Ukraine Russia War : ਜੋ ਬਿਡੇਨ ਨੇ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਨੂੰ ਦੱਸਿਆ "ਯੁੱਧ ਅਪਰਾਧੀ", ਰੂਸ ਨੇ ਪਲਟਕਰ ਦਿੱਤਾ ਇਹ ਜਵਾਬ 

ਯੂਕਰੇਨ 'ਤੇ ਰੂਸ ਦੇ ਹਮਲੇ ਨਾਲ ਆਮ ਲੋਕਾਂ 'ਤੇ ਹੋਏ ਵਿਨਾਸ਼ਕਾਰੀ ਅਸਰ ਵਿਚਕਾਰ ਅਮਰੀਕੀ ਰਾਸ਼ਟਰਪਤੀ ਜੋਅ ਬਿਡੇਨ ਨੇ ਆਪਣੇ ਰੂਸੀ ਹਮਰੁਤਬਾ ਵਲਾਦੀਮੀਰ ਪੁਤਿਨ ਨੂੰ "ਇੱਕ ਯੁੱਧ ਅਪਰਾਧੀ" ਦੱਸਿਆ ਹੈ।

Ukraine Russia War

ਯੂਕਰੇਨ 'ਤੇ ਰੂਸ ਦੇ ਹਮਲੇ ਨਾਲ ਆਮ ਲੋਕਾਂ 'ਤੇ ਹੋਏ ਵਿਨਾਸ਼ਕਾਰੀ ਅਸਰ ਵਿਚਕਾਰ ਅਮਰੀਕੀ ਰਾਸ਼ਟਰਪਤੀ ਜੋਅ ਬਿਡੇਨ ਨੇ ਆਪਣੇ ਰੂਸੀ ਹਮਰੁਤਬਾ ਵਲਾਦੀਮੀਰ ਪੁਤਿਨ ਨੂੰ "ਇੱਕ ਯੁੱਧ ਅਪਰਾਧੀ" ਦੱਸਿਆ ਹੈ। ਉਸ ਦੇ ਬਿਆਨ 'ਤੇ ਤਿੱਖੀ ਪ੍ਰਤੀਕ੍ਰਿਆ ਕਰਦੇ ਹੋਏ ਰੂਸ ਨੇ ਇਸ ਨੂੰ ਰਾਜ ਦੇ ਮੁਖੀ ਦੁਆਰਾ "ਅਯੋਗ ਬਿਆਨਬਾਜ਼ੀ" ਕਰਾਰ ਦਿੱਤਾ ਹੈ।

 

ਬਿਡੇਨ ਨੇ ਵ੍ਹਾਈਟ ਹਾਊਸ 'ਚ ਪੱਤਰਕਾਰਾਂ ਨੂੰ ਕਿਹਾ, ''ਮੈਨੂੰ ਲੱਗਦਾ ਹੈ ਕਿ ਉਹ (ਪੁਤਿਨ) "ਇੱਕ ਯੁੱਧ ਅਪਰਾਧੀ" ਹੈ। ਇਸ ਤੋਂ ਬਾਅਦ ਵ੍ਹਾਈਟ ਹਾਊਸ ਦੇ ਪ੍ਰੈੱਸ ਸਕੱਤਰ ਜੇਨ ਸਾਕੀ ਨੇ ਕਿਹਾ, ''ਮੈਨੂੰ ਲੱਗਦਾ ਹੈ ਕਿ ਰਾਸ਼ਟਰਪਤੀ ਦੀਆਂ ਟਿੱਪਣੀਆਂ ਹੀ ਕਾਫੀ ਹਨ। ਉਹ ਦਿਲੋਂ ਬੋਲ ਰਹੇ ਸੀ ਅਤੇ ਅਸੀਂ ਟੈਲੀਵਿਜ਼ਨ 'ਤੇ ਇੱਕ ਹੋਰ ਦੇਸ਼ ਵਿੱਚ ਹੋਏ ਹਮਲੇ ਦੇ ਜ਼ਰੀਏ ਇੱਕ ਤਾਨਾਸ਼ਾਹ ਦੀਆਂ ਵਹਿਸ਼ੀ ਕਾਰਵਾਈਆਂ ਨੂੰ ਦੇਖਿਆ , ਉਹ ਉਸਦੇ ਅਧਾਰ 'ਤੇ ਬੋਲ ਰਹੇ ਹਨ।

 

