ਪਾਕਿਸਤਾਨ 'ਚ ਸਿਆਸੀ ਉਥਲ-ਪੁਥਲ: ਇਮਰਾਨ ਦੀ ਕੁਰਸੀ ਜਾਣੀ ਤੈਅ! 31 ਮਾਰਚ ਨੂੰ ਬੇਭਰੋਸਗੀ ਮਤੇ 'ਤੇ ਬਹਿਸ
Pakistani PM Imran Khan: ਪਾਕਿਸਤਾਨ ਦੇ ਪ੍ਰਧਾਨ ਮੰਤਰੀ ਇਮਰਾਨ ਖ਼ਾਨ ਕੋਲ ਸੰਸਦ ਵਿੱਚ ਬਹੁਮਤ ਨਹੀਂ ਹੈ। ਹੁਣ ਬੇਭਰੋਸਗੀ ਮਤੇ 'ਤੇ 31 ਮਾਰਚ ਨੂੰ ਬਹਿਸ ਹੋਵੇਗੀ।
Political turmoil in Pakistan: Imran's chair is set to go, no-confidence motion will be debated on March 31
Pakistan PM Imran Khan News: ਪਾਕਿਸਤਾਨ ਦੇ ਪ੍ਰਧਾਨ ਮੰਤਰੀ ਇਮਰਾਨ ਖ਼ਾਨ ਬੇਸ਼ੱਕ ਹੀ ਜਿੱਤ ਦੇ ਦਾਅਵੇ ਕਰ ਰਹੇ ਹੋਣ ਪਰ ਪਾਕਿਸਤਾਨ 'ਚ ਇਮਰਾਨ ਦੀ ਹਾਰ ਦਾ ਮੂੰਹ ਦੇਖਣ ਨੂੰ ਮਿਲ ਰਿਹਾ ਹੈ। ਸੰਸਦ 'ਚ ਬੇਭਰੋਸਗੀ ਮਤਾ ਪੇਸ਼ ਕੀਤਾ ਗਿਆ, ਹੁਣ ਇਸ 'ਤੇ ਬਹਿਸ 31 ਮਾਰਚ ਨੂੰ ਹੋਵੇਗੀ। ਦਾਅਵੇ ਤਾਂ ਵੱਡੇ-ਵੱਡੇ ਹਨ ਪਰ ਹੁਣ ਇਮਰਾਨ ਦੀ ਕੁਰਸੀ ਦਾ ਜਾਣਾ ਲਗਭਗ ਤੈਅ ਮੰਨਿਆ ਜਾ ਰਿਹਾ ਹੈ। ਵਿਰੋਧੀ ਧਿਰ ਦਾ ਕਹਿਣਾ ਹੈ ਕਿ ਵਜ਼ੀਰ-ਏ-ਆਜ਼ਮ ਇੰਨੇ ਮੂਰਖ ਹਨ ਕਿ ਉਹ ਸਾਡੇ ਨਾਲ ਮੁਕਾਬਲਾ ਕਰਨ ਲਈ ਤਿਆਰ ਨਹੀਂ ਹਨ।
ਆਖਰ ਝੁਕ ਗਏ ਇਮਰਾਨ
ਇਮਰਾਨ ਨੇ ਪੰਜਾਬ ਦੇ ਮੁੱਖ ਮੰਤਰੀ ਉਸਮਾਨ ਬੁਜ਼ਦਾਰ ਨੂੰ ਹਟਾ ਦਿੱਤਾ ਹੈ। ਬੁਜ਼ਦਾਰ ਇਮਰਾਨ ਦੇ ਭਰੋਸੇਮੰਦ ਲੋਕਾਂ ਚੋਂ ਇੱਕ ਸੀ, ਪਰ ਬਾਗੀ ਸਾਂਸਦ ਬੁਜ਼ਦਾਰ ਦੇ ਖ਼ਿਲਾਫ਼ ਹੋ ਗਏ ਸੀ। ਬੁਜ਼ਦਾਰ ਦੀ ਥਾਂ 'ਤੇ ਪੀਐੱਮਐੱਲ-ਕਿਊ ਦੇ ਚੌਧਰੀ ਪਰਵੇਜ਼ ਇਲਾਹੀ ਨੂੰ ਚੁਣਿਆ ਗਿਆ ਹੈ। ਦਰਅਸਲ ਇਲਾਹੀ ਨੂੰ ਸੀਐਮ ਬਣਾ ਕੇ ਉਨ੍ਹਾਂ ਨੇ ਪੀਐਮਐਲ-ਕਿਊ ਨਾਲ ਸਮਝੌਤਾ ਕਰ ਲਿਆ ਹੈ। ਪਾਕਿਸਤਾਨ ਸੰਸਦ ਵਿੱਚ ਪੀਐਮਐਲ-ਕਿਊ ਦੀਆਂ 5 ਸੀਟਾਂ ਹਨ।
