Big Scandal: ਭਾਰਤੀ ਮੂਲ ਦੀ ਔਰਤ ਦਾ ਵਿਦੇਸ਼ 'ਚ ਵੱਡਾ ਕਾਂਡ, ਇੰਝ ਚਲਾਕੀ ਨਾਲ ਮੁਫਤ 'ਚ ਕਮਾਏ 5 ਕਰੋੜ ਰੁਪਏ, ਹਰ ਰੋਜ਼ ਜਾਂਦੀ ਸੀ ਮਾਲ...
ਭਾਰਤੀ ਮੂਲ ਦੀ ਔਰਤ ਨੇ ਵੱਡੇ ਪੱਧਰ ਉੱਤੇ ਧੋਖਾਧੜੀ ਕੀਤੀ ਹੈ। ਉਸ 'ਤੇ ਧੋਖਾਧੜੀ ਕਰਕੇ 5 ਕਰੋੜ ਰੁਪਏ ਕਮਾਉਣ ਦਾ ਦੋਸ਼ ਹੈ। ਸੀਸੀਟੀਵੀ ਫੁਟੇਜ ਰਾਹੀਂ ਜਦੋਂ ਉਸ ਦਾ ਪਰਦਾਫਾਸ਼ ਹੋਇਆ ਤਾਂ ਹਰ ਕੋਈ ਹੈਰਾਨ ਰਹਿ ਗਿਆ।
UK News: ਜਿੱਥੇ ਵਿਦੇਸ਼ 'ਚ ਰਹਿੰਦੇ ਭਾਰਤੀ ਦੇਸ਼ ਦਾ ਨਾਮ ਰੋਸ਼ਨ ਕਰਦੇ ਨੇ, ਉੱਥੇ ਹੀ ਅਜਿਹੇ ਕੁੱਝ ਭਾਰਤੀ ਨੇ ਜੋ ਕਿ ਦੇਸ਼ ਦਾ ਨੱਕ ਕਟਾ ਦਿੰਦੇ ਹਨ। ਜੀ ਹਾਂ ਇੱਕ ਹੈਰਾਨ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ, ਜਿੱਥੇ ਭਾਰਤੀ ਮੂਲ ਦੀ ਔਰਤ ਨੇ ਵੱਡੇ ਪੱਧਰ ਉੱਤੇ ਧੋਖਾਧੜੀ ਕੀਤੀ ਹੈ। ਉਸ 'ਤੇ ਧੋਖਾਧੜੀ ਕਰਕੇ 5 ਕਰੋੜ ਰੁਪਏ ਕਮਾਉਣ ਦਾ ਦੋਸ਼ ਹੈ। ਸੀਸੀਟੀਵੀ ਫੁਟੇਜ ਰਾਹੀਂ ਜਦੋਂ ਉਸ ਦਾ ਪਰਦਾਫਾਸ਼ ਹੋਇਆ ਤਾਂ ਹਰ ਕੋਈ ਹੈਰਾਨ ਰਹਿ ਗਿਆ।
ਦਰਅਸਲ ਇਹ ਮਾਮਲਾ ਬ੍ਰਿਟੇਨ ਦਾ ਹੈ। ਇੱਕ ਔਰਤ ਹਰ ਰੋਜ਼ ਮਾਲ ਅਤੇ ਕੱਪੜੇ ਦੀ ਦੁਕਾਨ 'ਤੇ ਜਾਂਦੀ ਸੀ। ਅਤੇ ਉਹ ਚੁੱਪਚਾਪ ਪਰਤ ਜਾਂਦੀ ਸੀ। ਇਹ ਉਸ ਦਾ ਰੋਜ਼ਾਨਾ ਦਾ ਕੰਮ ਸੀ। ਪਰ ਦੁਕਾਨ ਦੇ ਸੀ.ਸੀ.ਟੀ.ਵੀ. ਸਾਹਮਣੇ ਆਉਣ ਤੱਕ ਉਸ ਦੇ ਰੋਜ਼ਾਨਾ ਮਾਲ 'ਚ ਆਉਣ ਦਾ ਮਕਸਦ ਸਾਹਮਣੇ ਨਹੀਂ ਸੀ ਆਇਆ।
ਅਖਬਾਰ ਮੈਟਰੋ ਯੂ.ਕੇ. ਨੇ ਪ੍ਰਕਾਸ਼ਿਤ ਕੀਤਾ ਹੈ ਕਿ ਇੱਕ ਵਹਿਸ਼ੀ ਚੋਰ ਔਰਤ ਨੂੰ 'ਯੂਕੇ ਹਾਈ ਸਟ੍ਰੀਟ ਸ਼ਾਪਸ' ਯਾਨੀ ਵੱਡੀਆਂ ਬ੍ਰਾਂਡ ਵਾਲੀਆਂ ਦੁਕਾਨਾਂ ਤੋਂ 500,000 ਪੌਂਡ (5,09,65,000 ਰੁਪਏ) ਦਾ ਸਮਾਨ ਚੋਰੀ ਕਰਨ ਲਈ ਜੇਲ੍ਹ ਦੀ ਸਜ਼ਾ ਸੁਣਾਈ ਗਈ ਹੈ। ਔਰਤ ਦੀ ਪਛਾਣ ਭਾਰਤੀ ਮੂਲ ਦੀ ਨਰਿੰਦਰ ਕੌਰ ਉਮਰ 54 ਸਾਲ ਵਜੋਂ ਹੋਈ ਹੈ।