ਮਾਸਕੋ ਵਿੱਚ ਰੂਸੀ ਸਰਕਾਰ ਦੇ ਹੈੱਡਕੁਆਰਟਰ ਕ੍ਰੇਮਲਿਨ ਨੇ ਬਿਡੇਨ ਦੀ "ਯੁੱਧ ਅਪਰਾਧੀ" ਸਬੰਧੀ ਟਿੱਪਣੀ ਨੂੰ "ਨਾ ਮੁਆਫ਼ੀਯੋਗ ਬਿਆਨਬਾਜ਼ੀ" ਕਿਹਾ। ਰੂਸ ਦੀ ਸਰਕਾਰੀ ਨਿਊਜ਼ ਏਜੰਸੀ ਟਾਸ ਦੇ ਅਨੁਸਾਰ ਕ੍ਰੇਮਲਿਨ ਦੇ ਬੁਲਾਰੇ ਦਮਿਤਰੀ ਪੇਸਕੋਵ ਨੇ ਕਿਹਾ, "ਅਸੀਂ ਅਜਿਹੇ ਰਾਜ ਦੇ ਮੁਖੀ ਦੁਆਰਾ ਇਸ ਤਰ੍ਹਾਂ ਦੀ ਬਿਆਨਬਾਜ਼ੀ ਨੂੰ ਅਸਵੀਕਾਰਨਯੋਗ ਅਤੇ ਮਾਫਯੋਗ ਮੰਨਦੇ ਹਾਂ, ਜਿਸ ਦੇ ਬੰਬਾਂ ਨੇ ਦੁਨੀਆ ਭਰ ਵਿੱਚ ਹਜ਼ਾਰਾਂ ਲੋਕਾਂ ਦੀ ਜਾਨ ਲਈ ਹੈ। 

 

ਬਿਡੇਨ ਨੇ ਯੂਕਰੇਨ ਵਿੱਚ ਰੂਸੀ ਹਮਲੇ ਕਾਰਨ ਹੋਈ ਤਬਾਹੀ ਦਾ ਜ਼ਿਕਰ ਕਰਦਿਆਂ ਕਿਹਾ, ”ਇਹ ਵਧੀਕੀਆਂ ਹਨ। ਇਹ ਦੁਨੀਆ ਲਈ ਗੁੱਸੇ ਦੀ ਗੱਲ ਹੈ ਅਤੇ ਯੂਕਰੇਨ ਲਈ ਸਾਡੇ ਸਮਰਥਨ ਅਤੇ ਪੁਤਿਨ ਨੂੰ ਜਿਸ ਵਚਨਬੱਧਤਾ ਦੀ ਭਾਰੀ ਕੀਮਤ ਚੁਕਾਉਣੀ ਪਈ ਹੈ, ਉਸ ਲਈ ਸਾਡਾ ਸਮਰਥਨ ਕਰਨ ਲਈ ਵਿਸ਼ਵ ਇਕਜੁੱਟ ਹੈ।

 

ਉਨ੍ਹਾਂ ਨੇ ਕਿਹਾ ਕਿ ਸੰਯੁਕਤ ਰਾਜ ਆਪਣੇ ਸਹਿਯੋਗੀਆਂ ਅਤੇ ਭਾਈਵਾਲਾਂ ਦੇ ਨਾਲ ਇਸ ਕੋਸ਼ਿਸ਼ ਦੀ ਅਗਵਾਈ ਕਰ ਰਿਹਾ ਹੈ ਅਤੇ ਵਿਸ਼ਾਲ ਸੁਰੱਖਿਆ ਅਤੇ ਮਾਨਵਤਾਵਾਦੀ ਸਹਾਇਤਾ ਪ੍ਰਦਾਨ ਕਰ ਰਿਹਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਅਮਰੀਕਾ, ਉਸਦੇ ਸਹਿਯੋਗੀ ਅਤੇ ਭਾਈਵਾਲ ਪਾਬੰਦੀਆਂ ਲਗਾ ਕੇ ਪੁਤਿਨ ਦੀ ਆਰਥਿਕਤਾ ਨੂੰ ਕਮਜ਼ੋਰ ਕਰ ਰਹੇ ਹਨ ਅਤੇ ਇਹ ਪਾਬੰਦੀਆਂ ਹੋਰ ਸਖਤ ਕੀਤੀਆਂ ਜਾਣਗੀਆਂ।

 

ਬਿਡੇਨ ਨੇ ਕਿਹਾ ਕਿ ਯੂਕਰੇਨ ਨੂੰ ਦਿੱਤੇ ਗਏ ਨਵੇਂ ਸੁਰੱਖਿਆ ਪੈਕੇਜ ਵਿੱਚ 800 ਐਂਟੀ-ਏਅਰਕ੍ਰਾਫਟ ਸਿਸਟਮ ਸ਼ਾਮਲ ਹਨ। ਇਸ ਤੋਂ ਪਹਿਲਾਂ ਬਿਡੇਨ ਨੇ ਯੂਕਰੇਨ ਲਈ 800 ਮਿਲੀਅਨ ਡਾਲਰ ਦੀ ਵਾਧੂ ਸਹਾਇਤਾ ਦਾ ਐਲਾਨ ਕੀਤਾ ਸੀ ਅਤੇ ਇਸ ਦੇ ਨਾਲ ਹੀ ਅਮਰੀਕਾ ਨੇ ਇੱਕ ਹਫ਼ਤੇ ਤੋਂ ਵੀ ਘੱਟ ਸਮੇਂ ਵਿੱਚ ਯੂਕਰੇਨ ਨੂੰ ਇੱਕ ਅਰਬ ਡਾਲਰ ਦੀ ਸਹਾਇਤਾ ਦੇਣ ਦਾ ਐਲਾਨ ਕੀਤਾ ਹੈ।