'50 ਦਿਨਾਂ 'ਚ ਯੁੱਧ ਖਤਮ ਕਰੋ', ਟਰੰਪ ਨੇ ਪੁਤਿਨ ਨੂੰ ਦਿੱਤੀ ਧਮਕੀ, ਕਿਹਾ- ਨਾ ਮੰਨਿਆ ਤਾਂ ਰੂਸ 'ਤੇ...
ਰੂਸ-ਯੂਕਰੇਨ ਜੰਗ ਨੂੰ ਲੈ ਕੇ ਡੋਨਾਲਡ ਟਰੰਪ ਨੇ ਫਿਰ ਦਿੱਤੀ ਪੁਤਿਨ ਨੂੰ ਧਮਕੀ। ਟਰੰਪ ਨੇ ਕਿਹਾ, “ਮੈਂ ਰਾਸ਼ਟਰਪਤੀ ਪੁਤਿਨ ਤੋਂ ਨਿਰਾਸ਼ ਹਾਂ, ਕਿਉਂਕਿ ਮੈਨੂੰ ਲੱਗਿਆ ਸੀ ਕਿ ਦੋ ਮਹੀਨੇ ਪਹਿਲਾਂ ਅਸੀਂ ਜੰਗ ਖਤਮ ਕਰਨ ਬਾਰੇ ਕੋਈ ਸਮਝੌਤਾ ਕਰ...
ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਇੱਕ ਵਾਰ ਫਿਰ ਰੂਸੀ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਨੂੰ ਚੇਤਾਵਨੀ ਦਿੱਤੀ ਹੈ। ਟਰੰਪ ਨੇ ਸੋਮਵਾਰ, 14 ਜੁਲਾਈ 2025 ਨੂੰ ਕਿਹਾ ਕਿ ਜੇ ਅਗਲੇ 50 ਦਿਨਾਂ ਵਿੱਚ ਯੂਕਰੇਨ ਵਿੱਚ ਜੰਗ ਖਤਮ ਕਰਨ ਲਈ ਕੋਈ ਸਮਝੌਤਾ ਨਹੀਂ ਹੁੰਦਾ, ਤਾਂ ਰੂਸ 'ਤੇ ਸਖ਼ਤ ਟੈਰਿਫ ਲਾਏ ਜਾਣਗੇ।
"ਅਮਰੀਕਾ ਰੂਸ 'ਤੇ 100% ਸੈਕੰਡਰੀ ਟੈਰਿਫ ਲਾਏਗਾ"
ਟਰੰਪ ਨੇ ਕਿਹਾ ਕਿ ਇਸ ਵਾਰੀ ਅਮਰੀਕਾ ਰੂਸ 'ਤੇ 100 ਫੀਸਦੀ ਸੈਕੰਡਰੀ ਟੈਰਿਫ ਲਾਏਗਾ। ਇਹ ਐਲਾਨ ਉਨ੍ਹਾਂ ਨੇ ਵ੍ਹਾਈਟ ਹਾਊਸ ਵਿੱਚ ਨਾਟੋ ਦੇ ਮਹਾਸਚਿਵ ਮਾਰਕ ਰੂਟ ਨਾਲ ਓਵਲ ਆਫ਼ਿਸ ਵਿਚ ਹੋਈ ਮੀਟਿੰਗ ਦੌਰਾਨ ਕੀਤਾ। ਟਰੰਪ ਨੇ ਕਿਹਾ, “ਮੈਂ ਵਪਾਰ ਨੂੰ ਕਈ ਚੀਜ਼ਾਂ ਲਈ ਵਰਤਦਾ ਹਾਂ, ਪਰ ਇਹ ਜੰਗ ਖਤਮ ਕਰਨ ਲਈ ਇੱਕ ਚੰਗਾ ਹਥਿਆਰ ਸਾਬਤ ਹੋ ਸਕਦਾ ਹੈ। ਮੈਂ ਪੁਤਿਨ ਨੂੰ ਕਾਤਲ ਨਹੀਂ ਕਹਿਣਾ ਚਾਹੁੰਦਾ, ਪਰ ਉਹ ਇੱਕ ਕਠੋਰ ਵਿਅਕਤੀ ਹਨ।”
"ਪੁਤਿਨ ਰਾਤ ਨੂੰ ਲੋਕਾਂ 'ਤੇ ਬੰਬ ਸੁੱਟਦੇ ਹਨ" – ਟਰੰਪ
