Israel Hamas War: 'ਗਾਜ਼ਾ ਨੂੰ ਸ਼ਬਦਾਂ ਦੀ ਨਹੀਂ, ਸਗੋਂ ਕਾਰਵਾਈ ਦੀ ਲੋੜ', ਈਰਾਨ ਦੇ ਰਾਸ਼ਟਰਪਤੀ ਨੇ ਦਿੱਤੀ ਇਜ਼ਰਾਈਲ ਨੂੰ ਧਮਕੀ
Israel Gaza Attack: ਇਜ਼ਰਾਈਲ ਅਤੇ ਹਮਾਸ ਵਿਚਾਲੇ ਚੱਲ ਰਹੀ ਜੰਗ ਦੇ ਵਿਚਕਾਰ ਈਰਾਨ ਦੇ ਰਾਸ਼ਟਰਪਤੀ ਇਬਰਾਹਿਮ ਰਾਇਸੀ ਚੱਲ ਰਹੇ ਯੁੱਧ 'ਤੇ ਇਕ ਸੰਮੇਲਨ 'ਚ ਹਿੱਸਾ ਲੈਣ ਲਈ ਸਾਊਦੀ ਅਰਬ ਪਹੁੰਚੇ ਹਨ।
Israel Palestine Attack: ਇਜ਼ਰਾਈਲ ਅਤੇ ਹਮਾਸ ਵਿਚਾਲੇ ਚੱਲ ਰਹੀ ਜੰਗ ਨੂੰ ਇੱਕ ਮਹੀਨੇ ਤੋਂ ਵੱਧ ਸਮਾਂ ਹੋ ਗਿਆ ਹੈ। ਹਾਲਾਂਕਿ ਇਹ ਸੰਘਰਸ਼ ਅਜੇ ਵੀ ਰੁਕਣ ਦਾ ਨਾਂਅ ਹੀ ਨਹੀਂ ਲੈ ਰਿਹਾ ਹੈ। ਇਸ ਦੌਰਾਨ ਈਰਾਨ ਦੇ ਰਾਸ਼ਟਰਪਤੀ ਇਬਰਾਹਿਮ ਰਾਇਸੀ ਚੱਲ ਰਹੇ ਯੁੱਧ 'ਤੇ ਇਕ ਸੰਮੇਲਨ 'ਚ ਹਿੱਸਾ ਲੈਣ ਲਈ ਸਾਊਦੀ ਅਰਬ ਪਹੁੰਚੇ। ਤੁਹਾਨੂੰ ਦੱਸ ਦਈਏ ਕਿ 11 ਸਾਲਾਂ ਵਿੱਚ ਇਹ ਪਹਿਲੀ ਵਾਰ ਹੋਇਆ ਹੈ ਜਦੋਂ ਕਿਸੇ ਈਰਾਨੀ ਰਾਸ਼ਟਰਪਤੀ ਨੇ ਸਾਊਦੀ ਅਰਬ ਦਾ ਦੌਰਾ ਕੀਤਾ ਹੈ।
ਰਾਇਸੀ ਨੇ ਸਾਊਦੀ ਅਰਬ ਦੀ ਰਾਜਧਾਨੀ ਰਿਆਦ 'ਚ ਅਰਬ ਅਤੇ ਇਸਲਾਮਿਕ ਦੇਸ਼ਾਂ ਦੇ ਸੰਮੇਲਨ ਲਈ ਰਵਾਨਾ ਹੋਣ ਤੋਂ ਪਹਿਲਾਂ ਤਹਿਰਾਨ ਹਵਾਈ ਅੱਡੇ 'ਤੇ ਕਿਹਾ, ''ਗਾਜ਼ਾ ਨੂੰ ਸ਼ਬਦਾਂ ਦੀ ਨਹੀਂ, ਕਾਰਵਾਈ ਦੀ ਲੋੜ ਹੈ।'' ਅੱਜ ਇਸਲਾਮੀ ਦੇਸ਼ਾਂ ਦੀ ਏਕਤਾ ਬਹੁਤ ਜ਼ਰੂਰੀ ਹੈ। ਰਾਇਸੀ ਨੇ ਕਿਹਾ, 'ਸਾਊਦੀ ਅਰਬ 'ਚ ਹੋਣ ਵਾਲਾ ਸਿਖਰ ਸੰਮੇਲਨ ਯੁੱਧ ਫੈਲਾਉਣ ਵਾਲਿਆਂ ਨੂੰ ਸਖ਼ਤ ਸੰਦੇਸ਼ ਦੇਵੇਗਾ ਅਤੇ ਇਸ ਦਾ ਅਸਰ ਇਹ ਹੋਵੇਗਾ ਕਿ ਫਲਸਤੀਨ 'ਚ ਜੰਗ ਹੋਵੇਗੀ।'
ਅਮਰੀਕਾ ਦੇ ਹੱਥ ਵਿੱਚ ਹੈ ਜੰਗ ਨੂੰ ਰੋਕਣਾ
