ਰੜਕਾਂ ਕੱਢਣ 'ਤੇ ਆਇਆ ਟਰੰਪ! ਅਮਰੀਕਾ ਵੱਲੋਂ ਭਾਰਤ ਦੀਆਂ 6 ਪੈਟ੍ਰੋਲਿਅਮ ਕੰਪਨੀਆਂ 'ਤੇ ਪਾਬੰਦੀ, ਈਰਾਨ ਦਾ ਹਵਾਲਾ ਦੇ ਦਿੱਤਾ ਵੱਡਾ ਝਟਕਾ
ਅਮਰੀਕਾ ਨੇ ਭਾਰਤ ਨੂੰ ਇੱਕ ਹੋਰ ਝਟਕਾ ਦਿੱਤਾ ਹੈ। ਉਸ ਨੇ ਭਾਰਤ ਦੀਆਂ 6 ਪੈਟ੍ਰੋਲਿਅਮ ਕੰਪਨੀਆਂ 'ਤੇ ਪਾਬੰਦੀ ਲਾ ਦਿੱਤੀ ਹੈ। ਅਮਰੀਕੀ ਵਿਦੇਸ਼ ਮੰਤਰਾਲੇ ਦੇ ਮੁਤਾਬਕ ਇਹ ਕੰਪਨੀਆਂ ਈਰਾਨ ਨਾਲ ਵਪਾਰ ਕਰ ਰਹੀਆਂ ਸਨ
ਅਮਰੀਕਾ ਨੇ ਭਾਰਤ ਨੂੰ ਇੱਕ ਹੋਰ ਝਟਕਾ ਦਿੱਤਾ ਹੈ। ਉਸ ਨੇ ਭਾਰਤ ਦੀਆਂ 6 ਪੈਟ੍ਰੋਲਿਅਮ ਕੰਪਨੀਆਂ 'ਤੇ ਪਾਬੰਦੀ ਲਾ ਦਿੱਤੀ ਹੈ। ਅਮਰੀਕੀ ਵਿਦੇਸ਼ ਮੰਤਰਾਲੇ ਦੇ ਮੁਤਾਬਕ ਇਹ ਕੰਪਨੀਆਂ ਈਰਾਨ ਨਾਲ ਵਪਾਰ ਕਰ ਰਹੀਆਂ ਸਨ। NDTV ਦੀ ਇੱਕ ਰਿਪੋਰਟ ਅਨੁਸਾਰ, ਵਿਦੇਸ਼ ਮੰਤਰਾਲੇ ਕਿਹਾ ਕਿ ਈਰਾਨ ਆਪਣੀ ਆਮਦਨ ਦਾ ਵੱਡਾ ਹਿੱਸਾ ਖੇਤਰੀ ਟਕਰਾਅ ਨੂੰ ਵਧਾਉਣ ਲਈ ਵਰਤ ਰਿਹਾ ਹੈ। ਅਮਰੀਕਾ ਨੇ ਈਰਾਨ 'ਤੇ ਆਤੰਕਵਾਦ ਨੂੰ ਸਹਿਯੋਗ ਦੇਣ ਦਾ ਵੀ ਦੋਸ਼ ਲਾਇਆ ਹੈ।
ਅਮਰੀਕੀ ਵਿਦੇਸ਼ ਮੰਤਰਾਲੇ ਦੇ ਬੁਲਾਰੇ ਨੇ ਕਿਹਾ, ''ਈਰਾਨੀ ਸਰਕਾਰ ਮੱਧ ਪੂਰਬ 'ਚ ਟਕਰਾਅ ਵਧਾਉਂਦੀ ਹੈ ਅਤੇ ਅਸਥਿਰਤਾ ਫੈਲਾਉਣ ਲਈ ਪੈਸੇ ਦੀ ਵਰਤੋਂ ਕਰਦੀ ਹੈ। ਅਮਰੀਕਾ ਇਸ ਆਮਦਨ ਸਰੋਤ ਨੂੰ ਰੋਕਣ ਲਈ ਕਦਮ ਚੁੱਕ ਰਿਹਾ ਹੈ, ਜਿਸਦਾ ਈਰਾਨ ਵਰਤੋਂ ਆਤੰਕਵਾਦ ਨੂੰ ਸਮਰਥਨ ਦੇਣ ਅਤੇ ਆਪਣੇ ਲੋਕਾਂ 'ਤੇ ਜੁਲਮ ਕਰਨ ਲਈ ਕਰਦਾ ਹੈ।''
