Russia Ukraine War : ਵਿਸ਼ਵ ਯੁੱਧ ਵਲ ਵੱਧ ਰਿਹੈ ਸੰਸਾਰ, ਹੁਣ ਸਵੀਡਨ 'ਚ ਦਾਖਲ ਹੋਏ 4 ਰੂਸੀ ਲੜਾਕੂ ਜਹਾਜ਼

ਯੂਕਰੇਨ ਤੇ ਰੂਸ ਵਿਚਾਲੇ ਚੱਲ ਰਹੀ ਜੰਗ ਤੀਜੇ ਵਿਸ਼ਵ ਯੁੱਧ ਵਿੱਚ ਬਦਲ ਸਕਦੀ ਹੈ। ਹੁਣ ਸਵੀਡਿਸ਼ ਹਥਿਆਰਬੰਦ ਬਲਾਂ ਨੇ ਕਿਹਾ ਕਿ ਬੁੱਧਵਾਰ ਨੂੰ ਚਾਰ ਰੂਸੀ ਲੜਾਕੂ ਜਹਾਜ਼ ਬਾਲਟਿਕ ਸਾਗਰ ਤੋਂ ਸਵੀਡਨ ਦੇ ਖੇਤਰ ਵਿੱਚ ਦਾਖਲ ਹੋਏ ਹਨ।

Russia_Ukraine_War_1

ਨਵੀਂ ਦਿੱਲੀ: ਯੂਕਰੇਨ ਤੇ ਰੂਸ ਵਿਚਾਲੇ ਚੱਲ ਰਹੀ ਜੰਗ ਤੀਜੇ ਵਿਸ਼ਵ ਯੁੱਧ ਵਿੱਚ ਬਦਲ ਸਕਦੀ ਹੈ। ਹੁਣ ਸਵੀਡਿਸ਼ ਹਥਿਆਰਬੰਦ ਬਲਾਂ ਨੇ ਕਿਹਾ ਕਿ ਬੁੱਧਵਾਰ ਨੂੰ ਚਾਰ ਰੂਸੀ ਲੜਾਕੂ ਜਹਾਜ਼ ਬਾਲਟਿਕ ਸਾਗਰ ਤੋਂ ਸਵੀਡਨ ਦੇ ਖੇਤਰ ਵਿੱਚ ਦਾਖਲ ਹੋਏ ਹਨ, ਜਿਸ ਦੀ ਸਵੀਡਨ ਦੇ ਰੱਖਿਆ ਮੰਤਰੀ ਨੇ ਸਖ਼ਤ ਨਿੰਦਾ ਕੀਤੀ ਹੈ।

ਸਵੀਡਨ ਦੇ ਹਥਿਆਰਬੰਦ ਬਲਾਂ ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ ਦੋ ਰੂਸੀ Su27 ਤੇ ਦੋ Su24 ਲੜਾਕੂ ਜਹਾਜ਼ ਬਾਲਟਿਕ ਸਾਗਰ ਵਿੱਚ ਗੋਟਲੈਂਡ ਦੇ ਸਵੀਡਿਸ਼ ਟਾਪੂ ਦੇ ਪੂਰਬ ਵਿੱਚ ਸਵੀਡਿਸ਼ ਹਵਾਈ ਖੇਤਰ ਵਿੱਚ ਦਾਖਲ ਹੋਏ ਹਨ।

ਰੱਖਿਆ ਮੰਤਰੀ ਪੀਟਰ ਹਲਟਕੁਇਸਟ ਨੇ ਨਿਊਜ਼ ਏਜੰਸੀ ਟੀਟੀ ਨੂੰ ਦੱਸਿਆ ਕਿ "ਸਵੀਡਿਸ਼ ਹਵਾਈ ਖੇਤਰ ਦਾ ਰੂਸੀ ਉਲੰਘਣ ਬੇਸ਼ੱਕ ਪੂਰੀ ਤਰ੍ਹਾਂ ਅਸਵੀਕਾਰਨਯੋਗ ਹੈ। ਇਸ ਨਾਲ ਸਵੀਡਨ ਤੋਂ ਸਖ਼ਤ ਕੂਟਨੀਤਕ ਜਵਾਬ ਮਿਲੇਗਾ। ਸਵੀਡਨ ਦੀ ਪ੍ਰਭੂਸੱਤਾ ਅਤੇ ਖੇਤਰ ਦਾ ਹਮੇਸ਼ਾ ਸਨਮਾਨ ਕੀਤਾ ਜਾਣਾ ਚਾਹੀਦਾ ਹੈ।

ਸਵੀਡਨ ਦੇ ਹਥਿਆਰਬੰਦ ਬਲਾਂ ਨੇ ਕਿਹਾ ਕਿ ਸਥਿਤੀ ਕਾਬੂ ਹੇਠ ਹੈ ਅਤੇ ਇਸ ਘਟਨਾ ਤੋਂ ਪਤਾ ਚੱਲਦਾ ਹੈ ਕਿ ਤਿਆਰੀਆਂ ਚੰਗੀਆਂ ਸਨ। ਇਸ ਨੇ ਆਪਣੀ ਵੈਬਸਾਈਟ 'ਤੇ ਕਿਹਾ, "ਅਸੀਂ ਮੌਜੂਦਾ ਸਥਿਤੀ ਦੇ ਮੱਦੇਨਜ਼ਰ ਇਸ ਘਟਨਾ ਨੂੰ ਬਹੁਤ ਗੰਭੀਰਤਾ ਨਾਲ ਲੈਂਦੇ ਹਾਂ।