ਟਰੰਪ ਨੇ ਕਿਹਾ, “ਮੈਂ ਰਾਸ਼ਟਰਪਤੀ ਪੁਤਿਨ ਤੋਂ ਨਿਰਾਸ਼ ਹਾਂ, ਕਿਉਂਕਿ ਮੈਨੂੰ ਲੱਗਿਆ ਸੀ ਕਿ ਦੋ ਮਹੀਨੇ ਪਹਿਲਾਂ ਅਸੀਂ ਜੰਗ ਖਤਮ ਕਰਨ ਬਾਰੇ ਕੋਈ ਸਮਝੌਤਾ ਕਰ ਲਵਾਂਗੇ। ਮੈਨੂੰ ਲੱਗਦਾ ਸੀ ਕਿ ਉਹ ਜੋ ਕਹਿੰਦੇ ਹਨ, ਉਹੀ ਕਰਦੇ ਹਨ। ਉਹ ਬਹੁਤ ਸੋਹਣੇ ਢੰਗ ਨਾਲ ਗੱਲ ਕਰਦੇ ਹਨ, ਪਰ ਰਾਤ ਨੂੰ ਲੋਕਾਂ 'ਤੇ ਬੰਬ ਸੁੱਟ ਦਿੰਦੇ ਹਨ। ਇਹ ਮੈਨੂੰ ਪਸੰਦ ਨਹੀਂ।”
ਟਰੰਪ ਪਹਿਲਾਂ ਵੀ ਸੈਕੰਡਰੀ ਟੈਰਿਫ ਦੀ ਗੱਲ ਕਰ ਚੁੱਕੇ ਹਨ, ਜੋ ਉਨ੍ਹਾਂ ਦੇਸ਼ਾਂ 'ਤੇ ਲਾਗੂ ਹੋਣਗੇ ਜੋ ਰੂਸ ਨਾਲ ਵਪਾਰ ਕਰ ਰਹੇ ਹਨ।
ਨਾਟੋ ਮਹਾਸਚਿਵ ਨਾਲ ਮੀਟਿੰਗ ਦੌਰਾਨ, ਟਰੰਪ ਨੇ ਯੂਕਰੇਨ ਨੂੰ ਹਥਿਆਰ ਸਪਲਾਈ ਕਰਨ ਦੀ ਜਾਣਕਾਰੀ ਵੀ ਦਿੱਤੀ, ਜਿਸ ਵਿੱਚ ਪੈਟਰੀਅਟ ਮਿਸਾਈਲ ਸਿਸਟਮ ਵੀ ਸ਼ਾਮਲ ਹੈ। ਉਨ੍ਹਾਂ ਕਿਹਾ ਕਿ ਨਾਟੋ, ਅਮਰੀਕਾ ਤੋਂ ਅਰਬਾਂ ਡਾਲਰ ਦੇ ਸੈਨਿਕ ਹਥਿਆਰ ਖਰੀਦੇਗਾ, ਜੋ ਕਿ ਯੂਕਰੇਨ ਨੂੰ ਭੇਜੇ ਜਾਣਗੇ।
ਅਮਰੀਕਾ ਰੂਸ 'ਤੇ ਪਾਬੰਦੀਆਂ ਲਗਾਉਣ ਬਾਰੇ ਵਿਚਾਰ ਕਰ ਰਿਹਾ ਹੈ
ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਪਿਛਲੇ ਹਫ਼ਤੇ ਵੀ ਕਿਹਾ ਸੀ ਕਿ ਉਹ ਪੁਤਿਨ ਤੋਂ ਖੁਸ਼ ਨਹੀਂ ਹਨ ਅਤੇ ਰੂਸ 'ਤੇ ਹੋਰ ਵਾਧੂ ਪਾਬੰਦੀਆਂ ਲਗਾਉਣ ਬਾਰੇ ਵਿਚਾਰ ਕਰ ਰਹੇ ਹਨ। ਉਨ੍ਹਾਂ ਨੇ ਰੂਸ-ਯੂਕਰੇਨ ਜੰਗ ਦੌਰਾਨ ਹੋ ਰਹੀਆਂ ਮੌਤਾਂ 'ਤੇ ਨਿਰਾਸ਼ਾ ਵੀ ਜ਼ਾਹਿਰ ਕੀਤੀ।
ਟਰੰਪ ਨੇ ਆਪਣੇ ਚੋਣ ਮੁਹਿੰਮ ਦੌਰਾਨ ਵਾਅਦਾ ਕੀਤਾ ਸੀ ਕਿ ਉਹ ਜੰਗ ਨੂੰ ਜਲਦੀ ਖਤਮ ਕਰਨਗੇ। ਟਰੰਪ ਮੁਤਾਬਕ, ਪੁਤਿਨ ਨੇ ਭਾਵੇਂ ਸ਼ਾਂਤੀ ਦੀ ਗੱਲ ਕੀਤੀ ਸੀ, ਪਰ ਉਹ ਯੂਕਰੇਨ ਦੇ ਸ਼ਹਿਰਾਂ 'ਤੇ ਹਮਲੇ ਜਾਰੀ ਰੱਖੇ ਹੋਏ ਸਨ।
Before You Go
BJP ‘ਤੇ CM ਮਾਨ ਦਾ ਤਿੱਖਾ ਤੰਜ, ਸਿਆਸਤ ਹੋਈ ਗਰਮ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