ਅਮਰੀਕਾ ਦੇ ਵਿਦੇਸ਼ ਮੰਤਰਾਲੇ (ਡਿਪਾਰਟਮੈਂਟ ਆਫ਼ ਸਟੇਟ) ਨੇ ਬੁੱਧਵਾਰ ਨੂੰ ਇਰਾਨੀ ਪੈਟਰੋਲਿਅਮ, ਪੈਟਰੋਲ ਉਤਪਾਦ ਜਾਂ ਪੈਟਰੋਕੇਮਿਕਲ ਵਪਾਰ 'ਚ ਸ਼ਾਮਲ 20 ਗਲੋਬਲ ਕੰਪਨੀਆਂ 'ਤੇ ਪਾਬੰਦੀ ਲਾਉਣ ਦਾ ਐਲਾਨ ਕੀਤਾ। ਵਿਦੇਸ਼ ਮੰਤਰਾਲੇ ਨੇ ਕਿਹਾ, "ਇਰਾਨੀ ਹਕੂਮਤ ਮੱਧ ਪੂਰਬ 'ਚ ਝਗੜਿਆਂ ਨੂੰ ਵਧਾਵਾ ਦੇ ਕੇ ਆਪਣੀਆਂ ਅਸਥਿਰ ਗਤੀਵਿਧੀਆਂ ਲਈ ਵਿੱਤੀ ਸਾਧਨ ਇਕੱਠੇ ਕਰ ਰਹੀ ਹੈ। ਅੱਜ, ਅਮਰੀਕਾ ਇਨ੍ਹਾਂ ਰੋਜ਼ਗਾਰ ਸਰੋਤਾਂ ਨੂੰ ਰੋਕਣ ਲਈ ਕਾਰਵਾਈ ਕਰ ਰਿਹਾ ਹੈ, ਜਿਨ੍ਹਾਂ ਰਾਹੀਂ ਇਰਾਨ ਵਿਦੇਸ਼ਾਂ 'ਚ ਅੱਤਵਾਦ ਦਾ ਸਮਰਥਨ ਕਰਦਾ ਹੈ ਤੇ ਆਪਣੇ ਹੀ ਲੋਕਾਂ 'ਤੇ ਜ਼ੁਲਮ ਕਰਦਾ ਹੈ।"
ਵਿਦੇਸ਼ ਮੰਤਰਾਲੇ ਨੇ ਕਿਹਾ ਕਿ ਭਾਰਤ, ਸੰਯੁਕਤ ਅਰਬ ਅਮੀਰਾਤ, ਤੁਰਕੀਏ ਅਤੇ ਇੰਡੋਨੇਸ਼ੀਆ ਦੀਆਂ 20 ਕੰਪਨੀਆਂ ਨੂੰ ਇਰਾਨੀ ਮੂਲ ਦੇ ਪੈਟ੍ਰੋਕੇਮਿਕਲ ਉਤਪਾਦਾਂ ਦੀ ਵੱਡੀ ਵਿਕਰੀ ਤੇ ਖਰੀਦਦਾਰੀ ਲਈ ਪਾਬੰਦੀਸ਼ੁਦਾ ਕਰਾਰ ਦਿੱਤਾ ਗਿਆ ਹੈ।
ਅਮਰੀਕਾ ਨੇ ਛੇ ਭਾਰਤੀ ਕੰਪਨੀਆਂ 'ਤੇ ਲਾਇਆ ਪਾਬੰਦੀ