ਸਵੀਡਨ ਨੇ ਐਤਵਾਰ ਨੂੰ ਕਿਹਾ ਕਿ ਉਹ ਯੂਕਰੇਨ ਨੂੰ 5,000 ਐਂਟੀ-ਟੈਂਕ ਹਥਿਆਰਾਂ ਸਮੇਤ ਫੌਜੀ ਸਹਾਇਤਾ ਭੇਜੇਗਾ, 1939 ਤੋਂ ਬਾਅਦ ਪਹਿਲੀ ਵਾਰ ਜਦੋਂ ਸਵੀਡਨ ਨੇ ਜੰਗ ਵਿੱਚ ਕਿਸੇ ਦੇਸ਼ ਨੂੰ ਹਥਿਆਰ ਭੇਜੇ ਹਨ।

ਰੂਸ ਦੇ ਵਿਦੇਸ਼ ਮੰਤਰੀ ਸਰਗੇਈ ਲਾਵਰੋਵ (Sergei Lavrov) ਨੇ ਵੀਰਵਾਰ ਨੂੰ ਕਿਹਾ ਕਿ ਮਾਸਕੋ (Moscow) "ਅੰਤ" ਤੱਕ ਯੂਕਰੇਨ (Ukraine) ਵਿੱਚ ਆਪਣੀ ਫੌਜੀ ਮੁਹਿੰਮ ਜਾਰੀ ਰੱਖੇਗਾ। ਲਾਵਰੋਵ ਨੇ ਕਿਹਾ ਕਿ ਉਨ੍ਹਾਂ ਦਾ ਮੰਨਣਾ ਹੈ ਕਿ ਕੁਝ ਵਿਦੇਸ਼ੀ ਨੇਤਾ ਰੂਸ ਦੇ ਖਿਲਾਫ ਜੰਗ ਦੀ ਤਿਆਰੀ ਕਰ ਰਹੇ ਸੀ।

 

ਲਾਵਰੋਵ ਨੇ ਇਹ ਵੀ ਕਿਹਾ ਕਿ ਰੂਸ ਦਾ ਪ੍ਰਮਾਣੂ ਯੁੱਧ ਬਾਰੇ ਕੋਈ ਵਿਚਾਰ ਨਹੀਂ ਹੈ। ਉਨ੍ਹਾਂ ਕਿਹਾ ਕਿ ਪਰਮਾਣੂ ਯੁੱਧ ਦੀ ਕਹਾਣੀ ਪੱਛਮੀ ਲੋਕਾਂ 'ਤੇ ਦਬਾਅ ਬਣਾਉਣ ਲਈ ਘੜੀ ਗਈ ਹੈ। ਵਿਦੇਸ਼ ਮੰਤਰੀ ਨੇ ਕਿਹਾ, "ਮੈਂ ਇਹ ਦੱਸਣਾ ਚਾਹਾਂਗਾ ਕਿ ਪ੍ਰਮਾਣੂ ਯੁੱਧ ਦਾ ਵਿਚਾਰ ਰਸਿਆਂ ਦੇ ਸਿਰ ਵਿੱਚ ਨਹੀਂ ਹੈ ਪਰ ਪੱਛਮੀ ਸਿਆਸਤਦਾਨਾਂ ਦੇ ਸਿਰ ਵਿੱਚ ਹੈ ਅਤੇ ਲਗਾਤਾਰ ਘੁੰਮ ਰਿਹਾ ਹੈ। ਲਾਵਰੋਵ ਨੇ ਕਿਹਾ, "ਇਸੇ ਲਈ ਮੈਂ ਤੁਹਾਨੂੰ ਭਰੋਸਾ ਦਿਵਾਉਂਦਾ ਹਾਂ ਕਿ ਅਸੀਂ ਕਿਸੇ ਵੀ ਤਰ੍ਹਾਂ ਦੀ ਭੜਕਾਹਟ ਨਾਲ ਆਪਣਾ ਸੰਤੁਲਨ ਨਹੀਂ ਵਿਗੜਨ ਦੇਵਾਂਗੇ। 

ਇਹ ਵੀ ਪੜ੍ਹੋ :ਯੂਕਰੇਨੀ ਲੇਖਕ ਦਾ ਦਾਅਵਾ, ਜ਼ੇਲੇਂਸਕੀ ਸਰਕਾਰ ਨੇ ਅਪਰਾਧੀਆਂ ਨੂੰ ਦਿੱਤੇ ਹਥਿਆਰ, ਸ਼ਹਿਰ 'ਚ ਵਧੇ ਰੇਪ ਤੇ ਲੁੱਟ-ਖੋਹ ਦੇ ਮਾਮਲੇ

ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ :

https://play.google.com/store/apps/details?id=com.winit.starnews.hin
https://apps.apple.com/in/app/abp-live-news/id81111490