ਰਾਇਸੀ ਨੇ ਤਹਿਰਾਨ ਹਵਾਈ ਅੱਡੇ 'ਤੇ ਕਿਹਾ, "ਅਮਰੀਕਾ ਦਾ ਕਹਿਣਾ ਹੈ ਕਿ ਉਹ ਯੁੱਧ ਦਾ ਵਿਸਤਾਰ ਨਹੀਂ ਚਾਹੁੰਦਾ ਹੈ ਅਤੇ ਉਸ ਨੇ ਈਰਾਨ ਅਤੇ ਕਈ ਦੇਸ਼ਾਂ ਨੂੰ ਅਜਿਹੇ ਸੰਦੇਸ਼ ਭੇਜੇ ਹਨ। ਪਰ ਇਹ ਬਿਆਨ ਅਮਰੀਕਾ ਦੀਆਂ ਕਾਰਵਾਈਆਂ ਦੇ ਅਨੁਕੂਲ ਨਹੀਂ ਹਨ। ਈਰਾਨੀ ਰਾਸ਼ਟਰਪਤੀ ਨੇ ਅੱਗੇ ਕਿਹਾ, "ਗਾਜ਼ਾ ਵਿਚ ਯੁੱਧ ਮਸ਼ੀਨ ਅਮਰੀਕਾ ਦੇ ਹੱਥਾਂ ਵਿਚ ਹੈ, ਜੋ ਗਾਜ਼ਾ ਵਿਚ ਜੰਗਬੰਦੀ ਨੂੰ ਰੋਕ ਰਿਹਾ ਹੈ ਅਤੇ ਜੰਗ ਨੂੰ ਵਧਾ ਰਿਹਾ ਹੈ, ਦੁਨੀਆ ਨੂੰ ਅਮਰੀਕਾ ਦਾ ਅਸਲੀ ਚਿਹਰਾ ਦੇਖਣਾ ਚਾਹੀਦਾ ਹੈ।
ਇਹ ਵੀ ਪੜ੍ਹੋ: Air Pollution: ਭਾਰਤ ਹੀ ਨਹੀਂ, ਪਾਕਿਸਤਾਨ ਦੀ ਹਵਾ ਵੀ ਹੋਈ 'ਜ਼ਹਿਰੀਲੀ', ਕੀ ਉੱਥੇ ਵੀ ਪੰਜਾਬ ਹੀ ਹੈ ਜ਼ਿੰਮੇਵਾਰ ?
ਹਾਲ ਹੀ ਵਿੱਚ ਈਰਾਨ ਅਤੇ ਸਾਊਦੀ ਅਰਬ ਵਿਚਾਲੇ ਹੋਈ ਸੁਲ੍ਹਾ
ਜ਼ਿਕਰਯੋਗ ਹੈ ਕਿ ਇਸ ਸਾਲ ਮਾਰਚ 'ਚ ਸਾਊਦੀ ਅਰਬ ਅਤੇ ਈਰਾਨ ਨੇ 7 ਸਾਲਾਂ ਬਾਅਦ ਕੂਟਨੀਤਕ ਸਬੰਧਾਂ ਦੀ ਬਹਾਲੀ ਦੇ ਨਾਲ ਟੁੱਟੇ ਰਿਸ਼ਤਿਆਂ ਨੂੰ ਆਮ ਬਣਾਉਣ 'ਤੇ ਸਹਿਮਤੀ ਜਤਾਈ ਹੈ। ਚੀਨ ਦੀ ਵਿਚੋਲਗੀ ਵਿਚ ਦੋਵਾਂ ਦੇਸ਼ਾਂ ਵਿਚਾਲੇ ਇਕ ਸਮਝੌਤੇ ਦਾ ਐਲਾਨ ਕੀਤਾ ਗਿਆ ਸੀ, ਜਿਸ ਨੂੰ ਸ਼ਾਂਤੀ ਸਮਝੌਤੇ ਵਜੋਂ ਜਾਣਿਆ ਜਾਂਦਾ ਹੈ।
ਦੱਸ ਦਈਏ ਕਿ ਸਾਊਦੀ ਅਰਬ 'ਚ ਹੋਣ ਵਾਲੇ ਇਸ ਸੰਮੇਲਨ ਦਾ ਆਯੋਜਨ ਇਸਲਾਮਿਕ ਸਹਿਯੋਗ ਸੰਗਠਨ ਯਾਨੀ OIC ਦੁਆਰਾ ਕੀਤਾ ਜਾ ਰਿਹਾ ਹੈ। ਇਸ ਸੰਗਠਨ ਦਾ ਮੁੱਖ ਦਫਤਰ ਸਾਊਦੀ ਸ਼ਹਿਰ ਜੇੱਦਾ ਵਿਚ ਹੈ ਅਤੇ ਇਸ ਵਿਚ 57 ਮੁਸਲਿਮ ਦੇਸ਼ ਸ਼ਾਮਲ ਹਨ।
ਇਹ ਵੀ ਪੜ੍ਹੋ: Punjab News: 'ਇਕੱਲੇ ਗਵਰਨਰ ਨੂੰ ਨਹੀਂ ਪੰਜਾਬ ਸਰਕਾਰ ਨੂੰ ਪਾਈ ਹੈ ਸੁਪਰੀਮ ਕੋਰਟ ਨੇ ਝਾੜ'
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