ਅਮਰੀਕਾ ਨੇ ਭਾਰਤ ਦੀਆਂ ਛੇ ਕੰਪਨੀਆਂ—ਅਲਕੇਮਿਕਲ ਸੋਲਿਊਸ਼ਨਜ਼ ਪ੍ਰਾਈਵੇਟ ਲਿਮਿਟੇਡ, ਗਲੋਬਲ ਇੰਡਸਟੀਅਲ ਕੇਮਿਕਲਜ਼ ਲਿਮਿਟੇਡ, ਜੂਪੀਟਰ ਡਾਈ ਕੇਮ ਪ੍ਰਾਈਵੇਟ ਲਿਮਿਟੇਡ, ਰਾਮਨਿਕਲਾਲ ਐਸ ਗੋਸਾਲੀਆ ਐਂਡ ਕੰਪਨੀ, ਪਰਸਿਸਟੈਂਟ ਪੈਟਰੋਕੇਮ ਪ੍ਰਾਈਵੇਟ ਲਿਮਿਟੇਡ ਅਤੇ ਕੰਚਨ ਪਾਲੀਮਰਜ਼ ਕੰਪਨੀ 'ਤੇ ਪਾਬੰਦੀ ਲਾ ਦਿੱਤੀ ਹੈ।
1. ਅਲਕੇਮਿਕਲ ਸੋਲਿਊਸ਼ਨਜ਼ ਪ੍ਰਾਈਵੇਟ ਲਿਮਿਟੇਡ: ਇਰਾਨ ਤੋਂ ਜਨਵਰੀ ਤੋਂ ਦਸੰਬਰ 2024 ਤੱਕ 84 ਮਿਲੀਅਨ ਡਾਲਰ ਤੋਂ ਵੱਧ ਦੇ ਪੈਟਰੋਕੇਮਿਕਲ ਉਤਪਾਦ ਖਰੀਦਣ ਦੇ ਦੋਸ਼।
2. ਗਲੋਬਲ ਇੰਡਸਟਰੀਅਲ ਕੇਮਿਕਲਜ਼ ਲਿਮਿਟੇਡ: ਜੁਲਾਈ 2024 ਤੋਂ ਜਨਵਰੀ 2025 ਤੱਕ ਇਰਾਨ ਤੋਂ 51 ਮਿਲੀਅਨ ਡਾਲਰ ਤੋਂ ਵੱਧ ਦੇ ਉਤਪਾਦ (ਵਿੱਚੋਂ ਇੱਕ ਮੇਥਨੋਲ) ਖਰੀਦਣ ਦੇ ਦੋਸ਼।
ਇਹ ਪਾਬੰਦੀਆਂ ਅਮਰੀਕਾ ਵੱਲੋਂ ਇਰਾਨ 'ਤੇ ਲਾਈਆਂ ਗਈਆਂ ਆਰਥਿਕ ਪਾਬੰਦੀਆਂ ਦੀ ਉਲੰਘਣਾ ਕਰਨ ਦੇ ਤੌਰ 'ਤੇ ਲਾਈ ਗਈਆਂ ਹਨ।
ਅਮਰੀਕਾ ਵੱਲੋਂ ਹੋਰ ਭਾਰਤੀ ਕੰਪਨੀਆਂ 'ਤੇ ਲਗਾਈ ਪਾਬੰਦੀ: ਇਰਾਨ ਨਾਲ ਲੈਣ-ਦੇਣ ਕਾਰਨ ਕਾਰਵਾਈ
ਅਮਰੀਕਾ ਨੇ ਇਰਾਨ ਤੋਂ ਪੈਟਰੋਕੇਮਿਕਲ ਉਤਪਾਦ ਖਰੀਦਣ ਦੇ ਦੋਸ਼ਾਂ 'ਚ ਭਾਰਤ ਦੀਆਂ ਹੋਰ ਕੰਪਨੀਆਂ 'ਤੇ ਵੀ ਪਾਬੰਦੀ ਲਾਈ ਹੈ:
ਜੂਪੀਟਰ ਡਾਈ ਕੇਮ ਪ੍ਰਾਈਵੇਟ ਲਿਮਿਟੇਡ:
ਜਨਵਰੀ 2024 ਤੋਂ ਜਨਵਰੀ 2025 ਤੱਕ ਇਰਾਨ ਤੋਂ 49 ਮਿਲੀਅਨ ਡਾਲਰ ਤੋਂ ਵੱਧ ਦੇ ਪੈਟਰੋਕੇਮਿਕਲ ਉਤਪਾਦ ਖਰੀਦਣ ਦੇ ਦੋਸ਼।
