕ, ਲੰਡਨ, ਟੋਕੀਓ ਅਤੇ ਟੋਰਾਂਟੋ ਵਰਗੇ ਵੱਡੇ ਸ਼ਹਿਰਾਂ ਵਿੱਚ ਕੰਮ ਕਰਕੇ ਕਾਫੀ ਧਨ ਇਕੱਠਾ ਕੀਤਾ। ਬਾਅਦ ਵਿੱਚ ਉਨ੍ਹਾਂ ਨੇ ਸਰਕਾਰੀ ਨੌਕਰੀ (ਸਿਵਲ ਸਰਵਿਸ) ਦੀ ਰਾਹ ਫੜਿਆ ਅਤੇ 2008 ਵਿੱਚ ਕੈਨੇਡਾ ਦੇ ਉਸ ਵੇਲੇ ਦੇ ਪ੍ਰਧਾਨ ਮੰਤਰੀ ਸਟੀਫਨ ਹਾਰਪਰ ਨੇ ਉਨ੍ਹਾਂ ਨੂੰ ਬੈਂਕ ਆਫ ਕੈਨੇਡਾ ਦਾ ਗਵਰਨਰ ਨਿਯੁਕਤ ਕਰ ਦਿੱਤਾ।
2008 ਵਿੱਚ ਜਦੋਂ ਦੁਨੀਆ ਭਰ ਵਿੱਚ ਆਰਥਿਕ ਮੰਦਹਾਲੀ ਆਈ ਸੀ, ਤਾਂ ਮਾਰਕ ਕਾਰਨੀ ਉਹ ਗਿਣਤੀ ਦੇ ਨੇਤਾਵਾਂ ਵਿੱਚ ਸ਼ਾਮਲ ਸਨ, ਜਿਨ੍ਹਾਂ ਨੇ ਕੈਨੇਡਾ ਨੂੰ ਇਸ ਮੁਸ਼ਕਲ ਦੌਰ ਵਿੱਚ ਵੀ ਸੁਰੱਖਿਅਤ ਰਾਹ 'ਤੇ ਬਣਾਈ ਰੱਖਿਆ।
ਇਸ ਤੋਂ ਬਾਅਦ 2013 ਵਿੱਚ ਯੂਨਾਈਟਡ ਕਿੰਗਡਮ (ਬਰਤਾਨੀਆ) ਦੇ ਪ੍ਰਧਾਨ ਮੰਤਰੀ ਡੇਵਿਡ ਕੈਮਰਨ ਨੇ ਉਨ੍ਹਾਂ ਨੂੰ ਬੈਂਕ ਆਫ ਇੰਗਲੈਂਡ ਦਾ ਮੁਖੀ ਨਿਯੁਕਤ ਕੀਤਾ। ਇਹ ਅਜਿਹਾ ਕਰਨ ਵਾਲੇ ਉਹ ਪਹਿਲੇ ਗੈਰ-ਬਰਤਾਨਵੀ ਵਿਅਕਤੀ ਬਣੇ, ਕਿਉਂਕਿ ਇਹ ਬੈਂਕ 1694 ਵਿੱਚ ਬਣਿਆ ਸੀ ਅਤੇ ਉਸ ਤੋਂ ਲੈ ਕੇ ਸਦਾ ਬਰਤਾਨਵੀ ਲੋਕਾਂ ਵੱਲੋਂ ਹੀ ਚਲਾਇਆ ਜਾਂਦਾ ਸੀ।
ਜਦੋਂ 2016 ਵਿੱਚ ਬਰਤਾਨੀਆ ਨੇ ਯੂਰਪੀ ਯੂਨਿਅਨ (EU) ਤੋਂ ਬਾਹਰ ਨਿਕਲਣ, ਅਰਥਾਤ ਬਰੈਕਸਿਟ ਲਈ ਵੋਟ ਦਿੱਤੀ, ਤਾਂ ਮਾਰਕੀਟ ਵਿੱਚ ਡਰ ਦਾ ਮਾਹੌਲ ਬਣ ਗਿਆ ਸੀ। ਉਸ ਸਮੇਂ ਮਾਰਕ ਕਾਰਨੀ ਨੇ ਸਥਿਤੀ ਨੂੰ ਸੰਭਾਲਣ ਵਿੱਚ ਮਹੱਤਵਪੂਰਨ ਭੂਮਿਕਾ ਨਿਭਾਈ।
2019 ਦੇ ਅੰਤ ਵਿੱਚ ਜਦੋਂ ਕਾਰਨੀ ਨੇ ਬੈਂਕ ਛੱਡਣ ਦਾ ਫੈਸਲਾ ਕੀਤਾ, ਤਾਂ ਬਰਤਾਨੀਆ ਦੇ ਉਸ ਵੇਲੇ ਦੇ ਵਿੱਤ ਮੰਤਰੀ ਸਾਜਿਦ ਜਾਵਿਦ ਨੇ ਉਨ੍ਹਾਂ ਦੀ ਪ੍ਰਸ਼ੰਸਾ ਕਰਦਿਆਂ ਕਿਹਾ ਕਿ "ਕਾਰਨੀ ਨੇ ਦਰਿੜਤਾ, ਆਤਮ ਵਿਸ਼ਵਾਸ ਅਤੇ ਸਮਝਦਾਰੀ ਨਾਲ ਆਗਵਾਈ ਕੀਤੀ।"
"ਮੈਂ ਇਨ੍ਹਾਂ ਮੁਸੀਬਤਾਂ ਨੂੰ ਠੀਕ ਕਰਨ ਆਉਂਦਾ ਹਾਂ"
ਏਐਫਪੀ ਦੇ ਅਨੁਸਾਰ, ਹਾਲ ਹੀ ਵਿੱਚ ਇੱਕ ਕੈਨੇਡੀਅਨ ਕਾਮੇਡੀ ਸ਼ੋਅ ਦੌਰਾਨ ਮਾਰਕ ਕਾਰਨੀ ਨਾਲ ਮਜ਼ਾਕ ਕਰਦੇ ਹੋਏ ਸ਼ੋਅ ਦੇ ਹੋਸਟ ਨੇ ਕਿਹਾ ਕਿ ਲੱਗਦਾ ਹੈ ਤੁਸੀਂ ਜਿਥੇ ਵੀ ਜਾਂਦੇ ਹੋ, ਉਥੇ ਆਰਥਿਕ ਸੰਕਟ ਆ ਜਾਂਦਾ ਹੈ — ਜਿਵੇਂ ਕਿ ਫਾਇਨੈਂਸ਼ਲ ਕਰਾਈਸਿਸ, ਬਰੈਕਸਿਟ ਅਤੇ ਟਰੰਪ ਦਾ ਵਪਾਰਕ ਯੁੱਧ।
ਇਸ 'ਤੇ ਹੱਸਦੇ ਹੋਏ ਕਾਰਨੀ ਨੇ ਜਵਾਬ ਦਿੱਤਾ, "ਅਸਲ ਗੱਲ ਤਾਂ ਇਹ ਹੈ ਕਿ ਮੈਂ ਇਨ੍ਹਾਂ ਮੁਸੀਬਤਾਂ ਨੂੰ ਲਿਆਉਣ ਨਹੀਂ, ਸਗੋਂ ਠੀਕ ਕਰਨ ਆਉਂਦਾ ਹਾਂ।"
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