ਇਹ ਔਰਤ ਬਚਪਨ ਤੋਂ ਹੀ ਅਪਰਾਧਾਂ ਦੀ ਆਦੀ ਸੀ। ਲੰਡਨ ਦੀ ਅਦਾਲਤ ਨੇ ਉਸ ਨੂੰ "ਓਲੰਪੀਅਨ-ਪੈਮਾਨੇ ਦਾ" ਅਪਰਾਧੀ ਦੱਸਿਆ ਹੈ। ਅਜਿਹਾ ਇਸ ਲਈ ਕਿਉਂਕਿ ਉਸ ਨੇ ਚੋਰੀ ਨੂੰ ਹੀ ਆਪਣਾ ਕੰਮ ਬਣਾ ਲਿਆ ਹੈ। ਨਰਿੰਦਰ ਕੌਰ ਭਾਰਤੀ ਮੂਲ ਦੀ ਬ੍ਰਿਟਿਸ਼ ਨਾਗਰਿਕ ਹੈ। ਉਹ ਦੁਕਾਨਾਂ ਤੋਂ ਕੱਪੜੇ ਚੋਰੀ ਕਰਦੀ ਸੀ ਅਤੇ ਬਾਅਦ ਵਿੱਚ ਉਨ੍ਹਾਂ ਕੱਪੜਿਆਂ ਨੂੰ ਰਿਟਰਨ ਕਰ ਕੇ ਰਿਫੰਡ ਲੈ ਲੈਂਦੀ ਸੀ। ਇਹ ਖੇਡ ਚਾਰ ਸਾਲਾਂ ਤੋਂ ਚਲਦੀ ਆ ਰਹੀ ਸੀ, ਕਿਸੇ ਨੂੰ ਇੱਕ % ਕੋਈ ਸ਼ੱਕ ਵੀ ਨਹੀਂ ਹੋਇਆ।
ਇਸ ਦੌਰਾਨ ਉਸ ਨੇ 1000 ਵਾਰ ਅਜਿਹੇ ਅਪਰਾਧ ਕੀਤੇ। ਉਹ ਬ੍ਰਾਂਡੇਡ ਰਿਟੇਲਰਾਂ ਨੂੰ ਨਿਸ਼ਾਨਾ ਬਣਾਉਂਦਾ ਸੀ। ਉਸ ਨੇ ਜਿਨ੍ਹਾਂ ਸਟੋਰਾਂ ਦੇ ਬ੍ਰਾਂਡਾਂ ਨੂੰ ਲੁੱਟਿਆ ਉਨ੍ਹਾਂ ਵਿੱਚ ਬੌਬਜ਼, ਡੇਬਰਨਹੈਮਸ, ਜੌਨ ਲੇਵਿਸ, ਮੌਨਸੂਨ, ਹਾਊਸ ਆਫ ਫਰੇਜ਼ਰ ਅਤੇ ਟੀਕੇ ਮੈਕਸ ਵਰਗੇ ਮਸ਼ਹੂਰ ਬ੍ਰਾਂਡਾਂ ਦੇ ਨਾਮ ਸ਼ਾਮਲ ਹਨ।
ਕੌਰ ਦੀ ਲੰਬੀ ਜੁਰਮ ਦੀ ਲਹਿਰ ਨੂੰ 'ਬੇਈਮਾਨੀ ਦੀ ਸੁਨਾਮੀ' ਮੰਨਿਆ ਜਾਂਦਾ ਹੈ। ਇਸਤਗਾਸਾ ਪੱਖ ਨੇ ਅਦਾਲਤ ਵਿੱਚ ਸਾਬਤ ਕੀਤਾ, 'ਕੌਰ ਨੇ ਜੁਲਾਈ 2015 ਤੋਂ ਫਰਵਰੀ 2019 ਦਰਮਿਆਨ ਇੱਕ ਹਜ਼ਾਰ ਤੋਂ ਵੱਧ ਵਾਰ ਰਿਟੇਲਰਾਂ ਨਾਲ ਧੋਖਾਧੜੀ ਕੀਤੀ, ਕੌਰ ਕਲੇਵਰਟਨ, ਵਿਲਟਸ਼ਾਇਰ ਦੀ ਵਸਨੀਕ ਹੈ।' ਗਲੋਸਟਰ ਕਰਾਊਨ ਕੋਰਟ 'ਚ ਉਸ ਦੇ ਖਿਲਾਫ ਚਾਰ ਮਹੀਨੇ ਤੱਕ ਕੇਸ ਚੱਲਦਾ ਰਿਹਾ। ਅਦਾਲਤ ਦੇ ਫੈਸਲੇ ਵਿਚ ਉਸ ਨੂੰ ਧੋਖਾਧੜੀ, ਚੋਰੀ ਦਾ ਸਾਮਾਨ ਰੱਖਣ ਅਤੇ ਵਾਪਸ ਕਰਨ ਅਤੇ ਕਾਨੂੰਨ ਦੀ ਉਲੰਘਣਾ ਕਰਨ ਸਮੇਤ 26 ਦੋਸ਼ਾਂ ਵਿਚ ਦੋਸ਼ੀ ਪਾਇਆ ਗਿਆ ਹੈ।
ਮੈਟਰੋ ਅਖਬਾਰ ਨੇ ਦੱਸਿਆ ਕਿ ਪੁਲਿਸ ਨੇ ਦੋ ਵਾਰ ਉਸਦੇ ਘਰ ਦੀ ਤਲਾਸ਼ੀ ਲਈ। ਇਸ ਸਮੇਂ ਦੌਰਾਨ, ਉਸ ਕੋਲੋਂ ਲਗਭਗ 150,000 ਡਾਲਰ ਦੀ ਨਕਦੀ ਅਤੇ ਚੋਰੀ ਦਾ ਸਮਾਨ ਮਿਲਿਆ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