ਇੱਕ ਪਾਸੇ ਤੋਂ ਲੱਗਦਾ ਹੈ ਕਿ ਇਮਰਾਨ ਨੇ ਭਾਵੇਂ ਇਸ ਸੌਦੇ ਨਾਲ ਆਪਣੀ ਕੁਰਸੀ ਬਚਾ ਲਈ, ਪਰ ਪਾਕਿਸਤਾਨ ਵਿੱਚ ਇਮਰਾਨ ਖ਼ਿਲਾਫ਼ ਇੰਨੀ ਨਾਰਾਜ਼ਗੀ ਹੈ ਕਿ ਇਹ ਪੰਜ ਸੀਟਾਂ ਊਠ ਦੇ ਮੂੰਹ ਵਿੱਚ ਜੀਰੇ ਵਾਂਗ ਹੋ ਸਕਦੀਆਂ ਹਨ। ਬੀਏਪੀ ਯਾਨੀ ਬਲੋਚਿਸਤਾਨ ਅਵਾਮੀ ਪਾਰਟੀ ਨੇ ਇਮਰਾਨ ਦਾ ਸਾਥ ਛੱਡ ਦਿੱਤਾ ਹੈ। ਬੀਏਪੀ ਕੋਲ ਪਾਕਿਸਤਾਨ ਦੀ ਸੰਸਦ ਵਿੱਚ ਵੀ 5 ਸੀਟਾਂ ਹਨ। ਦੋ ਦਿਨਾਂ ਵਿੱਚ ਦੋ ਸਹਿਯੋਗੀ ਇਮਰਾਨ ਦਾ ਸਾਥ ਛੱਡ ਚੁੱਕੇ ਹਨ।
ਜਮਹੂਰੀ ਵਤਨ ਪਾਰਟੀ ਦੇ ਪ੍ਰਧਾਨ ਸ਼ਾਹਜ਼ੈਨ ਬੁਗਤੀ ਵੀ ਉਨ੍ਹਾਂ ਚੋਂ ਇੱਕ ਹਨ। ਇਹੀ ਕਾਰਨ ਹੈ ਕਿ ਵਿਰੋਧੀ ਧਿਰ ਨੇ ਬੁਲੰਦ ਹੌਸਲੇ ਨਾਲ ਬੀਤੇ ਦਿਨ ਪਾਕਿਸਤਾਨ ਦੀ ਪਾਰਲੀਮੈਂਟ ਵਿੱਚ ਬੇਭਰੋਸਗੀ ਮਤਾ ਪੇਸ਼ ਕਰਦਿਆਂ ਨਵਾਜ਼ ਸ਼ਰੀਫ਼ ਦੇ ਭਰਾ ਸ਼ਾਹਬਾਜ਼ ਸ਼ਰੀਫ਼, ਜਿਨ੍ਹਾਂ ਨੂੰ ਪਾਕਿਸਤਾਨ ਦਾ ਅਗਲਾ ਪ੍ਰਧਾਨ ਮੰਤਰੀ ਦੱਸਿਆ ਜਾ ਰਿਹਾ ਹੈ, ਨੇ ਕਿਹਾ ਕਿ ਸਦਨ ਨੂੰ ਇਮਰਾਨ 'ਤੇ ਭਰੌਸਾ ਨਹੀਂ ਹੈ।।
ਪਾਕਿਸਤਾਨ ਦੇ ਸੰਵਿਧਾਨ ਦੇ ਅਨੁਛੇਦ 95 ਦੀ ਧਾਰਾ 1 ਦੇ ਅਨੁਸਾਰ, ਇਹ ਸਦਨ ਪ੍ਰਸਤਾਵ ਕਰਦਾ ਹੈ ਕਿ ਇਸਨੂੰ ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਨਿਆਜ਼ੀ ਵਿੱਚ ਹੁਣ ਵਿਸ਼ਵਾਸ ਨਹੀਂ ਹੈ।
ਇਮਰਾਨ ਖਿਲਾਫ ਬੇਭਰੋਸਗੀ ਮਤਾ