ਰਾਮਨਿਕਲਾਲ ਐਸ. ਗੋਸਾਲੀਆ ਐਂਡ ਕੰਪਨੀ:
ਇਸ ਕੰਪਨੀ ਨੇ ਜਨਵਰੀ 2024 ਤੋਂ ਜਨਵਰੀ 2025 ਤੱਕ ਇਰਾਨ ਤੋਂ 22 ਮਿਲੀਅਨ ਡਾਲਰ ਤੋਂ ਵੱਧ ਦੇ ਉਤਪਾਦ ਖਰੀਦੇ।
ਪਰਸਿਸਟੈਂਟ ਪੈਟਰੋਕੇਮ ਪ੍ਰਾਈਵੇਟ ਲਿਮਿਟੇਡ:
ਅਮਰੀਕਾ ਦੇ ਅਨੁਸਾਰ, ਇਸ ਕੰਪਨੀ ਨੇ ਅਕਤੂਬਰ 2024 ਤੋਂ ਦਸੰਬਰ 2024 ਤੱਕ ਇਰਾਨ ਤੋਂ ਲਗਭਗ 14 ਮਿਲੀਅਨ ਡਾਲਰ ਦੇ ਪੈਟਰੋਕੇਮਿਕਲ ਉਤਪਾਦ ਖਰੀਦੇ, ਜਿਸ ਵਿੱਚ ਮੇਥਨੋਲ ਵੀ ਸ਼ਾਮਲ ਹੈ।
ਕੰਚਨ ਪਾਲੀਮਰਜ਼ ਕੰਪਨੀ:
ਇਸ ਕੰਪਨੀ ਨੇ ਇਰਾਨ ਤੋਂ 1.3 ਮਿਲੀਅਨ ਡਾਲਰ ਤੋਂ ਵੱਧ ਦੇ ਪੈਟਰੋਕੇਮਿਕਲ ਉਤਪਾਦ ਖਰੀਦੇ।
ਭਾਰਤ ਨਾਲ ਨਾਲ ਹੋਰ ਦੇਸ਼ਾਂ ਦੀਆਂ ਕੰਪਨੀਆਂ 'ਤੇ ਵੀ ਅਮਰੀਕਾ ਵੱਲੋਂ ਪਾਬੰਦੀ
ਅਮਰੀਕਾ ਨੇ ਕੇਵਲ ਭਾਰਤੀ ਕੰਪਨੀਆਂ ਹੀ ਨਹੀਂ, ਸਗੋਂ ਹੋਰ ਦੇਸ਼ਾਂ ਦੀਆਂ ਕੰਪਨੀਆਂ 'ਤੇ ਵੀ ਪਾਬੰਦੀ ਲਾਈ ਹੈ। ਇਨ੍ਹਾਂ ਵਿੱਚ ਤੁਰਕੀ, ਯੂਏਈ, ਚੀਨ ਅਤੇ ਇੰਡੋਨੇਸ਼ੀਆ ਸ਼ਾਮਲ ਹਨ।
ਅਮਰੀਕਾ ਨੇ ਦੱਸਿਆ ਕਿ ਇਹ ਸਾਰੀਆਂ ਕੰਪਨੀਆਂ ਇਰਾਨ ਨਾਲ ਵਪਾਰ ਕਰ ਰਹੀਆਂ ਸਨ। ਇਰਾਨ 'ਤੇ ਲਾਈਆਂ ਗਈਆਂ ਅੰਤਰਰਾਸ਼ਟਰੀ ਪਾਬੰਦੀਆਂ ਦੀ ਉਲੰਘਣਾ ਕਰਨ ਦੇ ਕਾਰਨ, ਇਨ੍ਹਾਂ ਕੰਪਨੀਆਂ ਨੂੰ ਵੀ ਸਜ਼ਾ ਦੇ ਤੌਰ 'ਤੇ ਬੈਨ ਕੀਤਾ ਗਿਆ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