ਹੁਣ ਬੇਭਰੋਸਗੀ ਮਤੇ 'ਤੇ 31 ਮਾਰਚ ਨੂੰ ਬਹਿਸ ਹੋਵੇਗੀ।
ਸਦਨ ਵਿੱਚ ਪ੍ਰਸਤਾਵ ਆਉਣ ਤੋਂ 3 ਦਿਨ ਪਹਿਲਾਂ ਅਤੇ 7 ਦਿਨ ਬਾਅਦ ਵੋਟਿੰਗ ਹੁੰਦੀ ਹੈ।
ਇਸ ਮੁਤਾਬਕ 3 ਅਪ੍ਰੈਲ ਤੋਂ ਪਹਿਲਾਂ ਵੋਟਿੰਗ ਕਰਨੀ ਜ਼ਰੂਰੀ ਹੈ।
ਇਮਰਾਨ ਦੀ ਚਲਾਕੀ ਕੰਮ ਨਹੀਂ ਆਈ
ਦਰਅਸਲ 8 ਮਾਰਚ ਨੂੰ ਵਿਰੋਧੀ ਧਿਰ ਨੇ ਬੇਭਰੋਸਗੀ ਮਤੇ ਲਈ ਨੋਟਿਸ ਦਿੱਤਾ ਸੀ ਪਰ ਇਮਰਾਨ ਬੇਭਰੋਸਗੀ ਮਤੇ ਨੂੰ ਟਾਲਦੇ ਰਹੇ। ਸਦਨ ਦੀ ਕਾਰਵਾਈ 25 ਮਾਰਚ ਨੂੰ ਮੁਲਤਵੀ ਕਰ ਦਿੱਤੀ ਗਈ ਸੀ। 28 ਮਾਰਚ ਨੂੰ ਉਨ੍ਹਾਂ ਨੂੰ ਬੇਭਰੋਸਗੀ ਮਤੇ ਦਾ ਸਾਹਮਣਾ ਕਰਨ ਲਈ ਮਜਬੂਰ ਹੋਣਾ ਪਿਆ। ਪਾਰਲੀਮੈਂਟ ਵਿੱਚ ਬਹੁਮਤ ਨਾ ਮਿਲਣ ਕਾਰਨ ਇਮਰਾਨ ਭੱਜ ਗਏ।
ਪਾਕਿਸਤਾਨ ਦੀ ਸੰਸਦ ਵਿੱਚ ਇਮਰਾਨ ਦੀ ਘਟਦੀ ਤਾਕਤ
ਪਾਕਿਸਤਾਨ ਦੀ ਸੰਸਦ ਵਿੱਚ ਕੁੱਲ ਮੈਂਬਰਾਂ ਦੀ ਗਿਣਤੀ 342 ਹੈ।
ਜਦੋਂ ਕਿ ਭਰੋਸੇ ਦਾ ਵੋਟ ਹਾਸਲ ਕਰਨ ਲਈ 172 ਦੀ ਲੋੜ ਸੀ।
ਇਮਰਾਨ ਨੂੰ ਕੁੱਲ 179 ਸੰਸਦ ਮੈਂਬਰਾਂ ਦਾ ਸਮਰਥਨ ਹਾਸਲ ਸੀ।
ਇਸ ਚੋਂ 24 ਸੰਸਦ ਮੈਂਬਰ ਬਾਗੀ ਹੋ ਗਏ।
ਜਦਕਿ 23 ਸਾਥੀ ਸੰਸਦ ਮੈਂਬਰਾਂ ਨੇ ਵੀ ਇਮਰਾਨ ਤੋਂ ਮੂੰਹ ਮੋੜ ਲਿਆ ਹੈ।
ਯਾਨੀ ਕੁੱਲ 132 ਬਚੇ ਹਨ, ਜੋ ਬਹੁਮਤ ਤੋਂ ਚਾਲੀ ਘੱਟ ਹਨ। ਕੁੱਲ ਮਿਲਾ ਕੇ ਇਮਰਾਨ ਦਾ ਜਾਣਾ ਤੈਅ ਦੱਸਿਆ ਜਾ ਰਿਹਾ ਹੈ।
ਇਹ ਵੀ ਪੜ੍ਹੋ: ਰਮਜ਼ਾਨ ਤੋਂ ਪਹਿਲਾਂ ਸਾਊਦੀ ਅਰਬ 'ਚ ਊਠ ਦੀ ਨਿਲਾਮੀ! ਇੰਨੇ ਕਰੋੜ ਦੀ ਲੱਗੀ ਬੋਲੀ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
